Morgunblaðið - 21.07.1984, Page 12

12
MORGUNBLAÐIÐ, LAUGARDAGUR 21. JÚLÍ 1984
Kurt Klevás fararstjóri ásamt þeim John Laxá og Johnny Kviserud. John Laxá er 17 ára og lamaður fyrir neðan mitti
og félagi hans, Johnny Kviserud, 30 ára, er spastískur. Hann byrjaði ekki að ganga fyrr en 7—8 ára. Hann hefur
tekið þátt í Ólympíuleikum fatlaðra og hlotið gull- og silfurverðlaun. Árið 1980 tók hann þátt í hjólreiðamóti þar sem
hann hjólaði 3.600 km á 40 dögum eða 90 km til jafnaðar á dag. Báðir hjóla þeir félagar á handknúnu reiðhjóli.
Gunnar Selmark, 60 ára, er iðinn við hjólreiðarnar. Hann hjólaði um 570 km
leið í Afríku í fyrra. Ljósm. Mbi. óiafur.
Egilsstaðir:
Eigum vart orð til að lýsa
íslenskri gestrisni
og íslenskum þjóðvegum
— sögðu norsku hjólreiðamennirnir við brottfórina frá Egilsstöðum
Egilsstöóum, 17. júlí.
í MORGUN hélt héðan með flugi til
Reykjavíkur níu manna hópur fatl-
aðra norskra hjólreiðamanna ásamt
tólf manna liði hjálparmanna og far-
arstjóra — en hingað komu Norð-
mennirnir í gær hjólandi frá Reyð-
arfirði og böfðu þá lagt að baki 800
km á reiðhjólum sínum. Hjólreiðarör
þeirra hófst í Keflavík laugardaginn
7. þ.m. og var hjólað um Reykjanes,
Suðurland og Austfirði til Egils-
staða.
„Við höfum hjólað um öll Norður-
iönd við misjafnar aðstæður — en
þessi íslandsferð okkar er tvímæla-
laust sú erfiðasta en jafnframt sú
ánægjulegasta,“ sögðu fararstjór-
arnir Kurt Arve Klevás og Asbjörn
Bye er tíðindamaður Mbl. tók þá
sem snöggvast tali á Egilsstaðaflug-
velli meðan þeir biðu brottfarar
Flugleiðavélar til Reykjavíkur.
„Móttökurnar hafa verið frá-
bærar, íslensk gestrisni er einstök,
hygg ég,“ sagði Asbjörn Bye —
„við höfum einkum gist á einka-
heimilum á för okkar um landið og
þannig kynnst íslendingum betur
en ella. Sérstakar þakkir viljum
við færa Lionsfélögum á án-
ingarstöðum okkar — en þeir önn-
uðust alla fyrirgreiðslu og mót-
töku. Þá hefur lögreglan verið
okkur mjög hjálpleg og ávallt
fylgt okkur eftir. Og í dag munum
við sitja heimboð ykkar ágæta for-
seta, Vigdísar Finnbogadóttur, að
Bessastöðum."
Kurt Klevás, farastjóri, er
íþróttakennari í Fredriksstad í
Noregi og hefur hann látið
íþróttamál fatlaðra mjög til sín
taka.
„Starfsemi þessa hjólreiða-
klúbbs okkar hófst fyrir u.þ.b. 11
árurn," sagði Kurt — „og mark-
miðið er fyrst og fremst að kom í
veg fyrir félagslega einangrun
fatlaðra og það hefur svo sannar-
lega tekist í mörgum tilfellum.
Starfsemi klúbbsins hefur stöðugt
vaxið ásmegin og nú eru t.d. yfir
400 blindir hjólreiðamenn í Nor-
egi. Með okkur í för nú eru tveir
blindir. Þeir eru á sérstökum
tvímenningshjólum og drífa sjálf-
ir hjólin áfram — en fatlaðir fé-
lagar þeirra eru eins konar stýri-
menn — þannig geta fatlaðir unn-
ið saman."
Og hvernig stóð svo á því að
ferðinni var heitið til íslands?
„Það hefur verið á stefnuskrá
okkar að hjóla á öllum Norður-
löndunum og Ísland var nú eitt
eftir. Með því erum við fyrst og
fremst að sýna fólki hverju fatlað-
ir geta áorkað og að þeir þurfi ekki
að lifa einangruðu lífi heldur geti
farið út á meðal fólks og notið
náttúrunnar — einungis ef vilja-
þrekið er nógu sterkt," sagði Kurt
Klevás.
Gunnar Selmark er 60 ára og
einfættur. Aðspurður sagði hann
að það væri ekki erfitt að hjóla á
asfalti eða steinsteyptum vegum
en gamanið færi nú að kárna þeg-
ar á íslenska þjóðvegi væri komið.
„Þið verðið að vera búnir að laga
þessa vegi ykkar áður en við kom-
um aftur," sagði Gunnar glað-
hlakkalegur. „Eg byrjaði að hjóla
fyrir fimm árum og hafði þá ekki
stigið á hjól síðan ég var 19 ára.
Ég gekk með þær grillur lengi vel
að fatlaðir gætu ekki hjólað. Nú
get ég óhikað ferðast um og notið
náttúrunnar. Þessi ferð hefur ver-
ið ógleymanleg — bæði vegirnir og
móttökurnar; ég held það hafi
sprungið 15 sinnum hjá okkur í
ferðinni en íslenska gestrisnin
bætti það nú allt upp,“ sagði
Gunnar um leið og Ásbjörn farar-
stjóri blés til brottfarar.
Norski hópurinn mun halda
utan á fimmtudag.
— Ólafur
Ljósm. Mbl. Ingimar Sveinsson.
Tveir hinna norsku hjólreiðamanna á tvímenningshjóli eins og þvf sem
hópurinn hefur nú fært Lions-klúhhnum Vfðarri að gjöf.
Norðmennirnir gefa
Lionsklúbbnum Víðarri
tvímenningsreiðhjól
LIONSKLtlBBURINN Víðarr í Reykjavík skipulagði ferð Norð-
manna hér á landi og sá Kristinn Guðjónsson um skipulagsatriði
fyrir hönd klúbbsins. Klúbburinn sá meðal annars um að lögreglu-
fylgd yrði alla leiðina frá Keflavík tii Egilsstaða, að tekið yrði á móti
hópnum á hverjum viðkomustað og einnig var leiðin sem hjóluð var
valin af klúbbnum, en Norðmennirnir ætluðu sér í upphafi að hjóla
um Vesturland.
Kristinn Guðjónsson sagði í
samtali við blaðamann Mbl. að
hann hefði haft samband við
Lionsklúbba á hverjum viðkomu-
stað hópsins, sem síðan hefði tekið
á móti hópnum við komuna á
hvern stað. Norðmennirnir færðu
Lionsklúbbnum Víðarri tvímenn-
ingshjól að gjöf fyrir brottförina,
til að fatlaðir íslendingar fengju
þess kost að kynna sér notkun
þess. „t kjölfar þessarar gjafar,“
sagði Kristinn það næsta verkefni
þeirra Lionsmanna að kynna hjól-
ið hjá félagasamtökum öryrkja og
gefa þeim kost á að reyna það.
„Markmiðið er ekki að kenna ein-
um eða tveimur mönnum að hjóla
á þessu hjóli," segir Kristinn,
„heldur er markmiðið númer eitt
að fá fatlaða tll að öfva hreyfingu
og auka útivist." Sagði hann að
tekið yrði fé úr líknarsjóði klúbbs-
ins til þessa verkefnis.
Norski hjólreiðahópurinn
hyggst svo bjóða tveimur fslend-
ingum að taka þátt í hjólreiða-
keppni fatlaðra sem haldin verður
í Noregi næsta sumar.
Kurt Klevás fararstjóri og
þjálfari hópsins sagði í samtali við
blaðamann Mbl. að hann vonaðist
til að þessi gjöf mætti verða til
þess að auka útivist fatlaðra á ís-
landi og koma þannig í veg fyrir
félagslega einangrun þeirra. „Það
eru svo margir fatlaðir sem
treysta sér ekki til að fara út á
meðal fólks, hvað þá að stunda
íþróttir eins og heilbrigt fólk.
Þessu verður að breyta og þeir
fötluðu einstaklingar sem eru í
þessum hópi hafa meðal annars
sýnt það og sannað, bæði fyrir
sjálfum sér og öðrum, að þeir eru
fullkomlega færir um að stunda
íþróttir.“
Aðspurður um framtíðaráætl-
anir hópsins sagði Kurt að hópn-
um hefði verið boðið að hjóla í
Búlgaríu og í Bandaríkjunum í
sumar. Sagði hann almennan
áhuga vera fyrir því innan hópsins
að hjóla í Búlgaríu, en enn væri
ekki ákveðið hvort það yrði gert.
„Hins vegar sendum við sennilega
fjögurra manna hóp til Bandaríkj-
anna, tvo hjólreiðamenn og tvo
fylgdarmenn, sem munu auk þess
að hjóla vera fulltrúar okkar á al-
þjóðaþingi Lionshreyfingarinnar
sem haldin verður í sumar í
Bandarikjunum. Hlutverk þeirra á
þinginu verður að kynna þetta
starf fatlaðra, vekja athygli á því
og reyna að hafa áhrif á að Lions-
hreyfingar sem flestra landa komi
og skipuleggi svipað starf i sínum
heimalöndum.“