Morgunblaðið - 05.09.1984, Qupperneq 37

MORGUNBLAÐIÐ, MIÐVIKUDAGUR 5. SEPTEMBER 1984
37
Borgarstjórinn (Bruce Dern) flytur kosningarsðu studdur af vinum sin-
um, kosningastjóranum (Stacy Keach) og fjármálastjóra kosningabarátt-
unnar (Paul Sorvino).
Þá vonir bresta
Löggurnar tvær sem getið er um í texta og leiknar eru af Victor Landoux
og Jean Hochefort.
Sunnudagur
lögreglumannsins
Kvikmyndir
ÓlafurJóhannsson
Nafn á frummáli: That Champion-
ship Season.
Framleiðendur. Menahem Golan og
Yoram Globus.
Leikstjóri og höfundur handrits: Jas-
on Miller.
Myndatökustjórn: John Bailey.
Tónlist: Bill Conti.
Sýnd í Regnboganum.
Það er ekki oft að við sjáum jafn
færa leikara saman komna í
kvikmynd og í nýjustu mynd
Regnbogans: Keppnistímabilinu eða
That Championship Season, einsog
myndin nefnist á frummáli. Hér
standa hlið við hlið þeir Bruce
Dern (They Shoot Horses Don’t
They, Silent Running, The Laugh-
ing Policeman, The Great Gatsby),
Stacy Keach (The Heart is a Lon-
ely Hunter, Judge Roy Bean, Fat
City, The Killer inside Me, Con-
duct Unbecoming, The Squeeze),
Robert Mitchum, Martin Scheen
(Catch 22, Rage, Badlands, Apo-
calypse Now), og Paul Sorvino sem
er kannski síst þekktur þeirra fé-
laga á hinu alþjóðlega kvikmynda-
sviði. Ástæða þess að þessir stór-
laxar leiða hér saman hesta sína,
er sú, að handrit: „That Champ-
ionship Season" er afbragðsgott og
byggir raunar á samnefndum leik-
texta sem hlotið hefir Pulitzer-
verðlaunin eftirsóttu.
Þessi verðlaunatexti dregur
fram á næsta miskunnarlausan
hátt veikleika fjögurra einstakl-
inga, sem eiga það sameiginlegt að
hafa komist á toppinn í íþróttum,
nánar tiltekið á því herrans ári
1957, er körfuknattleikslið Film-
ore-menntaskólans í Pennsyl-
vaníu, varð óvænt sigurvegari í
skólameistaramóti fylkisins. Sýnir
myndin fjórmenningana tuttugu
og fimm árum síðar er þeir hitta
þjálfara sinn — er Mitchum leikur
með „bravour" — og skal nú sigr-
inum fagnað í 25. sinn. En eins og
ég sagði sýnir myndin ekki bara
glæsilegar íþróttahetjur, heldur
miðaldra menn sem lífið hefir
leikið misgrátt og sem eru komnir
á það stig að tvö, þrjú viskíglös
afhjúpa veikleika þá er gjarnan
leynast á bak við slétt og fellt yfir-
borð borgaraskaparins. En þjálf-
arinn — sá er leiddi þessa menn
forðum til sigurs er þeir stóðu á
tindi lífsins — er þessum mönnum
sem faðir og gamla kempan neitar
að horfa á „drengina sína“ verða
að móðursjúkum kellingum á
þriðja glasi.
Gamli maðurinn lifir nefnilega í
heimi goðsögunnar um heilbrigða
sál í hraustum líkama. Hann lifir
innan um minningarnar og hefir
þann siðferðisstyrk til að bera er
þarf til að líta beint framan í
heiminn og hvika ekki þó á móti
blási. Á vissan hátt er þessi maður
eins og steingerfingur innan um
„drengina" er hafa orðið að
mönnum í samfélagi, sem dælir
kókaíni inní nasir miöstéttanna,
og ærir svo þá er hyggjast komast
til auðs og áhrifa að þeir víla ekki
fyrir sér að fleka eiginkonur nán-
ustu vina. Gamli maðurinn kemur
hinsvegar frá samfélagi er byggði
á hugsjón um fagurt mannlíf er
byggðist á sjálfsafneitun og hetju-
skap einstaklingsins. Hann á erf-
itt með að skilja „drengina sína“
sem eru orðnir ærðir af gróðasýki
og nautnahyggju. Þó slitna ei þau
bönd er binda strákana við gamla
þjálfarann, hugsjón hans um
glæst mannlíf í anda Forn-
Grikkja blundar ætið innst við
hjartarætur þessara meðaljóna
hversdagslífsins. Gamli maðurinn
er það akkeri er forðar „drengjun-
um“ frá því að slíta vináttuböndin
frá því að sökkva í hyldýpi ör-
væntingarinnar.
Aðeins einn í hópnum, Tom
Daly (Martin Sheen) hefir flust á
brott frá æskustöðvunum, frá
gamla góða þjálfaranum. Kemur
það ekki til af góðu því drengurinn
hefir orðið ofdrykkju að bráð og
misst af þeim sökum fótfestuna i
lífinu. Hinir þrír húka enn í fæð-
ingarbænum og hafa breyst í
„máttarstólpa" í orðsins fyllstu
merkingu. Einn þeirra, George
Sitkowski (Bruce Dern) er meira
segja orðinn borgarstjóri og eldri
bróðir Tom Daley, James (Stacy
Keach) skólastjóri menntaskólans
og sá þriðji, Phil Romano (Paul
Sorvino) stundar námarekstur í
landi borgarinnar með góðum ár-
angri. Gæti maður ímyndað sér að
þremenningarnir yndu hag sínum
hið besta, en eins og áður sagði er
hér á ferðinni kvikmynd er byggir
á Pulitzer-verðlaunatexta og því
rekumst við fljótt á þá staðreynd,
að þrátt fyrir að þremenningarnir
séu broddborgarar, er virðast
styðja hvern annan dyggilega á
framabrautinni, þá eru brestir i
samstarfinu og borgarstjórinn
sjálfur býr við stöðugan ótta við
að ná ekki endurkjöri, skólameist-
ari menntaskóla staðarins er
hundóánægður með lág laun og
raunar með stöðu sínu í samfélag-
inu yfirleitt og jafnvel ríki námu-
kallinn er svo útbrunninn af kóka-
íni og kvenfólki að hann hangir
dauðahaldi í minningunni um
hinn sæta körfuboltasigur. En nú
eru „drengirnir" ekki lengur nein
unglömb, fullorðinsár blasa við og
of seint að snúa við blaðinu, slíta
samstarfinu og fara út í hinn
stóra heim í leit að frama. Á slíkri
úrslitastund kemur gamli góði
þjálfarinn til skjalanna, hann
stappar í drengina sína stálinu og
hvetur þá til átaka við raunveru-
leikann, þann raunveruleika sem
þeir fá eigi umflúið. Borgarstjór-
inn mun því berjast áfram fyrir
endurkjöri, skólameistarinn mun
stýra kosningabaráttunni án þess
að þiggja krónu fyrir og námukall-
inn mun safna fé f kosningasjóð-
inn úr borgarlandinu.
Ég mun ekki fjalla frekar um
þessa nýjustu mynd Regnbogans.
Hún lætur lítið yfir sér, en segir
kannski meira um mannlífið en
margar þær kvikmyndir er fara
eins og eldur i sinu um heims
byggðina. Myndin ber mjög svip-
mót þess sviðsverks er býr að baki
kvikmyndahandriti Jason Miller
og því má kannski segja að þaö
„gerist" ekki mikið þá stund er
myndin varir, en því ákafari eru
átökin innra meö leikurunum. Til
allrar hamingju er þar valinn
maður í hverju rúmi.
Nafn á frummáli: Off Duty.
Handrit samið uppúr skáldsögu
Andrew Coburn, Off Duty.
Leikstjóri: Anne-Marie Otte.
Framleiðandi. Gabriel Boustany.
Sýnd í Stjörnubíói.
Það er dáldið skrýtið að heyra
mikilsmetna franska leikara á
borð við Victor Landoux og Jean
Hochefort mæla á enskri tungu í
kvikmynd sem svo greinilega
gerist á franskri foldu. En ein-
mitt þetta verður bíógestur að
sætta sig við í aðalsal Stjörnu-
bíós þessa dagana, hafi þeir á
annað borð ratað þangað inn að
sjá kvikmyndina Sunnudag lög-
reglumannsins sem gerð er eftir
sögu bandaríska rithöfundarins
Andrew Coburn; Off Duty. Verð
ég að játa að mér fannst hafa
tekist hrapallega með „hljóð-
skrýðingu" (Þýð. mín á enska
orðinu Dubbing sem merkir að
bætt sé inná kvikmynd sem þeg-
ar hefur verið tekin tali, tónum,
sum sé hljóðum hverskonar)
þessarar kvikmyndar sem fram-
leidd er af Gabriel Boustany
undir stjórn Anne-Marie Otte.
Er beinlínis ónotalegt að horfa á
hina fransk-ættuðu stórleikara,
bæra varirnar, stundum úr takt
við hljóðið.
Það væri kannski hægt að
fyrirgefa hina bágbornu
„hljóðskrýðingu" væri feitan
gölt að flá annars staðar á þess-
ari filmu Stjörnubíós. En því
miður kæri lesandi, framsetning
efnisins hvílir á álíka brauðfót-
um og hljóðskrýðingin. Það
vantar svo sem ekki að hug-
myndin að baki: Sunnudegi lög-
reglumannsins sé nógu sniðug, en
þar eru tveir þekktir lögreglu-
menn látnir ræna peningum af
útsendurum mafíunnar með
þeim afleiðingum, að kapparnir
lokast inn í búri glæpahringsins
og eiga ekki afturkvæmt. En það
er ekki nóg að hafa góðan efnivið
að moða úr þegar leikstjórnin er
í molum og leikararnir verða
nánast eins og marsbúar í eigin
landi sökum slakrar hljóðskrýð-
ingar.
Já, það er ekki oft að maður
sér nú til dags jafn klaufalega
kvikmynd og Sunnudag lögreglu-
mannsins. Það er kannski engin
ástæða til að fjalla um slíka
framleiðslu, og þó, er ekki
kvikmyndagagnrýnandanum
ætlað að vara við ruslinu ekki
síður en benda á það sem betur
fer? Sumir eru reyndar á því að
eingöngu eigi að skrifa um úr-
valsmyndir, en hræddur er ég
um að þeir hinir sömu fengju
fljótlega nóg af slíkum hallelúja-
kór.
raðauglýsingar
raðauglýsingar — raðauglýsingar

tilboö — útboö
Tilboö óskast
Tilboö óskast í neöangreindar bifreiöar er
skemmst hafa í umferöaróhöppum:
Nissan Cherry
Nissan Cherry
Peugot 505 GR
Peugot 504
Volvo 244
Mitsubishi Sapporo
Toyota Tercel
Talbot Horizon
Lada 1300
Suzuki Alto
Cortina 1600
Subaru ST
árg. 1984
árg. 1984
árg. 1982
árg. 1978
árg. 1981
árg. 1982
árg. 1984
árg. 1982
árg. 1983
árg. 1983
árg. 1974
árg. 1978
Bifreiðarnar veröa til sýnis í geymslu okkar
aö Hamarshöfða 2 miðvikudaginn 5. sept.
1984 frá kl. 1—4.30 e.h. Tilboöum sé skilaö á
skrifstofuna Aðalstræti 6 fyrir kl. 4.30
fimmtudaginn 6. sept.
TRYGGINGAMIÐSTÖÐIN P
Bifreiðadeild,
S. 26466
685332.
— Geymsla s.
Lögtaksúrskurður
Að beiöni forráöamanna Bæjarsjóös Kópa-
vogs úrskuröast hér meö lögtak fyrir útsvör-
um og aöstööugjaldi til Kópavogskaupstaö-
ar, álögöum 1984 og falla í gjalddaga sam-
kvæmt 29. gr. laga no. 73/1980 samanber
39. og 44. gr. lagana. Ennfremur fyrir hækk-
un útsvars og aöstööugjald ársins 1982 og
eldri gjalda, þá úrskuröast lögtök fyrir
vatnsskatti samkvæmt mæli, gjöldum til
Bæjarsjóös Kópavogs samkvæmt 9. gr. sam-
ber 30. gr. laga no. 54/1978. Gjaldfallinn en
ógreidd leyfisgjöld samkvæmt gr. 9.2. í bygg-
ingarreglugerð no. 292/1979, samanber
reglugerð no. 164/1982. Fari lögtak fram aö
liðnum 8 dögum frá birtingu úrskuröar
þessa, til tryggingar ofangreindum gjöldum,
á kostnaö gjaldenda, en ábyrgö Bæjarsjóös
Kópavogs nema full skil hafi veriö gerö.
Bæjarfógetinn i Kópavogi,
31. ágúst 1984.
fundir — mannfagnaöir
jareig
en
dafe
laj
Aðalfundur félagsins veröur haldinn fimmtu-
daginn 6. september kl. 20.00 í Risinu,
Hverfisgötu 105.
Dagskrá: samkv. félagslögum.
Stjórnin.
Félagsfundur
Verzlunarmannafélag Reykjavíkur heldur al-
mennan félagsfund fimmtudaginn 6. sept-
ember nk. kl. 20:30 aö Hótel Borg.
Fundarefni: Afgreiðslutími verzlana.
Verzlunarfólk fjölmenniö á fundinn og sýniö
ykkar vilja.
Verzlunarmannafélag Reykjavíkur