Morgunblaðið - 08.12.1984, Blaðsíða 34

34
MORGUNBLAÐIÐ, LAUGARDAGUR 8. DESEMBER 1984
Mæðrastyrksnefnd:
Fleiri beiðnir
og minna fé
Mæðrastyrksnefnd mun á
mánudag hefja sína árlegu út-
hlutun á fatnaði fyrir jólin og
verður úthlutað í Garðastræti 3,
mánudaga, þriðjudaga og föstu-
daga kl. 2—6. I*ar er einnig tek-
ið á móti fötum. Mæðrastyrks-
nefnd hefur nú í 55 ár veitt
þeim, sem erfitt eiga, aðstoð
fyrir jólin í formi fatnaðar eða
peninga. Sagði Unnur Jónasdótt-
ir, formaður nefndarinnar, að
greinilega væri mikil þörf nú.
Beiðnirnar væru fleiri en áður,
en minna hefði ennþá borist af
peningum. Sú úthlutun fer fram
á skrifstofu Mæðrastyrksnefnd-
ar og er skilyrðum háð.
Sagði Unnur að þegar hefði
borist mikið af góðum fatnaði.
En mjög bagalegt væri hve
peningagjafir bærust Mæðra-
styrksnefnd seint þótt þær
kæmu, oft sendar með gíró-
seðlum og næðu ekki til við-
takenda fyrir jólin. En þá er
þörfin einmitt mest hjá
skjólstæðingum Mæðrastyrks-
nefndar. í fyrra var úthlutað
peningum til um 300 einstakl-
inga og fjölskyldna og miklu af
fatnaði. Eru flestir þeir sem til
Mæðrastyrksnefndar leita ör-
yrkjar, einstæðar mæður með
börn og sjúklingar, oft sama
fólkið þannig að Mæðrastyrks-
nefnd þekkir skort þess. Nú
sagði Unnur að þörfin væri
geysimikil, enda allt orðið
mjög dýrt, einkum matvæli.
„Mæðrastyrksnefnd hefur
notið mikills traust og velvild-
ar bæjarbúa, sem hafa ávallt
gefið föt og fé til úthlutunar til
samborgaranna, sem á því
þurfa að halda," sagði Unnur.
Síðan 1940 hefur Mæðrast-
yrksnefnd ávallt veitt ókeypis
lögfræðiþjónustu, sem margar
konur hafa notfært sér. Nú
tekur Sigrún Benediktsdóttir,
lögfræðingur á móti fólki kl.
10—12 á mánudögum.
Morgunblaöið/Emilfa.
Unnur Jónsdóttir, formaóur Mæórastyrksnefndar (t.h.) og Gudlaug Run-
ólfsdóttir gjaldkeri og skrifstofumaður nefndarinnar.
Jólapottar Hjálp-
ræðishersins
Byggðasjóður
lánar 20 milljón-
ir til fiskeldis
NÚ ERU enn að koma jól, og það er
orðinn fastur siður í jólaundirbún-
ingi margra íslendinga að láta af
hendi rakna í jólapotta Hjálpræðis-
hersins. Um allan heim er Hjálpræð-
isherinn með söfnun sem þessa fyrir
jól. Jólasöfnunin í Englandi byrjaði
laugardaginn 1. desember, og gat þá
víða að líta lúðrasveitir Hjálpræðis-
hersins sem spihiðu jólalög meðan
aðrir stóðu með söfnunarbauka. Við
erum ekki jafn snemma á ferðinni
hér heima, en munum byrja söfnun
okkar um og eftir þessa helgi. Föstu-
daginn 7. desember komu jólapott-
arnir út á götur Reykjavíkurborgar,
laugardaginn 8. desember hefst
söfnunin á Akureyri og eftir helgi
verður hafist handa á fsafírði.
Á jólapottunum stendur:
„Hjálpið okkur að gleðja aðra“, og
hafa þessi einkunnarorð verið
undirstaða söfnunar okkar öll ár-
in. Vegna þess, að íslendingar
hafa verið duglegir við „að láta
sjóða I pottunum" á undanförnum
árum hafa margir einmana og
heimilislausir getað notið matar
og ánægjulegra stunda í Herkast-
alanum. Margir hafa einnig fengið
jólaglaðning eða föt fyrir jólin.
Einnig hafa margir leitað til
okkar á öðrum tímum ársins og
við höfum af fremsta megni reynt
að veita einhverja aðstoð.
Ég er þess fullviss, að íslend-
ingar munu einnig í ár „hjálpa
okkur að gleðja aðra“ þó svo að
fjárhagur margra sé erfiður. Ég
vil einnig minna á, að Jólaherópið
er nú komið út, og er hægt að
kaupa það hjá Jólapottunum.
Verðið á því er kr. 50.00. í því eru
margar jólasögur og annað lesefni
bæði fyrir fullorðna og börn.
Einnig eru útklippumyndir og
annað, sem börnin geta dundað við
að klippa út og lita í jólafríinu.
Ég vil óska landsmönnum öllum
blessunar Drottins við undirbún-
ing jólanna og bið þess, að við
megum öll öðlast friðsæla og
blessunarríka jólahátið.
Daníel Óskarsson
Mennirnir
komnir fram
EKKERT verður úr því að Flug-
félag Norðurlands sendi flugvél
til þess að leita að veiðimönnun-
um tveim, sem saknað var á
Grænlandi og sagt var frá hér í
blaðinu um daginn. Flugfélagið
fékk tilkynningu um það *. gær
að mennirnir væru komnir fram
heilu og höldnu. Höfðu skilað
sér heim aftur án nokkurrar að-
stoðar.
NÝLEGA veitti Byggðasjóður lán
til 10 fiskeldisstöðva samtals að
fjárhæð 20 milljónir. l*essar 20
milljónir eru hluti af því fjármagni
sem útvegað var til ýmissa verk-
efna eftir samkomulag stjórnar-
flokkanna um efnahagsmál í lok
maí sl.
Tunglsljós
hamlar loðnu-
veiðum
LOÐNUVEIÐI hefur verið mjög
lítil undanfarna daga, ýmist vegna
brælu eða tunglsljóss. í mikilli
birtu stendur loðnan of djúpt til að
hún sé veiðanleg.
Engin veiði var á fimmtudag,
aðallega vegna brælu og klukk-
an 17 í gær höfðu aðeins fjögur
skip tilkynnt um afla: Bergur
VE, 280, Þórshamar GK, 500,
Fífill GK, 220, og Höfrungur AK
280 lestir.
Canon-
sýning
VERSLUNIN Týli, Austur-
stræti 3, gengst í dag fyrir
kynningu á Canon-ferðamynd-
bandstækjum og upptökutækj-
urp. Einnig verður boðið upp á
ókeypis skoðun á Canon-
myndavélum.
Elliðaárnar:
Dagurinn
á 3.100 kr.
Á FUNDI sinum fyrir
skömmu samþykkti stjórn
veitustofnana í Reykjavík að
veiðileiga í Elliðaánum næsta
sumar skuli vera 3.100 krónur
á dag fyrir hverja stöng. Er
það 29,2% hækkun frá því
sem var í sumar.
Stærstu lánin fengu fiskeld-
isstöðvarnar Laxalón sf. við
Reykjavík og Islax hf. á Naut-
eyri í ísafjarðardjúpi, 4 milljón-
ir kr. hvor stöð. Fiskræktarstöð
Vesturlands hf. í Hálsasveit í
Borgarfirði fékk 2.550 þúsund,
Guðmundur Runólfsson hf. í
Grundarfirði 2,5 milljónir og
Fiskeldi Grindavíkur hf. 2 millj-
ónir. Laugarlax hf. í Laugardal
fékk 1,5 milljónir kr. en Lax hf. í
Tálknafirði og stöð Ásgríms
Pálssonar á Stokkseyri 1,2 millj-
ónir hvor stöð. Fyrirtækið Öl-
unn hf. á Dalvík fékk 700 þús-
und og Þórslax hf. í Tálknafirði
350 þúsund kr.
Guðmundur Ólafsson, fram-
kvæmdastjóri lánadeildar
Framkvæmdastofnunar ríkis-
ins, sagði í samtali við blm. Mbl.
að lánin væru veitt til 12 ára.
Þau væru afborgunarlaus fyrstu
þrjú árin en bæru fulla vexti.
Lánin hefðu einkum verið veitt
til miðlungsstórra stöðva enda
hefði þetta fé engan veginn dug-
að til að fjármagna stórfyrir-
tæki á þessu sviði. Hinsvegar
væri stefnt að því að útvega
meira fé á næsta ári til að lána
til fiskeldis.
Lars Emil Árnason opnaði í
gær myndlistasýningin á
Mokka-kaffí við Skólavörðustíg.
Lars Emil er Reykvíkingur,
fæddur 1962, og stundaði nám
i Myndlistaskóla Reykjavíkur,
Handíða- og myndlistaskóla
íslands og við Akademie voor
beeldende Kunst, Enschede,
Hollandi. Lars Emil hefur tek-
ið þátt i samsýningum heima
og erlendis og er þetta fyrsta
einkasýning hans hérlendis.
Myndirnar á sýningunni eru
unnar í blandaða tækni og eru
allar frá þessu ári og hluti
þeirra unninn sem bóka-
skreytingar. Myndirnar eru
allar tii sölu.
Kveikt á
Oslóar-
trénu
SUNNUDAGINN 9. desember
verður kveikt á jólatrénu á Aust-
urvelli. Tréð er að venju gjöf
Oslóborgarbúa til Reykjavíkur, en
Oslóborg hefur nú í rúm 30 ár sýnt
borgarbúum vinarhug með þess-
um hætti.
Athygli er vakin á því, að nú
hefst athöfnin aðeins fyrr en
undanfarin ár eða kl. 15.00 með
leik Lúðrasveitar Reykjavíkur,
en ljósin á trénu verða tendruð
kl. 15.30. Sendiherra Noregs á
íslandi, Annemarie Lorentzen,
mun afhenda tréð, en Davíð
Oddsson, borgarstjóri, veitir
trénu viðtöku fyrir hönd borg-
arbúa. Athöfninni lýkur með því
að Dómkórinn syngur jóla-
sálma.
Að því loknu hefst barna-
skemmtun á Austurvelli.
Bíóhöllin sýnir
teiknimyndina
„Eldar og ís“
BÍÓHÖLLIN sýnir um þessar mund-
ir kvikmyndina „Eldar og ís“, „Fire
and Ice“, sem er teiknimynd gerð af
Ralph Bakshi.
Myndin gerist á tímum, þegar
ísöld virðist ætla að umlykja
hnöttinn. Mannfólkið flýr inn í
skóga hitabeltisins og kýs að
dvelja sem næst eldfjöllunum, en
þar er síðasta hlýjan, sem því
stendur til boða áður en miskunn-
arlaus kuldinn umlykur það — svo
segir m.a. í kynningu kvikmynda-
hússins á myndinni, sem er í lit-
um.
_ *
Lars Emil Arna-
son sýnir á Mokka