Morgunblaðið - 08.12.1984, Blaðsíða 40
40
MORGUNBLAÐIÐ, LAUGARDAGUR 8. DESEMBER 1984
Þorlikur við eina af myndum sínum.
Þorlákur R. Haldorsen
opnar málverkasýningu
Þorlákur R. Haldorsen listmálari opnar sýningu í vinnustofu sinni að
Urðarstíg 3 í dag, laugardag 8. desember.
Þorlákur sýnir þar rúmlega 30 myndir unnar í olíu, pastel og kol.
Sýningin verður opin fram á Þorláksmessu frá klukkan 14 til 19.
Kvennadeild SVFÍ í Reykjavík:
Köku- og fondurmuna-
sala á sunnudaginn
NÆSTKOMANDI sunnudag, hinn 9.
desember, er fjáröflunardagur
kvennadeildar Slysavarnafélags ís-
lands í Reykjavík. Klukkan 14 þann
dag verður í húsi SVFÍ á Grandagarði
fjölbreytilegur kökumarkaður og jafn-
framt verða á boðstólum ýmsir munir,
sem félagskonur hafa gert sjálfar á
sérstökum föndurfundum deildarinn-
ar. Allt, sem þarna er boðið fram,
verður selt á sanngjörnu verði.
Fyrir skemmstu afhenti kvenna-
deildin björgunarsveit Ingólfs vand-
aða og nytsamlega gjöf boðunar-
tækja, þannig að með þeim er hægt
að koma skilaboðum til félaga
björgunarsveitarinnar á fljótvirkari
hátt en áður hefur verið í útköllum.
Andvirði þeirrar gjafar nam um
230.000 krónum.
Slysavarnafélagið hvetur velunn-
ara sína til að styðja við bakið á
kvennadeildinni og stuðla að slysa-
varna- og björgunarstörfum SVFÍ
með því að leggja leið sína í SVFÍ-
húsið næstkomandi sunnudag og
festa kaup á því, sem þar verður á
boðstólum. FrélUlilkyiining.
Fermingar-
börn safna
fyrir Breið-
holtskirkju
FERMINGARBÖRN munu á morgun,
sunnudag, heimsækja fbúa í Bakka-
og Seljabverfi og leita eftir fjárfram-
lögum til byggingar Breiðholtskirkju.
Kirkjan er nú fokheld og að því er
segir í fréttatilkynningu frá bygginga-
nefnd kirkjunnar er brýnt að geta
unnið í einum áfanga við kirkjuna, þar
til hún verður tekin í notkun.
í fréttatilkynningunni segir m.a.:
„Nú munu liðnir tæpir tveir áratug-
ir síðan fyrstu íbúarnir fluttust í
Bakka- og Seljahverfi og enn þarf
að treysta á skólahúsnæði til guðs-
þjónustuhalds, æfinga kirkjukórs og
almenns samkomuhalds. Ekkert
húsnæði er innan hverfisins fyrir
giftingar og skírnir. Svipað er ástatt
í öllum Breiðholtshverfunum og
nauðsynlegt að á þessu verði breyt-
ing hið fyrsta. Er ekki vansalaust að
svo stór hluti Reykvíkinga búi við
slíkt aðstöðuleysi fyrir kirkjulegt
starf."
Undir'lok fréttatilkynningarinnar
þakkar bygginganefnd Breiðholts-
kirkju þær höfðinglegu gjafir, sem
kirkjunni hafa borizt á undanförn-
um árum og minnir á að unnt sé að
leggja fjárframlög inn á hlaupa-
reikning 402 í Verzlunarbankanum
við Arnarbakka og hlaupareikning
3056 i Landsbankanum við Álfa-
bakka.
OLÍULAMPAR
TILVALDAR TÆKIFÆRISGJAFIR
MARGAR GERÐIR. VERÐ FRÁ KR. 200.-
BENSÍNSTÖÐVAR SKEUUNGS H.F.
SKEUUNGSBÚÐIN SÍÐUMÚLA 33
Jóhann G. Jóhannsson myndlistar- og tónlistarmaður.
Jóhann G. Jóhannsson
með myndlistarsýningu
„ÞF7TTA er eðlilegt framhald af því
sem ég hef verið að gera undanfarin
ár, en þó finnst mér þetta vera
hreinni litir og meiri birta,“ sagði
Jóhann G. Jóhannsson myndlistar-
og tónlistarmaður er við hittum
hann að máli, þar sem hann var að
hengja upp málverk sín fyrir nýja
sýningu, sem opnar í Listamiðstöð-
inni við Lækjartorg í dag, laugardag.
Þar sýnir Jóhann 68 vatnslitamynd-
ir.
Sýninguna kallar Jóhann „Lit-
róf“ og eru allflestar myndanna
málaðar á þessu ári. Sýningin er
sölusýning og stendur yfir dagana
8. til 16. desember. Opið verður
daglega kl. 12—18 nema fimmtu-
daga kl. 12—22 og sunnudaga kl.
14-22.
I innri sýningarsal Listamið-
stöðvarinnar verða einnig til sýnis
og sölu nokkur af verkum Jóhanns
G. Jóhannssonar og Hauks Hall-
dórssonar sem þeir unnu í samein-
ingu og sýndu í desember í fyrra á
sama stað undir heitinu Deser ’83.
Þá verða einnig í sama sal til
sýnis, sölu og leigu verk af fyrri
sýningum sem haldnar hafa verið
í Listamiðstöðinni og kemur þar
fjöldi innlendra og erlendra lista-
manna við sögu.
Almennur borgara-
fundur Stórstúkunnar
LAUGARDAGINN 8. desember gangast Stórstúka íslands og Átak gegn
áfengi fyrir almennum borgarafundi um stefnuna í áfengismálum.
Fundurinn verður haldinn að
Hótel Loftleiðum, Kristalsal, og
hefst klukkan 14. Gert er ráð fyrir
að aðallega verði til umræðu til-
lögur svokallaðrar 19 manna
nefndar um opinbera stefnu í
áfengismálum.
Frummælendur verða: Páll Sig-
urðsson, ráðuneytisstjóri í heil-
brigðisráðuneytinu, Vilhjálmur Þ.
Vilhjálmsson, borgarfulltrúi, Lár-
us Ögmundsson, deildarstjóri í
fjármálaráðuneytinu og Guð-
mundur J. Guðmundsson, formað-
ur Verkamannasambands fslands.
Fundarstjóri verður Páll V. Daní-
elsson.
(FrétUtilkynning)
Aðventukvöld hjá Ffladelfíu
AÐVENTUKVÖId veróur í Filadelf-
íukirkjunni, Hátúni 2 í Reykjavík,
sunnudagskvöldió 9. desember kl.
20.00.
Flutt verður fjölbreytt tónlist-
ardagskrá. Fíladelfíukórinn syng-
ur jólasálma og þátt úr jólakant-
ötunni „Nóttin kraftaverkanna"
eftir J.W. Peterson. Einnig syngja
einsöngvarar og samleikur verður
á hljóðfæri.
Stjórnandi Fíladelfíukórsins er
Árni Arinbjarnarson og undirleik-
ari Daníel Jónasson.
Allir eru hjartanlega velkomnir.
(Fréttatilkynning)
Kvikmynd um
fuglalíf við Mývatn
Sýnd á vegum Hins íslenska náttúrufræðifélags
KVIKMYND Magnúsar Magnús-
sonar af fuglalífi í Mývatnssveit
veróur sýnd á vegum Hins íslenska
náttúrufræóifélags í stofu 101 í Lög-
bergi, mánudaginn 10. desember
næstkomandi. Sýningin átti aó vera í
október sl. en féll þá nióur vegna
verkfalls.
Kvikmyndin var tekin á árunum
1977 til 1980 og á henni sjást
helstu fuglar, sem lifa við Mývatn
og Laxá. Fylgst var með staðfugl-
um allt árið um kring og farfugl-
um frá því þeir komu og fram á
haust. Myndin lýsir háttum fugi-
anna, sem fáir hafa veitt athygli,
enda var ómældum tíma varið í
myndatökur, að því er segír í
fréttatilkynningu frá Hinu ís-
lenska náttúrufræðifélagi.
Höfundur myndarinnar er
Magnús Magnússon, húsasmiður,
en hann hefur fengist við að
mynda fugla í rúm 20 ár. Myndir
hans hafa víða birst og hlotið mik-
ið lof, en m.a. hefur hann tekið
fugiamynd fyrir BBC. Eins og
flestum er ljóst, er ekki hlaupið að
því að ná góðum myndum af fugl-
um, en af ótrúlegri þrautseigju og
áhuga á viðfangsefninu hefur
Magnúsi tekist að fanga lífsháttu
fugla á filmu, svo að undrun vek-
ur. Fer þar hvoru tveggja saman,
þekking og natni, bæði á sviði
fuglafræði og kvikmyndagerðar.
Þessi kvikmynd er því óefað í hópi
bestu náttúrulífsmynda, sem
teknar hafa verið hér á landi.
(I r fréttatilkynninf'u.)