Morgunblaðið - 28.12.1984, Blaðsíða 27
MORGUNBLAÐIÐ, FÖSTUDAGUR 28. DESEMBER 1984
27
Símamynd/AP.
Sokolov marskálkur
eftirmaður Ustinovs
LÍK DMITRI F. Ustinov fyrrver-
andi varnarmaálaráðherra Sovét-
ríkjanna á viðhafnarbörum í höll
verkalýðsins í Moskvu. Ustinov
lézt á fimmtudag í fyrri viku eftir
erfið veikindi.
Eftirmaður Ustinovs á stóli
varnarmálaráðherra hefur verið
valinn Sergei L. Sokolov marsk-
álkur. Hann var í 17 ár fyrsti
varavarnarmálaráðherra Sov-
étríkjanna og þvi næstur Ust-
inov í ráðuneytinu.
Það vakti mesta athygli við
útför Ustinovs á mánudag, að
þar vantaði Konstantin U.
Chernenko leiðtoga sovézka
kommúnistaflokksins. Var hann
ekki meðal æðstu manna, sem
tóku sér stöðu á svölunum á
grafhýsi Lenins við Rauða tor-
gið. Chernenko er sagður eiga
við öndunarerfiðleika að stríða.
Virtist hann heilsulítill er hann
var í broddi fylkingar fyrir með-
limum stjórnlaganefndarinnar í
upphafi opinberrar sorgarstund-
ar í höll verkalýðsins á laugar-
dag.
Afmælis Maos
ekki minnst nú
PekinK, 27. desember. AP.
Stjórnmálasérfrædingar og vest-
rænir diplómatar í Kína vöktu at-
hygli á því að afmæli Mao Tse Tung
fyrrverandi flokksleiðtoga hefði
ekki verið minnzt að þessu sinni.
Mao hefði orðið 91 árs þann 26. des-
cmber.
í fyrra var nítugasta afmælis-
dags Mao minnst með miklum há-
tíðarhöldum og löngum lofræðum
í blöðum og á veggsjöldum. Að
þessu sinni var afmælisins getið i
örlítilli frétt í Málgagni alþýðu-
nnar, og afrek hans í engu tíund-
uð. í fyrra var aftur á móti gríð-
arlöng grein um Mao. Nú var á
forsíðu flokksmálgagnsins löng og
ítarleg grein eftir forsætisráð-
herra Zhao Ziyang, þar sem hann
fagnar komu utanríkisráðherr.i
Sómalíu og rifjar upp samskipti
landanna.
Mynd af Mao er enn við Tian-
anmentorg í Peking og í fæð-
ingarbæ hans er safn sem er til-
einkað honum. Aftur á móti hefur
verið tekið rækilega fram, þegar
Mao
þurft hefur nð minnast á Mao, að
hann hal erió snjall byltingar-
leiðtogi í upphafi ferils síns, en
síðan hafi honum orðið á margar
og alvarlegar skyssur.
Fuglar ráðast á trimmara
BoNton, 27. desember. AP.
BIRT hefur verið skýrsla slysalækna í Boston, þar
sem segir að í ljós hafi komið að trimmarar sæti æ
oftar árásum fugla. Síðustu tvö árin segjast lækn-
arnir hafa gert að alvarlegum höfuðsárum trimm-
ara, sem fuglar höfðu ráðist á, þegar trimmararnir
voru í mesta meinleysi að hlaupa sér til heilsubót-
ar.
Læknarnir segja að hugsanlegt sé að trimmar-
arnir gæti ekki nægilega vel að því hvar þeir stígi
niður og því geti hér verið um hefnd að ræða af
hálfu fuglanna. Einn trimmaranna hefur tvívegis
orðið fyrir svo heiftugri fuglaárás, að hann hefur
þurft að leita læknis. í skýrslunni segir að trimm-
urum sé greinilega ekki óhætt nema þeir sýni
meiri varúð og ef til vill sé nauðsynlegt að þeir hafi
hjálma á höfði við hlaupin.
A
FLUGELDAMARKAÐIR
HJÁLPARSVEITA SKÁTA
Reykjavík:
Skátabúðin, Snorrabraut 60
Fordhúsið, Skeifunni 17
Seglagerðin Ægir, Grandagarði
Alaska, Breiðholti
Við Miklagarð
Við Vörumarkaðinn, Eiðistorgi
Á Lækjartorgi.
Garðabær:
Hjálparsveitarhúsið
Kópavogur:
Toyotu-salurinn, Nýbýlavegi 8
Skátaheimilið
Kaupgarður, Engihjalla 7
Fljótsdalshérad:
Gamla bakaríið (Slátursala KHB) Egilstöðum
Njardvík:
Netaverkstæði Suðurnesja
íþróttavallarhúsið, Njarðvík
Hrunamannahreppur: Hue.ranprAi-
HiálDarsveitin Snækollur 9
Hjálparsveitin Snækollur
ísafjörður:
Skátaheimilið
Adaldalur:
Hjálparsveit Skáta, Aðaldal
Blönduós:
Björgunarstöðin við Efstubraut
Hjálparsveitarhúsið
Akureyri:
Hjálparsveitarhúsið Lundur v.Þingvallastræti
Söluskúr við Sunnuhlíð
Söluskúr við Hagkaup
Söluskúr norðan við Slökkvistöð
Vestmannaeyjar:
Heiðarvegur6
Telescope-húsið við Friðarhöfn
Flugeldar - blys - gos - sólir - stjörnuljós
SKIPARAKETTUR - SKIPABLYS - TIVOLÍBOMBUR
OG INNIBOMBUR MEÐ LEIKFÖNGUM OG SPÁDÓMUM