Morgunblaðið - 28.12.1984, Qupperneq 56
r
ftfgtmMafrtfe
OPIÐALLA DAGA FRA
KL 11 45 - 23 30
snÐRsr iAnstraiist
AUSTURSTRÆTI 22
INNSTRÆTI, SlMI 11633
FOSTUDAGUR 28. DESEMBER 1984
VERÐ I LAUSASOLU 25 KR.
Jólahald í snjóhúsi
„ÓneiUnlega var jólalegt um að litast, þó ekkert jólaskraut héngi á ísveggjunum, uUn grenibútur, sem við
höfðum kippt með okkur. Við komumst í það mikið jólaskap, að við rauluðum það litla sem við kunnum af
jólasöngvum.“ Sjá frásögn á bls. 30 og 31.
Leysa línubátar
togara af hólmi?
„UTREIKNAÐ aflamagn línu-
báU er um 65% af ársafla meðal-
skuttogara hér við land. Þar sem
fjármagnskostnaður við kaup á
línubát er um helmingi minni en á
togara, jafnvel minni, er hægt að
kaupa tvo línubáta á móti einum
skuttogara. Þessir tveir línubáUr
gætu síðan aflað um það bil 30%
meira á ári en meðal skuttogari.“
Þessa niðurstöðu er meðal
annars að finna í kandidatsrit-
Jólasveinagríman
fuðraði upp á and-
liti þriggja ára barns
ÞRIGGJA ára drengur brenndist
í andliti á Þorláksmessudag, er
eldur komst í skegg á jóla-
sveinagrímu, sem hann hafði fyrir
andlitinu. Litli drengurinn liggur
á BarnaspíUla Hringsins og er
líðan hans eftir atvikum.
Drengurinn var að blása á
kerti á heimili sínu í Sandgerði,
er slysið varð. Eldur komst í
skegg áfast jólasveinagrímunni
og fuðraði gríman upp á ör-
skammri stundu á andliti
barnsins. Að sögn móður
drengsins, sem blm. Mbl. ræddi
við í gær á Landspítalanum,
eru horfur nú betri en í fyrstu á
að hann nái bata og gat hann í
gær séð með öðru auganu. Móð-
"irin bað fyrir beztu kveðjur og
þakklæti til ökumanns sjúkra-
bifreiðar úr Keflavík og starfs-
fólks barnadeildar Hringsins,
sem hún sagði hafa reynst þeim
frábærlega vel.
Ástæða er til, nú rétt fyrir
gamlaárskvöld, að brýna fyrir
börnum og forráðamönnum
þeirra, hversu alvarlegar af-
leiðingar geta hlotist af óvar-
kárni í meðferð eldfæra og
skotelda.
gerð Ingólfs Arnarsonar, sjáv-
arútvegsfræðings, þar sem
hann kemst að þeirri niður-
stöðu, að fyrir frystihús sé það
hagkvæmara að gera út línu-
báta en togara. í niðurstöðum
hans kemur fram, að línubát-
arnir skili ekki aðeins betra
hráefni að landi en togarar með
minni tilkostnaði, heldur geti
þeir jafnframt skilað hráefninu
jafnar að landi. Niðurstöður
Ingólfs eru byggðar á afla-
brögðum íslenzkra fiskiskipa og
færeyskra línubáta við Suðvest-
urland.
Sjá nánar um niðurstöður rit-
gerðar Ingólfs Arnarsonar á
bls. 4 í Morgunblaðinu í dag.
Bandariskir tóbaksframleiðenduK
Hafa haft á orði
að hætta sölu á
sígarettum hingað
„ÞAÐ ER rétt að fulltrúar tóbaks-
framleiðenda í Bandaríkjunum, frá
Philip Morris, komu til landsins
skömmu fyrir jól til þess að freista
þess að fresta útgáfu reglugerðar um
merkingar á tóbakspakkningum og
þeir munu einnig hafa haft á oroi við
íslenska ráðamenn, að þeir hefðu
takmarkaðan áhuga á að selja tóbak
til íslands með þeim merkingum,
sem tóbaksvarnanefnd hefur lagt til
við Matthías Bjarnason heilbrigðis-
ráðherra," sagði Árni Johnsen al-
þingismaður, formaður tóbaksvarna-
nefndar í samtaii við blm. Mbl. í
gær.
„Þetta mál hefur verið vandlega
undirbúið," hélt Árni áfran, „í
samráði við fulltrúa heilbrigðis-
ráðuneytisins og nefndin ræddi
meðal annars við innlenda full-
trúa tóbaksframleiðenda um ýmis
tæknileg atriði og tók tillit til þess
við ákvörðun, en auðvitað er það
ekki erlendra framleiðenda að
ráða ferðinni um það hvernig
framfylgja á lögum Alþingis Is-
lendinga.
Þessar merkingar eru unnar á
nýstárlegan hátt, öðru vísi en hef-
ur tiðkast í slíkum merkingum
víða um heim, en ætlað er að á
sígarettupökkum verði um sinn í
gangi sex mismunandi merkingar,
ýmist mildar eða harðar eins og
við höfum orðað það. Lögin eru
sett vegna þess að hér er um heil-
brigðisvandamál að ræða og það
er ekki hægt að horfa fram hjá
því.
Umræddir viðvörunarmiðar eru
undirritaðir af landlækni."
Hald lagt á 200
lítra af bruggi
LÖGREGLAN í Reykjavík lagði
hald á um 200 lítra af bniggi í húsi
við Laugaveg í fyrrinótt.
Lögreglan var kvödd að húsinu
vegna kvartana nágranna um háv-
aða í íbúð. Átta ungmenni voru
undir áhrifum áfengis í íbúðinni
og hafði komið til ryskinga. Lög-
reglan skakkaði leikinn, en fann
jafnframt um 200 lítra af bruggi
og tæki til þess að brugga. Um 100
lítrar voru í einum kút, 50 í öðrum
og tveir 25 lítra kútar fundust.
Ungmennin voru flutt í fanga-
geymslur lögreglunnar og hefur
tvítugur piltur viðurkennt að hafa
bruggað mjöðinn.
Fiskverð ákveðið í dag?:
Meðalhækkun
er 20 til 25 %
„FISKVERÐSÁKVÖRÐUN er nú á lokastigi og ég tel líklegt að niðurstaða
liggi fyrir á morgun, föstudag. Að öðru leyti vil ég ekki tjá mig um málið,“
sagði Jón Sigurðsson, forstöðumaður Þjóðhagsstofnunar og oddamaður í
yfirnefnd Verðlagsráðs sjávarútvegsins, í samtali við Morgunblaðið í gær.
Samkvæmt heimildum Morgun-
blaðsins er talið líklegt að full-
trúar fiskkaupenda fallist á 20%
hækkun fiskverðs, en fulltrúar
seljenda hafa farið fram á 25%
hækkun. Oft hefur borið meira á
milli seljenda og kaupenda en að
þessu sinni og því er talið líklegt
að niðurstaða náist í dag, föstu-
dag. Vegna markaðsaðstæðna
verður hækkun á verði einstakra
tegunda mjög mismunandi og verð
á ufsa verður af þeim sökum tölu-
vert undir meðaltals hækkun en
verðhækkun á ýsu allt að tvöfalt
meiri. Samkvæmt lögum frá Al-
þingi á fiskverð að gilda frá og
með 21. nóvember síðastliðnum.
Hallgrfmskirkja:
BM Vallá hefur gefið helm-
ing allrar steinsteypu sl. 15 ár
„Þaó er rétt að fyrirtækið BM Vallá hefur í u.þ.b. hálfan annan áratug
gefið helmingsafslátt af allri steypu, sem farið hefur í byggingu Hall-
grímskirkju og þannig létt undir með og flýtt fyrir byggingu kirkjunnar í
kyrrþey," sagði Hermann Þorsteinsson, formaður byggingarnefndar
Hallgrímskirkju, í samtali við Mbl. í gær.
Við morgunguðsþjónustu í
Hallgrímskirkju á Þorláks-
messu, þar sem séra Karl Sigur-
björnsson predikaði, var skýrt
frá þessu mikla framlagi BM
Vallár til byggingar Hallgríms-
kirkju. Jafnframt afhenti Víg-
lundur Þorsteinsson, forstjóri
BM Vallár, kirkjunni að gjöf
ljósmynd af Hallgrímskirkju,
sem Garðar Pálsson tók á
Jónsmessu fyrir nokkrum árum.
„Það er ljóst, að i framlagi BM
Vallár til byggingar kirkjunnar
öll þessi ár felast feykilega mikil
verðmæti og summan er stór,“
sagði Hermann Þorsteinsson, en
kvaðst ekki treysta sér til þess
að segja til um upphæðina, sem
sparast hefði með þessum 50%
afslætti af allri steypu til kirkj-
unnar.
„Nú er fertugasta byggingarár
Hallgrímskirkju að hefjast og
við höfum ástæðu til þess að
vera bjartsýnir á að takast megi
að fullgera kirkjuna á næstu
tveimur árum, þannig að hún
verði fullbúin á 200 ára afmæli
Hallgríms Péturssonar, í ágúst
1986“, sagði Hermann.
Alþingi lauk störfum fyrir
jólaleyfi með því að samþykkja á
fjárlögum 6,5 milljón króna fjár-
veitingu til Hallgrímskirkju og
við eigum einnig von á góðum
stuðningi frá Reykjavíkurborg,
e.t.v. öðru eins.
Hallgrímskirkja á ýmsa góða
vini, sem hafa lagt henni lið. T.d.
arfleiddu tvær aldraðar konur,
sem létust á árinu, kirkjuna að
íbúðum sínum. Og svo ég nefni
annað dæmi um velvilja almenn-
ings hefur aldraður skipstjóri,
sem þótti alltaf vænt um að sjá
turninn af hafi meðan hann var
á sjó, komið til mín með pen-
ingaupphæð á hverju ári, einnig
í ár.
Kirkjan er orðin fokheld, kom-
ið á hana koparþak og nær búið
að steypa allar hvelfingar, þann-
ig að nú er hægt að hefjast
handa við innri gerð hennar og
mikið fundað hjá Húsameistara
ríkisins af þeim sökum þessa
dagana," sagði Hermann Þor-
steinsson að lokum.