Morgunblaðið - 28.12.1984, Blaðsíða 30

30
MORGUNBLAÐIÐ, FÖSTUDAGUR 28. DESEMBER 1984
1 \
Tröllahreðka
Ný grænmetistegund
á markaðinum
NOKKRIR garðyrkjubændur eru
farnir að huga að ræktun matjurtar
sem ekki hefur verið ræktuð hér á
landi áður. Hefur þessi matjurt verið
nefnd tröllahreðka en tilraunir með
ræktun hennar hafa farið fram í
Garðyrkjuskóla ríkisins á Reykjum í
Ölfusi. Tröllahreðka er mikið rækt-
uð í Asíu og Mið-Evrópu en þar eru
hún talin ómissandi við hliðina á
bjórkoliunum og er því vel við hæfi
hjá garðyrkjubændum að hefja rækt-
un hennar hér á landi á tímum sem
nýjar bjórstofur eru opnaðar í hverri
viku.
Tröllahreðkur eru svipaðar á
bragðið og venjulegar radísur.
Hægt er að rækta afbrigði af
næstum því hvaða lit og lögun sem
er. Hægt er að rækta þær bæði
inni í gróðurhúsum og úti en inni
vaxa þær mjög hratt, þannig að
hægt er að ná a.m.k. 3 uppskerum
á ári. Tilraunir með ræktun henn-
ar hafa gengið vel og uppskera
orðið góð. Sérstaklega er mælt
með tröllahreðkum niðursneidd-
um sem snarli með bjór.
Húsavík:
Hvít jól
llúsavík, 27. desember.
JÓLIN Iiðu hér með hefðbundnum
hætti að öðru leyti en því að veður
var sérstaklega hagstætt og eftir
snjólausan vetur, fengu þeir sem
þess óskuðu hvít jól. Fjölmennt
var til aftansöngs hjá séra Birni
H. Jónssyni á aðfangadag klukkan
18. Bærinn var ljósum prýddur og
Húsavíkurflotinn var allur í höfn
ljósum prýddur. Dansleikur var í
gærkvöldi og fór hann vel fram.
Fréttaritari.
Jarðskjálftar
við Krísuvík
JARÐSKJÁLFTA varð vart á höfuð-
borgarsvæðinu kl. 24.30 í fyrrinótt.
Upptök hans voru á Krísuvíkursvæð-
inu og mældist hann 2,6 á Richt-
erskvarða.
Að sögn Ragnars Stefánssonar
jarðskjálftafræðings voru upptök
jarðskjálftans rétt vestan við
Kleifarvatn á Krísuvíkursvæðinu.
Hann sagði, að ennfremur hefði
orðið vart jarðskjálfta í fyrradag
um kl. 17.35, sem færri hefðu þó
orðið varir við. Sá skjálfti hefði
mælst 2,8 á Richterskvarða og
upptök hans hefðu verið á svipuð-
um slóðum.
Dregið í
símanúmera-
happdrættinu
DREGIÐ var hjá Borgarfógeta á
Þorláksmessu í símanúmerahapp-
drætti Styrktarfélags lamaðra og
fatlaðra.
Vinningar komu á eftirtalin
númer:
91—39470 Toyota Tercel-station;
91—52833 Toyota Corolla 3ja dyra
sport; 91—33118 Toyota Pickup-
Hilux; 91—81854 Toyota Corolla 5
dyra DL; 91—16552 Toyota Terc-
el-station.
(Birt án ábyrgðar.)
MorgunblaiiA/Hukiir Gúluon.
Þorbjörg Marta Bergsdóttir með nýfædda dóttur sína.
„Fegin að
þetta er
afstaðið“
Selfoss:
Tvær á
fæðingar-
deildinni
— báðar
hafa
fætt í bíl
Selfossi 27. des.
ÞAÐ er ekki í frásögur
færandi þótt tvær sængur-
konur liggi samtímis á fæð-
ingardeild Sjúkrahúss Suð-
urlands eins og nú er, en
svo einkennilega vill til að
þær hafa báðar orðið fyrir
sömu reynslu, að ala barn í
sjúkrabíl.
Önnur þeirra, Þorbjörg
Marta Bergsdóttir úr
A-Landeyjum, eignaðist
stúlkubarn rétt austan við
Selfoss, hin, Guðbjörg
Runólfsdóttir frá Flúðum í
Hrunamannahreppi, ól
stúlkubarn fyrir 6 árum við
Rauðavatn skammt frá
Reykjavík. Ekki var á þeim
að heyra að þeim þætti það
neitt tiltökumál að ala
barn í sjúkrabíl, fæðing
barns væri alltaf jafn eðli-
legur atburður, hverjar svo
sem aðstæðurnar væru. Þó
voru þær sammála um að
sjúkrakarfa sjúkrabílsins
væri ekki heppilegasti stað-
urinn til fæðinga.
Sig. Jóns.
Selfossi, 17. desember.
Á ANNAN í jólum varð Þorbjörg
Marta Bergsdóttir, húsfreyja á
Gulárási í A-Landeyjum fyrir þeirri
reynslu að ala barn sitt í sjúkrabíl
rétt austan við Selfoss.
Þegar sýnt var að hverju stefndi
kallaði bílstjóri sjúkrabflsins upp
lögregluna á Selfossi og bað um að
Ijósmóðir yrði send á móti þeim og
stóðst það á endum að barnið
fæddist rétt í þann mund sem
Magnúsína Þórðardóttir Ijósmóðir
kom í sjúkrabflinn til Þorbjargar
ásamt aðstoðarstúlku, á móts við
Laugardæli um 2 km austan við
Selfoss. Fæðingin gekk að óskum
þarna á Flóaveginum og 14 marka
stúlka leit dagsins Ijós kl. 10.27.
Móðir og barni heilsast vel á
Sjúkrahúsi Suðurlands þar sem við
hittum Þorbjörgu að máli daginn
eftir atburðinn.
Rætt við Þorbjörgu
Mörtu Bergsdóttur
sem ól barn í
sjúkrabfl á annan í
jólum rétt austan
við Selfoss
„Þetta bar þannig til að ég
vaknaði um klukkan 5 og var
með dálitla verki sem ég hélt að
væru bara venjulegir fyrirvara-
verkir. En þetta ágerðist og um
níuleytið hringdum við á sjúkra-
bíl. Þegar við vorum komin vel
áleiðis fann ég að þetta var alveg
að koma. Þá hafði bílstjórinn
kallað á sjúkrabíl frá Selfossi
með ljósmóðurina.
Ég var ekkert of hrifin né
spennt að þurfa að fæða barnið
þarna í bílnum, en úr því sem
komið var þýddi ekkert að hugsa
um það. Mér fannst nú frekar
óþægilegt að liggja þarna í
sjúkrakörfunni í bílnum eftir að
legvatnið var komið, en það var
allt annað að vita af sjúkrabíln-
um á leiðinni til okkar með
ljósmóðurina. Fæðingin sjálf
gekk mjög vel og það lá við að
maður vissi ekki af því þegar það
gerðist.
Núna á eftir erum við báðar
afslappaðar, þetta gekk allt eðli-
lega fyrir sig og hafði engin eft-
irköst og maður er feginn að
þetta er afstaðið."
Þorbjörg býr ásamt manni
sínum, Ólafi Árna Óskarssyni,
að Gulárási í A-Landeyjum, þar
eru þau með um 200 ær og
hrossastóð, um 20 hryssur.
Stúlkan sem fæddist á annan í
jólum er fjórða barn þeirra
hjóna. Systkinin, Bergur óskar 9
ára, Kristbjörn 7 ára og Alma
2ja ára, bíða spennt eftir að sjá
litlu systur.
Ólafur, maður Þorbjargar,
stóð frammi fyrir því að þurfa
að taka á móti stúlkunni í bíln-
um. Aðspurður um hvernig hon-
um hefði orðið við þá tilhugsun
að þurfa að taka á móti barninu
i bílnum sagði Ólafur: „Maður
hefði orðið að standa sig í því.
Það var lítið hægt að hlaupa af
hólmi og ætli það hefði ekki far-
ið fyrir manni eins og öðrum
sem lenda í slíku að maður verð-
ur að standa sig. En það var
fyrir mestu að þetta gekk allt
vel.“
SigJóns.
Fæddi í
sjúkrabfl
fyrir 6 árum
Selfossi, 27. desember.
JÓLABARNIÐ á Sjúkrahúsi Suðurlands fæddist á jóladagsmorgun, 13
marka drengur og 53 sm, sonur hjónanna Guðbjargar Runólfsdóttur og
Georgs Ottóssonar sem búsett eru að Flúðum í Hrunamannahreppi.
Fyrir 6 árum varð Guðbjörg
fyrir þeirri reynslu að fæða barn
í sjúkrabíl á móts við Rauðavatn
á leið til Reykjavíkur. Þá var
maður hennar með í för og tók á
móti barninu.
í stuttu samtali við Guðbjörgu
um þennan atburð, í tilefni þess
að með henni á stofu liggur
Þorbjörg Marta Bergsdóttir sem
fæddi barn í sjúkrabíl á annan í
jólum, segist henni svo frá að
þau hjónin hafi verið á leið á
leiksýningu að Flúðum þar sem
frumsýna átti Dansinn í Hruna.
Hún kvaðst hafa fengið verki á
leiðinni á sýninguna. Kallað hafi
verið á sjúkrabíl sem kominn
var að Flúðum kl. 20.45 og kl.
21.45 skammt frá Reykjavík
fæddist stúlka sem nú er 6 ára
og heitir Láretta. Georg tók á
moli leipunm og gekk allt að
óskum.
Guðbjörg sagði að alltaf þegar
Dansinn í Hruna hefði verið
frumsýndur gerðist eitthvað
óvænt. Árið 1950 þegar sýna átti
Dansinn fór rafmagnið af allri
uppsveitinni og fæðing hennar í
sjúkrabílnum hefði verið sett í
samband við sýninguna.
Guðbjörg kvaðst líka hafa ætl-
að til Reykjavíkur núna til að
eiga barnið en Georg maður
hennar hefði ekki tekið það í mál
og strákurinn fæddist tveimur
tímum eftir komuna á Selfoss.
„Þetta var lúxuslíf að eiga í
sjúkrabílnum, sú fæðing gekk
miklu betur en þessi," sagði Guð-
björg og hló við. Þetta er þriðja
barn þeirra hjóna, fyrir eiga þau
Daða 9 ára og Lárettu 6 ára.
Sig. Jóns.
Morgunblaftið/ Haukur Gislason.
(ÍuðbjörK með nýfæddan son sinn.