Morgunblaðið - 15.02.1985, Blaðsíða 1

72SÍÐUR B
STOFNAÐ 1913
38. tbl. 72. árg.___________________________________FÖSTUDAGUR 15. FEBRÚAR 1985________________________________Prentsmiðja Morgunblaðsins
VEÐURBLlÐA Á ÞORRA
Morgunblaðið/Ol.K.Mag.
Nú fer þorri að kveðja og góa að ganga í garð og alltaf er sama veðurblíðan, dag eftir dag. Myndin var tekin í Laugardalslauginni af fólki, sem lætur
sér líða vel í heita pottinum.
Arafat og Hussein vilja
friðmælast við ísraela
— gegn því að stofnað verði ríki Palestínumanna
Amman, Jórdaníu, 14. febrúar. AP.
Jórdaníumenn og PLO, Frelsisfylking Palestínumanna, hafa náð sam-
komulagi um að semja sátt við ísraela gegn því að Palestínumenn fái að
stofna sitt eigið ríki í nánum tengslum við Jórdaníu. Ekki hefur enn veriö
greint formlega frá samkomulaginu en Keagan, Bandaríkjaforseti, sagði í
dag, að sér virtist það marka tímamót og Peres, forsætisráðherra Israels,
sagði, að það væri skref í rétta átt.
Pólland:
Verkfall
undirbúið
— þrátt fyrir handtökur
Samstöðumanna
Varsjá, 14. febrúar. AP.
LECH Walesa og aðrir Samstöðu-
menn ætla að vinna áfram að undir-
búningi 15 mínútna allsherjarverk-
falls í Póllandi 28. febrúar nk. þrátt
fyrir að lögreglan hafi í gær hand-
tekið sjö frammámcnn í samtökun-
um.
Að sögn yfirvalda voru mennirn-
ir sjö handteknir vegna þess, að
þeir tóku þátt í „ólöglegum fundi“
en eftir embættismönnum er haft,
að þeir muni ekki verða formlega
ákærðir, a.m.k. ekki að sinni. Wal-
esa var á fundinum en honum var
strax sleppt.
í viðtali við Walesa í dag kvaðst
hann hafa átt annan fund í morgun
með Samstöðumönnum og að þar
hefði verið unnið að undirbúningi
allsherjarverkfallsins 28. febrúar.
„Við ræddum líka um að endur-
skipuleggja starf samtakanna og
gera það árangursríkara. Okkar
leið liggur til sigurs þvi að aðra leið
eigum við ekki,“ sagði hann.
Þegar Walesa hvatti til allsherj-
arverkfallsins sagði hann, að fólk
skyldi nota 15 mínúturnar til að
skrifa bréf til stjórnvalda og krefj-
ast þess, að lögreglan færi að lög-
um, að hatursáróðrinum gegn
kirkjunni yrði hætt og að komið
yrði í veg fyrir algera örbirgð með-
al almennings.
Walesa
Samkomulagið náðist á fundi
Husseins, Jórdaníukonungs, og
Yasser Arafats, leiðtoga PLO, í
Amman á mánudag en opinber-
lega hefur ekki verið sagt frá því
enn. Dagblaðið Al-Anba í Kuwait
sagði hins vegar í gær, að með því
væri fallist á allar ályktanir SÞ og
jafnframt ítrekað, að Israelar
yrðu að skila herteknu svæðunum.
Komið yrði á fót sérstöku ríki Pal-
estínumanna í nánum tengslum
við Jórdaniu og sest að samninga-
borði með ísraelum.
Reagan, Bandaríkjaforseti,
sagði í dag, að enn væri margt á
huldu um samkomulagið en að sér
virtist það marka tímamót í við-
leitni manna til að koma á friði í
Miðausturlöndum þótt enn væri
mikið verk óunnið. Peres, forsæt-
isráðherra ísraels, sagði í viðtali í
gær, að samkomulagið væri skref í
rétta átt en þó ekki nógu stórt til
að koma á raunverulegum friðar-
viðræðum.
Stærstu marxistasamtökin inn-
an PLO undir forystu dr. George
Habash sögðu í dag um samkomu-
lagið, að það væri svik og gefið var
í skyn, að öllum tengslum við PLO
og Arafat yrði slitið vegna þessar-
ar „uppgjafar".
Frakkland:
Bylting í
fræðslumálum
Heimsmeistaraeinvígið í Moskvu:
Karpov „andlega örmagna“
og einvíginu líklega frestað
Moskvu, 14. febrúar. AP.
í MOSKVU er nú mikill orðrómur um, að heimsmeistaraeinvíginu milli
þeirra Karpovs og Kasparovs verði aflýst, a.m.k. í bili. Campomanes,
forseti FIDE, kvaðst í dag hafa „í krafti forsetaembættisins“ frestað 49.
skákinni fram á föstudag en hún átti að teflast í gær, miðvikudag. Hann
sagði ekki hvers vegna en haft er
Karpov sé örmagna og líklega sjúkur.
Síðustu fimm dagana hefur
verið orðrómur í Moskvu um að
til stæði að t'resta einvíginu, sem
staðið hefur i fimm mánuði, og
taka aftur til við það seinna og
hefur AP-fréttastofan það efíir
áreiðanlegum heimildum, að
Campomanes muni skýra frá því
á fréttamannafundi á föstudag.
Þessir sömu heimildamenn segja.
eftir áreiðanlegum heimildum, að
að Karpov hafi verið til meðferð-
ar á stofnun í Moskvu þar sem
eingöngti er hlynnt að mestu
gæðingum kommúnistaflokksins
og vegna þess, að hanr sé „and -
lega örmagna“.
Sagt er, ao aðstoðarmem.
Karpovs haf komið aö mál? viö
menn Kasparovs eftir að Kasp-
arov vann aðra skák sína 30.
janúar sl. og farið fram á, að ein-
víginu yrði frestað og tekið aftur
til við það í september. Þá yrðu
tefldar 24 skákir mest. Kasparov
aftók þetta með öllu en fram á
þetta var aftur farið þegar hann
hafði unnið þriðju skákina. Á
mánudag frestað: Karpov 49.
skákinni til miðvikudags eins og
hann hafði rétt á en á miðviku-
dag kom Campomanes tii skjal
anna og frestaði henn!. fram á
föstudag.
Campomanes vildi ekkert segja
um hvers vegna hann frestaði
skákinni en kvaðst hafa rætt um
hve einvígið hefði dregist. á lang-
inn. „Reglur eru reglur og reglur
FIDE eru mjög skýrar. Það er
hins vegar engin regla án undan-
tekninga," sagði hann.
Talið er, að Campomanes hafi
líklega vald til þess sem forseti
FIDE að fresta einvíginu og er til
þess vitnað, að valdsviði embætt-
isins séu settar mjög óljósar
skorður. Ef al' verður mtin það
hugmyndin, að Karpov byrji með
tvo vinninga í 24 skáka einvíginu
en Kasparov engan.
FRANSKA stjórnin hefur boðað til
byltingar í menntamálum þjóðarinn-
ar og er að því stefnt, að öll börn
verði fær um að lesa, skrifa og
reikna þegar þau Ijúka grunnskóla-
námi.
Hefur tillögunni verið fagnaö
ákaflega jafnt af hægrimönnum
sem vinstri enda hafa Frakkar
haft af því áhyggjur árum saman,
að þrátt fyrir sívaxandi útgjöld til
menntamála útskrifast úr skólun-
um unglingar, sem varla eru læsir,
hvað þá skrifandi. Eiga blöð og
fjölmiðlar varla nógu sterk orð til
að lýsa hrifningu sinni með, að nú
skuli heilbrigð skynsemi aftur
leidd tii öndvegis i frönskum
menntamálum. Tillaga mennta-
málaráðherrans, Jean-Pierre
Chevenement, miðat að því, að
nemendum verið kennt að lesa og
skilja ritaö mál kunn stafsetn-
ingu og málfræði og síðast en ekki
síst, að þeir geti talað skammlaust
sitt eigið móðurmál.
Sjá „Bylting ... “ á bls. 24.