Morgunblaðið - 15.02.1985, Síða 26
26
MORGUNBLAÐIÐ, FOSTUDAGUR 15. FEBRÚAR 1985
Thatcher og Kinnock:
Deila hart um
mál Pontings
London, 14. rebrúar. AP.
ÁKAFAR deilur urðu í breska þinginu í gær á milli Margaretar Thatcher,
forsætisráðherra, og Neil Kinnock, leiðtoga Verkamannaflokksins, vegna
málshöfðunar á hendur Clive Ponting, háttsettum embættismenn í varnar-
málaráðuneytinu, sem á mánudag var sýknaður af ákæru um að hafa brotið
lög um trúnaðarskyldu opinberra starfsmanna.
Ponting kom leyniskjölum um
Falklandseyjastríðið á framfæri
við einn af þingmönnum Verka-
mannaflokksins, þar sem hann
taldi það borgaraiegu skyldu sína
að leiðrétta rangfærslur ráðuneyt-
isins.
Thatcher lagði á það áherslu, að
hún hefði engin afskipti haft af
þeirri ákvörðun að lögsækja Pont-
ing og krafðist þess að Kinnock
drægi til baka þau ummæli sín, að
hann legði ekki trúnað á orð henn-
ar.
Kinnock neitaði að verða við
þessari kröfu og sagðist ekki taka
orð sín aftur fyrr en hann hefði
fengið fullnægjandi skýringar frá
forsætisráðherranum. Þingmenn
flokksins styðja hann í þessu efni.
Michael Heseltine, varnarmála-
ráðherra, sagði í gær að ummæli
Kinnocks væru „skammarleg" og
staðhæfði, að enginn ráðherra
hefði haft minnstu afskipti af
málsókninni gegn Ponting. Sak-
sóknari ríkisins hefði tekið
ákvörðunina upp á eigin spýtur.
Skjöl þau, sem Clive Ponting
kom á framfæri við þingmanninn,
fjölluðu um þá ákvörðun breskra
yfirvalda að sökkva argentínska
beitiskipinu Belgrano á meðan á
stríðinu um Falklandseyjar stóð.
Ponting sagði fyrir réttinum, að
hann hefði verið sammála þeirri
ákvörðun að sökkva Belgrano.
Hann kvað ástæðuna fyrir því að
hann lét trúnaðarskjölin af hendi
þá, að hann hefði verið ósammála
þeirri ákvörðun yfirmanna sinna
að neita að skýra opinberlega frá
aðdraganda árásarinnar á skipið
Norrænn
styrkur
til bók-
mennta
nágranna-
landanna
Fyrsta úthlutun norrænu
ráðherranefndarinnar
(mennta- og menningar-
málaráöherrarnir) 1985 —
á styrkjum til útgáfu á nor-
rænum bókmenntum í
þýöingu á Norðurlöndun-
um — fer fram í maí.
Frestur til aö skila um-
sóknum er: 1. apríl 1985.
Eyöublöð ásamt leiöbein-
ingum fást hjá Mennta-
málaráöuneytinu í Reykja-
vík.
Umsóknir sendist til:
Nordisk
Ministerrád
Sekretariatet lor
nordisk kulturelt samarbejde
Snaregade 10
DK-1205 Köbenhavn K
Sími:
DK 01-114711
og þar má
einnig fá allar
nánari upp-
lýsingar.
2. maí 1982. Þá létu 386 argent-
ínskir hermenn lífið. Saksóknari
hélt því fram, að Ponting hefði
gerst brotlegur við lög um öryggi
ríkisins og þagnarskyldu opin-
berra starfsmanna.
David Steel, leiðtogi Frjáls-
lynda flokksins, sagði að orða-
skipti Thatchers og Kinnocks
væru „stormur í tebolla" og væru
til þess eins fallin, að beina at-
hyglinni frá kjarna málsins, sem
væri, hver stjórnaði því að þingið
var margsinnis leitt afvega og
reynt að hylma yfir staðreyndir
Belgrano-málsins.
Geimapar
með nýja
tegund
af herpes
Washington, 14. febrúar. AP.
SÉRFRÆÐINGAR við geim-
ferðastofnun Bandaríkjanna
íhuga nú að hætta við að senda
ákveðna apategund í geimferð
með geimskutlu í aprfl næst
komandi vegna þess að 95 pró-
sent einstaklinga tegundarinnar
ganga með nýja og hættulega
tegund herpesvíruss. Áætlað
hafði verið að senda fjóra íkorna-
apa með skutlunni, en vegna
þess að þá væri hætta á að geim-
fararnir gætu sýkst, verður trú-
lega hætt við áætlunina.
Apana fjóra átti að rann-
saka með tilliti til þyngdar-
leysis vegna þess hve þeim
svipar til manna. Einnig áttu
þeir að dvelja í sérstakri bylt-
ingarkenndri vistarveru. Sjö
geimfarar verða með í förum,
þar af tveir læknar.
Hin nýja tegund herpes sem
íkornaapar ganga vel flestir
með, heitir „herpes virus sai-
miri“, eða hvs og er ólík hinum
vel þekktu afbrigðum herpes
simplex 1 og 2. Hvs veldur
krabbameini í ýmsum apateg-
undum svo sem köngulóaöpum
og dæmi eru ekki kunn um að
vírusinn valdi krabba í
mönnum. En vegna möguleik-
ans og óvissunar er nú vafamál
hvort aparnir verði með í för-
um.
Tengdasyni
Brezhnevs
vikið frá
Moskvu, 14. febrúar. AP.
YURI Churbanov, tengdasonur
Brezhnevs heitins forseta, hefur
fengið lausn frá störfum fyrsta að-
stoðarinnanríkisráðherra og verið
skipaður í valdalítið embætti.
Churbarov er 48 ára að aldri og
kvæntur Galinu Brezhnev, sem
var viðriðin frægt fjölleika-
hússhneyksli, sem vestræn blöð
komust á snoðir um í febrúar 1982.
Churbarov var skipaður aðstoð-
arráðherra í febrúar 1980 og sett-
ur af í desember sl. Embættismað-
ur nokkur sagði: „Hann gegnir nú
annarri stjórnunarstöðu í kerfi
okkar, en er ekki lengur fyrsti að-
stoðarráðherra."
Meira vildi hann ekki segja, en
vitað er að Churbarov var líka
lækkaður í tign í hernum. Hann
hefur haft hershöfðingjatign.
Jung fer hvergi
ÓEINKENNISKLÆDDIR lögreglumenn fyrir utan dyrnar á heimili
Kims Dae Lung, stjórnarandstöðuleiðtogans suður-kóreska, sem kom
til heimalands síns s dögunum og var samstundis hnepptur í stofufang-
elsi. Hann hafði dvalið í útlegð í Bandaríkjunum í tvö ár og er óvíst hver
framvinda málsins verður, en stjórnvöld í Washington hafa lagt hart að
suður-kóresku stjórninni að sleppa Jung úr prísundinni.
Líbanon:
Gísl slapp úr
prísundinni
Beirút, 14. febrúar. AP.
JEREMY Levin, sjónvarpsfrétta-
maður, sem hefur verið í gíslingu hjá
óþekktum hryðjuverkasamtökum í
Beirut síðan í mars á síðasta ári, slapp
úr haldi í dag og leitaði á náðir sýr-
lenskra hermanna í borginni Baalbek,
í austurhluta Líbanon. Á þeim slóðum
eru höfuðstöðvar „Jihad“, sem er
öfgahópur shita, og berast böndin að
þeim, en fjórir Bandaríkjamenn til
viðbótar eru í haldi í landinu.
Lítið er vitað um aðdragandann
að því að Levin slapp úr prísund-
inni, franskur fréttamaður sá til
hans og fékk þær fregnir að Levin
hefði gengið í tvær klukkustundir
frá dvalarstað sínum síðustu mán-
uðina og til sýrlenskrar herstöðvar.
Hann er sagður vel á sig kominn, en
bæði þreyttur og skelkaður.
Þorp umkringt í
Suöur-Líbanon
Sidon, 14. febrúar. AP.
ÍSRAELNKIR hermenn umkringdu
þorpið Bourj Rahhal skammt frá
hafnarborginni Tyrus í Suður-Líban-
on í morgun og handtóku tugi ungra
Shíta til þess að yfirheyra þá um árás-
ir skæruliða á ísraelska hernámsliðið.
Hermennirnir voru í um 20
brynvögnum og liðsflutningabílum
og vildu m.a. yfirheyra unglingana
um skemmdarverk sem þeir eru
grunaðir um að hafa unnið. Þeir
munu meðal annars hafa kveikt í
hjólbörðum.
Franskur hermaður friðargæzlu-
liðsins hefur fundið lík líbansks
manns í jtorpinu. Hann hafði verið
skotinn í höfuðið.
Samkvæmt áreiðanlegum heim-
ildum reyndu franskir hermenn
gæzluliðsins að stöðva ísraelsku
hermennina, en þeir gátu það ekki.
Svíþjóð:
Óánægja með nýja
tekjuöflunarleið
Stokkhólmi, 14. febrúar. Frá frétUritara Mbl.
SÆNSKA ríkisstjórnin hefur farið þess á leit við opinberar stofnanir og
fyrirtæki, að þau taki greiðslur fyrir veitta þjónustu, hvar sem unnt sé að
koma því við.
Tollgæslan var snörust í snún-
ingum við að koma sér í starthol-
urnar. Hefur hún þegar kynnt til-
lögu, sem aukið gæti tekjur ríkis-
ins um 100 milljónir sænskra
króna á ári.
Hugmyndin byggist á því, að
sérstakt gjald verði lagt á toll-
afgreiðslu, sem fari fram á
„óhentugum vinnutíma", en þar er
átt við tímabilið frá kl. 16.00 á
daginn til kl. 7.00 að morgni. Skuli
gjaldið nema 125. s. krónum á
hverja hálfa unna vinnustund
tollvarðar.
Um 60% allra flutninga yfir
landamæri Svíþjóðar fara fram á
þessum „óhentuga vinnutíma"
tollgæslunnar.
Tillagan hefur mætt áköfum
mótmælum, bæði einkafyrirtækja
og opinberra fyrirtækja og stofn-
ana. Reikna flugfélögin með að
gjaldið muni auka rekstrarkostn-
að í flugsamgöngum um 40—50
milljónir s. króna, verði það sett á,
en járnbrautirnar telja, að kostn-
aðaraukning þeirra verði um 20
milljónir s. króna.
Hafa andstæðingar tillögunnar
sameinast í einum kór og gengið á
fund skattanefndar þingsins með
röksemdir sínar. Telja þeir m.a.,
að gjaldið mundi verka hamlandi
á verslun og viðskipti og stríða
þannig á móti alþjóðlegum tolla-
og viðskiptasamningum, svo og
fríverslunarsamningi Svía við
Evrópubandalagið.
Víetnamar ná tveimur
stöðvum Rauðra khmera
Khao Sarapee, Kambódíu, 14. febrúar. AP.
VÍETNAMAR hafa haldið uppi miklum árásum á stöðvar Rauðra khmera í
Kambódíu og í dag gerðu þeir sína umfangsmestu og hörðustu árás til þessa
í vcsturhluta Kambódíu. Virðist sem khmerar hafi beðið sína verstu ósigra til
þessa í þriggja mánaða átökum.
Náðu Víetnamar öðru helzta
vígi khmera í þessari árás, og
hluta annars, að sögn thailenzkra
herforingja. Tóku 13 þúsund víet-
namskir hermenn þátt í tangar-
sókn gegn stöðvum khmera, sem
flýðu í hundruðatali innfyrir thai-
lenzku landamærin undan orra-
hríðinni. Beittu Víetnamar
stórskotaliði sínu með skriðdreka
í fararbroddi.
Stöðvarnar, sem Víetnamar
lögðu undir sig, heita Khao Din,
og eru 12 km suður af Khao Sar-
apee í Thailandi. Einnig náðu þeir
helzta vígi khmera í norðri,
Phnom Malai, að hálfu leyti undir
sig. Búast yfirmenn í Thailands-
her við að Víetnamar ljúki töku
búðanna á morgun, föstudag.
Hluti sveita khmera varðist í
báðum búðunum meðan mestur
hluti skæruliðanna hvarf inn í
frumskóginn með vopn, tækjabún-
að og vistir.
Rauðir khmerar hafa reikað um
sveitir Kambódíu að vild í 15 ár og
varið víghreiður sín á fjallatopp-
um gegn árásum Víetnama á
þurrkatímum undanfarin fimm
ár.