Morgunblaðið - 15.02.1985, Qupperneq 27

MORGUNBLAÐIÐ, FÖ8TUDAQUR 15. FEBRÚAR 1»65
r«7
I
Símamynd AP.
Fahd og fyrrum forsetarnir
Fahd konungur Saudi-Arabíu hefur verid í Washington síðustu daga og rætt þar viö háttsetta embættismenn,
m.a. forseta Bandaríkjanna, um friðarhorfur og aðgerðir í Mið-Austurlöndum. Fahd gaf sér einnig tíma til að
skiptast ú skoðunum við tvo fyrrum forseta Bandaríkjanna, þá Gerald Ford og Jimmy Carter sem hér sjást á
mynci með konunginum.
Mannréttindabrot
flest austantjalds
Wawhington, 14. febrúar. AP.
BANDARÍSKA utanríkisráðuneytið sagði í dag s árlegri skýrslu um mann-
réttind ' heiminum aö pólitísk kúgun væri alvarlegust í Sovétríkjunum og
fylgiríkjum þeirra, en ekki mætti líta út fyrir að Bandaríkjamenn hefðu
aðeint. áhyggjur af mannréttindabrotum í þeim löndum einum.
Ellioti Abrams aðstoðarutan-
ríkisráðherra sagði að trúarof-
sóknum hefði verið haldið áfram í
Sovétríkjunum í fyrra og að þær
hefði. meðal annars beinzt gegn
kaþólskum mönnum, hvítasunnu-
söfnuðum, baptistum og Gyðing-
um.
í skýrslunni er einnig bent á
strangt eftirlit með fólki í Víet-
nam og því haldiö fram að stjórn
landsins beri hluta ábyrgðarinnar
á aftökum og mannréttindabrot-
um í Kambódíu.
Abrams sagði að breyting hefði
orðið tii batnaðar í mannréttinda-
málum og það væri mikilvægasta
þróunin á þessu sviði. Á fimm ár-
um hefði verið horfið frá einræði
og lýðræði tekið upp f niu löndum
í vesturheimi. Hins vegar hefði
ekki verið tekið upp einræði í
nokkru landi, þar sem lýðræði
hefði ríkt áður. „Þetta er athyglis-
verð þróun," sagði hann.
Ástandið er sagt mjög alvariegt
i Úganda, þar sem tugþúsundir
hafi verið myrtir vegna hryðju-
verka uppreisnarmanna og gagn-
ráðstafana stjórnvalda.
Önnur lönd, sem sérstaklega er
minnzt á vegna þess aö ástandið
þar er talið sérstaklega slæmt, eru
Albanía og Norður-Kórea.
Evrópubandalagið:
ísraelar óttast aðild
Spánverja og Portúgala
Straæborn, 12. febrúar. AP.
CHAIM Herzog, forseti ísraels, sagði
í dag, að aðild Spánar og Portúgals aö
Evrópubandalaginu gæti haft efna-
hagslegar hörmungar í för með sér
fyrir ísrael. Fór hann fram á „stuðn-
ingsaðgerðir“ til aö vernda ísraelskar
útflutningsvörur á Evrópumarkaði.
f ávarpi sem Herzog flutti á Evr-
ópuþinginu kvaðst hann fara þess á _
leit, að þingmenn, og þar með Evr-
ópulöndin, iokuðu ekki augunum
fyrir þessu vandamáli. Ef ekki yrði
við því brugðist, gæti það leitt til
mikilla hörmunga fyrir ísrael.
Áætlað er að Spánn og Portúgal
gangi í Evrópubandalagið einhvern
tímann á næsta ári, en ekki hefur
verið fullgengið frá ýmsum sam-
komulagsatriðum.
Frakkar og ítalir hafa einnig
áhyggjur vegna fyrirhugaðrar inn-
göngu Spánar og Portúgals. Beinist
ótti þeirra einkum að því, að ódýr-
ar landbúnaðarafurðir frá þessum
löndum gæti vaidið frönskum og ít-
ölskum bændum tjóni.
Herzog sagði, að efnahagslegri
undirstöðu lands síns væri ógnað,
tækju Evrópubandalagslöndin ekki
tillit til israelskra hagsmuna að því
er landbúnaðarvörurnar varðaði.
Og þar með væri „brostinn draum-
ur kynslóðanna".
ísrael, sem nú á í miklum efna-
hagsþrengingum, á ekki í önnur
hús að venda en til Evrópu, þegar
finna skal markað fyrir sítrus-
ávexti, jarðarber og blóm, sagði
Herzog.
Perú:
Vinstri-skæruliö-
ar vógu 15 manns
Tingo Marii Perú, 13. febrúar. AP.
VINSTRI skæruliðar stöðvuðu á
mánudagkvöld nokkra flutningabíla
og áætlunarbfl, sem ekið var eftir
þjóðvegi í norðanverðu Mið-Perú, og
réðu 15 manns bana, að því er lög-
reglan sagði á þriðjudag.
Var haft eftir bílstjórum flutn-
ingabíla, sem tókst að komast í
gegnum vegahindranir skærulið-
anna, að þarna hefði verið að verki
hópur úr samtökum maóista.
Lögreglan kvað líkin hafa fund-
ist nærri borginni Aucayacu, um
563 km norðaustur af höfuðborg-
inni, Lima. Hafði fólkið ýmist ver-
ið skotiö eða stungið til bana.
Höfðu skæruliðarnir brennt
kosningaskírteini fórnarlamb-
anna til að mótmæla forseta-
kosningunum, sem fara eiga fram
14. apríl nk.
Persaflóastríðiö:
Irakarréðust á
grískt olíuskip
[Ugdad, 12. tebrúar. AP.
ÍRASKAR herþotur gerðu i dag árás
á grískt olíuflutningaskip, sem var á
siglingu í Persaflóa, en skipið var að
flytja 230 þúsund tonn af hráolíu frá
Kharg-eyju, sem er aðalolíuútflutn-
ingshöfn írana.
Áhöfn skipsins, 14 Grikkir og 12
Pakistanar, réð niöurlögum elds,
sem kom upp um borð eftir að
eldflaugum hafði verið skotið að
olíugeymi á stjórnborða. Engan
mun hafa sakað og skipið sigldi án
hjálpar til Dubai. þar sem gera á
við það.
Þetta er í þriðja sinn, sem grískt
olíuflutningaskip verður fyrir
árás íraka í Persaflóa frá því
stjórnin i Bagdad lýsti banni viö
öllum siglingum í nágrenni
Kharg-eyju.
HVERFAFUNDIR BORGARST JÓRA1985
Hvert stefnum
við?_________
Hvað hefur
áunnist?
I DAVÍÐ ODDSSON BORGARSTJÓRI FLYTUR RÆÐU
i OG SVARAR FYRIRSPURNUM FUNDARGESTA.
2.FUNDUR i
1
I
Nes- og Melahverfi —
Vestur- og Miðbæjarhverfi
Sunnudaginn 17. febrúar kl. 14.30 í Átt-
hagasal Hótel Sögu.
Fundarstjóri: Valgarö Briem hrl.
Fundarritari: Birgir Ármannsson
menntaskólanemi.
Á fundinum verða sýnd líkön,
litskyggnur og skipulagsupp-
drættir.
V
REYKVÍKINGAR!
FJÖLMENNIÐ Á HVERFAFUNDI BORGARSTJÓRA.
KOMID SJÓNARMIDUM YKKAR Á FRAMFÆRI OG KYNNIST
UMHVERFI YKKAR BETUR.
J