Morgunblaðið - 28.02.1985, Síða 21

MORGUNBLAÐIÐ, FIMMTUDAGUR 28. FEBRÚAR 1985
21
Líkan af Grafarvogsskóla
Brotið blað í skóla-
sögu Reykjavíkur
eftir Bessí
Jóhannsdóttur
Það mun vera nýmæli hér í
Reykjavík að hverfi, sem er í upp-
byggingu fái skóla um leið og íbúar
flytjast í sitt nýja húsnæði. Því ber
að fagna. Skólinn, sem verið er að
hefja framkvæmdir við í Grafarvogi
er um margt sérstakur. Reykjavík-
urborg gerði samning við mennta-
málaráðuneytið, sem Ragnhildur
Helgadóttir menntamálaráðherra
staðfesti þ. 11.4.84. I samningnum er
gert ráð fyrir að skóiinn teljist til-
raunaverkefni við skólabyggingar.
Lögð er áhersla á að við hönnun
skólans skuli að því stefnt að ná
fram sem bestri nýtingu húsnæðis
og sem lægstum byggingakostnaði
án þess að gæðakröfur séu lækkaðar.
Hönnunarnefnd undir-
býr framkvæmdir
í september 1983 tilnefndi
fræðsluráð fulltrúa sína í hönnunar-
nefnd Grafarvogsskóla. Formaður
nefndarinnar var skipuð Bessi Jó-
hannsdóttir, en auk hennar eru i
nefndinni frá fræðsluráði Hafdís
Sigurgeirsdóttir kennari, og Elín Ól-
afsdóttir kennarafulitrúi sem
áheyrnarfulltrúi. Frá menntamála-
ráðuneyti er deildarstjóri bygg-
ingardeildar ráðuneytisins, Hákon
Torfason, í nefndinni og frá skóla-
skrifstofu Reykjavíkur Björn Hall-
dórsson forstöðumaður, sem jafn-
framt er formaður byggingarnefnd-
ar skóians.
Hönnunarnefndin þurfti í upphafi
að taka ákvörðun um stærð og hlut-
verk skólans að öðru leyti en sem
skólastofnun af hefðbundinni gerð.
Þegar í upphafi komu fram hug-
myndir um að gera þennan skóla
nokkuð sérstakan að allri gerð.
Nefndin skilaði tillögum til fræðslu-
ráðs, sem fólu í sér að skóiinn verði
hannaöur sem þriggja hliðstæöna
grunnskóli (þ.e. þrír bekkir í hverj-
„Gert er ráð fyrir að Graf-
arvogsskóli verði félags- og
menningarmiðstöð hverfís-
ins. Hér er nýmæli á ferð-
i»«ni. Sú stefna að byggja fé-
lagsmiðstöðvar fyrir hverfín
sérstaklega hefur verið fram-
kvæmd á undanförnum ár-
um.“
um aldursflokki) með forskóla. Hús-
næðisþörfin verði miðuð við sam-
felldan skóladag nemenda og ein-
setningu að mestu. Fyrirkomulag og
gerð húsnæðis verði miðuð við að
skólinn geti einnig verið félags- og
menningarmiðstöð hverfisins. Þess-
ar tillögur voru samþykktar í
fræðsluráði með 7 samhljóða at-
kvæðum.
Félags- og
menningarmiðstöð
Gert er ráð fyrir að Grafarvogs-
skóli verði félags- og menningarmið-
stöö hverfisins. Hér er nýmæli á
ferðinni. Sú stefna að byggja félags-
miðstöðvar fyrir hverfin sérstaklega
hefur verið framkvæmd á undan-
förnum árum. Má þar nefna Bústaði,
Fellahelli og Tónabæ, sem reknir eru
af æskulýðsráði ásamt Þróttheim-
um. Sú hugmynd hefur oft verið
rædd i æskulýðsráði að byggja fé-
iagsmiðstöð í tengsium við skóla.
Samstarfsnefnd æskulýðsráðs og
fræðsluráös fjallaði um þetta mál á
fundum sinum haustið 1983. Þá
samdi Arnfinnur Jó'nsson skólastjóri
greinargerð um málið, og var sú
greinargerð send hönnunarnefnd
Grafarvogsskóla. Hugmyndir sam-
starfsnefndarmanna komu að flestu
leyti heim og saman við hugmyndir
hönnunarnefndar, þ.e.a.s. að það
verði sem fjölbreyttust þjónusta við
íbúa hverfisins í skóianum. í félags-
álmu skólans, sem nú er áætluð i 2.
áfanga, á að verða aðstaða fyrir
nemendur og þá aðila utan hans,
sem vilja nýta húsnæði utan skóla-
tíma til fundahalda, tónleikahalds,
leiksýninga og fl. Gert er ráð fyrir
kaffiteríu í skólanum. Við hönnun
húsanna hefur verið lögð áhersla á
að auðvelt sé að loka félags- og
menningarmiðstöðinni frá skóla-
húsnæðinu.
Skóla- og
almenningsbókasafn
{ fyrsta áfanga hússins er m.a.
gert ráð fyrir bókasafni. Þetta bóka-
safn á að geta þjónað hverfinu eftir
þvi sem hægt er í framtíðinni. Slík
söfn þekkjast viða erlendis og þykir
mörgum þau gefa góða raun. Ekki er
ljóst hvort hægt verður að hefja
rekstur safnsins að hluta í haust t.d.
með barnabókadeild eða hvort nýta
verður húsnæði safnsins um sinn
sem kennslustofur. Fer það eftir
nemendafjölda í skólanum í haust.
Skólinn hefur og fengið „Bókasafn
kennarafélags Miðbæjarskólans“ til
varðveislu. Mikilvægt er að gott
samstarf náist við Borgarbókasafn
Reykjavíkur um rekstur þessa safns.
Skóladagheimili
og athvarf
t þriðja áfanga skólans er gert ráð
fyrir að auk kennsluhúsnæðis verði
rými fyrir skóladagheimili og at-
hvarf. Það hefur sýnt sig á undan-
förnum árum að þörfin fyrir dag-
vistun barna fer æ vaxandi. Skólinn
hlýtur að hafa hér hlutverki að
gegna. Æskilegast væri að börn
gætu verið í skólanum samfellt hluta
dagsins, t.d. frá kl. 8—12 eða 1 e.h.
yngstu deildirnar, og þau eldri jafn-
vel lengur. Fyrir heimilin er slíkt
mikið öryggi, einkum þau, þar sem
báðir foreldrar starfa á vinnumark-
aðnum. Þetta kallar á aukna þjón-
ustu af hálfu skólans og þá um leið á
starfsfólk til að annast þessa þjón-
ustu og spurning vaknar um það
hver eigi að borga brúsann. Annars
staðar á Norðurlöndunum er þessu
nokkuð ólíkt fyrir komið. Foreldrar
greiða beint þessa auknu þjónustu
sums staðar eru annars staðar er
hún greidd af sveitarfélaginu og/eða
ríkinu. Án efa eru foreldrar tilbúnir
til að taka þátt í kostnaði viö slíka
þjónustu hér í Reykjavík, ef hún
stæði til boða í ríkari mæli en nú er.
Skóli fyrir framtíðina
Það er vissulega skemmtilegt
verkefni að fá að taka þátt í hönnun
skóla, sem á að hafa framtíðarsýn að
Ieiðarljósi í öllu skipulagi og starfi.
Arkitekt skólans, Guðmundur Þór
Pálsson, er nútímamaður, sem vill
byggja hagkvæmt en um leið sveigj-
anlegt húsnæði þannig að auðvelt sé
að laga það að breyttum þörfum.
Þetta eru mikilsverðir kostir. Val á
skólastjóra var og mikilvægt. Arn-
finnur Jónsson, sem skipaður hefur
verið skóiastjóri, er þekktur fyrir
störf sín að skóla- og félagsmálum.
Hann er einn af þeim, sem mörkuðu
þá stefnu er lögð var til grundvallar
við hönnun skólans, og er það vel að
hann fái tækifæri til að móta starfið
í skóla framtíðarinnar.
Bessí Jóhannsdóttir er formaóur
hönnunarnetndar Grafarvoga-
skóla.

Ætlir þú að ávaxta fé þitt í lengri eða skemmri tíma
er þér óhætt að setjast niður, loka eyrunum fyrir öllum gylliboðum og bera saman kjör og öryggi
á sparitjármarkaðnum. Niðurstaðan verður áreiðanlega sú að þú velur
spariskírteini ríkissjóðs að því loknu og stendur upp með pálmann í höndunúm.
Verðtryggö spariskírteini
með 7% vöxtum. Innleysanleg
eftir 3 ár.
Verðtryggö spariskírteini
með 6.71% vöxtum sem greiðast
misserislega. Innlevsanleg
eftir 5 ár.
Verðtryggð spariskírteini
til 18 mánaða með vöxtum sem
eru meðaltal vaxta
\ iðskiptabankanna á 6 mán.
verðtr. reikn.
+ 50% VAXTAAUKA.
Gengistryggð spariskírteini
með 9% vöxtum til 5 ára.
ENGIR LEYNDIR VARNAGLAR - ENGIR LAUSIR ENDAR
HREINIR OG KLÁRIR SKILMÁLAR MEÐ MEIRIÁVÖXTUN OG FULLKOMNU ÖRYGGI.
91
■
Sölustaðir eru:
Seðlabanki íslands. viðskiptabankamir. sparisjóðir, nokkrir verðbréfasalar og pósthús um land allt.
RÍKISSJÓÐUR ÍSLANDS