Morgunblaðið - 21.03.1985, Blaðsíða 37

MORGUNBLAÐIÐ, FIMMTUDAGUR 21. MARZ 1985
37
Lóósm. Haukur.
Frú Stefanía Gissurardóttir afhendir Bjarna Dagssyni Rjöfina frá Gísla
Sigurbjörnssyni og frú. Sr. Sigurður Sigurðarson sóknarprestur t.v.
Minningargjöf frá
Gísla Sigurbjörns-
syni og frú afhent
Selfosskirkju
SelÍ08si, 19. mars.
GÍSLI Sigurbjörnsson og kona hans hafa sent Selfosskirkju kr. 50.000 að
gjöf til minningar um sex forystumenn hér austan fjalls. Nöfn þeirra eru
Dagur Brynjólfsson, Egill Thorarensen, Guðjón A. Sigurðsson, Jörundur
Brynjólfsson, Teitur Eyjólfsson og Þorsteinn Sigurðsson.
Gísli og Helga kona hans sendu
frú Stefaníu Gissurardóttur, eig-
inkonu sr. Sigurðar Pálssonar
vígslubiskups, gjöfina ásamt bréfi
þar sem tilteknar eru ástæður
gjafarinnar. Frú Stefanía afhenti
gjöfina síðan Bjarna Dagssyni,
formanni sóknarnefndar, í lok
messu 10. mars sl.
{ bréfi sínu til frú Stefaníu segir
Gisli:
,Um nokkuð langt árabil áttum
við allir samleið, en nú eru þeir
farnir á undan. Þeir vissu vel hvað
við vorum að reyna að gera. Þeir
voru allir vinir mínir og skildu
mig betur en margir aðrir. Öllum
á ég þeim margt að þakka.
Dagur Brynjólfsson í Gaul-
verjabæ var góður kennari minn.
hann hafði mikla reynslu að baki,
forystumaður og forvígismaður
bænda í áratugi.
Egill Thorarensen, kaupfélags-
stjóri, stórbrotinn og framsýnn
framkvæmdamaður. Þar átti ég
góðan hauk í horni. Ég sakna hans
oft. Til hans var gott að leita,
hann var ótrúlega hugkvæmur og
úrræðagóður og hann var vinur
vina sinna.
Guðjón A. Sigurðsson í Gufudal
átti frumkvæðið að starfi Grundar
og elliheimilanefndar Árnessýslu.
Hann hafði áhuga á framgangi
þess máls og kom því í höfn, ásamt
skilningsgóðum dugandi sam-
starfsmönnum.
Jörundur Brynjólfsson, alþing-
ismaður, þessi siungi öldungur,
sem kom stundum til mín á Grund
þegar hann hafði látið af störfum
eftir áratuga þrotlaust starf í
þágu fólksins. Ég dáðist að áhuga
hans á framfaramálum, sem enn
eru svo mörg óleyst. Brúin yfir
Ölfusá hjá Óseyri átti hug hans
allan.
Teitur Eyjólfsson frá Eyvind-
artungu. Þau ár, sem hann var
oddviti, voru góð ár fyrir mig.
Hann skildi starfið og var ávallt
reiðubúinn til þess að styðja það
með ráðum og dáð.
Þorsteinn Sigurðsson á Vatns-
leysu var mikilhæfur forystumað-
ur bænda sunnanlands, reyndar í
landinu öllu. Við hittumst fyrst í
Búnaðarfélagshúsinu við Tjörn-
ina, þá var eitt áhugamála hans,
eitt af ótalmörgum, í burðarlið-
num. Ýmislegt hef ég átt við um
dagana en samstarfið við þennan
stórmerka, orðheldna og trausta
mann var mér hvatning oft síðar.
Ég stend í mikilli þakkarskuld
við alla þessa menn og minningu
þeirra. Ég man þá alla og minnist
þeirra ætíð með þakklæti og virð-
ingu.“
Við afhendinguna þakkaði
Bjarni Dagsson þessa höfðinglegu
gjöf og tók fram að Gísli hefði áð-
ur gefið kirkjunni gjafir, m.a.
passíusálma fyrir nokkrum árum.
Sig. Jóns.
Leiðrétting
í FRÉTT um 30 ára söngafmæli
Sigurðar Demetz Franzsonar í
Morgunblaðinu i gær misritaðist
nafn Svanhvítar Egilsdóttur pró-
fessors í Vinarborg.
Morgunblaðið biður hlutaðeig-
andi aðila velvirðingar á þessum
mistökum.
fltargiittfrlgifeife
Áskriftarsíminn er 83033
FALCONCREST
Frábærir framhaldsmyndaþættir
2 nýir þættir koma á hverjum
fimmtudegi
Fást á öllum helstu myndbandaleigum landsins
Dreifing: MYNDBÖND HF.
Skeifunni 8. Símar 686545 — 687310.
85 40