Morgunblaðið - 20.06.1985, Blaðsíða 25

MORGUNBLAÐIÐ, FIMMTUDAGUR 20. JtJNÍ 1985
25
Réttur
dagsins
Margrét Þorvaldsdóttir
Vitur maöur sagði: „Fullkomnun
fclst ekki í því aö gera frábœra hluti,
heldur hinu, að gera hversdagslega
hluti frábærlega vel.“ Þaö hefur Ný-
Sjálendingum einnig verið Ijóst er þeir
markaðsettu lambakjöt sitt. Þeir hafa
lagt sig mjög fram með leiöbeiningar á
meðhöndlun kjötsins og matreiðslu
þess.
Hér fylgja nokkrar af ágætum upp-
skriftum þeirra og dæmi svo hver fyrir
sig.
Grillsteiktar
kótilettur
Kótilettur 2 cm þykkar eru
smurðar með sinnepi og hunangi og
grillaðar í 7—8 mín. á hvorri hlið.
Kótilettur og hryggsteikur
(skornar þvert yfir hrygginn) eru
ekki siðri grillaðar og penslaðar
með sérstakri barbecue-sósu. Sósu
þessa má einnig nota á grillsteikur
af frampart.
Barbecue-sósa
1 lítill laukur (saxaður)
1 hvítlauksrif (pressað)
1 matsk. sítrónusafi
14 bolli eplaedik (cider-edik)
1 dós tómatkraftur (150 gr)
1 bikar vatn (150 gr)
1 matsk. Worchesterhire sósa
2 matsk. smjör
1 matsk. brúnn sykur
W tsk. mustard duft
14 tsk. salt
('Msk. pipar)
Setjið allt í pott, hitið að suðu og
látið sjóða við vægan hita í 20 mín.
Sósan er fremur bragðmikil en
ekki bragðsterk. Þegar kjötið er
grillað er best að láta það þorna ör-
lítið yfir glóðinni (lokast) áður en
það er penslað með sósunni. Það
verður safaríkara.
Sem meðlæti eru góð grjón með
tómat, papriku og lauk.
1 bolli grjón
2 bollar vatn
1 ten. kjötkraftur
1 laukur
1 tómatur
W græn paprika
1. 2 matsk. matarolía er hituð i góð-
um potti og saxaður laukurinn soð-
inn í feitinni þar til hann er glær.
Grjónunum er bætt út i og steikt
með þar til þau eru orðin hvít að lit.
Vatni ásamt kjötkrafti er bætt út í
og grjónin soðin í 10 mín. Skerið
tómat i litla teninga og skerið papr-
iku smátt og sjóðið með grjónunum
síðustu 5 mínúturnar. Takið af hell-
unni og látið standa í 10 mín. áður
en þau eru borin fram.
Hér ér svo
„Klassísk ný-sjálensk steik“
1 lambalæri 214—3 kg
2 hvítlauksrif
2 mats. rósmarín
salt og hvítur pipar
Lambalærið er látið þiðna í 1—2
dag í kæliskáp. Ofninn er hitaður.
Hvítlauksrifin eru skorin í þunnar
sneiðar. í yfirborð kjötsins eru
skornir litlir fleygar og er hvít-
laukssneiðunum komið fyrir í fitu-
laginu. Rósmarín, salti og pipar er
síðan nuddað á kjötið og það sett
inn í heitan ofn og bakað á venju-
legan hátt. Áætlið minnst 30 mín.
bökunartíma fyrir hver 500 gr.
Rósmarín og hvítlaukur gera
kjötið verulega sætt og bragðgott. Á
minna lambalæri dugir vel helmingi
minna magn krydds en uppgefið er f
uppskriftinni.
Verð á hráefni í júní:
1 kg af kótilettum
er frá kr. 245.00
1 kg af frampart
er frá kr. 159.00
1 kg í læri er frá kr. 255.00
Nú er rétt að benda á, að talsverð-
ur munur er á verði kjöts eftir versl-
unum og einnig er verðmunur á
frosnu kjöti og kjöti sem látið er
þiðið — og hanga. Kannið því verðið
vel áður en farið er til innkaupa.
„Þe ród tú Reykjavík“
— eftirJón
Isberg
Ég var að koma frá Akureyri
um daginn. Þegar ég kom út á
Moldhaugnahálsinn og næstum
því kominn að vegamótum vegar-
ins til Dalvíkur og ólafsfjarðar sá
ég bíl, sem staðnæmst hafði á veg-
arkantinum. Ég hefi það fyrir
reglu hér í mínu umdæmi, að
kanna alla kyrrstæða bíla á vegin-
um og af gömlum vana nam ég
staðar og spurði hvort nokkuð
væri að. Þarna var þá útlendingur
á ferð við vegarskilti Vegagerðar
ríkisins, sem á að leiðbeina ferða-
löngum, innlendum sem útlendum.
Hann bara skildi þetta ekki.
Stuttu áður hafði hann farið fram
hjá vegarskilti, sem á stóð Reykja-
vík og þangað ætlaði hann. Nú var
hann aftur á móti kominn að
vegamótum, að hann hélt á aðal-
þjóðveginum, og ekkert benti til
að vegurinn lægi til Reykjavíkur.
Þarna stóð skilti og vísaði beint
áfram „Borgarnes" og „Sauðár-
krókur". Hann hafði komið flug-
leiðis norður og ætlaði suður land-
leiðina. Hann fann hvorki Sauð-
árkrók né Borgarnes, en rétt er að
geta þess að hann var með gamalt
kort.
Og þarna stóð þessi útlendingur
og spurði um leiðina til Reykjavík-
ur og var ekki furða. Ég gat ekki
farið að segja honum, að það hafi
verið einu sinni samgönguráð-
herra á íslandi, sem verið hafði
sveitarstjóri í Borgarnesi og þá
hafi kauptúnið hlotið þann sess í
hugum vegagerðarinnar, að síðan
hafi allar leiðir a.m.k. norðan frá
Akureyri og ég held bara suður að
vegamótum Vesturlandsvegar
norðan við Borgarnes legið til
Jón ísberg
„Auðvitað vita allir ís-
lendingar að leiðin um
Borgarnes liggur suöur
til Reykjavíkur, en viö
tökum á móti nokkrum
tugum þúsunda útlend-
inga á hverju ári og væri
ekki úr vegi aö hafa það
í huga, þegar vegir eru
merktir.“
Borgarness. M.ö.o. eins og Reykja-
vík, sem víst mun vera höfuðborg
landsins og svo til allir sem koma
flugleiðis fara um, sé bara ekki til.
Auðvitað vita allir Islendingar
að leiðin um Borgarnes liggur suð-
ur til Reykjavíkur, en við tökum á
móti nokkrum tugum þúsunda út-
lendinga á hverju ári og væri ekki
úr vegi að hafa það í huga, þegar
vegir eru merktir. Ég held að við
verðum að gera þá kröfu til vega-
gerðarinnar að vegirnir séu
merktir þannig, að allir, bæði
heimamenn og útlendingar, geti
áttað sig á þeim og farið eftir
merkingunum.
í hugum flestra innlendra sem
erlendra, eru ísafjörður, Akureyri
og Egilsstaðir endastöðvar í við-
komandi fjórðungum. Er þá miðað
við Reykjavík. Hún verður engu að
síður að vera með. Hræddur er ég
um að einhver íslendingur segði
eitthvað, ef leiðin norður um yrði
bara merkt Blönduós, þótt þjóð-
leiðin liggi þar um. Hvað þá um
útlendinga. Við verðum að viður-
kenna þessar staðreyndir. Á út-
lendum landabréfum er alveg und-
ir hælinn lagt, hvaða kaupstaðir
eru tilgreindir. T.d. í tímariti sem
liggur frammi í flugvélum SAS og
er sambærilegt við „Við sem fljúg-
um“, rit Flugleiða, er landabréf af
íslandi. Þar er auðvitað Reykjavík
og Akureyri. Svo eru merktar inn
„borgirnar" Blönduós, Skaga-
strönd og Siglufjörður og ekki
fleiri staðir á Norðurlandi vestra.
Ég minntist- einu sinni á þessar
vegarmerkingar á vegamálaskrif-
stofunni, en ekki var á það hlust-
að. Ég hefi ætlað að vekja á þessu
athygli fyrr, en ekki orðið af, þótt
ég hafi nokkrum sinnum rekist á
útlendinga sem ekki botnuðu í
þessum merkingum. Nú læt ég
verða af þessu í von um árangur.
Höíundur er sýslumaður Húnvetn-
inga.
Myndir í Stern sagöar
vera af Josef Mengele
Hamborg, 19. júní. AP.
VIKURITIÐ Stern í Vestur-Þýzkalandi birti í dag Ijósmyndir, sem
sagðar eru af stríðsglæpamanninum eftirlýsta Josef Mengele.
fram, að maðurinn sé Mengele
og að börnin séu börn Bossert-
hjónanna, sem eiga að hafa skot-
ið skjólshúsi yfir hann í Brasilíu
á árunum eftir 1970.
Önnur ljósmynd sýnir mann-
inn þar sem hann er að smiða
leikföng úr tré, en tvö börn horfa
á. Segir Stern, að það séu sömu
börnin og i róðrarbátnum og
hafi þessi mynd verið tekin í
grennd við Sao Paulo.
Birtust þessar myndir degi
síðar en vikublaðið Bunte birti
fyrsta hluta frásagnar sinnar og
mynda af Mengele. Þykir Ijóst,
að hér er um sama manninn að
ræða, en myndir þær, sem Stern
birti af honum, eru 11 að tölu og
allar svart-hvítar.
Myndirnar í Stern sýna mann
á sjötugs aldri um borð í róðr-
arbát með tveimur börnum og er
maðuriiin að veifa til ljós-
myndarans. Heldur Stern því
FRICO geislaofninn er tilvalinn vermir á svalir, útverustaði og garðhús
þegar svalt er í veðri á góðviðrisdögum á íslandi.
Endurseljendur:
Rafvörur - Laugarnesvegi 52 - Reykjavík
Glóey - Ármúla 28 - Reykjavík
Skúli Þórsson - Álfaskeiði 31 - Hafnarfir&i
Rafborg - Grindavik
Árvirkinn - Selfossi
Kaupfélag V-Skaftfellinga - Vík f Myrdal
Verslunin Kjarni - Vestmannaeyjum
Bifreiða- og trésmiðja Borgarness
Sigurdór Jóhannsson raftækjavinnustofa - Akranesi
Leifur Haraldsson - Seyðisfirði
Rafvirkinn - Eskifirði
Kristall - Höfn/Hornafirði
Rafborg - Patreksfirði
Ljósvakinn - Bolungarvík
Raftækni - Akureyri
Árni og Bjarni - Reyðarfirði
„Tja.. Kaffi með „bólu“ dugar^
ekki. — Ég verð að fá mér
íftltD
„Með CflltD geislaofni
útiveran þægileg“