Morgunblaðið - 20.06.1985, Blaðsíða 28
28
MORGUNBLAÐIÐ, FIMMTUDAGUR 20. JÚNl 1985
Walesa neitar
samvinnu við
saksóknarann
Varsjá, 19. júní. AP.
LE(’H Walesa, leiðtogi Samstöðu í
Póllandi, neitaði í gær að svara
spurningum saksóknara í Gdansk.
Saksóknari sagði, að Walesa ætti
GENGI
GJALDMIÐLA
Lundúnum, 19. júní. AP.
GENGI dollarans féll í dag á
gjaldeyrismörkuðum sökum
vaxtalækkunar bandarískra
banka. Hins vegar hækkaði verð
á gulli lítillega í Ziirich, en stóð í
stað í Lundúnum.
Fyrir breska pundið fengust
í kvöld 1,3105 dollarar, og hef-
ur það ekki verið verðmeira frá
því í ágúst 1984. 1 gær fengust
1,2972 dollarar fyrir pundið.
Þegar gjaldeyrismarkaðir
lokuðu í Tókýó síðdegis fengust
246,95 yen fyrir dollarann. Það
er lækkun frá því í gær, en þá
kostaði dollarinn 247,90 yen. í
Lundúnum fengust hins vegar
247,30 yen fyrir dollara.
Gengi annarra helstu gjald-
miðla gagnvart dollara er sem
hér segin 3,0190 vestur-þýsk
mörk (í gær 3,0340), 2,5272
svissneskir frankar (2,5507),
9,2150 franskir frankar
(9,2765), 3,4045 hollensk gyllini
(3,4275), 1.931,25 ítalskar lírur
(1.939,90), 1,3645 kanadískir
dollarar (1,3678).
Engin breyting varð á verði
gulls í Lundúnum í dag; fyrir
hverja únsu fengust 324,75
dollarar. í Ziirich fengust
325,50 dollarar fyrir únsu af
gulíi. Er það hækkun frá því í
gær, en þá fengust 323,50 doll-
arar fyrir únsuna.
fangelsisdóm yfir höfði sér ef hann
léti ekki af „ólögmætri starfsemi."
Walesa var kvaddur til yfir-
heyrslu fimm dögum eftir að þrír
félagar hans í forystusveit óháðu
verkalýðshreyfingarinnar, Adam
Michnik, Bogdan Lis og Wladysl-
aw Frasyniuk, voru fundnir sekir
um að spilla almannafriði og
leggja á ráð um ólöglegt verkafall.
Þeir hlutu allir fangelsisdóma.
Walesa, er sætir rannsókn fyrir
svipaðar sakir, afhenti saksóknar-
anum skrifað blað, þar sem sagði
að hann mundi ekki bera vitni.
„Réttarhöldin yfir Frasyniuk, Lis
og Michnik hafa styrkt mig í
þeirri sannfæringu, að það sé að-
eins ein leið til að halda virðingu
sinni frammi fyrir dómi, saksókn-
ara og lögreglu: að neita að bera
vitni og svara spurningum," sagði
í yfirlýsingu Walesa.
Saksóknari hvatti Walesa til að
hætta „ólögmætri starfsemi", þ.á
m. að hætta að senda frá sér yfir-
lýsingar sem andstæðar væru
stjórnvöldum, á meðan rannsókn
færi fram á sakargiftum gegn
honum. Varaði hann Walesa við
því að aðstæður hans gætu breyst
og er talið að með því hafi hann
verið að hóta Samstöðuleiðtogan-
um gæsluvarðhaldi.
Walesa var leyft að yfirgefa
skrifstofu saksóknara hálftíma
eftir að hann kom þangað. Hann
hélt þá þegar til starfa sinna í
Lenín-skipasmíðastöðinni í borg-
inni.
{ símasamtali við AP-frétta-
stofuna á þriðjudagskvöld kvaðst
Walesa vera reiðubúinn að fara í
fangelsi eins og félagar hans.
Fulltrúadeildin
fækkar MX í 40
Washington, 19. júní. AP.
FULLTRÚADEILD Bandaríkjaþings samþykkti með 233 atkvæðum gegn
184 að takmarka heildarfjölda MX-kjarnaflauga við 40. Deildir þingsins eni
ekki á einu máli um fjölda flauganna og samþykkt fulltrúadeildarinnar er
einnig á skjön við óskir Hvíta hússins.
Samþykktin um MX-flaugarnar atkvæðum gegn 182. Miklar deilur
var gerð við ákvörðun útgjalda til
varnarmála á næsta ári. Uppruna-
lega vildi Reagan Bandaríkjafor-
seti að framleiddar yrðu 100
MX-flaugar, en hann féllst síðar á
ákvörðun öldungadeildarinnar um
helmings fækkun þeirra í 50.
Rétt áður en fulltrúadeildin
ákvað að þeim skyldi fækkað enn
frekar felldi deildin tillögu um að
MX-áætlunin skyldi lögð á hilluna
með 230 atkvæðum gegn 185.
Deildin felldi einnig tillögu um að
flaugarnar skyldu vera 50 með 234
hafa verið á Bandaríkjaþingi um
MX-flaugarnar undanfarin þrjú
ár.
Fulltrúadeildin reynir nú að af-
greiða frá sér tillögu um 292 millj-
arða útgjöld til varnarmála á
næsta ári. Var samþykktin um
MX-flaugarnar liður í þeirri af-
greiðslu og er ákvæðið um 40
flaugar nú komið inn í frumvarp-
ið. Allt stefnir í að engin aukning
verði á útgjöldum til varnarmála
á næsta ári og í tölunni er ekki
gert ráð fyrir neinni verðbólgu.
Systkini Roberts Stethem, sem flugræningjar TWA-farþegaþotunnar í Beirút myrtu, sjást hér syrgja bróður sinn
er komið var með lík hans til Andrew-herflugvallarins í Maryland-fylki á þriðjudag.
Flugránið:
„Andrúmsloftið í
IU
þotunni þrúgandi
— sagði bandaríski námsmaðurinn sem var sleppt
Aþena, 19. júní. AP.
18 ára bandarískur námsmaður, sem flugræningjar TWA-farþegaþot-
unnar létu lausan í Beirút ásamt gríska söngvaranum Demis Roussos og
einkaritara hans, sagðist ekki hafa hugmynd um hvers vegna honum var
sleppt.
Námsmaðurinn, Athannassios
Targontisidis, sem stundar nám
í viðskiptafræði við Ameríska
háskólann í Aþenu, kvaðst hafa
orðið mjög hræddur þegar farið
var með hann sl. þriðjudag úr
húsi því sem honum var haldið
föngnum, enda hefði hann ekki
vitað að láta ætti hann lausan.
Targontsidis var á leið til
Rómar og Boston síðasta föstu-
dag þegar þotunni var rænt, en
hann ætlaði að dveljast í Mass-
achusetts-fylki í Bandaríkjunum
í sumar hjá foreldrum sínum.
„Andrúmsloftið í flugvélinni
var mjög þrúgandi," sagði hann,
„enda hlupu flugræningjarnir
fram og aftur. Farþegunum var
skipað að halda kyrru fyrir í
sætunum, og ég sá engan bæra á
sér,“ sagði Targontsidis. Hann
kvaðst hafa orðið verulega
hræddur þegar flugræningjarnir
byrjuðu að kalla upp nöfn ákveð-
inna farþega þegar vélin var í
Alsír. í fyrstu hefði hann haldið
að hér væri um að ræða nöfn
þeirra sem ætti að myrða, en sið-
an hefði hann gert sér grein
fyrir því að eingöngu Grikkir
voru kallaðir upp. Hann bætti
því við að flugræningjarnir
hefðu kailað upp fornafn sitt, en
þar sem hann væri venjulega
nefndur Artúr en ekki Athann-
assios hefði hann ekki gefið sig
fram.
Grísku farþegarnir voru látnir
lausir í skiptum fyrir einn vit-
orðsmann flugræningjanna.
Eftir að vélin lenti í Beirút var
síðan ekið með Targonsidids í
jeppa-bifreið til þess húss þar
sem hann dvaldist ásamt fjórum
öðrum gíslum. „Andrúmsloftið
var gjörólíkt þar,“ sagði hann,
„maturinn var góður og komið
var vel fram við okkur."
Targontsidis var síðan sleppt
á þriðjudag, og sigldi hann með
bát til Kýpur og þaðan til Aþenu
á miðvikudag.
Agca bendlar þriðja
manninn við tilræðið
Kómabori;, 19. júni. AP.
Tilræðismaður páfa, Mehmet Ali
Agca, breytti framburði sínum enn
einu sinni og hélt því fram við yfir-
heyrslur í dag, að þriðji Tyrkinn heföi
tekið þátt í tilræðinu á Péturstorginu
13. maí 1981.
Hingað til hefur Agca aðeins
haldið því fram að Tyrkinn Oral
Celik hafi verið í vitorði með sér á
Péturstorginu. Agca sagði einnig
Wesley MacDonald, yfirmaður herstjórnar NATO á Atlantshafi:
w
Virði ákvörðun Islendinga um
ferðir skipa með kjarnorkuvopn
WESLEY MacDonald, flotaforingi, yfirmaður herstjórnar NATO á Atl-
anlshafi, en ísland er innan varnarsvæðis hennar, segist virða ákvörðun
íslenskra stjórnvalda um ferðir skipa með kjarnorkuvopn og verði starfi
flotastjórnarinnar hagað í samræmi við hana. Geir Hallgrímsson, utanrík-
isráðherra, lýsti því yfir á Alþingi fyrir skömmu, að bann við kjarnorku-
vopnum næði til íslenskrar lögsögu og skipa sem um hana fara og koma
til hafna hér á landi.
Flotaforinginn sat fyrir svör-
um blaðamanna frá ýmsum að-
ildarríkjum Atlantshafsbanda-
lagsins hinn 13. júní sl. og vísaði
þá einn fyrirspyrjenda til banns
stjómvalda á Nýja Sjálandi við
ferðum skipa með kjarnorku-
vopn. Sagt hefði verið að það
hefði líklega engin áhrif á Atl-
antshafi en nýlega hefðu Islend-
ingar hins vegar tekið mjög svip-
aða ákvörðun og það væri stefna
margra Evrópuþjóða að banna
kjarnorkuvopn í löndum sínum á
friðartímum. Síðan var Wesley
MacDonald spurður, hvort þetta
gerði herstjórninni á Atlants-
hafi erfitt fyrir.
MacDonald sagði, að vissulega
skapaði það vandkvæði við
venjulegar aðstæður að slíkar
tálmanir væru í gildi, en sem
herforingi og aðili að bandalagi
bæri sér að virða fullveldi þeirra
þjóða sem hann þjónaði.
Ákvörðun stjórnvalda á Nýja
Sjálandi um að banna ferðir
kjarnorkuknúinna skipa eða
skipa sem ef til vill flyttu kjam-
orkuvopn hefði vissulega haft
mikil áhrif á Kyrrahafi. Hins
vegar sagðist hann ekki telja
þetta alvarlegt mál innan Atl-
antshafsbandalagsins við núver-
andi aðstæður. „Ég virði full-
komlega ákvörðun íslensku rík-
isstjórnarinnar," sagði flotafor-
inginn „og mun starfa með hana
í huga.“
Geir Hallgrímsson, utanrík-
isráðherra, hefur sagt að ekki
beri að líkja afstöðu íslenskra
stjómvalda við ákvörðun ríkis-
stjórnar Nýja Sjálands, Islend-
ingar fylgi sömu stefnu og Norð-
menn í þessu efni.
við yfirheyrslur í dag að hann hefði
átt fund með ítölskum leyniþjón-
ustumanni eftir að hann var grip-
inn. Leyniþjónustumaðurinn hefði
fengið sig til að bera vitni gegn
sökunautum sínum gegn því að fá
sakaruppgjöf. Agca neitaði því hins
vegar að hafa verið fenginn til að
bendla Búlgaríu við samsærið.
Agca sat í dag undir orrahrfð
spurninga frá Severino Santiaap-
ichi dómara og breytti þá fyrri
framburði sínum um fjölda tilræð-
ismanna á torginu. Sagði hann
þriðja mannin heita Akif, en síðar
Omer Ay, og átti hann að sprengja
minniháttar sprengjur til að valda
skelfingu meðal mannfjöldans og
auðvelda þannig undankomu skot-
mannanna. Agca hefur hingað til
sagt Celik hafa verið með sprengj-
urnar, en kveðst nú hafa logið þar
um. Þegar dómarinn sýndi Agca
mynd af Omer Ay, sem er tyrknesk-
ur öfgamaður, neitaði hann að sá
væri vitorðsmaðurinn. Ay var yfir-
heyrður vegna tilræðisins en engin
ákæra gefin út á hendur honum.
Agca benti síðar á mann á annarri
mynd, sem tekin var af túrista á
torginu, og sagði hann Akif. Maður-
inn horfir á þann stað sem Celik
átti að hafa staðið, en allir aðrir á
myndinni horfa í átt til páfa.