Morgunblaðið - 25.06.1985, Side 13

MORGUNBLAÐIÐ, ÞRIÐJUDAGUR 25. JÚNÍ 1985
13
Boðið upp á tómstunda-
starf fyrir fatlaða
Vinnuskóli Kópavogs:
VINNUSKÓLI Kópavogs tók til starfa 1. júní sl. og eru 300 unglingar
innritaðir að þessu sinni. Sú nýbreytni verður höfð á í sumar, aö boóið
verður upp á tómstundastarf fyrir fotluð ungmenni í Kópavogi. Þá er
boðið upp á vinnu fyrir 16 og 17 ára unglinga en hingað til hefur
hámarksaldur verið 15, að sögn Sigurðar Þorsteinssonar, forstöðumanns
vinnuskólans.
Linda Gísladóttir, þroska-
þjálfanemi, hefur umsjón með
tómstundastarfi fatlaðra í
sumar og henni til aðstoðar eru
unglingar úr elstu árgöngum
vinnuskólans. Öll fötluð ung-
menni á aldrinum 13 til 30 ára,
sem búsett eru í Kópavogi, geta
sótt um aðstoð í frístundum sín-
um í júní og júlí, en starfsemin
fer fram milli kl. 13.30 og 16.30
alla virka daga.
Þátttakendum er skipt niður í
hópa og reynt að sinna áhuga-
málum hvers og eins. Mikið er
lagt upp úr útivist, s.s. göngu-
ferðum, fjöruferðum, sundi, sigl-
ingum, skoðunarferðum í ýmsa
garða og um miðbæ Reykjavik-
ur.
Sigurður sagði að þessi nýjung
hefði strax hlotið góðar undir-
tektir meðal fatlaðra í Kópavogi
og þegar hefðu 17 ungmenni
skráð sig. „Ákveðið var að taka
upp þessa þjónustu við fatlaða
eftir að SAFÍR-hópurinn, sam-
tök aðstandenda fatlaðra i
Reykjaneskjördæmi, hafði óskað
eftir því við tómstundaráð Kópa-
vogs,“ sagði Sigurður. „Bæjarráð
Kópavogs samþykkti svo að
þessi tilraun yrði gerð í tengsl-
um við Vinnuskóla Kópavogs."
„SAFlR-hópurinn hefur einn-
ig skrifað Menntaskólanum í
Kópavogi og óskað eftir því að
tómstundamál fatlaðra verði
tekin inn í námsefni skólans og
að nemendur skólans á félags-
fræðibraut fái að velja þetta
verkefni í námi sínu. Tilraunin í
vinnuskólanum í sumar er því
liður í þeirri viðleitni að veita
fötluðum ungmennum aðstoð við
tómstundastörf svo og í félags-
lífi og skemmtanalífi," sagði Sig-
urður.
Meðal annarra verkefna
vinnuskólans má nefna hreinsun
bæjarlandsins, gróðursetningu,
gerð og viðhald opinna svæða og
þjónustu við Kópavogsbúa, sér-
staklega aldraða og öryrkja.
Starfsmenn félagsmiðstöðvar-
innar Agnaragnar hafa yfir-
umsjón með félagslífi í vinnu-
skólanum. Dansleikir eru aðra
hverja helgi og opið hús annað
hvert fimmtudagskvöld. Þá
verður hin árlega Hlíðargarðs-
hátið haldin i sumar og einnig
sameiginlegt íþróttamót með
Vinnuskólanum í Mosfellssveit.
Þá hefur vinnuskólinn, í sam-
ráði við tómstundaráð Kópa-
vogs, ákveðið að halda einn
vinnudag á ári hverju, í því
skyni að hvetja Kópavogsbúa til
að taka höndum saman um að
fegra bæinn. Fyrsti „Vinnudag-
ur fjölskyldunnar", eins og hann
hefur verið nefndur, verður
haldinn fimmtudaginn 4. júlí nk.
Sigurður sagði að mikið illgresi
væri að finna á gangstéttum og
göngustígum Kópavogsbæjar og
yrði það aðalverkefni fyrsta
vinnudagsins, að hreinsa burt
slíkt illgresi.
Nýr bæklingur
fyrir
ferðamenn
SAMBAND veitinga- og gistihúsa
hefur gefið út kynningarbækling
yfir hótel og veitingastaði á land-
inu. Er þetta í þriðja sinn sem slík-
ur bæklingur er gefinn út og nú
mjög í endurbættri mynd. Með
táknmáli er getið um alla þá þjón-
ustu og aðstöðu sem viðkomandi
hótel og veitingastaðir hafa upp á
að bjóða. Ennfremur er í bækl-
ingnum kort af bæði Reykjavík og
landinu öllu og staðirnir merktir
inn á.
Bæklingur þessi liggur
frammi á SVG-hótelum og veit-
ingahúsum víðs vegar um land-
ið, ferðaskrifstofum og enn-
fremur fæst hann í upplýsinga-
turni fyrir ferðamenn sem stað-
settur er á Lækjartorgi.
(Úr rréltatilkynningu)
^wterkur og
kJ hagkvæmur
auglýsingamióill!
JWflirpJitMaiblfo
Ætlarþú til útlanda í sumar?
Einn íslenskra banka býður Búnaðarbankinn Visa ferðatékka í
portúgölskum escudos frá Banco Pinto & Sotto Mayor í Portúgal
og ferðatékka í ítölskum lírum frá Banco di Roma.
Við bjóðum einnig:
Visa ferðatékka í Bandaríkjadollurum,
sterlingspundum, frönskum frönkum
og spönskum pesetum.
Ferðatékka í vestur-þýskum mörkum
frá Bank of America og ferðatékka í
Bandaríkjadollurum frá American Express.
VISA greiðslukort til afnota innanlands og utan.
Verið velkomin í bankann. Starfsfólk gerir sitt ýtrasta til að
veita skjóta og örugga þjónustu í öllum viðskiptum.
BÚNAÐARBANKIÍSLANDS
TRAUSTUR BANKI