Morgunblaðið - 27.06.1985, Qupperneq 27

MORGUNBLAÐIÐ, FIMMTUDAGUR 27. JÚNl 1985
27
telephone
Morgunblaðið/ Ágúst Ásgeirsson

Rauöu símaklefarnir hverfa
Um helgina var fyrsti nýi símaklefinn að bandarískri fyrirmynd tekin í notkun í London. Sjónvarpsmadurinn
Jimmy Savile vígði fyrsta klefann, sem stendur á Leicester Square í miðborg London. Talsvert hefur verið deilt
um klefana nýju, en þeir eiga að taka við af rauðu brezku símklefunum, sem verið hafa hálfgert vörumerki fyrir
Breta í áratugi. Brezka símafyrirtækið mun verja 160 milljónum sterlingspunda til að skipta á gömlu klefunum,
sem eru 76.500 talsins. Mikil skemmdarverk hafa verið unnin í rauðu klefunum, sem eru lokaðir, og árlega
kostar viðgerð á þeim 50 milljónir punda, eða rúmlega 2,5 milljarða króna. Nýju klefarnir eru opnir og minni
hætta talin á skemmdarverkum í þeim.
Bandarísk þingnefnd:
Aukin viðskipti háð því að
Rússar virði mannréttindi
WaKhington, 26. júnf. AP.
BANDARÍSK þingnefnd, sem sett var á laggirnir til að fylgjast með fram-
kvæmd Helsinki-sáttmálans frá 1975, lagði í gær til, að það yrði gert að
forsendu aukinna viðskipta við Sovétríkin að stjórnvöld þar í landi virtu
mannréttindaákvæði sáttmálans.
„Það kemur að því, að menn
verða að vera ákveðnir. Það hefur
skort á fram að þessu að við létum
það koma afdráttarlaust fram, að
við meinum það sem við segjum,“
sagði Alfonse D’Amato, öldunga-
deildarþingmaður, sem er formað-
ur nefndarinnar.
Fulltrúar frá ríkjunum 35, sem
undirrituðu Helsinki-sáttmálanh
fyrir tíu árum, komu saman í
Ottawa fyrir skömmu til að ræða
efnisatriði hans. Ráðstefnunni
lauk án samkomulags í fyrri viku.
Richard Schifter, formaður
bandarísku sendinefndarinnar á
Ottawa-fundinum, kom á fund
þingnefndarinnar og greindi
henni frá því, að enginn árangur
hefði orðið vegna þess að Sovét-
menn hefðu ekki viljað fallast á
neinar breytingar á stefnu sinni í
mannréttindamálum.
í síðasta mánuði var tilkynnt í
Washington, að Bandaríkjamenn
og Sovétmenn hefðu orðið sam-
mála um ákveðin atriði, sem gætu
leitt til aukinnar viðskiptasam-
vinnu ríkjanna. Malcolm Bald-
ridge, viðskiptaráðherra Banda-
ríkjanna, vakti hins vegar athygli
á því, að afstaða Sovétstjórnar-
innar til mannréttinda og ferða-
frelsis þegna sinna væri enn veru-
leg hindrun fyrir nánara sam-
starfi.
Danmörk:
Móðir kærð fyrir að reyna að
myrða sjö ára gamlan son sinn
RÚMLEGA þrítug kona frá Næst-
ved á Suður-Sjálandi reyndi nýlega
að fyrirkoma sjö ára gömlum syni
sínum með bakteríum, að því er
frá er sagt í dönskum blöðum.
Gerðist þetta er drengurinn lá fár-
veikur á Ríkisspítalanum I Kaup-
mannahöfn.
Smásjárskoðun Ieiddi í ljós, að
í blóði drengsins voru bakteríur,
sem aldrei fyrr hafa fundist í
manni, og er morðdeild Kaup-
mannahafnarlögreglunnar sann-
færð um, að móðirin hafi spraut-
að þeim í æð á drengnum.
Tvíburasystir hans lést á dul-
arfullan hátt í Vordingborg
(syðst á Sjálandi) árið 1981 og
hyggst lögreglan taka það mál
til rannsóknar að nýju. Þar ligg-
ur móðirin þó ekki undir grun.
Á föstudag var konan leidd
fyrir lögregludómstól í Kaup-
mannahöfn og kæra lögð fram á
hendur henni fyrir að hafa reynt
að ráða syni sínum bana. Úr-
skurðaði dómstóllinn konuna til
27 daga vistar og rannsóknar á
geðdeild Ríkisspítalans.
Bæði móðir og sonur voru
fyrst lögð inn á sjúkrahúsið í
Næstved, þar eð drengurinn
þjáðist af miðeyrabólgu. Þegar
sjúklingnum þyngdi sífellt og
hann varð æ máttarminni, var
hann fluttur á Ríkisspítalann.
Og þar sem drengurinn var í yf-
irvofandi lífshættu, fékk móðir-
in að dveljast hjá honum.
Fljótlega vaknaði grunur
starfsfólksins um, að ekki væri
allt með felldu, og renndu niður-
stöður rannsókna stoðum undir
þann grun. { blóði drengsins
fundust bakteríur, sem aldrei
hafa áður fundist f manni, og
fullyrtu læknar, að þeim hlyti að
hafa verið sprautað í æð.
Yfirlæknir barnadeildar spít-
alans hefur kært móðurina fyrir
morðtilraun. Kveðst hann ekki
geta fullyrt, með hverju dreng-
urinn hafi verið sprautaður, af
því að í blóði hans hafi fundist
svo margar bakteríutegundir,
sem menn þekki ekki sporð né
hala á.
Læknarnir halda fram, að
móðirin hafi ítrekað sprautað
menguðu vatni, e.t.v. úr blóma-
vasa, í æð á drengnum. Engin
mótefni voru til gegn þessum
bakteríum.
Eftir að grunur starfsfólksins
vaknaði, var konan beðin um að
yfirgefa spítalann og öryggis-
vörður látinn gæta drengsins.
Urðu þá skjótar breytingar á líð-
an hans og innan fárra daga var
hann orðinn frískur.
Hinn 11. júní var beðið um að-
stoð morðdeildar Kaupmanna-
hafnarlögreglunnar. Er kæran á
hendur konunni byggð á lög-
reglurannsókninni, sem á eftir
fór, ásamt niðurstöðum úr blóð-
rannsóknum spítalans.
Yfirmaður morðdeildarinnar,
Wolmer Petersen, segir mál
þetta afar sérstætt. „Ég hef
aldrei lent í neinu þvílíku í starfi
mínu hjá lögreglunni. En málið
verður vitaskuld að kanna til
hlítar," sagði hann.
Fyrir lögregludómstólnum á
föstudag neitaði konan öllum
sakargiftum og kvaðst elska
barn sitt heitt og innilega.
SUMAR-
THBOÐ
SKEDUNGS
Autostar áklæðin eru
einlit, teygjanleg, úr 100%
polyakrýlefni. Fást í 5
litum og passa á flest sæti.
Verð kr. 1.695.-
Áður kr. 2.415,-
Britax bílbelti fyrir
börnin. Sérhannað, stillan-
legt, öruggt og þægilegt
fyrir krakka á aldrinum
4-11 ára.
Verð kr. 1.329.-
Áður kr. 1.709,-
5 lítra eldsneytisbrúsi
úr plasti með sérlega
þægilegum stút til að
hella á (tóman) tankinn.
Verð kr. 187.-
Áður kr. 267,-
Ultraflame spritt-
töflurnar eru tilvaldar í
útigrillið og í arininn.
64 töflur í pakka.
Verð kr. 25.-
Áður kr. 90,-
Blue Poly gljáhjúpur-
inn er bón- og hreinsiefni
sem gengur í samband
við bílinn og ver hann
gegn óhreinindum.
Verð kr. 150.-
Áður kr. 198 -
TILBOÐIÐ GILDIR MEÐAN BIRGÐIR ENDAST
OOTT PrtT.K