Morgunblaðið - 28.06.1985, Blaðsíða 12

Morgunblaðið - 28.06.1985, Blaðsíða 12
12 MORGUNBLAÐIÐ, FÖSTUDAGUR 28. JUNI 1985 Notar rannsóknir á íslenska þjóðveldinu í gerð heildar- kenningar um menningu þjóða KIR.STKN Hastnip heitir dan.skur þjóðrræAingur sera nýlega hefur ver- ið veitt prófessorsembætti við Ar- ósa-háskólann með þeim sérstöku fríðindum að geta einbeitt sér að rannsóknum og fræðistörfum ýmis- konar. I blaðinu Árhus Stiftstidende er viðtal við Kirsten Hastrup, sem auk þess að vera mikilsvirtur fræðimaður eins og segir í viðtal- inu, er einstæð fjögurra barna móðir. í þessu viðtali kemur meðal annars fram að hún hefur dvalist um skeið hér á íslandi og stundað rannsóknir viðvíkjandi stærra verkefni sem hún vinnur nú að. Það sem fyrir henni vakir er að setja fram heildarkenningu um samhengið milli þeirra möguleika sem einstaklingum í þjóðfélagi bjóðast, og þess hvernig möguleik- arnir eru nýttir. Kirsten Hastrup skrifaði dokt- orsritgerð við háskólann í Oxford árið 1980 og fjallaði ritgerðin um íslenska þjóðveldið að fornu. f framhaldi af því hefur henni nú boðist aðstaða þar í eitt ár til að sinna rannsóknarstörfum. Þótt Hastrup kanni menningu ýmissa ólíkra þjóða, t.d. var hún um tíma á Indlandi til að afla sér þekkingar og sögu þess og menn- ingu, beinist áhugi hennar auðvit- að fyrst og fremst að Dönum og Danmörku. Að hennar áiiti eru Evrópubúar að ýmsu leyti verr settir í menningarlegu tilliti en þær þjóðir sem nefndar hafa verið vanþróaðar, einkum vegna þess að matið á einstaklingunum miðast við annað. Verðleikar fólks fari fyrst og fremst eftir því sem það afkastar, og því eigi t.d. atvinnu- leysingjar og gamalt fólk sem hef- ur látið af störfum oft mjög erfitt með að finna hjá sjálfu sér rétt- lætingu fyrir því að vera alltaf í „fríi“. Mörgum finnist af þessum sökum tilgangslítið að lifa lengur. Hún telur tækniþróun ekki vera einhlítan mælikvarða á menningu þjóðar. Sem dæmi nefnir hún að þess séu mörg dæmi að hinar van- þróuðu þjóðir, sem með tæknivæð- ingu hafi getað rifið sig að ein- hverju leyti upp úr fátækt, hafi glatað sinni fyrri menningu að miklu leyti, jafnvei tungumálinu. Einnig sé mikið af þeim frum- stæðu og eflaust óhentugu verk- háttum, sem tíðkast, oft grunnur- inn undir félagslífi og andlegri velferð þjóða. Sláandi dæmi um það rekur hún frá þorpi í Alsír, þar sem konurnar sóttu vatn í brunninn á hverjum degi og höfðu gert það síðan í fornöld. Dag einn kom að því að í hvert hús voru lagðar vatnspípur til að losa kon- urnar við þá þrælavinnu að bera vatnið á hverjum degi frá þessum brunni og heim í hús. Hins vegar kom þá í ljós að brunnurinn hafði ekki síður félagslega þýðingu, því konurnar í þorpinu hættu nú að hittast þar og ræða málin á hverj- um degi, eins og þær voru vanar. Þetta olli svo því, að konurnar gátu engan veginn fengið félags- þörf sinni fullnægt og voru enn bundnari heimilum sínum en áður hafði verið Hastrup segist þó ekki hafa miklar áhyggjur af því að tungu- mál Evrópu-þjóðanna glatist, en tungumálið telur hún vera undir- stöðu menningarinnar. Að því leyti til var hún frekar bjartsýn fyrir hönd Evrópu þegar blaða- maður Árhus Stiftstidende spurði hana að lokum hvort hún teldi að eftir 100—200 ár yrði eitthvað eft- ir sem hægt væri að kalla Evrópu- menningu. Dagskrá þjóðhátíðardagsins á Sauðárkróki hófst með hópreið hestamanna um bæinn. Morgunblaöið/Júlíus. Hreyfílsmenn hafa lagt bflum sínum við innkeyrslu Olís og sett upp skilti, sem vísar mönnum til bensínsölustöðvar Esso. Deila QIís og Hreyfils í FelLsmúla: Hreyfill krefst lögbanns við bensínsölu Olís BIFRKIÐASTÖÐIN Hreyfill hefur sett fram kröfu um lögbann við af- greiðslu frá bensínstöð Olís við Fellsmúla. Deila Olís og Hreyfíls blossaði upp á nýjan leik í vikunni þegar Olís opnaði bensínafgreiðsl- una við Fellsmúla. Hreyfilsmenn lögðu bflum sínum við innkeyrslu að stöðinni og hindruðu viðskiptavini í að komast að bensíntönkunum. Jafnframt reistu bilstjórar stórt skilti, sem vísaði mönnum á bens- ínstöð Esso, sem reist hefur verið við hliðina. Lögreglan hafði af- skipti af málinu, sem nú hefur verið skotið til embættis borgar- fógeta. Forráðamenn Olís telja sig hafa heimild til að afgreiða bensín frá stöðinni eftir úrskurð fógeta á dögunum um lögbann við fram- kvæmdum Hreyfils á lóðinni. Hreyfilsmenn eru á öndverðri skoðun. Sauðárkrókur: 1100 ungmenni á Norð- urlandsleika æskunnar Saadárkróki, 26. júni. Fyrir tilstuðlan Fjórðungssam- bands Norðrlendinga í tilefni Árs æskunnar verða haldnir Norður- landsleikar æskunnar á Sauðárkróki dagana 28. til 30. júní. Að leikunum stendur Sauðár- króksbær ásamt ungmennafélag- inu Tindastóli og Ungmennasam- bandi Skagafjarðar og sjá þessir aðilar um framkvæmd leikannna. Skráðir þátttakendur eru rúmlega 1.100 og keppt verður í ýmsum greinum íþrótta, knattspyrnu 4., 5. og 6. flokks pilta og stúlkna, hand- knattleik, körfuknattleik, skák, golfi, reiðhjólaakstri, sundi og frjálsum íþróttum. Einnig verður hlaup æskunnar, sem fara mun fram á þremur stöðum á landinu á sama tíma, í Reykjavík, á Sauð- árkróki og á Egilsstöðum. í Safnahúsinu verður myndlist- arsýning nemenda úr nokkrum skólum á Norðurlandi. Þátttakendur í leikunum verða á aldrinum 9 til 14 ára og gert er ráð fyrir að um 100 starfsmenn verði tengdir leikunum. Mótssetn- ing verður kl. 21.30 föstudags- kvöldið 28. júní á íþróttavellinum, en áður fylkja þátttakendur og fararstjórar liði undir fánum frá barnaskóla staðarins. Göngustjóri verður Hermann Sigtryggsson, íþróttafulltrúi Akureyrar. Strax að lokinni setningu hefj- ast leikarnir með keppni í 800 metra hlaupi stúlkna ellefu til tólf ára. Á laugardaginn hefst keppni kl. 9 f.h. og verður stanslaust haldið áfram keppni til kl. 22. um kvöld- ið. Þátttakendum verður boðið upp á diskótek á laugar- dagskvöldið á tveimur stöðum í bænum. Á sunnudag hefst keppni kl. 9. en stefnt er að því að leikun- um Ijúki um kl. 17. Gist verður í húsnæði grunnskólanna á staðn- um og í Fjölbrautaskóla Sauð- árkróks, en um 300 þátttakendur verða í tjaldbúðum. Björn Sigurbjörnsson Sólríkur sautjándi á Sauðárkróki SauAárkróki, 17. júní. í DAG hefur verið hér besta veð- ur, sólskin og hlýtt. Dagskrá þjóð- hátíðardagsins hófst með hópreið hestamanna um bæinn og var það fríður og fjölmennur hópur. Kl. 14 hófust á íþróttavellinum fjöl- breytt hátíðahöld. Matthías Vikt- orsson félagsmálastjóri setti sam- komuna, en síðan var helgistund í umsjá sr. Hjálmars Jónssonar og kirkjukórs Sauðárkrókskirkju. Hátíðarræðu flutti Niels Á. Lund æskulýðsfulltrúi ríkisins. Þorgerð- ur Sævarsdóttir nýstúdent las ljóð, og þrír 12 ára skátar fluttu ávörp í tilefni árs æskunnar. Þá var fjölbreytt skemmtidagskrá: söngur, leikþáttur o.fl. Kynnir á samkomunni var Jón Hallur Ing- ólfsson. Skátar höfðu komið upp margvíslegum leiktækjum í Grænuklauf, sem börn og ungl- ingar notuðu óspart. Hljómsveitin Metan hélt svo hljómleika í Grænuklaufinni síðar um kvöldið. Það var Skátafélagið Eilífsbúar, sem höfðu veg og vanda að undir- búningi 17. júní-hátíðarhaldanna hér og lögðu fram mikla vinnu til að allt færi sem best úr hendi. Kári I Grænuklauf höfðu skátar komið upp margvíslegum leiktækjum, sem voru óspart notuð í góða veðrinu.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.