Morgunblaðið - 14.08.1985, Qupperneq 56

MIÐVIKUDAGUR 14. ÁGÚST 1985
VERÐ í LAUSASÖLU 35 KR.
Paul WaLson skipstjóri i
Sea Shepherd.
Sea Shepherd í Reykjavíkurhöfn í g*r. Skipið hét áður St Giles og var gert út frá Hull. Kom það nokkuð vio sogu
í þorskastríðum Islendinga og Breta.
Lögregluvörður um skip kanadísks náttúruverndarmanns:
Sprengjuleit á
botni hvalbáta
„Watson svívirðilegastur allra sem berjast gegn sel- og
hvalveiðum,“ segir fyrrum forseti kanadfskra selveiðimanna
KAFARAR lögreglunnar í Reykjavík leituðu í gær að sprengjum á botni
þriggja hvalbáta Hvals hf. í Rcykjavíkurhöfn og jafnframt var hafður
lögregluvörður um Sea Shepherd, skip samnefndra kanadískra náttúru-
verndarsamtaka. Þetta var gert að beiðni Kristjáns Loftssonar forstjóra
Hvals hf.
„Ég vil taka það fram að ég hef
enga vísbendingu fengið um að
þeir séu með sprengiefni meðferð-
is, en þessir menn eru þekktir
fyrir að sprengja upp hvalveiði-
skip og þeir eru til alls líklegir og
því tel ég rétt að vera við öllu
búinn,“ sagði Kristján Loftsson.
Sea Shepherd kom til Reykja-
víkur í fyradag. Það er í eigu sam-
takanna Sea Shepherd Conservat-
ion Society, sem hafa höfuðstöðv-
ar í Kanada. Samtök þessi hafa
barist fyrir verndun ýmissa dýra-
stofna víða um heim og beitt við
það umdeildum aðferðum. Skip
þeirra var gert upptsekt fyrir
tveimur árum í Kanada, eftir að
það truflaði selveiðar við Labra-
dor. Því var skilað í síðasta mán-
uði eftir löng réttarhöld. Samtök-
in sökktu fyrir nokkrum árum
þremur hvalveiðiskipum, tveimur
spænskum og einu portúgölsku.
Greiðslukort athuguö
Paul Watson skipstjóri á Sea
Shepherd og formaður samtak-
anna sagði í gær að skipinu hefði
verið neitað um afgreiðslu á olíu
hjá íslensku olíufélögunum. Hjá
Olíufélaginu hf. fengust þær upp-
lýsingar að þeir hefðu pantað þar
olíu í gær og boðið fram greiðslu-
kort frá Exxon í Bandaríkjunum
og væri það nú í athugun en þeim
hefði ekki verið neitað.
„Við komum hér aðeins við til
að taka olíu og vistir á leið okkar
til Færeyja. Þar ætlum við að
hindra ólöglegar grindhvalaveið-
ar Færeyinga. Við hyggjum ekki á
neinar aðgerðir hér á landi í ár
því við einbeitum okkur að ólöj{-
legum veiðum og hvalveiðar Is-
lendinga eru enn sem komið er
löglegar," sagði Watson aðspurð-
ur. „Hinsvegar er ljóst að fyrir-
hugaðar veiðar íslendinga í vís-
indaskyni eru bara yfirskin fyrir
veiðar í hagnaðarskyni og við
munum þegar þar að kemur beita
okkur fyrir að settar verði efna-
hagsþvinganir á íslendinga í
Bandaríkjunum og ef það dugar
ekki munum við ef til vill koma
hingað til lands og trufla veiðarn-
ar að ári,“ sagði hann ennfremur.
Hafa sökkt
þremur skipum
Aðspurður um baráttuaðferðir
samtakanna og þá staðreynd að
þau hafa sökkt þremur skipum,
sagði Watson að þau beittu ekki
ofbeldi og hefðu aldrei slasað
nokkurn mann. „Við höfum tekið
að okkur að halda uppi alþjóða-
lögum á hafinu og ég sé ekkert
athugavert við að eyðileggja skip
sem notuð eru til glæpaverka. Ég
skil ekki hvað fólk gerir mikið
veður út af þeim aðferðum sem
við beitum en virðist sama um
þau afbrot sem við berjumst gegn.
Þeir sem eru að útrýma dýra-
stofnum eru glæpamenn en ekki
við,“ sagði Paul Watson.
Svívirðilegastur þeirra
sem berjast gegn
hvalveiðum
„Að mínu áliti er Paul Watson
svívirðilegastur allra þeirra sem
berjast gegn hval- og selveiðum.
Aðgerðir hans eru ofvaxnar skiln-
ingi manns," sagði Jim Winter,
stofnforseti Samtaka kanadískra
selveiðimanna, er Morgunblaðið
leitaöi álits hans.
„Ég vil segja þetta við íslend-
inga og Færeyinga. Ef ekki verður
barist gegn honum þá mun hann
ná sama árangri og hann náði
gegn kanadískum selveiði-
mönnum, sem var að eyðileggja
lífviðurværi þeirra. Barátta
Watsons og hans líkra er lævís-
asta tilraun þéttbýlisfólks til að
þröngva gildismati sínu upp á fólk
sem lifir af gæðum lands og sjáv-
ar. Þessir hópar eru studdir af
fólki sem hefur enga hugmynd um
hvað það er að lifa af landinu. Það
kaupir viðurværi sitt í stórmörk-
uðum og þarf aldrei að sjá dýr
líflátið. Maður hlýtur að spyrja
hvar þetta endi. 1 dag eru það
kóparnir á morgun ef til vill fisk-
urinn. Með litmyndum og sjón-
varpi hefur þeim tekist að sýna
bæði drápið og veiðimennina í
þannig ljósi, að það slær fólk
mjög illa, þó falsað sé. fslendingar
eru ekki villimenn og það er fólkið
á Nýfundnalandi ekki heldur. Þeir
nota orð eins og drápari og morð-
ingi um þessar veiðar, orð sem eru
notuð um þá sem myrða fólk.
Þetta er fyrirlitlegt,“ sagði Jim
Winter að lokum.
Róandi lyfjum stolið úr apóteki í Hafnarfirði:
Þrjú ungmenni í gjör-
gæslu eftir lyfjaneyslu
ÞRJÚ ungmenni voru enn í gjör-
gæslu í gærkvöldi eftir að hafa neytt
mikils magns af róandi lyfjum, sem
talið er víst að þau hafí, ásamt
tveimur félögum sínum, stolið úr
Apóteki Norðurbæjar í Hafnarfírði í
fyrrinótt.
Það var kl. 8.05 í gærmorgun að
lögreglunni í Hafnarfirði barst til-
kynning um innbrot í Apótek
Norðurbæjar. Kl. 13.45 var lög-
reglan kölluð í hús í Hafnarfirði,
þar sem fimm ungmenni, tveir
piltar og þrjár stúlkur, á aldrinum
14—16 ára voru illa haldin og nán-
ast meðvitundarlaus af ofneyslu
lyfja. Var læknir þegar kvaddur á
staðinn og lét hann samstundis
flytja ungmennin í sjúkrahús,
piltana í Landspítalann en stúlk-
urnar í Borgarspítalann. Seint í
gærkvöldi voru einn piltanna og
tvær stúlknanna enn í gjörgæslu,
en líðan hinna var skárri.
Lyfin sem stolið var úr apótek-
inu voru róandi lyf af gerðinni
valíum, 5 mg, og díazepam, 2 og 5
mg.
Fallhlífar-
stökkvari slas-
ast á baki
ITNGUR fallhlífarstökkvari slasaðist
í stökki á Sandskeiði seint í gær-
kvöldi. Slökkviliðinu barst beiðni
um að senda sjúkrabfl upp á Sand-
skeið um klukkan 11 í gærkvöldi og
þegar Morgunblaðið fór í prentun
var ekki vitað um meiðsli mannsins
að öðru leyti en því að hann mun
hafa kvartað um eymsli í baki.
í stökkinu bar fallhlífarstökkv-
arann af leið og lenti hann í
hrauninu á bak við flugskýlin á
Sandskeiði. Hópur á vegum Fall-
hlífaklúbbs Reykjavíkur var
þarna að æfingum. Maðurinn sem
slasaðist mun nýlega hafa byrjað
að æfa fallhlifarstökk.
23 stiga hiti
í Vík í gær
MJÖG heitt varð sunnanlands í gær
og fólk var því léttklætt í höfuðborg-
inni og víðar. Hitinn komst hæst í 23
gráður í Vík í Mýrdal. Á Kirkjubæj-
arklaustri komst hitinn í 21 gráðu.
Tuttugu stig voru á Mýrum og 19
stig á Eyrarbakka og í Reykjavík.
Samkvæmt upplýsingum veð-
urstofunnar eru svipaðar horfur
næstu þrjá sólarhringa a.m.k.
Áfram verður hægviðri eða norð-
angola. Bjartviðri verður sunnan-
lands en fyrir norðan verður skýj-
að með köflum og sums staðar
súld á annesjum. Hitinn verður
10—16 stig fyrir sunnan.
Ferskfisksalan
til Bretlands:
50 % í fryst-
ingu í beinni
samkeppni
við okkur
FISKUR sá af íslandsmiðum, sem
landað er ferskum á fískmörkuðum í
Bretlandi, er að helmingi til unninn í
blokk þar. Blokkin er síðan seld þar
og í öðrum löndum í samkeppni við
blokkfrystan físk héðan. í Bretlandi
er greitt allt að 40 krónum fyrir kfló
af fískinum til frystingar en helm-
ingi minna hér.
í aflahrotunni undanfarið hefur
meira af ferskum fiski héðan verið
landað á þessum mörkuðum en
nokkru sinni fyrr og hefur fisk-
vinnslan meðal annars tekið þátt í
þessum útflutningi. Hefur það
verið gert til þess að bjarga fiski,
sem á land hefur komið, frá
skemmdum þar sem ekki hefur
verið unnt að vinna hann hér
heima, meðal annars vegna fólks-
eklu í frystingunni.
Eyjólfur ísfeld Eyjólfsson, for-
stjóri SH, segir í samtali við
Morgunblaðið, að brezku frysti-
húsin séu nú að safna birgðum og
vinnsla þeirra miðað við hráefnis-
verð, sem sé helmingi hærra en
hér, skili ekki hagnaði. Þetta sé
þeim því aðeins mögulegt í
skamman tíma. Bæði Eyjólfur og
Kristján Ragnarsson, fram-
kvæmdastjóri LÍÚ, segja aukna
sókn í ferskfiskútflutning og hið
háa verð, sem greitt er á erlendum
mörkuðum, þýði að fiskvinnslan
verði að laga sig að þeim aðstæð-
um og þrýsti á að tekið verði upp
svipað sölukerfi hér heima og er-
lendis. Sjá nánar á miðopnu.