Morgunblaðið - 25.08.1985, Blaðsíða 4

4
MORGUNBLAÐIÐ, SUNNUDAGUR 25. ÁGÚST 1985
Keflavík:
Minnisvarði um Helga S.
afhjúpaður og sýning haldin
á myndum hans og munum
Keflavík. 23. >kúh1.
SÍÐASTLIÐINN miðvikudag var
afhjúpað minnismerki um Helga
S. Jónsson við skátaheimilið í
Keflavík. Þórunn Ólafsdóttir,
ekkja Helga, og dóttursonur hans
og nafni afhjúpuðu minnismerkið
að viðstöddu fjölmenni. Þá var
einnig opnuð sýning á málverkum
eftir Helga S. í skátaheimilinu og
hlutum úr eigu hans.
Fyrir athöfnina mælti Jakob
Árnason, formaður nefndarinn-
ar sem sá um byggingu minn-
isvarðans, nokkur orð. Þakkaði
hann öllum þeim fjölda ein-
staklinga, félagasamtaka og
fyrirtækja sem lögðu hönd á
plóginn við byggingu vörðunn-
ar. Að því loknu afhjúpuðu þau
Þórunn og Helgi minnismerkið
undir söng Skt. Gilwellsskáta.
Þá var gengið í skátaheimilið
og málverkasýningin opnuð.
Minnismerkið er 2,2 m há
steinvarða og er andlitsmynd af
Andlitsmyndina af Helga S. gerði
Erlingur Jónsson.
Helga á suðurhliðinni, gerð af
Erlingi Jónssyni listamanni.
Varðan stendur innan í átta-
vitarós og er allur frágangur til
fyrirmyndar.
Á sýningunni eru 54 málverk
eftir Helga S. Hann málaði
mikið um ævina og eru myndir
hans víða um land. Leitað var
til fólks á Suðurnesjum og
myndir fengnar að láni á sýn-
inguna. Einnig var opnaður vís-
ir að skátaminjasafni í skáta-
heimilinu og er uppistaðan
munir úr eigu Helga sem ekkja
hans hefur gefið skátafélaginu
Heiðarbúum í Keflavík. Sýn-
ingunni lýkur 25. ágúst.
Það eru vinir og samherjar
Helga S. Jónssonar sem standa
að byggingu minnismerkisins
og sýningunni og bráðlega er
væntanleg bók um hann.
EFI
Frá afhjúpun minnisvarðana. Jakob Árnason, formaður nefndar sem stóð
fyrir byggingu varðans, Þórunn Ólafsdóttir, ekkja Helga, og dóttursonur
hans og nafni.
Gestir koma til sýningarinnar ( skátabeimilinu. Frá vinstri eru Höxley
Olafsson, kona hans Vilborg Ámundadóttir og Valtýr Guðjónsson.
Forseti íslands, Vigdís Finnbogadóttir, tók fyrstu skóflustunguna að umönnunar- og hjúkrunarheimili, sem rísa á við
lóð númer 64 við Kleppsveg. Hjá henni stendur Guðríður Elíasdóttir, formaður verkakvennafélagsins í Hafnarfirði.
Hornaflokkur úr Reykjavík lék við athöfnina.
Fyrsta skóflustungan að 100 manna
umönnunar- og hjúkrunarheimili tekin
FORSETI íslands, Vigdís Finnboga-
dóttir, tók fyrstu skóflustunguna að
umönnunar- og hjúkrunarheimilinu
Skjóli á föstudag, en það á að rísa á
lóð númer 64 við Kleppsveg við
Hrafnistu. Séra Sigurður Helgi Guð-
mundsson helgaði staðinn, en hann
er jafnframt varaformaður Skjóls og
formaður Öldrunarráðs íslands.
Guðjón Baldvinsson, formaður
Skjóls, flutti ávarp við tækifærið.
Sex félagasamtök og stofnanir
bundust samtökum um bygging-
una. Þau eru: Alþýðusamband ís-
lands, Samband lifeyrisþega ríkis
og bæja, Sjómannadagsráð, Stétt-
arsamband bænda, Reykjavíkur-
borg og Þjóðkirkjan. Teikning að
hjúkrunarheimili hefur þegar ver-
ið samþykkt. Mun það koma til
með að rúma liðlega hundrað
manns og verður það rekið sem
sjálfseignarstofnun. Halldór Guð-
mundsson er arkitekt við bygging-
una og Bjarni Frímannsson bygg-
ingarverkfræðingur.
Á Stór-Reykjavíkursvæðinu er
nú á biðlista rúmlega hálft þriðja
þúsund manns, sem þarfnast rým-
is af félagslegum og heilsufarsleg-
um ástæðum. Úrlausn er því mjög
brýn, ekki aðeins fyrir langlegu-
sjúklinga sem bíða B-álmunnar,
heldur og þeirra sem eru enn
sjálfbjarga að einhverju leyti.
Með haustinu verður gengist
fyrir almennri fjársöfnun um land
allt. Er ætlunin að það fé sem
safnast úti á landsbyggðinni renni
til verkefna þar heima fyrir, en
söfnunarfé á Reykjavíkursvæðinu
mun ganga til nýju byggingarinn-
ar.
Stjórn byggingarinnar ætlar að
gera lífsins tré að merki sínu, en
það var merki árs aldraðra á sín-
um tíma og jafnframt merki
ráðstefnu Sameinuðu þjóðanna,
sem haldin var í Vín 1982. Ætlun-
in er að setja upp listaverk í and-
dyri hússins og verður þar um
voldugt tré að ræða. Fyrirtæki, fé-
lög og stofnanir, sem vilja rétta
hjálparhönd fjárhagslega, geta
lagt hönd á plóginn með því að
greiða ákveðið gjald fyrir lauf,
sem þeir kjósa að merkja sér með
nafni eða merki. Laufskógurinn í
anddyri hússins verður því bæði
til fegrunar og eins til að minna á
þá sem lögðu fram fé í þessa bygg-
ingu til að hlynna að öldnum og
sjúkum. Hægt er að fá þrjár
stærðir af laufum og er verðið
fyrir minnstu laufin 100.000 krón-
ur, miðstærðin kostar 300.000
krónur og stærstu laufin eru á
500.000 krónur. Greiðslutími er
hugsaður tvö til þrjú ár eftir sam-
komulagi.
Einnig geta stærri fyrirtæki og
fjársterkir aðilar kosið að minnast
ákveðinna atburða, náinna ætt-
ingja eða jafnvel margra ára
starfsmanna, sem senn þarfnast
hvíldar, með því að leggja fram
andvirði eins eða fleiri vistrýma.
Úthlutun 17 iðnaðar-
lóða verði afturkölluð
Á FUNDI Borgarráðs í gær var
lagt til að úthlutun iðnaðarlóða til
17 fyrirtækja verði afturkölluð.
Fyrirtækin fengu lóðirnar á árun-
um 1976—1979, en á mörgum lóð-
anna eru engar framkvæmdar
hafnar eða þá að þær eru á frum-
stigi. Á fundinum í gær var ákveð-
ið að fresta afgreiðslu málsins í
mánaðartíma.
Umræddar lóðir eru við Grjót-
háls, Hestháls, Réttarháls, Lyng-
háls, Járnháls, Tunguháls og
Skútuvog. Fyrirtækin eru Bifreið-
ar og landbúnaðarvélar, Fálkinn
og Stál hf., Hekla hf., Reykjaprent
hf., Dráttarvélar hf., Gráfeldur
hf., ÍS-spor hf., Henson, Vökull
hf., Reyplast hf., Jens Guðjónsson,
Hafplast hf., Vélaborg hf., Gísli
Jónsson og Co., Atóm hf., Bald-
ursson hf. og Slippfélagið í
Reykjavík hf.
Völundur hf.:
Sýningarsvæðið stækkað
Timburverslunin Völundur hf.
hefur nýlega stækkað sýningar-
svæði verslunarinnar og komið þar
fyrir „Uno Form“-innréttingum,
sem fyrirtækið flytur inn frá Dan-
mörku.
„Það má segja að þessar inn-
réttingar séu sígildar," sagði
Þóra B. Björnsdóttir innanhúss-
arkitekt, sem leiðbeinir við-
skiptavinum, teiknar grunn-
mynd og raðar saman einingum
eftir óskum hvers og eins.
„Framleiðsla „Uno Form“-inn-
réttinga hófst fyrir rúmum 15
árum og á þeim tíma hefur
grunnhönnunin ekki breyst
nema að litlu leyti en alltaf er
boðið upp á einhverjar nýjungar
í útliti. Útlitsbreytingar og
venjulegt viðhald er því mjög
auðvelt og nægir til dæmis
oftast að skipta um hurðir á
skápum og gefa þannig innrétt-
ingunni nýjan svip.
Um leið og sýningaraðstaðan
er bætt, bætast við ýmsar nýj-
ungar, sem gefa fleiri möguleika.
Hægt er að fá „Uno Form“-inn-
réttingar í allt húsið, eldhús,
bað, forstofu og svefnherbergi
auk bókaskápa með eða án glers
I stofu. Ennfremur hefur „Uno
Form“ verið fengið til að hanna
sérstakar innréttingar úr mass-
ífu náttúruefni fyrir ofnæmis-
sjúklinga á sjúkarhús í Dan-
mörku og er hægt að fá þær af-
greiddar hér á landi ef þess er
óskað,“ sagði Þóra að lokum.
Þóra B. Björnsdóttir innanhússarkitekt ásamt dönskum sérfræðingum
sem settu upp nýju innréttingarnar.