Morgunblaðið - 25.08.1985, Blaðsíða 21
MORGUNBLAÐIÐ, SUNNUDAGUR 25. ÁGÚST 1985
21
Álverið í Straumsvík:
Ný slökkvistöð
tekin í notkun
Ný slökkvistöð hefur verið tekin í
notkun við álverið í Straumsvík.
Hún er 146m2 að stærð og rúmar tvo
bíla auk annars búnaðar slökkviliðs
fyrirtækisins. Pálmi Stefánsson
verkfræðingur, deildarstjóri hjá
ÍSAL, teiknaði húsið. Byggingar-
kostnaður var 2,2 milljónir króna.
Einnig hefur verið tekinn í
notkun nýr slökkvibíll af gerðinni
GMC. Var hann keyptur fullbúinn
frá Bandaríkjunum og kostaði
rúmlega 1,8 milljónir króna. Að
sögn Ragnars Jóhannessonar
slökkviliðsstjóra er bíllinn full-
kominn að allri gerð, búinn bæði
vatnsslökkvitækjum og duft-
slökkvitækjum og auk þess lipur
og fljótur í förum.
Slökkviliðið í Straumsvík var
stofnað árið 1972. Það er þannig
upp byggt að alls sækja um 50
starfsmenn fyrirtækisins reglu-
lega námskeið í slökkvistarfi. Er
þeim skipt í hópa þannig að alltaf
séu 6—8 manns við vinnu hverju
sinni, sem hlotið hafa þjálfun og
eru þeir kallaðir út ef eldur verður
laus. Auk þessa eru allir starfs-
menn þjálfaðir í meðferð hand-
slökkvitækja og fræddir um
brunavarnir. Slökkviliðið hefur
yfir að ráða tækjum til að sjá
sjálft um hleðslu handslökkvi-
tækja og einnig ræður það yfir
reykköfunarbúnaði.
Ragnar lagði áherslu á mikil-
vægi öflugra brunavarna í verk-
smiðjunni, því þar væri unnið með
opinn eld. Hann sagði að slökkvi-
liðið hefði verið kallað út 37 sinn-
um frá stofnun þess og oftast tek-
ist að slökkva eld á frumstigi og
aldrei hefði rekstur stöðvast
vegna eldsvoða.
Tony Sandy í hinni nýju hárgreiðslustofu sinni Salon Töff.
VK/
Nf hárgreiðslustofa
SALON TÖFF nefnist hár-
greiðslustofa, sem nýlega var
opnuð að Laugavegi 52, 3. hæð.
Eigandi stofunnar er breski
hárgreiðslumaðurinn Tony Sandy.
Hann lærði á sínum tíma hjá hin-
um fræga Vidal Sasson og hefur
rekið þrjár hárgreiðslústofur í
London og eina á Korsíku. Tony
kveðst leggja áherslu á að veita
viðskiptavinum sínum fyrsta
flokks þjónustu, einkum ungu
fólki sem fylgjast vill með því nýj-
asta í hártísku.
Salon Töff er opin alla daga
nema sunnudaga kl. 8.30 til 18.
„Gullkarfan"
Til sölu er matar- og kaffistell ásamt fylgi-
hlutum frá Konunglegu dönsku postulíns-
verksmiöjunni.
Þeir sem hafa áhuga vinsamlegast leggi
inn nafn og símanúmer á augl.deild Mbl.
merkt: „G — 3585“ fyrir 30. ágúst.
Ragnar Jóhannesson slökkviliðsstjóri (tv.) og Pálmi Stefánsson verkfræðingur standa hér við nýja slökkvibflinn. Að
baki þeim er nýja slökkvistöðin, sem Pálmi teiknaði.
Síðustu daga útsölunnar seljast allar vörur með
50% afslætti
VETÍUsfíjUl_______________
v/Laugalæk, s. 33755.