Morgunblaðið - 27.08.1985, Qupperneq 19

MORGUNBLAÐIÐ, ÞRIÐJUDAGUR 27. ÁGÚST 1985
19
Hverahitann má nýta á marga vegu, á myndinni sést hvar nýbakað brauð er
grafíð upp úr heitum sandinum.
Unnið við hreinsun á safnþró hitaveitunnar.
Morgunblaðið/Davfð
Hitaveita
Laug-
vetninga
hreinsuð
Laugarratni 22. ágúsL
SÍÐASTLIÐINN vetur fór að bera
mjög á þvi að heitavatnssíur I
húsum á Laugarvatni stifluðust
af einhvers konar fínum salla.
Kvað mjög rammt að þessu um
skeið en þó nokkuð misjafnlega
eftir húsum. Þegar og þar sem
verst lét, hafðist varla undan að
hreinsa síurnar, þær fylltust aftur
nær jafnskjótt og vatninu var
hleypt á. Þetta ástand þótti að
vonum illt í vetrarkuldum. Reynt
var að komast fyrir meinið með
þvi meðal annars að setja siur á
heitavatnsinntakið við hverinn en
ekki tókst að ráða fulla bót á
vandanum.
Heitt vatn Laugvetninga kemur
um 97 gráða heitt upp úr náttúru-
legum hver, rennslið er tæpir 30
sekúndulitrar. Vatninu er fyrst
veitt í opna steinsteypta þró rétt
við hverinn en dælt þaðan inn i
hitakerfi þorpsins. t ofnum þorps-
búa er sem sagt hveravatn en ekki
forhitað vatn. Hveravatnið mun
vera tiltölulega hreint og er ljóst
að einhver aðskotaefni úr þrónni
hafa mengað vatnið enda hafa
greinst i því bæði viðarleifar og
einangrunarplast.
I gær var svo ráðist i að hreinsa
þróna. Dælt var upp úr henni með
stórvirkri vél og botn hennar og
veggir hreinsaðir rækilega. Nokk-
ur sandur og salli var á botninum
og er það von manna að nú skipist
um þegar hann er farinn. Eiríkur
Eyvindsson, hitaveitustjóri, kveðst
strax sjá merki um breytingu til
batnaðar en telur að kerfið allt
verði ekki frítt við óhreinindi fyrr
en eftir svo sem vikutíma.
Hitaveitan tók til starfa árið
1928, samtímis Héraðsskólanum,
sem átti hana til ársins 1953, en
síðan þá hefur hún verið í eigu
Sameigna skólanna á Laugarvatni.
Sérstakur hitaveitustjóri var ráð-
inn árið 1954 og hefur Eiríkur
Eyvindsson gegnt því starfi frá
upphafi. Hitaveitan upphitar öll
hús hér í þorpinu og auk þess
nokkur hús á tveim bæjum i Laug-
ardal og sumarbúsatði. Sérstakt
fyrirtæki var stofnað árið 1983 um
varmaveituna inn í dal.
Ekki hefur verið borað eftir
vatni hér á staðnum utan ein hola
við gróðurhúsin sem ekkert gaf af
sér. Fullvíst má samt telja að
hægt sé að fá upp meira heitt vatn
en nú fæst úr hvernum. Miðað við
sama vöxt þorpsins og verið hefur
undanfarin ár er talið að hverinn
dugi til húshitunar í 10 til 15 ár
enn en upp úr því verði að bora
eftir meiru.
HEMPELS
- þakmálning, sérhæfð á þakjárn
Málning þarf ekki endilega að flagna af járni. Sé
svo hefur eitthvað farið úrskeiðis, flöturinn hefur ekki verið
nægilega þrifinn fyrir málun og röng efni notuð.
HEMPELS þakmálning er sérhæfð á bárujárn og
hefur frábærá viðloðun og veðurþol. Forskriftin að
HEMPELS þakmálningu hefur þróast í tímans rás á
söltum sæ, þ.e. á íslenskum hafskipum þar sem álagið
nær hámarki.
Það er misskilningur að járn þurfi að veðrast. Alltof
lengi hafa menn trúað því að galvaníserað járn eigi að
veðrast áður en það er málð. Þannig hafa menn látið
bestu ryðvörn, sem völ er á, skemmast og afleiðingin er
ótímabær ryðmyndun. Með réttum efnum má mála
strax og lengja þannig lífdaga bárujárnsins verulega.
Reynslan sýnir að rétt meðferð HEMPELS efna á
járn tryggir hámarksendingu.
Umboðsmenn um land allt!
Slippfélagid íReykjavík hf
Málningarverksmidjan Dugguvogi
Sími 84255
nnuii
þAKMÁLNING 5187

Davíð