Morgunblaðið - 27.08.1985, Page 47

MORGUNBLAÐIÐ, ÞRIÐJUDAGUR 27. ÁGÚST 1985
47
UmneAuefiii bréfritaranna ern þrotin og sálarástandiö bágborið, því kjallari hússins á myndinni er ekki opinn
almenningi yfir sumartímann.
Ótrúlegt skilningsleysi
Sjö niðurbrotnar skrifa:
Kæri Velvakandi!
Við erum hér sjö yngismeyjar
villuráfandi og heimilislausar og
sitjum eins og skötur heima allar
helgar. Lesendum er nú eflaust
farið að langa til að vita ástæðuna
fyrir þessari eymd okkar, en hún
felst í ótrúlegu skilningsleysi
ráðamanna í listamálum á
skemmtanaþörf og sálarástandi
snotra snóta.
Daglega sitjum við og horfum
tómum og döprum augum út í loft-
ið. Umræðuefnin eru þrotin sakir
þeirrar fáránlegu staðreyndar að
Þjóðleikhúskjallaranum er lokað
yfir sumartímann.
Vilt þú nú ekki, Velvakandi góð-
ur, vera svo vænn að vekja athygli
þeirra sem hafa með þessi mál að
gera, á þessu ástandi. Það er full-
víst að við stúlkurnar erum ekki
þær einu sem svona er komið
fyrir.
Marxisminn er mikið böl
Húsmóðir skrifar:
Að mæla Castro bót ber vott
um mikinn kjark. Hann hefur
haft nærri 30 ár til þess að út-
rýma ólæsi en hvað hefur fylgt
því?
í marxistaríkjunum verður
maður að afsala sér öllum mann-
réttindum fyrir lestrarkunnáttu.
Menningin er „kerfistrosið" og
þeir sem mögla fá að gista gúlagið
á Kúbu, sem eftir lýsingu er birt-
ist í aprílhefti Úrvals í vor, er
ekki glæsilegur staður. Ég ætla
svo sem ekki að tíunda hana hér,
en eftir að hafa þrælað í 16 tíma
á dag í grjótnámi, máttu fangarn-
ir ekki þvo sér fyrir svefninn.
Álit Kúbu hefur auðvitað breyst,
því nú eru morðsveitirnar sendar
út um allar jarðir og veit ég ekki
hvort fórnarlömbum þeirra er
nokkur huggun í því að vera
myrt af lærðum mönnum eða
ekki. Mannsæmandi líf á Kúbu
þekki ég ekki en í hvaða landi
kallast það mannsæmandi líf að
hafa engan verkfallsrétt, ekkert
ferðafrelsi og þaðan af síður tján-
ingarfrelsi?
Eftir fyrra stríðið 1914—18
voru Rússar búnir að fá stjórn-
lagaþing og verkamennirnir bún-
ir að fá sína eftirlitsmenn á
vinnustaðina. Verkalýðurinn í
heiminum er búinn að fá það
mikiar réttarbætur á öllum þess-
um tíma að marxisminn hefur í
raun fært öll löndin þar sem hann
er ríkjandi margar aldir aftur í
tímann. Sannar þetta skrýtlu sem
var alþekkt í Tékkóslóvakíu á
sínum tíma en hún var svona:
Þegar Lenín var kominn yfir um
þá flýtti Nikulás annar keisari
sér að heilsa honum og spyrja
um ástandið í Rússlandi. Hafið
þið ekki fangabúðir fyrir pólit-
íska andstæðinga? spurði hann.
Jú, svaraði Lenín og þær miklu
stærri og áhrifameiri en þú hafð-
ir. Nú, hvað hefur þá breyst?
spurði Nikulás. Við þynntum
Vodkað um tíu prósent. Og var
nauðsynlegt að gera byltingu til
þess? spurði þá Nikulás.
Þessi brandari lýsir best afrek-
um marxismans í Rússlandi. Og
á sama tíma hafa orðið í lýðræð-
isríkjunum örari breytingar í átt
til bættra kjara og fleiri vísinda-
afrek unnin en nokkurn gat
dreymt um. Hve lengi getur
marxisminn blekkt fólk sem kann
að lesa og hefur tækifæri til að
fylgjast með bölvun hans? Allar
milljónirnar sem flúið hafa
kommúnistaríkin sanna best að
þar sem marxisminn ríkir er ekki
hægt að lifa mannsæmandi lífi.
Væri ekki hægt að gefa þessar
leiðbeiningar hans um garðyrkju
út á prenti? Ég er viss um að
mjög margir myndu hafa af því
gagn og gaman. Morgunblaðið
gæti til dæmis birt þær.
Týnt hjól
Maja hringdi:
Ég týndi hjólinu mínu um dag-
inn og mig langaði að biðja þann
sem finnur það að hringja í síma
685921. Þetta er tíu gíra kven-
mannsreiðhjól og heitir Free Spir-
it.
Sovétmenn
til alls vísir
Húsmóðir hringdi:
Ég sá í Morgunblaðinu í dag og
gær fréttir um að Sovétmenn not-
uðu eitthvert hræðilegt eitur til
þess að fylgjast með starfsmönn-
um bandaríska sendiráðsins í
Moskvu. Einnig kom fram að þeir
hefðu laumað lyfjum ofan í banda-
ríska embættismenn sem hafa
verið á ferð þar eystra.
Mér datt það því í hug hvort það
gæti átt sér stað að Rússar sem
eru hér á landi, í sendiráðinu til
dæmis, leiki sama leik. Hvort þeir
beindu til dæmis einhverjum geisl-
um að Alþingishúsinu eða tækist
að laurna lyfjum ofan i íslenska
stjórnmálamenn. Það er ekki eðli-
legt hvað sumir íslenskir stjórn-
málamenn eru ruglaðir og þarna
gæti skýringin verið komin.
Ég skora því á viðkomandi yfir-
völd að kanna þetta mál, Sovét-
menn eru til alls vísir.
Eins og broddskita
Auðunn Bragi Sveinsson hringdi:
Ég er mjög óánægður með þenn-
an gula lit á strætisvögnunum.
Hann minnir mig á nokkuð sem
oft sást á vorin í sveitinni. Það var
broddskita, en hana fengu lömbin.
Þá urðu þau svona skærgul að
aftan, eins og strætisvagnarnir ku
eiga að verða.
Svo langar mig að spyrja hvern-
ig standi á því að dagblöðin sýndu
opnun IKEA-verslunarinnar í
Húsi verslunarinnar svona lítinn
áhuga. Ég sá bara hvergi stafkrók
skrifaðan um það. Ætli þau séu
hrædd við þetta fyrirtæki?
Búðarvogir
Ódýr og einíöld
Leitið upplýsinga
óurue gIsiason
9. CO. Mf.
SUNDABORG 22 104 REYKJAVÍK SÍMI 84800
Fullkomin viögeröa og varahlutaþjónusta aö
Smiðshotöa ÍO Sími 686970
A
Naest þegar þú ætlar að
kíkja á eina BETU
skaltu líta tll okkar.
f Videospólunni er eltt
besta úrval landsins af
baeði BETA OG VHS myndum.
VideoSpólaa
Holtsoötu 1. sími:169 69
Firmakeppni Gróttu
í knattspyrnu veröur haldin 31. ágúst og
1. sept. á Seltjarnarnesi. Keppt veröur á
3 völlum samtímis.
Leiktími 2x15 mín. 7 leikmenn í liöi.
Verö kr. 3.500. Verölaun veitt fyrir 3
efstu liö.
Þátttökutilkynningar í síma 29295 (Jón) fyrir
28. ágúst milli ki. 10 og 12:

LAUGAVEGI 116. S. 10312
iö)fiö)
í kvöld og næstu kvöld skemmta hinir
frábœru Grétar og Gylfi meö músík
og söng.
Borgarinnar bestu steikur.
Gott verð — góÖ þjónusta.
OpiÖ alla dagafrá kl. 11—15.
Opnum aftur kl. 18 á hverjum degi.
Diskótek á hverju kvöldi til kl. 1.00.
Rúllugjald.
(Föstud. og laugard. frá kl. 10—3.)
Aldurstakmark 20 ár.