Morgunblaðið - 27.08.1985, Síða 42
42
MORGUNBLAÐIÐ, ÞRIÐJUDAGUR 27. ÁGÚST 1985
fclk í
fréttum
*
I London að kvöldlagi
Bandaríski leikarinn Ed Asner ásamt þeim
bræðrum John og Michael Douglas, sonum
Kirk Douglas. Þrenningin var mynduð eftir að
hafa snætt á einu af betri veitingahúsum borg-
arinnar Langans.
Hvorki Elenora eða William
Mondale virðast ætla að feta
í fótspor föðurins. Hvort ósigurinn
í forsetakosningunum á þar nokk-
urn þátt í, skal ósagt látið, en varla
hefur þó dálæti á Reagan fengið
þau til að leita hamingjunnar í
Hollywood.
En kannski verða þó fyrstu
sporin á leiklistarbrautinni skref
í áttina að pólitíkinni, því eins og
margir vita var það einmitt í
Hollywood sem Reagan hóf leik-
ferilinn. Kannski álíta foreldrarn-
ir Joan og Walter Mondale að þetta
sé þegar allt kemur til alls ekki
svo afleit byrjun hjá krökkunum.
ÍSKONAN
Brooke Shields orðin rithöfundur
Brooke Shields gaf nýlega út
bók sem ber yfirskriftina „On
Your Own“. Bókin er ætluð ungu
fólki sem vill læra hvernig fara á
að því að lifa sjálfstætt og án þess
að þurfa að taka þátt í notkun
tóbaks, áfengis og stunda kynlíf á
unglingsárunum.
En viðtökurnar hafa ekki verið
vænlegar og unglingarnir virðast
ekki hafa mikinn áhuga. Til að
reyna að draga aðeins í land með
ímynd „ískonunnar" var Brooke
Iátin fara og halda upp á tuttug-
asta afmælisdaginn í næturklúbbi,
þar sem ungir piltar dönsuðu villt-
an nektardans fyrir hana. Reyndar
birtum við mynd af þeim viðburði
fyrir nokkru.
Börn Mondales
í Hollywood
LÁRA M. RAGNARSDÓTTIR
FRAMKVÆMDASTJÓRI
STJÓRNUNARFÉLAGSINS
„Kjörið tækifæri
til að kynnast fleiri
hliðum þjóðlífsins
Nýlega urðu mikil umskipti
hjá Stjórnunarfélagi Is-
lands. Félagið flutti í nýtt og
rúmbetra húsnæði og 1. ágúst sl.
tók þar til starfa nýr fram-
kvæmdastjóri, Lára M. Ragn-
arsdóttir.
„Ég kann mjög vel við mig það
sem af er og hef haft mikið að
gera," sagði Lára er hún var innt
eftir því hvernig henni líkaði í
nýja starfinu.
„Það er ekki nóg með að við
séum að koma okkur fyrir í nýju
húsnæði, heldur erum við að
setja vetrardagskrána í gang
líka. Það var heilmikið átak að
flytja alla starfsemina, en hér
höfum við fyrir bragðið miklu
betra húsnæði, bæði rýmra og á
allan hátt hentugra til kennslu.
Nú höfum við einnig möguleika á
að hafa alla starfsemina undir
einu þaki, innlendu og erlendu
námskeiðin og ráðstefnur að
ógleymdum málaskólanum Mími
sem við festum kaup á í fyrra.
Það er skemmtileg tilbreyting
að skipta um starf og umhverfi.
Ég er búin að vera það lengi
tengd heilbrigðismálum að þetta
er kjörið tækifæri fyrir mig til
að kynnast fleiri hliðum þjóð-
lífsins.
Ég hef svo að segja höndina
alveg á púlsinum hvað snertir
atvinnulíf þjóðarinnar, og get
ekki annað en komið út reynsl-
unni ríkari hvort sem ég kem til
með að snúa mér aftur að heil-
brigðismálum eða ekki.“
— Hvaða starfi gegndir þú
áður innan þeirrar stéttar?
„Um tíma var ég forstöðumað-
ur áætlana og hagdeildar ríkis-
spítalanna og þar áður var ég í
Bandaríkjunum við alþjóðafyr-
irtækið Arthur D. Little sem
ráðgjafi í sjúkrahússtjórnun og
heilsuhagfræði.
Lára M. Ragnarsdóttir.
Morjfunblaðið/Bjarni