Morgunblaðið - 27.08.1985, Page 37

MORGUNBLAÐIÐ, ÞRIÐJUDAGUR 27. ÁGÚST 1985
37
Minning:
Sigríður Krist-
insdóttir Paulsen
Fædd 26. janúar 1893
Dáin 11. ágúst 1985
Öldruð kona er gengin sinn veg.
Langri ævi er lokið og hvíldin
langþráða fengin í skauti fóstur-
jarðarinnar. Ung að árum ýtti hún
úr vör bernsku sinnar. Glaðbeitt
og kát með sitt ljúfa bros og smit-
andi hlátur ímynda ég mér. í
Danmörku lifðu hún og starfaði
lengst af ævi sinnar og giftist þar
f, '

þýskættuðum manni, Pétri Fre-
dric Paulsen. Heimili þeirra stóð
lengi á Vesturbrú nr. 35 í Kaup-
mannahöfn. Pétur lést fyrir all-
mörgum árum og hafði þá lengi
átt við vanheilsu að stríða. Sigríð-
ur bjó ein eftir það uns kraftar
hennar þrutu, en þá flutti hún
heim til Islands í skjól bróðurson-
ar síns og konu hans.
Konan mín þurfti sem ung
stúlka að gangast undir alvarleg-
an uppskurð er ekki varð fram-
kvæmdur á íslandi og var því send
til Danmerkur. Ein og óstudd varð
hún að leggja upp í tvfsýna ferð og
var þá það heillaráð tekið að biðja
Sigríði fyrir hana og hennar mál
þar ytra og var ekki í kot vísað þar
sem hún var. 14 árum síðar varð
konan mín aftur að fara utan
sömu erinda, það var árið 1970, og
þá fylgdi ég er þessar línur skrifa.
Sá ég þá Sigríði og Pétur í fyrsta
sinni og var hún þá 77 ára gömul.
Engum er hefði séð þessa kviku og
kátu konu hefði getað dottið það í
hug að þar færi manneskja er átti
3 ár í áttrætt. Pétur farinn að
heilsu enda átti hann þá ekki
langa ævi eftir. Mér eru samt
minnisstæðar gönguferðir er ég
fór með honum í næsta nágrenni.
Hann var ræðinn, og skemmtileg-
ur og hafði sýnilega ánægju af
gestakomunni. Sigríður tók mér
alókunnugum manninum eins og
langþráðum týndum syni.
Það voru og eru engar hallir,
íbúðirnar er leiguliðar húseigenda
í Kaupmannahöfn þurfa að gera
sér að góðu og fá engu breytt. En
með Sigríði innan veggja gleymist
sú vöntun er var á öllu því er nú-
tíma þægindi kallast, húsráðendur
sáu um það.
Þeir eru trúlega orðnir þó nokk-
uð margir landarnir sem Sigríður
hefur skýlt undir væng elskusemi
sinnar á umliðnum áratugum, og
má þó ljóst vera að ekki hefir allt-
af verið hægt um vik. Lífsbaráttan
þar ytra var enginn leikur al-
múgafólki á árum kreppunnar og
síðan styrjaldarinnar. En Sigríður
og Pétur stóðu allar þrengingar af
sér og voru ekki öfundsverð. Aldr-
ei tóku þau niður skiltið er fest
var við innganginn í portið á Vest-
urbrú 35. Þar var letrað með stór-
um stöfum „Peter Fredric Paul-
sen“ tyve timer tysk.
Sigríður var ekki margorð um
stríðsárin en þó mátti lesa milli
línanna hvernig ástandið var, og
þá sérstaklega undir lokin þegar
hinar svokölluðu frelsishetjur
fóru að hafa sig á kreik að marki.
Það fannst víst misjafn sauður í
þeirri hjörð.
Lengi gæti ég skrifað um kynni
mín af okkar kæru vinkonu, en læt
nótt sem nemur í því efni.
Gestrisni, góðvild og tryggð
þáðum við í miklum mæli af henn-
ar hendi, látið þannig í té að aldrei
verður fullþakkað.
Hennar mynd mun geymast
skýr og tær í hugum okkar.
Pálína og Jón
Legsteinar
Ýmsar gerðir
Marmorex
Steinefnaverksmiðjan
Helluhrauni 14 sími 54034
222 Hafnarfjörður.
Bestu kaupin eru hjá okkur!
Hjá okkur fáiö þiö original pústkerfi í allar geröir
MAZDA bíla. Viö veitum 20% afslátt ef keypt eru heil
kerfi meö festingum. Kaupiö eingöngu
EKTA MAZDA pústkerfi
eins og framleiöandinn mœlir meö
— þau passa í bílinn.
IZ-'............................
BÍLABORG HF
Smiðshöfða 23. S. 81265
Vfertu með í
sumarleik Olís
Er bílnúmer þitt eitt af þeim 10 sem dregin verða út í hverri viku í allt sumar?
Ef svo er, tekurðu þátt í sumarkönnun OLÍS og ert 10 þúsund krónum ríkari.
Komdu við á næstu OLÍS stöð og athugaðu málið.
Einfaldur leikur, krefst einskis, bara að fylgjast með.
Vertu með, fylgstu með. 10 ný bílnúmer í hverri viku.
BS
-gengur lengra.