Morgunblaðið - 25.09.1985, Qupperneq 28
28
MORGUNBLAÐIÐ, MIÐVIKUDAGUR 25. SEPTEMBER1985
Samningaviðræður um kjör öryggisvarða:
Dagsbrún krefst 35
stunda vinnuviku
— segir Jóhann Óli Guðmundsson
forstjóri Securitas
„SAMNINGAVIDRÆDUR eru komnar í fullan gang eftir að þeim hafði
verið frestað í nokkrar vikur að beiðni Prastar Olafssonar, framkvæmda-
stjóra Dagsbrúnar," sagði Jóhann Oli Guðmundsson, forstjóri Securitas sf„ í
samtali við Morgunblaðið í gær, aðspurður um gang viðræðna fyrirtækis
hans og Dagsbrúnar um kjaramál öryggisvarða.
„Aðilar hafa verið að kynna sín
sjónarmið og því er ekki að neita,
að kröfur Dagsbrúnar á hendur
fyrirtækinu eru mjög róttækar
breytingar, bæði með tilliti til
launa og vinnutímastyttingar.
Þetta síðarnefnda atriði tel ég að
snerti grundvallaruppbyggingu
vinnumarkaðarins i heild, því far-
ið er fram á vinnutímastyttingu
úr 173,3 klukkustundum niður í
rúmlega 150 klukkustundir á mán-
uði og þýðir það að vinnuvikan
styttist úr 40 í 35 stundir. Það sjá
allir að ef það blasir við í komandi
kjarasamningum í vetur að það
verði almenn stefna Verkamanna-
sambandsins að stytta vinnutím-
ann um 5 klukkustundir á viku
hlýtur að draga til tíðinda á
vinnumarkaðnum. Annars verðum
við að biða og sjá hverju fram
vindur en ljóst er að mikið ber í
milli enda með öllu óhugsandi að
svona grundvallarkrafa verði látin
brotna á einu litlu fyrirtæki eins
og Securitas er,“ sagði Jóhann óli.
„Og varðandi frétt í Morgun-
blaðinu í gær, þar sem gefnar eru
upp launatölur fyrirtækisins, frá
22—26 þúsund krónur í mánaðar-
laun, vil ég taka skýrt fram að
þetta eru alrangar upplýsingar.
Hið rétta er að allra lægstu laun
hjá fyrirtækinu eru rétt innan við
26 þúsund krónur og allt upp í
rúmlega 34 þúsund krónur á mán-
uði og er þá miðað við fastakaup.
ÖIl yfirvinna greiðist sérstaklega
ofan á þessar tölur. Af þessu sést
að meðalkaup hjá fyrirtækinu er á
bilinu 28—30 þúsund krónur,“
sagði Jóhann Óli.
Tónleikar á þremur stööum
SIGNÝ Sæmundsdóttir sópran-
söngkona og Þóra Fríða Sæmunds-
dóttir píanóleikari halda tónleika
í Tónlistarskólanum á Sauðárkróki
fimmtudaginn 26. september kl.
20.30, laugardaginn 28. september
á Víkurröst, Dalvík kl. 17 og í
Logalandi, Borgarfirði, sunnudag-
inn 29. september kl. 21.
Á efnisskránni eru íslensk lög,
þýsk ljóð og óperuaríur.
Vöruskiptajöfnuðun
Hagstæður um 844
millj. kr. fyrstu átta
mánuði ársins
VORUSKIPTAJOFNUÐURINN i agust var hagstæður um 765 milljonir
króna, en var á sama tíma í fyrra hagstæður um 162 milljónir króna. Það sem
af er árinu er vöruskiptajöfnuðurinn hagstæður um 844 milljónir króna. í
ágúst sl. voru fluttar út vörur fyrir 3.232 milljónir króna, en innflutningur
nam 2.467 milljónum króna. Mesta aukning í útflutningi var á kísiljárni, en
hann jókst um 300,8 %(var 400 milljónir kr.) miðað við sama mánuð á síðasta
ári, á meðalgengi í ágúst síðastliðnum.
í frétt frá Hagstofu íslands seg-
ir að útflutningur sjávarafurða í
ágúst sé 20,2% meiri en 1984.
Flutt var út fyrir 2.291 milljón
króna. Ef litið er á árið í heild
jókst útflutningur sjávarafurða
um 22,1%, miðað við meðalgengi
mánuðina janúar til ágúst. Meðal-
gengi þessara mánaða reiknast
28,8% hærra en á sama tíma 1984.
Fyrir ágústmánuð reiknast meðal-
gengið 33,8% hærra en í ágúst á
síðasta ári.
Utflutningur á áli i siðasta
mánuði nam 253 miiljónum króna,
t’om or f' vv»ni**o on r*vlv
ári. Hins vegar hefur útflutningur
áls dregist saman í heild á árinu
um 18,7%.
Innflutningur í ágúst var 2,8%
hærri en á síðasta ári en útflutn-
ingur var 26,3% hærri. Fyrstu
áttamánuði ársins var innflutn-
ingur 8% meiri en á sama tima
1984 og útflutningur var 16,3%
meiri. Fluttar hafa verið út vörur
fyrir 22.074 milljónir króna en inn
fyrir 21.230 milljónir króna. Vöru-
skiptajöfnuðurinn er því hagstæð-
ur um 844 milljónir króna, en var
fyrir einu ári óhagstæður um 475
Skýrslan kynnt: Talið fri vinstrí: Ólafur Karvel Pálsson, Jakob Jakobsson, forstjóri, Hjálmar Vilhjálmsson,
Hrafnkell Eiríksson, Gunnar Stefánsson og Sigfús Schopka.
Þorskstofninn:
Veiðistofninn 10 % meiri
en gert var ráð fyrir í fyrra
Fiskifræðingar leggja því til að á næstu
árum verði veitt svipað magn og á þessu
„NYTT stofnmat, sem nú liggur fyrir, bendir til þess, að veiðistofninn
(fjögurra ára og eldri) hafi í upphafi ársins 1985 verið 940.000 tonn.
Þetta er um 10% meira en fram kemur í skýrslu Hafrannsóknastofn-
unar frá október 1984. Þennan mismun má fyrst og fremst rekja til
þess, að miklu meira hefur veiðst af 6 ára fiski á þessu ári en búist
var við.“
Þessar upplýsingar koma
meðal annars fram í nýrri
skýrslu Hafrannsóknastofnun-
ar um ástand þorskstofnsins og
mögulega veiði úr honum á
næstu árum. í skýrslunni segir,
að nú sé gert ráð fyrir því að
hrygningastofninn hafi i byrjun
þessa árs verið 320.000 tonn eða
60.000 tonnum stærri en áætlað
hefi verið.
Við framreikninga stofn-
stærðar er gert ráð fyrir að
þorskafli þessa árs verði 310.000
tonn. Veiðistofn í byrjun næsta
árs verði því 850.000 tonn og
hrygningarstofn 320.000 tonn.
Þá er gert ráð fyrir að meðal-
þyngd og kynþroski eftir aldri,
sem verið hefur síðustu tvö ár,
haldist á næstu árum. Einnig
er gert ráð fyrir að árgangur
1983 sé meðalárgangur (220
milljónir einstaklinga) og ár-
gangurinn frá 1984 sé yfir
meðallagi (300 milljónir). Þess-
ara árganga muni þó ekki gæta
í veiðinni svo nokkru nemi fyrr
en 1987 og einkum 1988.
Fiskifræðingar gefa, eftir
þessum forsendum, möguleika á
tveimur meginleiðum 1 fisk-
veiðiráðgjöf; annars vegar til-
teknu aflamarki og hins vegar
kjörsókn, það er sókn mældri í
fiskveiðidánarstuðlum. Miðað
við aflamarksleiðir mun 350.000
tonna afli næstu tvö ár hækka
veiðidánarstuðulinn verulega.
Veiðistofninn muni þó haldast
nánast óbreyttur 1987 en
stækka úr 850.000 í 960.000 tonn
1988. Hrygningarstofninn mun
hins vegar fara minnkandi á
næstu árum frá því sem hann
er áætlaður á næsta ári.
Við takmörkun þorskafla við
300.000 tonn á ári mun veiði-
stofn vaxa úr 850.000 tonnum á
næstu árum og verður kominn
upp í rúmiega milljón tonn 1988,
en hrygningarstofnin mun nán-
ast standa í stað. Þriðja afla-
marksleiðin, sem fiskifræðing-
arnir gefa, 250.000 tonn á ári,
mun stækka veiðistofninn í 1,2
milljónir lesta 1988 og hrygn-
ingarstofninn í 400.000 sama ár.
Það, sem fiskifræðingarnir
telja æskllegustu sóknina eða
kjörsókn, miðast við veiðidánar-
stuðul, sem er einn þriðji af
sama stuðli á yfirstandandi ári.
Samkvæmt honum má afli ekki
verða meiri en 148.000 tonn á
næsta ári og 184.000 tonn 1987.
Með því mun veiðistofninn vaxa
úr 850.000 tonnum í rúmlega 1,4
milljónir tonna árið 1988 og
hrygningarstofninn úr 330.000
tonnum í 540.000 tonn.
Tillögur stofnunarinnar um
aflamark á næsta ári fyrir
hverja leyfisbundna tegund eru
eftirfarandi. Tölurnar í svigun-
um eru tillögur fyrir yfirstand-
andi ár: Þorskur 300.000
(200.000), ýsa 50.000 (45.000),
ufsi 60.000 (60.000), karfi 85.000
(90.000), grálúða 25.000 (25.000),
skarkoli 10.000 (10.000), síld
50.000 (50.000), humar 2.500
(2.300) og hörpudiskur 14.200
(15.500) tonn.
Aflamark annarra tegunda en
þorsks er í flestum tilfellum lítið
sem ekkert breytt. Þó veiði
þeirra tegunda sé í mörgum til-
fellum minni en gert var ráð
fyrir á þessu ári, er það talið
vegna minni sóknar en búizt var
við og því svipað aflamagn lagt
til og áður. Nokkur aukning er
lögð til á humarveiðum vegna
góðrar stöðu yngri árganga
stofnsins, en samdráttur í veiði
á hörpuskel er fyrst og fremst
vegna of mikillar sóknar á suð-
vestursvæði Breiðafjarðar.