Morgunblaðið - 21.11.1985, Page 4
4
MORGUNBLAÐIÐ, FIMMTUDAGUR 21. NÓVEMBER1985
„Má ekki verða
hemill á eðli-
lega þróunu
— Segir landbúnaöarráðherra um hér-
aðakvótann, en hann er með nokkuð
aðrar hugmyndir en Stéttarsambandið
„VIÐ megum ekki binda okkur allt of langt aftur í fortíöina, á það hef ég
lagt áherslu við Stéttarsambandið. Kerfið má ekki verða hemill á eðlilega
þróun,“ sagði Jón Helgason landbúnaðarráðherra meðal annars á almennum
fundi um landbúnaðarmál sem hann boðaði til í Árnesi á þriðjudagskvöldið,
þegar hann svaraði fyrirspurnum bænda um héraðakvótann. Má af þessum
orðum ráðherrans og öðrum á þessum fundi ráða að hann sé með hugmyndir
um að framleiðslan nú verði látin ráða meiru við skiptingu framleiðslunnar á
milli héraða en Stéttarsambandið hefur gert tillögur um, þannig að minni
röskun verði á framleiðslunni eins og hún nú er.
Bændur gagnrýndu það á fundin-
um að skipting framleiðsluréttar-
ins á milli héraða lægi ekki fyrir
þó leyfilegt framleiðslumagn hefði
legið fyrir í tæpa þrjá mánuði og
bændur framleitt mjólk þennan
tíma án þess að vita hvað í þeirra
hlut kæmi. Töldu menn brýnt að
framleiðsluréttur manna yrði
ákveðinn hið fyrsta. Guðmundur
Lárusson á Stekkum sagði að á
meðan á þessari óvissu stæði væri
alið á á sundrungu á milli lands-
hluta og Eyfirðingar hefðu til
dæmis gengið svo Iangt að hóta því
við sunnlendinga og Framleiðslu-
ráð að fara að selja mjólk á höfuð-
borgarsvæðinu ef ekki verði gengið
strax að kröfum þeirra um breyt-
ingar á útreikningsreglum kvótans.
Magnús Sigurðsson í Birtingaholti
sagði ljóst að það vefðist fyrir
Stéttarsambandinu að skipta kök-
unni svo öllum líkaði og gæti verið
auðveldara fyrir stjórnvöld að taka
á málinu. Hann sagði að Sunnlend-
ingar hefðu alltaf verið á móti hér-
aðakvótanum en áhrif þeirra hefðu
verið lítil á Stéttarsambandsfund-
um miðað við framleiðslumagn.
Jón Helgason tók undir það að
slæmt væri að hafa kvótann ekki
fyrirliggjandi. Hann sagðist hafa
strax við gildistöku laganna óskað
eftir tillögum Stéttarsambands
bænda að héraðabúmarki. Þar hefði
verið unnið að málinu og hann
fengið tillögur um skiptinguna fyrir
þremur vikum. Hann sagðist vilja
fá dæmið til enda því útilokað væri
að taka afstöðu til tillagnanna fyrr
en héraðabúmarkinu hefði verið
skipt innan héraðanna og séð væri
hvort mikill mismunur yrði á milli
bænda eftir héruðum. Hann sagði
að markmið sitt væri að fylgja sem
mest tillögum Stéttarsambandsins.
Þegar tillögur þeirra kæmu í ráðu-
neytið myndi hann ræða þær við
Stéttarsambandið og vita hvort
ekki væri hægt að komast að sam-
eiginlegri niðurstöðu þó einhverju
þyrfti að breyta. Hann ítrekaði þá
skoðun sína að „reynt yrði að færa
sig eins nálægt nútímanum og hægt
er“ við skiptingu framleiðslunnar.
Slæmt væri ef þessi dráttur yrði
til að vekja upp úlfúð á milli bænda
og ætti ekki að grípa til héraðakvót-
ans fyrr en sem flestir gætu sætt
sig við niðurstöðu hans.
Landskeppni í skák milli Norðurlandanna og Bandaríkjanna:
Morgunblaftið/Árni Sœberg
Fjórir af fimm skákmönnum íslands í sveit Norðurlandanna, ásamt forsvarsmönnum keppninnar.
íslendingar eiga fimm
skákmenn í sveitinni
SKÁKKEPPNI milli úrvalsliðs Norðurlandanna annars vegar og Bandaríkj-
anna hins vegar er fyrirhuguð hér á landi fyrrihluta febrúarmánaðar næst-
komandi. Þar munu nær allir bestu skákmenn Norðurlanda og Bandaríkj-
anna leiða saman hesta sína á 12 borðum. Tefldar verða tvær umferðir og
er hugmyndin sú að hluta keppninnar verði sjónvarpað beint, hér á landi
og jafnvel víðar, ef til vill til hinna Norðurlandanna og vestur um haf, en
ekki er endanlega samið um þau mál ennþá.
Keppnin fer fram með tilstyrk og verður haldin dagana 8. og 9.
Visa-greiðslukortafyrirtækisins febrúar eða rétt fyrir Reykjavíkur-
skákmótið sem hefst 12. febrúar.
Er gert ráð fyrir þvi að margir
þeirra skákmeistara sem taka þátt
í landskeppninni muni verða
áfram hér á landi og taka einnig
þátt i Reykjavíkurskákmótinu.
Meðal þeirra meistara sem hingað
munu koma frá Norðurlöndunum
vegna mótsins má nefna Larsen,
Morgunblaðiö/Ólafur K. Magnússon
Frá blaöamannafundi Almenna bókafélagsins. F.v. Kristján Jóhannsson, framkvæmdastjóri Almenna bókafé-
lagsins, Baltasar, Sveinn Einarsson, Elín Pálmadóttir, Kristján Albertsson og Sveinbjörn I. Baldvinsson.
Almenna bókafélagið sendir frá sér fimm bækur:
Bók um ævi Gerðar Helgadóttur
Aukin og endurskoðuð útgáfa ævisögu Hannesar Hafstein
„SKOÐUN mín á Hannesi Haf-
stein hefur ekki breyst, en ég veit
að bókin hefur breytt áliti margra
annarra," sagði Kristján Alberts-
son, rithöfundur, á blaöamanna-
fundi, sem Almenna bókafélagið
efndi til í gær í því skyni að kynna
fimm ný rit forlagsins.
Eitt ritanna fimm er ævisaga
Hannesar Hafstein eftir Krist-
ján Albertsson í þremur bindum
og er hér um að ræða aðra út-
gáfu, sem höfundur hefur endur-
skoðað og aukið við. Þegar bókin
kom upphaflega út 1961-1964
vakti hún mikla athygli og jafn-
framt deilur. Stúdentafélag
Reykjavíkur hélt sérstakan fund
um bókina, þar sem menn leiddu
saman hesta sina með og móti,
og var engu líkara en Heima-
stjórnarflokkurinn og Sjálfstæð-
isflokkurinn gamli væru aftur
upp risnir.
Kristján Albertsson sagði að
Hannes Hafstein væri mesti
stjórnmálaforingi íslendinga,
næstur Jóni Sigurðssyni. Hann
hefði hins vegar ekki hlotið rétt-
mætan dóm fyrr á árum, en
ævisagan hefði átt þátt í að
breyta viðhorfum manna til
hans.
Gerður nefnist bók sem Elín
Pálmadóttir blaðamaður hefur
tekið saman og er það ævisaga
Gerðar Helgadóttur myndhöggv-
ara. Elín hefur verið blaðamaður
um árabil, en þetta er fyrsta
bókin sem hún sendir frá sér.
Þær Gerður voru nánar vinkonur
og í formála bókarinnar segir
Elín: „Ég hefi oft verið í vafa um
rétt minn til að nota svo einstæða
vináttu og segja frá atvikum se.
ég því aðeins kynntist að ég var
náinn vinur. Þó finnst mér sem
mér beri skylda til að miðla
upplýsingum sem ég get veitt um
svo einstakt líf sérstæðrar per-
sónu — og þá sérstaklega þeim
sem eiga eftir að kynnast lista-
verkum hennar um ókomna
framtíð. Þar hlýtur persónan og
lífsstíllinn, gleði og sorgir á
hverjum tíma að skipta miklu
máli til skilnings."
Bókin um Gerði Helgadóttur
er 234 bls. auk 32 myndasíðna,
bæði litmynda og svart-hvítra
mynda af fólki, stöðum og lista-
verkum. Þar er einnig birt ljóð
sem Þorsteinn Valdimarsson orti
til hennar og ekki hefur áður
komið fyrir almenningssjónir.
Burðargeta skipa
Eimskips meiri
en Hafskips og SÍS
FARI svo, að skipadeild Sambands íslenskra samvinnufélaga og íslenska
skipafélagið hf.. sameinist í nýju félagi, verður það nærri því jafn stórt og
Eimskipafélag Islands, ef miðað er við samanlagða burðargetu skipa félag-
anna. Islenska skipafélagið hf„ sem keypt hefur skip og aðrar eignir Haf-
skips hf. á íslandi, á fjögur skip og skipadeild SÍS átta. Samanlögð burðar-
geta skipanna tólf er 29.348 tonn brúttó en samanlögð burðargeta skipa
Eimskipafélagsins, sem eru ellefu, er 32.687 tonn.
Auk skipanna, sem Eimskipafé-
lagið á, hefur félagið nú á leigu
fimm skip, sem geta borið samtals
23.736 tonn. Fjögur þeirra bera
íslensk fossanöfn og eru leigð til
lengri tíma á svokölluðum „þurr-
leigusamningi". Fimmta skipið er
leigt á svokölluðum „tímaleigu-
samningi". Það heitir erlendu
nafni og á því er erlend áhöfn.
Hafskip átti fjögur skip, sem nú
eru skráð eign íslenska skipafé-
lagsins hf. Burðargeta þeirra er
samtals 11.340 tonn en að auki er
Hafskip með fjögur stór skip á
leigu til Atlantshafssiglinga sinna
sem bera öll nöfn íslenskra áa.
Samanlögð burðargeta þeirra fjög-
urra skipa er 34 þúsund tonn.
Hæpið er þó að reikna með leigu-
skipunum í hugsanlega samsteypu
íslenska skipafélagsins og Sam-
bandsins, því samkvæmt upplýs-
ingum flutningadeildar Haf-
skips/íslenska skipafélagsins
rennur leigusamningur um þau
skip út í byrjun næsta árs.
Skipadeild Sambands íslenskra
samvinnufélaga á átta skip með
samanlagða burðargetu upp á
18.008 tonn. Að auki hefur skipa-
deildin á tímaieigusamningi eitt
útlent skip, sem ber 3.850 tonn.
Ekki var vitað til þess í gær, að
skip íslenska skipafélagsins hf„
sem nú eru í siglingum á erlendar
hafnir, hafi átt í nokkrum vand-
ræðum eða að gerð hafi verið til-
raun til að stöðva þau vegna skulda
Hafskips hf„ skv. upplýsingum
Sigurbjörns Svavarssonar hjá
flutningadeild félagsins. „Það er
hægara sagt en gert að kyrrsetja
skip í erlendri höfn,“ sagði hann,
„því til þess þarf að setja banka-
tryggingu fyrir andvirði skipsins
alls og það er vitaskuld ekki á allra
færi.“
Selá og Rangá eru í Reykjavík,
Skaftá fór frá Hamborg síðdegis í
gær til Hollands og Hofsá kom til
Alaborgar í gær og fer þaðan á
morgun til fleiri Norðurlanda-
hafna. Um leiguskipin er það að
segja, að í gærkvöldi var Grímsá
væntanleg til Reykjavlkur og Húsá
til Antwerpen, Sandá var þá að
fara frá Varberg í Svíþjóð til
Hamborgar og Dalsá á að koma
til hafnar í New York í dag.
Vitni vantar
VITNI vantar að því, er ekið var
á kyrrstæðan bíl við JL-markaðinn
við Hringbraut. Atburður þessi
átti sér stað síðastliðinn föstudag
um klukkan 15. Bílnum, sem er
dökkblár BMW, var lagt I um hálfa
klukkustund í stæði utan við húsið.
Þeir, sem kunna að hafa orðið vitni
að þessu, eru vinsamlegast beðnir
um að snúa sér til lögreglunnar
með upplýsingar sínar.