Morgunblaðið - 14.12.1985, Blaðsíða 4
4
MORGUNBLAÐIÐ, LAUGARDAGUR14. DESEMBER1985
„Stórkostlegt að
vera komin heim“
— sagði Hólmfríður Karlsdóttir, fegurðar-
drottning heims, við komuna til landsins í gær
„SJÁIÐI hvað kórónan er flott,“ hrópaði lítill snáði við barnaheimilið á
Vífilsstöðum, þegar Hólmfríður Karlsdóttir, feguröardrottning heims, steig
út úr bílnum við komuna þangað síðdegis í gær. Fjöldi fólks fagnaði Hólm-
fríði við heimkomuna og bæjarstjórinn í Garðabæ, Jón Gauti Jónsson, var
kominn á staðinn til að bjóða Hólmfríði sérstaklega velkomna.
Hólmfríður kom til landsins frá
London með Flugleiðavél laust
eftir klukkan 16.00. Hún var fyrsti
farþeginn sem út úr vélinni og
skartaði kórónunni og borðanum.
Við landganginn voru foreldrar
hennar, Asta Hannesdóttir og
Karl Guðmundsson, vinkona henn-
ar Sigríður Thorlacius og lítil
frænka, Ásta Bennie, sem færði
henni blóm, en þær eru systradæt-
ur. „Það er stórkostlegt að vera
komin heim,“ var eitt af því fyrsta
sem Hólmfríður sagði er hún steig
útúr vélinni.
Sally Kemp, skrifstofustjóri
„Miss World“ keppninnar var í för
með Hólmfríði, og mun hún dvelja
hér á landi fram í næstu viku. Auk
þess komu með vélinn blaðamaður
og ljósmyndari breska blaðsins
„Daily Mail“, til að fylgjast með
heimkomu Hólmfríðar. Viðdvölin
í Keflavík var stutt þar sem krakk-
arnir á Vífilsstöðum biðu fegurð-
ardrottningarinnar með óþreyju
og unnusti hennar, Elfar Rúnars-
son, beið tilbúinn með bílinn og
síðan var ekið sem leið lá í
Garðabæinn.
Hólmfríði var vel fagnað á Víf-
ilsstöðum og krakkarnir þyrptust
um hana því allir vildu kyssa Hófí
og óska henni til hamingju. Það
var greinilegt að börnunum fannst
þau eiga töluvert í henni og Hólm-
fríður ætlaði aldrei að komast inn
í barnaheimilið vegna kossa og
faðmlaga. Lúðrasveit Garðabæjar,
sem Hólmfríður lék eitt sinn með,
lék nokkur lög og þegar hún var
spurð hvort hún ætlaði ekki að
taka lagið með sveitinni svaraði
hún að bragði að hún hefði því
miðurgleymt klarínettinu heima.
Þegar inn var komið voru sungin
jólalög. Hólmfríður söng með og
kunni augljóslega vel við sig innan
um krakkana. Þegar blaðamaður
spurði eina litla hnátu hvort henni
findist Hólmfríður hafa breyst
svaraði sú litla: „Hún er eiginlega
alveg eins, nema bara að hún er
svo fín og kórónan er ofsalega
flott." Hólmfríður kvaðst hlakka
til að slappa af með ættingjum og
vinum yfir jólin, en þó verður í
ýmsu að snúast hjá henni vegna
undirbúnings íslandskynningar-
innar. Móðir hennar, Ásta Hann-
esdóttir, kvaðst vera afskaplega
fegin að fá hana heim yfir jólin.
„Við fáum víst ekki að sjá svo
mikið af henni á næsta ári, en þó
held ég að hún fái leyfi til að koma
heim af og til,“ sagði Ásta.
Ólafur Laufdal, veitingamaður,
hafði opið hús með jólaglögg í
Broadway á milli klukkan 19.00 og
21.00 í tilefni af heimkomu Hólm-
fríðar. Var henni vel fagnað af
gestum og færðu margir henni
blóm. Sally Kemp, sem er systir
Júlíu Morley, eiganda keppninnar,
ávarpaði gesti og sagði hún meðal
annars að Hólmfríður hefði nú
þegar aflað sér mikilla vinsælda í
Englandi. Hún væri glæsilegur
fulltrúi fslands og ætti án efa eftir
að bera hróður landsins víða um
heim.
Foreldrar Hólmfríðar, Asta Hannesdóttir og Karl Guðmundsson, fagna dótt-
urinni við heimkomuna.
Hólmfríður og unnustinn, Elfar Rúnarsson, f hófinu í Broadway.
Afsláttur á skyri
Opið svarbréf til Davíös Schevings Thor-
steinssonar frá Ólafi Ragnari GrímSsyni
MORGUNBLAÐINU barst í gær
eftirfarandi opið svarbréf til Davíðs
Scheving Thorsteinssonar frá Ólafi
Ragnari Grímssyni:
„Hæstvirti forstjóri og fyrrum
stjórnarmaður í Hafskip hf.
Ég þakka opið bréf þitt í tveimur
dagblöðum, sem bar heitið „Þeir
sletta skyrinu sem eiga það“. Þar
víkur þú að tveimur efnisatrið-
um.
í fyrsta lagi segir þú að hvorki
Smjörlíki hf. né Sól hf. hafi
fengið desember- og jólaupp-
bætur frá Hafskip hf. Er sjálf-
sagt að taka orð þín gild, þótt
mínar heimildir hafi haldið öðru
fram.
í öðru lagi viðurkennir þú að
það sé rétt hjá mér, að fyrirtæki
þín hafi fengið afslátt á farm-
gjöldum hjá Hafskip hf. Þú verð
þig hins vegar með því að nefna
fjölmörg önnur fyrirtæki, þar
sem þú hefur einnig fengið af-
slátt. Sá er þó munurinn á þess-
um fyrirtækjum — flestum eða
öllum — og Hafskip hf., að
hvorki munt þú hafa verið
stjórnarmaður né stór hluthafi í
þeim. Það varst þú hins vegar
hjá Hafskip hf. og fékkst því í
því tilfelli afslátt hjá sjálfum
þér.
í bréfi þínu kom ekki fram hve
oft þú fékkst þennan afslátt né
hve miklum upphæðum hann
nam né heldur hvort hann var
meiri eða svipaður og sá afslátt-
ur sem Hafskip veitti hliðstæð-
um fyrirtækjum, sem ekki voru í
Davíð Scheving Thorsteinsson
Ólafur Ragnar Grímsson
eigu stjórnarmanna Hafskips.
Væri æskilegt að slík efnisatriði
kæmu fram fyrst þú ert á annað
borð kominn út í opinbera um-
ræðu um málið. Eða eigum við
kannske að bíða í mörg ár eftir
að það verði upplýst í rannsókn
skiptaréttar?
Það er hins vegar rétt að hæla
þér í leiðinni fyrir að hafa ekki
gefið kost á þér áfram í stjórn
Hafskips á síðasta aðalfundi. Þar
sýndir þú meiri vitsmuni en
ýmsir aðrir.
Með sambærilegri virðingu,
Ólafur Ragnar Grímsson."
Eldvíkin föst
í Hull
FLUTNINGASKIPIÐ Eldvík er enn
kyrrsett í Hull í Englandi vegna
ágreinings um reikning skipamiðlara
þar í landi að upphæð um 1,2 millj-
ónir króna. Ekki er taliö að skipið
losni fyrr en eftir helgi.
Finnbogi Kjeld, forstjóri, Víkur-
skipa, eiganda Eldvíkur, sagði í
samtalið við Morgunblaðið, að skip-
ið hefði að öllu eðlilegu átt að sigla
frá Hull á miðvikudag. Þrátt fyrir
að greiðsluábyrgð upp á rúm 16.000
pund hefði legið fyrir á fimmtudag,
hefðu lögfræðingar skipamiðlarans
tafið málið vísvitandi með orð-
hengilshætti og yfirgangi. Þeir
hefðu til dæmis seint á fötudag
komið fram með athugasemdir á
orðalagi greiðsluábyrgðarinnar,
þrátt fyrir að þeir hefðu haft hana
undir höndum í tvo daga og þannig
komið í veg fyrir að málið leystist
fyrir helgina. Þeir virtust vísvit-
andi vera að tefja málið til að valda
skipafélaginu erfiðleikum. Svona
tafir kostuðu auðvitað bæði pen-
inga og álitshnekki. Því myndi
skipafélagið gera viðkomandi menn
ábyrga fyrir beinu og óbeinu tapi,
sem af töfinni yrði.