Morgunblaðið - 16.01.1986, Blaðsíða 5
MORGUNBLABIÐ, FIMMTUDAGUR 16. JANIJAR 1986
5
Stuðningsyfirlýsing-
ar við flugmálastjóra
FLUGUMFERÐARSTJÓRAR hafa ákveðið að verða við beiðni Al-
berts Guðmundssonar, sem gegnir störfum samgönguráðherra í
fjarveru Matthíasar Bjarnasonar, og fresta fyrirhuguðum aðgerðum
sínum í deilu þeirra við flugmálastjóra, Pétur Einarsson, fram yfir
fund þeirra með Matthíasi Bjarnasyni nk. föstudag. Ákvörðun þessi
var tekin á sljórnarfundi Félags islenskra flugumferðarstjóra síð-
degis í gær.
Á ijölmennum félagsfundi FÍF á
þriðjudagskvöld var samþykkt van-
traustsyfirlýsing á hendur Pétri
Einarssyni flugmálastjóra. Segir í
yfírlýsingunni að Pétur hafí með
framkomu sinni og athöfnum ber-
lega sýnt að hann sé óhæfur til að
rækja svo ábyrgðarmikið starf.
Ennfremur segir þar: „ . . . Pétur
Einarsson hefur stjómað af stráks-
skap og ábyrgðarleysi, hann sýnir
starfsmönnum lítilsvirðingu, yfír-
gang og valdníðslu, sem bitnar á
flugrekstraraðilum og hinum fljúg-
andi almenningi og stefnir flugör-
yggi í voða.“ Þá er í yfirlýsingunni
skorað á viðkomandi stjómvöld að
skipa án tafar í embættið á ný „og
velja þá til starfsins mann sem
hefur þekkingu og reynslu í stjóm-
un, sérþekkingu á flugmálum og
hefur tamið sér þá háttvísi í fram-
komu og hegðun sem sæmir þessu
embætti.“
Albert Guðmundsson sagði í
samtali við Morgunblaðið í gær að
hann hefði ekki séð þessa yfírlýs-
ingu og myndi ekki taka afstöðu
til hennar. „Matthías kemur til
starfa á föstudaginn og það er í
hans verkahring að bregðast við
yfírlýsingunni. Eg er hins vegar
þakklátur flugumferðarstjórum
fyrir að verða við þeim tilmælum
mínum að fresta fyrirhuguðum
vamaraðgerðum þar til samgöngu-
ráðherra hefur haft tækifæri til að
ræða við þá,“ sagði Albert. Pétur
Einarsson vildi ekki tjá sig um
vantraustsyfirlýsinguna þegar
blaðamaður ræddi við hann í gær.
Fjölmiðlum barst í gær stuðn-
ingsyfírlýsing við Pétur Einarsson,
undirrituð af 77 starfsmönnum
annarra deilda Flugmálastjómar en
flugumferðarþjónustu. í yflrlýsing-
unni segir að undirritaðir telji Pétur
Einarsson hæfan stjómanda sem
hafi lagt sig sérstaklega fram um
að halda góðu samstarfí við starfs-
fólk stofnunarinnar.
Ennfremur barst fjölmiðlum til-
kynning frá varaflugumferðarstjóra
og framkvæmdastjómm flugmála-
stjómar, þar sem segir m.a. að hin
stóryrtu ummæli flugumferðar-
stjóra um _ Pétur Einarsson séu
ómakleg. í tilkynningunni segir
einnig: „FÍF hefur í gegnum árin
margoft, eins og nú, staðið gegn
endurbótum á'skipulagi og starfs-
háttum innan deilda flugumferðar-
þjónustunnar. Full samstaða er
milli stofnunar og ráðuneytis um.
téðar skipulagsbreytingar. Allar
meiriháttar ákvarðanir og aðgerðir
í þessu máli hefur flugmálastjóri
tekið í samráði vjð okkur, og em
þær gerðar til að framfylgja lög-
boðinni stjómun á umræddum
starfshópi, í þeim tilgangi að við-
halda góðri stjóm flugumferðar
fyrir landsmenn."
NÁMSKEIÐ í
RIT VINN SLUKERFINU
WOBD
ítarlegt og vandað námskeið í notkun
hins öfluga ritvinnslukerfis WORD.
Nemendum eru kennd öll atriði sem
skipta máli við notkun kerfisins.
Að loknu námskeiði eru þátttak-
endur færir um að nota forritið
hjálparlaust.
Tími: 27., 28., 29. janúar
kl. 17-20
Innritun í simum
687590 og 686790.
Leiðbeinandl
Margrét
Pálsdóttir BA
Tölvufræðslan
Ármúla 36, Reykjavík.
Vigri RE
með sölumet
Seldi fyrir 12,5
milljónir í Grimsby
SKUTTOGARINN Vigri RE setti
í gær sölumet í Grimsby. Hann
fékk alls 12.495.500 krónur fyrir
afla sinn eða 204.751 enskt pund.
Þetta er hæsta heildarverð i
pundum talið, sem fengizt hefur
á fiskmörkuðum í Bretlandi.
Vigri seldi alls 212,1 lest, mest
þorsk, í Grimsby. Heildarverð var
12.495.500 krónur, meðalverð
58,92. Fyrra met átti Guðbjörg ÍS,
sett 21. ágúst í fyrra. Hún seldi
þá alls 222,8 lestir fyrir 186.158
pund. Talið í enskum mælieiningum
og þarlendum gjaldmiðli var meðal-
verð hjá Vigra 60,34 pund á kit
(62,5 kg) en 52,22 pund á kit hjá
Guðbjörgu.
Það er Ögurvík í Reykjavík, sem
gerir Vigra út, og skipstjóri í þess-
ari veiðiferð var Helgi Hrafnkels-
son.
Bræla á loðnu-
miðunum
LÍTIL loðnuveiði hefur verið
undanfarna daga vegna gæfta-
leysis. Engin veiði var á laugar-
dag og sunnudag og á mánudag
voru nokkur skip með slatta.
Engin veiði var á þriðjudag, en
síðdegis á miðvikudag höfðu tvö
skip tilkynnt afla, Bergur VE
með 160 lestir og Fífill GK með
570. Fífill^ fékk afla sinn við
Hvalbak. íslenzku skipin hafa
aflað 30.000 til 40.000 lesta frá
áramótum og norsku skipin um
22.000.
Auk þeirra skipa, sem áður hefur
verið getið í Morgunblaðinu, til-
kynntu eftirtalin skip afla á föstu-
dag: Víkurberg GK, 100, Gullberg
VE, 40, Harpa RE, 200, Gísli Ámi
RE, 40 og Helga II RE 70 lestir.
Á mánudag tilkynntu eftirtalin skip
afla: Kap II VE, 470, Gígja RE,
270, Sighvatur Bjarnason VE, 700,
Harpa RE, 250, Guðrún Þorkels-
dóttir SU, 700, Jón Kjartansson SU,
480, Keflvíkingur KE, 80, Jöfur
KE, 150, Víkurberg GK, 100,
Dagfari ÞH, 200, Sjávarborg GK,
170, Guðmundur RE, 200, Sigurður
RE, 35 og Súlan EA 40 lestir.
¥
morgun
BERAST®
MEIRIHÁTTAR
.TÍÐINDIFRÁ DAIHATSU
UM NÝJAN BÍL.
ÞAÐ GETUR
BORGAÐ
SIG AÐ BÍÐA.
Daihatsuumboðid
Armúla 23. s. 685870 — 81733