Morgunblaðið - 16.01.1986, Blaðsíða 20

20
MORGUNBLAÐIÐ, FIMMTUDAGUR16. JANÚAR1986
Andi Verslunar-
skólans fluttur
í nýtt húsnæði
Verslunarskólanemar fluttu
andann úr gamla skólanum við
Grundarstíg í nýja Verslunar-
skólann við Ofanleiti á laugar-
daginn. Andinn var settur í
skjóðu og síðan hlupu nokkrir
nemendur boðhlaup með skjóð-
una frá gamla skólanum að þeim
nýja.
Það voru 13 nemendur í stjórn
og íþróttafélagi Verslunarskóla ís-
lands sem tóku þátt í boðhlaupinu.
Þegar komið var í nýja skólahúsið
við Ofanleiti var andanum sleppt úr
skjóðunni við hátíðlega athöfn. Síð-
an fluttu Þorvarður Elíasson skóla-
stjóri og Jónas Friðrik Jónsson
forseti Nemendafélags Verslunar-
skóla íslands ávörp. Á eftir
skemmtu þeir Ómar Ragnarsson
og Baldur Brjánsson, nemendur og
kennnarar. Tvífari Herberts Guð-
mundssonar söngvara mætti og
tenórsöngvaramir bræðumir Gunn-
ar og Guðbjöm Guðbjömssynir
sungu o.fl. Hátíðinni lauk með
dansleik og léku Stuðmenn fyrir
dansi.
Að sögn Jónasar Friðriks Jons-
sonar forseta Nemendafélagsins
ræður góði andinn, sem var í gamla
skólanum, nú ríkjum í nýja skólan-
um við Ofanleiti.
Jónas Fríðrik Jónsson forseti Nemendafélags Verslunarskólans leysir andann úr skjóðunni í nýja skólanum.
Morgunblaðið/Júlíus
Reykjavík:
Fasteigna-
gjöld svipuð
milli hverfa
— segir Kristinn Guð-
mundsson deildarstjóri
ÁLAGNINGU fasteignagjalda er
lokið í Reykjavík og i þessarí
viku verða innheimtuseðlar
bornir til gjaldenda.
Að sögn Kristins Guðmundssonar
deildarstjóra skráningardeildar
fasteigna í Reykjavík virðast fast-
eignagjöld fbúða milli hverfa vera
nokkuð svlpuð miðað við gæði fast-
eignanna, en fasteignagjöld á at-
vinnuhúsnæði í Kvosinni, þar sem
lóðamatið er hærra, eru hærri en í
úthverfunum.
Fasteignaskattur á íbúðum og
lóðum hækkar um 28% og um 33%
á atvinnuhúsnæði miðað við skatt
sl. árs og var sami stuðull notaður
við álagningu gjaldanna. Sem dæmi
má nefna að fasteignagjöld á 2ja
herbergja 49 ferm. íbúð í Háleitis-
hverfí er kr. 7.500,-, 3ja herbergja
86 fermetra á svipuðum slóðum
11.700, - og 4ra herbergja 108 ferm.
í Heimahverfí kr. 12.800,-, 4ra
herb. 97 ferm. í Hólahverfí, Breið-
hoiti, kr. 12.300,- og 4ra herb. 94
ferm. íbúð í Háleitishverfí kr.
12.900,-. Fasteignagjöld fyrir 180
ferm. raðhús í Fossovgi eru um kr.
25.700, - og fyrir 200 ferm. raðhús
í Háaleitishverfí kr. 26.000,-. Fyrir
210 ferm. parhús í Vesturbænum
á að greiða kr. 26.200,- og fyrir
200 ferm. einbýlishús án bflskúrs í
Asenda 24.500,-, svo að eitthvað
sé nefnt.
Heildarupphæð álagðra fas-
teignagjalda í Reykjavík fyrir árið
1986 er 987 milljónir en á síðasta
ári voru gjöldin samtals 720 milljón-
ir. I þessari upphæð felst fasteigna-
skattur, lóðaleiga, brunatengd ið-
gjöld, þar með talið viðlagatrygg-
ingaiðgjald og söluskattur til ríkis-
ins.
Sameining Alþýðublaðsins, Tímans og Þjóðviljans:
Ekki pólitískar for-
sendur fyrir samruna
— sagði Svavar Gestsson á fundi Málfundafélags félagshy ggjuf ólks
FULLVÍST er nú að ekkert verður úr hugmyndinni um samein-
ingu Alþýðublaðsins, Timans og Þjóðviljans í eitt dagblað. „Það
eru ekki pólitískar forsendur fyrir því að leggja þessi blöð nið-
ur,“ sagði Svavar Gestsson, formaður Alþýðubandaiagsins, á
fundi, sem Málfundafélag félagshyggjufólks efndi til á Hótel
Hofi I fyrrakvöld til að ræða um sameiningarhugmyndina. Svav-
ar, sem var annar frummælenda á fundinum, kvaðst hins vegar
hlynntur auknu samstarfi blaðanna þriggja og hvatti til þess að
félagshyggjumenn mynduðu með sér fjölmiðlunarfyrirtæki, sem
hefði útvarpsrekstur einkum á verkefnaskrá sinni.
Bolli Héðinsson, hagfræðingur,
sem var hinn frummælandinn,
benti á það að framundan væru
miklir umrótstímar í fjölmiðlun
hér á landi. Hann sagði, að aukin
samvinna blaðanna þriggja væri
góðra gjalda verð, en ekki land-
vinningur. Hún tæki aðeins mið
af óbreyttu ástandi og hróflaði
ekki einu sinni við núverandi
aðstæðum, sem hann kvað ein-
kennast af ægiveldi Morgunblaðs-
ins. „Enginn, sem vill fylgjast með
þjóðmálaumræðu og atburðum
líðandi stundar, kemst hjá því að
lesa blaðið," sagði Bolli. En í þessu
væri þversögn fólgin: „Stærsti
kaupendahópur blaðsins er fóik
eins og við, félagshyggjufólk, en
Morgunblaðið er helsti andstæð-
ingur félagshyggju." Bolli kvaðst
horfa með tilhlökkun til þess tíma
er félagshyggjufólk sameinaðist
um útgáfu á dagblaði, þar sem
menn þyrftu ekki að lesa um
atburði innanlands og utan „með
gleraugum Matthíasar og Styrm-
is“ og gætu sagt Morgunblaðinu
upp.
Bolli sagðist hlynntur þeirri
hugmynd, að sameina Alþýðu-
blaðið, Tímann og Þjóðviljann í
eitt dagblað með þeim hætti að
fulltrúar stjómmálaflokkanna,
sem að blöðunum þremur standa,
hefðu jafnt rými fyrir stjóm-
málaskrif, en síðan sæi óháð rit-
stjóm um fréttaskrif.
Að horfast í augxi við
veruleikann
Svavar Gestsson sagði, að í
umræðum um þessi efni yrðu
menn að horfast í augu við veru-
leikann. Það væri ekki um að
ræða þá pólitísku samstöðu milli
Alþýðubandalags, Alþýðuflokks
og Framsóknarflokks, sem gerði
samstarf um dagblaðaútgáfu
mögulega. Flokkamir þyrftu á
pólitísku málgagni að halda, eink-
um á suðvesturhominu, og fram
hjá því væri ekki unnt að líta.
Fjárhagslegar ástæður fyrir sam-
einingu blaðanna væm líka mis-
munandi brýnar. Alþýðublaðið
stæði vel flárhagslega, Tíminn illa
og Þjóðviljinn sæmilega. „Staða
okkar gagnvart Morgunblaðinu
er mjög veik,“ sagði hann, „en
ekki veikari en fyrir tíu, fímmtán
eða tuttugu árum.“ Svavar vék
síðan að útbreiðslu Morgunblaðs-
ins og sagði að hún væri svipuð
og sameiginleg útbreiðsla allra
Springer-blaðanna í Vestur-
Þýskalandi miðað við höfðatölu,
en útbreiðsla Þjóðviljans aftur á
móti sambærileg við útbreiðslu
Politiken í Danmörku. Ekkert
annað blað vestantjalds hefði slíka
útbreiðslu sem Morgunblaðið, en
dæmi myndu vera um slíkt aust-
antjalds. „En upplagstölur þaðan
kann ég ekki í smáatriðum," sagði
Svavar.
Svavar Gestsson sagði, að
sameining blaðanna myndi kosta
mikil útgjöld vegna tækjabúnað-
ar, sem nauðsynlegt væri að
kaupa ef alvara væri í málinu, og
nefndi í því sambandi töluna 100
milljónir króna. En ef hann hefði
slíka fjármuni undir höndum, og
þó ekki væri nema helming upp-
hæðarinnar, kysi hann fremur að
nota þá til að stofna útvarp og
hagnýta sér þá möguleika sem
nýju útvarpslögin veita. Þetta
væri raunar ein þeirra hugmynda,
sem formenn Alþýðubandalags,
Alþýðuflokks og Framsóknar-
flokks hefðu rætt á fundum sínum
nýverið. Þeir hefðu einnig rætt
um aukna samvinnu Blaðaprents-
blaðanna og skipulag ríkisstuðn-
ings við blöð og flokka.
Svavar fór nokkrum orðum um
aukna samvinnu dagblaðanna
þriggja og kvað uppi hugmyndir
um að sameina setningu þeirra,
pappírskaup, dreifíngu, auglýs-
ingamóttöku, og jafnvel vinnslu
sameiginlegs þjónustuefnis, s.s.
dagbókarefhis og dagskrár ríkis-
fjölmiðla. Einnig kvað hann koma
til greina að stofna vísi að sameig-
inlegri fréttastofu blaðanna, er
hefði t.d. í fyrstu það verkefni að
vinna úr fréttatilkynningum.
Fjármagnið ekki
vinstra megin
Meðal þeirra, sem kvöddu sér
hljóðs að framsöguerindunum
loknum voru Sigurður A. Magnús-
son, rithöfundur, Kristinn Bjöms-
son, sálfræðingur, Baldur Jóns-
son, starfsmaður Þjóðviljans,
Helgi Skúli Kjartansson, sagn-
fræðingur, Sighvatur Björgvins-
son, fyrrv. alþingismaður og Jón-
ína Jónsdóttir. Sigurður A. Magn-
ússon vakti athygli á því, að ekki
væri aðeins við Morgunblaðið að
eiga, heldur einnig DV. Þessi blöð
væru tvfhöfða risi. Vandi vinstri-
manna væri sá að fjármagnið
væri ekki þeirra megin, en hann
kvaðst hins vegar eiga bágt með
að skilja hvers vegna hlutur hinna
öflugu launþegahreyfínga lands-
ins í flölmiðlun væri jafn léttvæg-
ur og raun bæri vitni. Hann kvaðst
horfa með skelfíngu til hinna nýju
tíma í fjölmiðlun.
Kristinn Bjömsson sagðist allt-
af hafa haft áhuga á því að ís-
lenskir félagshyggjumenn sam-
einuðust í einum flokki, svipuðum
flokkum sósíaldemókrata á Norð-
urlöndum, og lýsti áhyggjum sín-
um yfir því að einn flokkur hægri-
manna — fjármálamanna — réði
öllu í þjóðfélaginu. Hann liti svo
á að umræðumar um sameiningu
blaðanna þriggja væru smáskref,
sem hin sundruðu öfl hefðu stigið,
til að vinna saman. Baldur Jóns-
son sagði, að ástæða þess að
sameiningarhugmyndin hefði
komið upp væri gjaldþrot Tímans.
Það væri hins vegar fráleitt að
gefa blöðin saman út í einu blaði.
Þau væru málsvarar ákveðinna
pólitískra hugmynda, sem ættu
ekki samleið í mikilvægum atrið-
um. Menn litu líka fréttir mismun-
andi augum og fréttamat manna
á Tímanum og Þjóðviljánum væri
t.d. mismunandi, og byggðist það
m.a. á pólitískum skoðunum
manna. Hins vegar kvað hann
hugsanlegt, að unnt væri að
sameinast um útgáfu á vönduðu
helgarblaði.
Helgi Skúli Kjartansson benti
á það, að Alþýðublaðið hefði
ekkert fram að leggja ef að
sameiningu yrði. Menn keyptu
það eingöngu í gustukaskyni og
það væri gefíð út fyrir opinbert
fé. Sighvatur Björgvinsson kvaðst
vera orðinn þreyttur á að sækja
málfundi og hlusta á „gagnfræða-
skólaumræður" um sameiningu
blaðanna. Þetta mál hefði oft
verið rætt sl. tuttugu ár, en ekkert
komið út úr því og á því yrði engin
breyting. Allt tal um sameiginlegt
dagblað væri tímaskekkja. Hann
tók hins vegar undir hugmynd
Svavars Gestssonar um sameigin-
legt flölmiðlunarfyrirtæki félags-
hyggjumanna.
Að erindi Sighvats loknu talaði
Jónína Jónsdóttir. Hún beindi máli
sínu til ritstjóra Blaðaprentsblað-
anna og hvatti þá til að „skrifa
svo í þessi blöð, að einhver vilji
kaupa þau“. Hún benti á að blöðin
sjálf væru ódýr og menn settu
ekki verð þeirra fyrir sig, heldur
innihaldið. „Farið þið bara og
gerið betur," sagði hún.