Morgunblaðið - 31.01.1986, Blaðsíða 23

MORGUNBLAÐIÐ, FÖSTUDAGUR 31. JANÚAR 1986
23
Filippseyjar:
Getur Corazon
sigrast á
kosninga-
vél Marcosar?
Manila, 30. janúar. Frá Onnu Bjarnadóttur, fréttaritara Morgunblaðsins.
„CORY, Cory,“ hrópuðu mörg hundruð manns á markaðstorgi í
Manila á miðvikudagskvöld. Corazon Aquino, ekkja stjórnarandstæð-
ingsins Benigno Aquinos, hélt stuttar kosningaræður á nokkrum
stöðum í borginni þetta kvöld og mikill fjöldi kom út á göturnar til
að sjá hana. Hún er góðleg kona, klædd í einfaldan gulan kjól —
gulur er kosningaliturinn hennar — og flytur ræður sínar rólega.
Stór hluti áheyrenda hennar voru
böm og unglingar, sem störðu á
hana og fögnuðu innilega. Eldra
fólkið hlustaði með athygli, sumt
fagnaði orðum hennar ákaflega en
inn á milli á markaðstorginu stóðu
hópar sem slepptu að klappa. Hún
minnti á örlög manns síns, sem var
skotinn til bana á Manila-flugvelli
í ágúst 1983 þegar hann sneri heim
eftir þrjú ár í Bandaríkjunum. Hún
gagnrýndi Ferdinand Marcos, for-
seta, harðlega og kvatti kjósendur
til að greiða sér og Doy Laurel,
varaforsetaefni hennar, atkvæði sitt
í kosningunum 7. febrúar.
Laurel talaði skömmu á eftir
henni. Hann er rejmdur pólitíkus
og kynnti betur undir fólkinu. Hann
talar hátt og hressilega, röddin er
orðin rám, og leggur áherslu á orð
sín með uppréttum handlegg. Hann
fær áheyrendur til að hlæja og
hrópa með sér og beinir spjótum
sínum gegn Marcos og kosningavél
hans.
Það fer ekki fram hjá neinum í
Manila að kosningar eru skammt
undan. Starfsmaður í tollinum á
flugvellinum var merktur Marcosi
forseta en á götum úti ber mun
meira á stuðningsmönnum Aquinos.
Gul auglýsingaspjöld, merkimiðar
og borðar minna á Cory. Starfs-
menn í stórri byggingu, þar sem
aðalræðismannsskrifstofa Islands
er til húsa, eru t.d. allir stuðnings-
menn Aquinos, samkvæmt upplýs-
ingum ritara aðalræðismannsins,
og samtök leigubílstjóra við stærstu
hótelin eru fyrir Aquino. Fólk er
hrifið af henni en margir minnast
á reynsluleysi hennar. Einn maður
sagðist dást að Cory en ætla að
kjósa Marcos af því að hann hefði
reynslu. Annar sagði að Marcos
hlyti að sigra af því að hann hefur
völdin og hann sagðist þess vegna
ætla að kjósa Marcos til að lenda
ekki í hópi þeirra sem verða úndir
í baráttunni.
Kaþólska kirkjan, sem er mjög
sterkt afl í þessu þjóðfélagi, styður
Cory Aquino óbeint, þótt hún segist
vera hlutlaus. Allir biskupar lands-
ins komu saman til messu á þriðju-
dagskvöld og báðu fyrir friðsamleg-
um og heiðarlegum kosningum.
Messunni var sjónvarpað beint út
um landsbyggðina. Sin kardináli og
erkibiskup í Manila predikaði og
sagði að fólk biði eftir endurfæð-
ingu þjóðarinnar. Hann sagði að
það biði eftir að nýr andi réttlætis
og sannleika endumýjaði þjóðina
og veitti henni styrk. Dómkirkjan
í Manila var þéttsetin og ræðu Sins
var fagnað með lófataki. Formaður
kjömefndar og stuðningsmaður
Marcosar var viðstaddur messuna
en lét lítið yfír prédikun kardinál-
ans.
Biskupar landsins hafa varað við
alls kyns óheiðarleika í kosningun-
um og hvatt fólk til að greiða at-
kvæði samkvæmt eigin samvisku
en ekki af ótta við þá sem ógna
þeim eða fyrir peninga. Dagblöð
ÁP/SImamynd
Corazon Aquino og Salvador Laurel á kosningaferðalagi. Hér eru
þau stödd í Cebu-borg en þar komu 200.000 manns á fund hjá þeim.
stjómarandstöðunnar í Manila
heyja harða kosningabaráttu og em
full af sögum um fyrirhugað kosn-
ingasvindl KBL, flokks Marcosar.
Sagt er að flokkurinn sé þegar
farinn að kaupa atkvæði fólks og
óttast er að kjörkassar verði fylltir
með fölsuðum, atkvæðum. Tals-
menn beggja frambjóðendanna em
sannfærðir um stuðning meirihluta
kjósenda. Talsmaður Aquinos sagð-
ist halda að hann hefði 65% stuðn-
ing en hann óttaðist að hún myndi
þó ekki sigra. Marcos getur ekki
tapað þessum kosningum," sagði
hann. Hann bjóst við að forsetinn
myndi annaðhvort sigra á óheiðar-
legan hátt eða aflýsa kosningunum
á síðustu stundu. Stjómarandstað-
an trúir Marcos til alls ills, telur
hugsanlegt að hann loki bönkum á
næstu dögum svo að peninga-
streymi til Aquino-Laurel fram-
boðsins stöðvist og hún segir að
hann hafí ákveðið að loka skólum
í tvær vikur fyrir kosningar af ótta
við fundarhöld nemenda og aukinn
stuðning þeirra við Aquino. Stjóm-
völd sögðu að skólunum hefði verið
lokað af því að nemendur þyrftu
að komast heim til sín fýrir kjördag
og það þyrfti að undirbúa skólana
sem kjörstaði. ,
Stuðningsmenn forsetans segja
að vinsældir forsetans séu mestar
úti á landsbyggðinni þar sem 70%
íbúa landsins búa. Þeir telja að
Marcos þurfi ekki að óttast ósigur,
hann hafi reynslu og Filippseyingar
kæri sig ekki um konu sem forseta.
Þeir fullyrða að fréttir um, að sögur
hans um eigin hetjudáðir í stríðinu
séu ósannar, séu rangar og telja
að fullyrðingar um fasteignir Marc-
os-fjölskyldunnar í Bandaríkjunum
skipti almúgann litlu máli.
Heilsa Marcosar er sögð mjög
slæm. Hann hefur þó ferðast um
landið og mikill fjöldi sækir kosn-
ingafundi hans. Frægir skemmti-
kraftar koma fram á sömu fundum
og hann og andstæðingar forsetans
segja að það séu þeir sem trekkja
að. Marcos lofar umbótum á hveij-
um stað sem hann heimsækir og
hefur völdin til að uppfylla loforð
skömmu fyrir kosningar.
Verð á bensíni og maís var lækk-
að nú í vikunni og fjöldi starfs-
manna ríkisrekinna fýrirtækja fékk
bónus í síðasta launaumslagi. Sjón-
varpið er á hans bandi og hefur
varía minnst á Aquino og Laurel í
kosningabaráttunni. Það er helsti
fjölmiðillinn í dreifbýli og getur
haft áhrif á úrslit kosninganna.
Pólland:
Jólakortið
var sjö ár
á leiðinni
yarajá, 29. janúar. AP.
PÓLSKA póstþjónustan hefur
sett nýtt met hvað varðar hæg-
fara póstþjónustu, að því er fram
hefur komið í pólskum fjöimiðl-
um. Það hefur nefnilega komið
í ijós að jólakort sem sent var
fyrir jólin 1978, komst ekki til
viðtakanda fyrr en nú nýlega eða
rúmlega sjö árum eftir að það
var póstlagt.
Jólakortið var póstlagt í borginni
Opole fyrir jólin 1978 og afhent
fyrir fáum dögum í nágranabænum
Strzelce Opolskie. Kortið var afhent
þrátt fyrir að á því væri einungis
1 zloty frímerki, en póstburðargjöld
hafa tífaldast síðan. „Maður berst
við tárin og það ekki einungis vegna
þess hve seint þessi jólakveðja
barst,“ sagði í frétt opinberu pólsku
fréttastofunnar, PAP, meðal ann-
ars.
Ítalía:
Snjór veldur
vandræðum
Tórfnó, 30. janúar. Frá Bryiyu Tomer,
fréttaritara Morgunblaðsíns.
GÍFURLEG snjókoma hefur ver-
ið á Norður-Italíu siðustu tvo
daga og hefur jafnfallinn snjór
mælst allt að þvi 60 sentimetrar.
Innanlandsflug á Ítalíu lá að
hluta til niðri í gær og einnig í dag
vegna snjókomunnar, sem hófst
seint á þriðjudagskvöld og hefur
snjó kyngt niður stanslaust síðan.
Hér í Tórínó hefur mælst 60
sentimetra jafnfallinn snjór og hef-
ur snjórinn valdið ótrúlegu öng-
þveiti í borgum og á þjóðvegum í
norðurhluta landsins. Þá hafa jám-
brautasamgöngur brenglast veru-
lega. Eitt alvarlegt umferðaslys átti
sér stað í gær, þar sem tveir létu
lífið og mjög mikið er um minni
háttar umferðaróhöpp.
Skólahaldi í sumum borgum á
Norður-Ítalíu var aflýst í dag og
gera má ráð fyrir að skólar verði
einnig lokaðir á morgun, þar sem
spáð er áframhaldandi snjókomu í
nótt.
og næstum ókeypis
spána r ferð
í tilefni þess að rýmkað hefur verið um reglur varðandi fjárfestingar íslendinga erlendis, býður
ferðaskrifstofan Atlantik uppá kynnisferð til Mallorka og meginlands Spánar. Verð ferðarinnar
er kr. 39,400.- Innifalið er: Flug, gisting, flutningur á milli staða og leiðsögn.
Flogið verður með beinu leiau-
íiugi til Mallorka þann 9. apríl og
dvalið þar í eina viku. Þá verður
flogið til Alicante og ekið til
Torrevieja, þar sem dvalið verður
í fimm daga, síðan aftur til
Mallorka. Heim verður síðan
flogið 6. maí. Gist verður allan
tímann í fyrsta flokks íbúðar-
hótelum.
Fararstjóri á Mallorka verður frú
Rebekka Kristjánsdóttir.
Umboó a Islandi fyrir
OINERSCLUB
INTERNATIONAL
Ef ferðin leiðir til
íbúðarkaupa, greiðir
fasteignasalinn allt að
kr. 30,000,- á íbúðareiningu
upp í ferðakostnaðinn
mnivm
FERÐASKRIFSTOFA, HALLVEIGARSTIG 1, SÍMAR 28388 - 28580