Morgunblaðið - 26.03.1986, Blaðsíða 1

72 SÍÐUR B
STOFNAÐ1913
70.tbl.72.árg.
MIÐVIKIJDAGUR 26. MARZ 1986
Prentsmiðja Morgunblaðsins
Sandinistar gera
innrás í Hondúras
Bandaríkjastjórn veitir Hondúras
hernaðaraðstoð
Washington, Tegucigalpa, 25. mara. AP.
UM 1.000 hermenn frá Nicaragua réðust á sunnudag inn í Hondúr-
as og voru í dag, þriðjudag, konmir um 19 km inn í landið. Banda-
ríkjastjórn tilkynnti í dag, að vegna innrásarinnar hefði verið ákveð-
ið að veita Hondúrasstjórn 20 miUjóna dollara hernaðaraðstoð.
Um 1.000-1.500 hermenn
sandinistastjórnarinnar í Nic-
aragua réðust á sunnudag inn í
Hondúras til árása á skæruliða,
sem hafast við í fjöllunum syðst í
landinu. Voru þeir í dag komnir
um 20 km inn í landið og staddir
á Capire-fjalli. Fréttir eru um, að
þeir séu þar í sjálfheldu, en það
fylgdi ekki með hvað veldur því.
Sandinista-stjórnin í Nicaraga
segir að það sé lygi að hersveitir
hennar hafi gert innrás í Hondúras
AP/Símamynd
Orrustuþota hefur sig á loft af flugmóðurskipinu Saratoga á æfingu. Líbýumenn skutu sex loftvarna-
flaugum á bandarískar orrustuþotur yfir Sidra-flóa í gær og Bandarikjamenn gerðu umsvifalaust
gagnárás á líbýska eftirlitsbáta og eldflaugaskotpalla. Árásir Bandaríkjamanna héldu áfram í gær.
Bandarískí flotinn kaf-
skýtur tvö líbýsk skip
Wnshington, 25. mars. AP.
SJOTTI flotí bandariska sjóhersins hélt áfram að gera
árasír á sjó- og landher Libýumanna í dag til þess að
hefna fyrir skeyti, sem Líbýumenn skutu á bandarískar
orrustuþotur yfir hinum umdeilda Sidraflóa í gær, að
þvi er haft er eftir bandarískum embættismönnum.
Tveimur líbýskum skipum var sökkt.
Caspar Weinberger, varnarmála-
ráðherra Bandaríkjanna, sagði við
blaðamenn í flugvél á leið frá
Ankara í Tyrklandi til Aþenu á
Gríkklandi að aðrar siglingaþjóðir
ættu að klappa Bandaríkjamönnum
lof í lófa fyrir aðgerðirnar á Sidra-
flóa.
Larry Speakes, talsmaður
Bandaríkjastjórnar, sagði að
Bandaríkjamenn hefðu skotið aftur
á ratsjárstöð, sem Líbýumenn nota
til að stjórna flugskeytum sínum
að skotmarki, þegar í ljós kom að
ratsjáin gaf enn frá sér merki.
Robert Sims, talsmaður bandaríska
varnarmálaráðuneytisins, dró til
baka fyrri yfirlýsingar um að
Bandaríkjamenn hefðu verið að
svara í sömu mynt fyrir ítrekaðar
eldflaugaárasir Líbýumanna.
Öðru líbýska skipinu var sökkt
með stýriflaugum frá beitiskiptinu
Yorktown, en orrustuþotur grönd-
uðu hinu. Þriðja skipið laskaðist og
hélt til hafnar.
Speakes sagði að gerð hefði verið
önnur árás á eldflaugaskotpalla af
sovéskri gerð í úthverfi borgarinnar
Sirte í dag. Greint var frá því í gær
að skotpallar þessir hefðu verið
eyðilagðir. Að sögn Speakes hafði
allt verið með kyrrum kjörum í
Sidraflóa í ellefu klukkustundir kl.
fimm að ísl. tíma í dag.
Bandaríkjamenn gerðu árás í
gær eftir að sex loftvarnarskeytum
var skotið á bandarískar orrustu-
þotur, sem farið höfðu yfir „dauða-
línuna". Ekkert loftvarnarskeyt-
anna hæfði. „Dauðalínuna" dró
Khadafy Líbýuleiðtogi yfir mynni
flóans og sagði að fyrir innan línuna
væri líbýsk landhelgi. Bandaríkja-
menn halda aftur á móti fram að
þetta sé alþjóðlegt siglingasvæði.
Speakes vildi ekki segja hvenær
flotaæfingum Bandaríkjamanna í
Sidraflóa lyki, en tók fram að
samkvæmt skipunum skipstjóranna
ætti æfingunum að Ijúka á sunnu-
dag. Haft er eftir heimildarmönnum
í varnarmálaráðuneytinu að verið
gæti að æfingunum ljúki áður en
vikan er á enda, það fari alfarið
eftir því hvort Líbýmenn hætti að
skjóta eldflaugum á flotann.
Líbýumenn halda fram að þeir
hafí skotið niður þrjár bandarískar
orrustuþotur, en Bandaríkjamenn
neita því. Ekki er vitað hversu mikið
mannfall hefur orðið hjá Líbýu-
mönnum, en þeir hafa lýst yfir því
að Miðjarðarhaf eigi eftir að litast
dumbrauðum dreyra áður en yfir
lýkur.
Frank Kelso, yfírmaður 6. flot-
ans, fékk í dag skeyti frá Líbýu-
mönnum ar sem hótað var að
granda flota hans. Skeytið endaði:
„Bestu kveðjur" og er talið að það
séekta.
Ríkisstjórnir víða um heim hafa
lýst yfir áhyggjum sínum af átökun-
um milli Líbýu- og Bandaríkja-
manna. Bandarískir þingmenn
fylkja sér flestir um forseta sinn
og Bretar og ísraelar styðja Banda-
ríkjamenn. Sovétmenn hafa for-
dæmt Bandaríkjamenn og svo er
einnig um írani og Alsírmenn.
Sjá nánar af viðbrögðum á
síðu23. _____
til þess að berjast við skæruliða,
sem þar hafa bækistöðvar.
Larry Speakes, talsmaður Hvíta
hússins, sagði í dag, að Reagan,
Bandaríkjaforseti, hefði ákveðið að
veita Hondúrasstjórn 20 milljóna
dollara hernaðaraðstoð vegna inn-
rásarinnar og væri það gert með
stuðningi í sérstökum neyðarlög-
um. Hefði fuUtrúum þingsins verið
skýrt frá þeirri ákvörðun eins og
lög kvæðu á um. Thomas O'Neill,
demókrati og forseti fulltrúadeild-
arinnar, sagði, að hér væri um að
ræða innrás og að Ortega, forseta
Nicaragua, hefði orðið alvarlega á
í messunni.
Ýmsir hafa furðað sig á inn-
rásinni í ljósi þess, að fyrir dyrum
stendur atkvæðagreiðsla í öld-
ungadeildinni um stuðning við
skæruliða í Nicaragua. Richard
Lugar, formaður utanríkismála-
nefndar öldungadeildarinnar, tel-
ur, að Ortega hafi verið viss um,
að skæruliðarnir fengju þennan
stuðning að lokum, og hafi því
viljað reyna að uppræta þá í eitt
skipti fyrir öll.
Bretland:
Hjónavígslan
23.júlínk.
London, 25. mars. AP.
HJÓNAVÍGSLA Andrews
prins og Söruh Ferguson fer
fram í Westminster Abbey
23. júlí nk., að þvf er tilkynnt
var í Buckinghamhöll í dag.
í stuttri tilkynningu sagði,
að athöfnin hæfist kl. 11.30
f.h., en fleira var ekki látið
uppi um einstök atriði hennar
Bandarikjamenn skutu flugskeyti af bessari gerð á eftirlitsbáta
Líbýumanna á Sidra-flóa á mánudag og í gær. Þessi mynd er tekin
á æfingu bandariska sjóhersins. AP/s(mamynd
Þrír menn á hælum
Palme fyrir morðið
Stokkholmi, 25. mars. Frá Erik Liden, fréttaritara Morgunblaðsins og AP.
LEITIN að morðingja Olofs Pahne var efld í dag og talið er vfst
að Áke Gunnarsson, sem handtekin var og látinn laus í síðustu viku,
hafi veríð í nánu sambandi við hávaxna, skolhærða manninn, sem
lögreglan i Stokkhólmi lýsti eftir í gær og sendi út samsetta mynd
af honum gerða i tölvu eftir lýsingum vitna.
Sænsk blöð greindu frá því í dag
að starfsmenn hótels í miðborg
Stokkhólms hefðu greint lögreglu
frá hótelgesti, sem svipaði til sam-
settu myndarinnar. Manninum var
lýst sem útlendingi er talaði bæði
ensku og þýsku. Hann kvaðst eiga
heima í Ziirich í Sviss og hafði
yfirgefið hótelið án þess að greiða
reikninginn eða taka með sér fögg-
ur sínar. Lögreglan hefur lýst yfir
því að þrír menn hafi fylgst grannt
með ferðum Palme í febrúar. Einn
þremenninganna sé Gunnarsson,
annar sá, sem lýst var eftir í gær.
Rannsókn lögreglunnar nú er
reist á þeirri kenningu að Gunnars-
son hafi ætlað að reyna að myrða
Palme á Sveavegi og nokkrar bif-
reiðir hafi staðið asamt ökumönnum
í grenndinni til þess að auðvelda
flótta morðingjans.
Annaðhvort hafi taugarnar
brostið eða ráðabruggið farið út um
þúfur vegna þess að hann flúði eftir
Tunnelvegi og fann engan sam-
verkamanna sinna, sem bíða áttu í
bifreiðum. Því hafi hann reynt að
leið
fá far með bifreið, sem átti
fram hjá.
Lögreglan segir að verið geti að
einhver verði handtekinn fyrir
næstu helgi. Héðan í frá ætlar
Hans Holmer, lögreglustjóri í
Stokkhólmi, ekki að greina frá
gangi rannsóknarinnar, en heimild-
armaður Morgunblaðsins hefur
fyrir satt að áhugi hans beinist nú
að mönnunum þremur. Til þeirra
sást í grennd við heimili Palme og
á öðrum þeim stöðum, sem hann
kom á síðustu vikurnar fyrir dauða
sinn.
Lögreglan hélt ekki blaðamanna-
fund í dag, en sér fram á að morð-
gátan leysist innan nokkurra vikna.