Morgunblaðið - 26.03.1986, Blaðsíða 2

Morgunblaðið - 26.03.1986, Blaðsíða 2
 MORGUNBLADIÐ, MIDVIKUDAGUR 26. M ARZ1986 Carrington lávarður, aðalframkvæmdastjóri NATO: Sovétríkin hafa stóreflt flota sinn í norðurhöfum Aðild íslands að NATO því enn mikílvægari en áður Á ÞVÍ leikur enginn vafi, að Sovétríkin hafa stóreflt flota sinn í norðurhöfum á undanförnum árum og yfirburðir Atlantshafsbanda- lagsins á þessu svæði eru greinilega minni en áður. Af þessum sökum eru aðiid íslands að NATO og sú aðstaða, sem ísland lætur í té fyrir varnarstöð bandalagsins enn mikilvægari enn nokkru sinni fýrr. Þetta kom m.a. fram í máli Carringtons lávarðar, aðalfram- kvæmdastjóra NATO, á fundi með fréttamönnum á Hótel Sögu í gær. Hann tók það ennfremur fram, að bandalagið reiði sig, að því er styrk þess varðar, á að Atlantshafið þjóni sem brú milli Norður-Ameríku og Vestur-Evrópu. ísland væri í vissum skilningi hluti af þessari brú. Alveg eins og landið öðlast aukið öryggi með bandalagi sínu við nágrannana báðum megin Atlantshafsins, þá styrki það bandalagið með framlagi sínu og þeirri aðstöðu, sem það láti í té til eflingar sameiginlegum vörnum bandalagsins. Carrington kvaðst heimsækja öll aðildarlönd Atlantshafsbandalags- ins helzt eigi sjaldnar en einu sinni á ári. Þó að tækifæri gæfist til þess að ræða við utanríkisráðherra aðildarlandanna að minnsta kosti tvisvar á ári skipti það ekki síður máli að sjá löndin í reynd og geta þannig kynnt sér frá fyrstu hendi þau vandamál, sem þau ættu við aðetja. Carrington var spurður um af- stöðu bandalagsins til þess, að ís- land hefði ákveðið að taka meiri þátt í hernaðarsamstarfi bandalags- ins en áður. Svaraði hann því á þann veg, að sérhvert aðildarland NATO tæki sjálft ákvörðun um það, að hve miklu leyti það tæki þátt í starfsemi bandalagsins á hverju sviði út af fyrir sig. Sem aðalframkvæmdastjóri NATO kvaðst hann hins vegar fagna því, að íslenzka stjórnin hygðist taka meiri þátt í hernaðar- samvinnunni innan NATO. En það væri algerlega á valdi íslendinga að ákveða, hversu langt og hve mikið þeir vildu leggja af mörkum í þessu tilliti. Það væri aftur á móti augljóst, að því meira sem aðildar- þjóðirnar legðu af mörkum til bandalagsins, þeim mun betra væri það fyrir það. Carrington lávarður var spurður álits á atburðum þeim, sem orðið hefðu á Sidraflóa við norðurströnd Líbýu. Kvaðst hann ekki telja skyn- samlegt, að hann færi að tjá sig um þá nú. Bandaríkjamenn hefðu staðið í nánu sambandi við banda- lagsríki sín og skýrt jafnóðum frá því, sem þarna hefði gerzt. Það væri býsna ljóst, að það, sem gerzt hefði, hefði átt sér stað á alþjóða siglingaleið. Sjá ennfremur ræðu Carr- ingtons lávarðar á fundi SVS og Varðbergs á bls. 7. Morgunblaðið/RAX Carrington lávarður, aðalframkvæmdastjóri Atlantshafsbandalags- ins, á fréttamannafundinum á Hótel Sögu í gær. Þjóðhagsstofnun kannar upplýsingar um fátækt RÍKISSTJÓKNIN hefur falið Þjóðhagsstofnun að gera ýtar- lega úttekt á upplýsingum þeim um f átækt hér á landi, sem f ram komu á nýlegri ráðstefnu Sam- bands félagsmálastjóra. Alex- ander Stefánsson, félagsmála- ráðherra, greindi frá þessu við utandagskrárumræður á Alþingi í gær iuu framkvæmd fátæktar- laga. Guðrún Helgadóttir, þingmaður Alþýðubandalagsins, hóf umræð- una og sagði, að almenn laun í landinu væru langt undir fram- færslukostnaði. Svavar Gestsson, formaður Alþýðubandalagsins, sagði að rekja mætti fátæktina tií stjórnarstefnu núverandi ríkis- stjórnar er tæki fjármagnið fram yfir fólkið. Eyjólfur Konráð Jóns- son, þingmaður Sjálfstæðisflokks- ins, taldi hins vegar að fátækt hefði verið að grafa um sig á verðbólgu- árunum, en síðasta vinstri stjórn falið hana með erlendum lántökum. Sjá nánar á þingsíðu bls. 30. Leitarmenn bíða af sér f oráttuveður í Bjarnarhíði Egilgstöðum, 25. mars. NOKKRIR félagar úr Björgun- arsveitinni Gró á Egilsstöðum, sem leituðu fjögurra manna frá Stöðvarfirði og Fáskrúðs- firði á fjöllum norðaustur af Vatnajökli í gær og nótt, biðu í kvöld af sér foráttuveður í sæluhúsinu Bjarnarhíði við Hvildarkletta fremst i Leiru- dal, miðja vegu milli Horn- brynju og Ódáðavatna. Þangað komu leitarmennirnir í gær en vegna illviðris og gangtruflana í snjóbíl og vélsleðum komust þeir ekki lengra. Ætluðu þeir ekki að leggja af stað til byggða fyrr en veður gengi niður. Pjórmenningarnir, sem hafin var leit að á Jökuldals- og Fljóts- dalsheiðum, komu heilir á húfi til byggða laust fyrir kl. 17 í dag. Það var bóndinn í Höskuldsstaða- seli í Breiðdal, sem tilkynnti stjórnstöð Björgunarsveitarinnar Gróar á Egilsstöðum að fjórmenn- ingarnir væru komnir þangað heilir á húfi. Fjórmenningarnir, Svavar Ing- ólfsson, Guðlaugur Unnarsson og Magnús Aðils Stefánsson frá Stöðvarfírði, og Guðbjörn Sigur- pálsson frá Vík í Fáskrúðsfirði, héldu til heiða upp úr Breiðdal á fjórum vélsleðum á laugardaginn og hugðust koma til byggða aftur á sunnudag. Þeir eru allir vanir fjallamenn og voru vel búnir til farar nema hvað talstöð höfðu þeir enga. Þegar fjórmenningarn- ir höfðu ekki skilað sér til byggða á mánudag var Björgunarsveitinni Gró á Egilsstöðum gert viðvart og var leitarflokkur sendur til fjalla í gærkvöld til að svipast um Skálinn í Geldingafelli eftir mönnunum. I morgun náðu leitarmenn til sæluhússins. í gestabók þess mátti sjá, að fjórmenningarnir hefðu komið þangað á laugardeg- inum og dvalist þar um klukku- stund en ráðgert að halda þaðan f skálann í Geldingafelli. Þangað náðu þeir á laugardag og héldu sig þar vegna illviðris þar til um sjöleytið í morgun, að þeir héldu til byggða og náðu að rata rétta leið eftir áttavita og kennileitum. Þeir voru vel á sig komnir þegar þeir komu í Hösk- uldsstaðasel kl. 17 í dag en urðu hinsvegar að skilja einn sleðann eftir skammt frá Bjarnarhíði vegna bilana. Leitarmenn í Bjarnarhfði eru enn ókomnir til byggða, eins og fyrr segir, en leitarflokkum, sem lögðu af stað til leitar í dag, var hinsvegar snúið við og eru þeir nú komnir til síns heima. Alls tóku tólf manns beinan þátt í leitinni á snjóbflum og snjósleðum auk fjölmargra leitarmanna, sem voru reiðubúnir til leitar ef þörf krefði. — Ólaf u r Akureyri: Listi sjálf- stæðismanna ákveðinn Akurcyri. Framboðslisti Sjálfstæðis- flokksins á Akureyri fyrir bæjar- stjórnarkosningarnar í vor var endanlega ákveðinn í gærkvöldi. Listinn er þannig: 1. Gunnar Ragnars, 2. Sigurður J. Sigurðsson, 3. Bergljót Rafnar, 4. Björn Jósef Arnviðarson, 5. Tómas Gunnarsson, 6. Guðfinna Thorla- eius, 7. Jón Kr. Sólnes, 8. Eiríkur Sveinsson, 9. Björg Þórðardóttir, 10. Bárður Halldórsson, 11. Þor- björg Snorradóttir, 12. Gunnlaugur Búi Sveinsson, 13. Nanna Þórs- dóttir, 14. Júlíus Snorrason, 15. Arni Stefánsson, 16. Hólmgeir Valdimarsson, 17. Sigríður Valdi- marsdóttir, 18. Davíð Stefánsson, 19. Ingi Þór Jóhannesson, 20. Sverrir Leósson, 21. Margrét Krist- insdóttir, 22. Jón G. Sólnes. Hlutafjáraukning Arnarflugs: Frestur fram- lengdur um hálfan mánuð STJÓRN Arnarflugs hefur ákveðið að framlengja til 7. apríl frest fyrir nýja hluthafa til að ganga frá hlutafjárloforðum sínum. Ástæðan mun vera sú, að sam- steypa aðila í ferða- og flutninga- þjónustu, sem sýnt hefur áhuga á kaupum bréfa í félaginu, telur sig þurfa meiri tíma til að kynna sér ýmis mál í rekstri Arnarflugs, svo og tíma til að útfæra nánar hug- myndir sínar um breytingar þar á. Hluthafar í Arnarflugi heimiluðu stjórn félagsins fyrr í vetur að bjóða út allt að þreföldun hlutafjár félags- ins, þ.e. úr liðlega 46 milljónum króna í allt að tæpar 97 milljónir, til að bæta eiginfjárstöðu þess. Ekki er talið ólfklegt, að verði úr kaupum áðurnefndrar samsteypu verði hlutaféð alls um 60 milljónir. Metsala hjá Smáey VE VcHÍniann.'U'yjuni, 25. mars. MJÖG gott verð hefur fengist fyrir gámafisk í Englandi síðustu daga. í morgun f ékk Smaey VE eitt hæsta meðalverð úr einum gámi, sem um getur, eða röskar 83 krónur fyrir hvert kíló. Alls voru í þessum gámi 15.650 kíló af ýsu, þorski og kola. Fyrir þetta magn fengust 21.418 sterl- ingspund, eða 1,3 milljónir króna. Meðalverð fyrir þorskkílóið var 85 krónur, 86 krónur fyrir stórýsu og 69 krónur fyrir kola. 90% aflans fóru f hæsta gæðaflokk. Hið nýstofnaða fisksölufyrirtæki Péturs Björnssonar, ísberg, annað- ist þessa sölu fyrir útgerð Smaeyjar. - hkj.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.