Morgunblaðið - 30.08.1986, Blaðsíða 4
4
MORGUNBLAÐIÐ, LAUGARDAGUR 30. ÁGÚST 1986
Morgunblaoio/Borkur
Borgarstjóri, Davíð Oddsson, afhendir Bjarnveigu Karlsdóttur og Sigurbirni Logasyni viðurkenning-
arskjal, sem þau tóku við sem fulltrúar íbúa fegurstu götu Reykjavíkur, Staðarsels í Seljahverfi.
„Fólki þykir aUtaf
vænt um götuna sína“
- segja fulltrúar íbúa Staðarsels, fegurstu götu Reykjavíkur
„FÓLKI þykir alltaf vænt um götuna sína og þó að ekki sé um
beina samvinnu á ræða virðist vera afskaplega mikill áhugi hjá
öllum íbúunum á þvi að hlúa að umhverfinu og gera það sem
vistlegast,“ sögðu hjónin Bjarnveig Karlsdóttir og Sigurbjöm
Logason, sem í gær veittu viðtöku verðlaunaskjali fyrir hönd
ibúa fegurstu götu Reykjavíkur, að dómi umhverfismálaráðs borg-
arinnar; Staðarsels í Seljahverfi i Breiðholtinu.
Athöftiin fór fram í Höfða og
afhenti borgarstjóri Reykjavíkur,
Davíð Oddsson, verðlaunahöfun-
um viðurkenningarskjöl. Borgar-
stjóri gat þess að honum þætti
sem nýafstaðin hátíðahöld í tilefni
200 ára afmælis Reykjavíkur-
borgar hefðu haft góð áhrif á
borgarbraginn, fólk tæki gjaman
ti) hjá sér þegar eitthvað stæði
fyrir dyrum og þannig hefði það
verið í Reykjavík nú.
„Okkur fínnst ákaflega gott að
búa í Seljahverfí," sögðu þau
Bjamveig og Sigurbjörn, sem
bjuggu reyndar við aðra verð-
launagötu, Sæviðarsund, áður en
þau fluttu sig um set í Breið-
holtið fyrir 8 ámm. „Staðarselið
er lítil gata og lokuð, fólk þekkist
vel og er mjög duglegt að fegra
og snyrta kringum húsin. Það eru
góðar lóðir við götuna og rúmt
um húsin, en enginn garður er
eins,“ sögðu þau.
Þau Margrét Finnbogadóttir og
Sigurgeir Svanbergsson tóku við
viðurkenningu umhverfísmála-
ráðs fyrir hönd íbúa fjölbýlis-
hússins í Miðleiti 7 og eiga það
sameiginlegt með þeim Bjam-
veigu og Sigurbimi, að hafa áður
búið við verðlaunagötu. En þau
bjuggu við Seljugerði þangað til
að þau fluttu í Miðleitið í fyrra.
„Húsið heitir Gimli og er fyrir
fólk sem komið er yfír sextugt,"
sögðu þau. „Það voru vissulega
viðbrigði að fara úr einbýlishúsi
í fyölbýlishús. En hitt var orðið
allt of stórt og íbúðimar í Gimli
em mjög skemmtilegar og um-
hverfíð snyrtilegt, auk þess sem
boðið er upp á ýmiss konar þjón-
ustu, m.a. mötuneyti, snyrtistofu
og sameiginlega setustofu,"
sögðu þau hjón og Margrét bætti
því við að það væri svo rúmt í
húsinu að hægt væri að halda
heilu veislumar á göngunum.
Sjá nánar á bls. 18 og 19.
Búvörur hækka
um rúmlega 3%
Nýr verðlag’sgrundvöllur tekur gildi í september
ÚTSÖLUVERÐ búvara mun hækka um nálægt 3% á mánudag. Verð-
ið til bænda hækkar um 2,86%, og hækka óniðurgreiddar búvörur
almennt um sömu prósentu en aðrar vörur, svo sem kindakjöt og
mjólkurvörur hækka meira, líklega á bilinu 3,2-3,4%
Verðlagsnefnd búvara (sex-
mannanefnd) vinnur nú að gerð nýs
verðlagsgmndvallar búvara, svo
sem búvörulögin mæla fyrir um.
Verkinu er ekki lokið og hefur
nefndin því ákveðið að gefa út nýtt
verð til bráðabirgða, á meðan verið
er að ljúka við verðlagningu sam-
kvæmt nýja grundvellinum. Miðað
er við að það verði ekki síðar en
30. september.
I frétt frá verðlagsnefndinni
kemur fram að grundvöllur nýja
verðlagsgrundvallarins eru bú-
reikningar og sérstakt úrtak úr
framtölum bænda fyrir árið 1984.
Valið var úrtak úr búmarksskrám
Framleiðsluráðs og miðað við að í
úrtak kæmi 7. hver bóndi sem hefði
búmark umfram 250 ærgildi. Beðið
var um framtöl fólks á 473 lög-
býlum, en til endanlegrar úrvinnslu
komu 424 framtöl. í fréttinni kem-
ur einnig fram að verk þetta hefur
reynst umfangsmeira og flóknara
en nefndin gerði ráð fyrir í byijun,
einkum við söfnun og flokkun upp-
lýsinga, og því hafí ekki tekist að
verðleggja samkvæmt þessum upp-
lýsingum nú.
Fram hefur komið hér í blaðinu
Hæfi varö hæfni
í FRÉTT á bls. 2 í blaðinu í gær
var slæm villa sem breytti merkingu
fréttarinnar alveg. í stað orðsins
hæfi stóð orðið hæfni. Rétt var
fyrirsögnin þannig; Lögreglumenn:
Oska umsagnar Iögmanna um hæfí
Boga Nilssonar.
Fram átti að koma í fréttinni,
að Landssamband lögreglumanna
vildi fyrir hönd Félags íslenskra
rannsóknarlögreglumanna fá um-
sögn Lögmannafélags íslands um
það hvort Bogi væri hæfur að lögum
til að gegna embætti rannsóknar-
lögreglustjóra. Morgunblaðið biður
alla hlutaðeigandi afsökunar á þess-
um mistökum.
að nefndin hefur ákveðið að gera
sérstakan verðlagsgrundvöll fyrir
hreint kúabú og annan fyrir sauð-
fjárbú, en eldri grundvöllurinn, sem
er frá árinu 1980, er fyrir blandað
bú. Útlit er fyrir að nýi grundvöllur-
inn leiði til hækkunar búvara
umfram verðlagsþróun, ef ekki
verður gripið til sérstakra aðgerða,
vegna þess að ýmis rekstrarkostn-
aður í gamla grundvellinum hefur
verið vanmetinn og að tvískipting
grundvallarins geri það að verkum
að kindakjöt þurfi að hækka meira
en mjólkurvörur.
Loðnuveiði á
Jan Mayen-svæðinu:
Ekki hefur
enn verið
tilkynnt
um afla
ALLUR loðnubátaflotinn var
i gær kominn norður í haf,
eða á leið þangað, til að leita
uppi loðnuna en ekki hafði
verið tilkynnt um neinn afla
til Loðnunefndar í gærdag.
Síðustu bátamir sem til-
kynntu afla undan Vestfjörðum
voru Skarðsvík SH með 600
tonn, Eldborg GK með 1.300
tonn, Bergur VE með 250 tonn
og Harpa RE með 300 tonn.
Þó svo loðnuflotinn hafi aftur
sótt á miðin sem hann var á
áður en fréttist af loðnunni fyr-
ir vestan verður áfram tekið
við hráefni til bræðslu á Bol-
ungavík, en þar var byijað að
bræða loðnu þegar flotinn flutti
sig um set í vikunni. 25 bátar
eru nú á loðnuveiðum.
„Samvimmhreyfingin verður að
aðlaga sig breyttum aðstæðum,“
— segir Erlendur Einarsson, sem í gær vann sinn
síðasta starfsdag sem forstjóri Sambandsins
ERLENDUR Einarsson lætur
næstkomandi mánudag af
störfum sem forstjóri Sam-
bands íslenskra samvinnufé-
laga eftir 32 ára starf.
Morgunblaðið átti stutt viðtal
við Erlend á síðasta degi hans
í forstjórastóli.
„Ég hef verið að ganga frá
ýmsum hlutum og afgreiða mál,
sem fyrir liggja; má eiginlega
segja, að ég sé að hreinsa borðið
og á eftir er síðasti framkvæmda-
stjómarfundur minn,“ sagði
Erlendur, en hann mun verða
Guðjóni Olafssyni tilvonandi for-
stjóra til ráðgjafar og aðstoðar
fram að næstu áramótum.
Þó að Erlendur hætti störfum
sem forstjóri, er langt frá því,
að hann sé að setjast í helgan
stein. Hann mun áfram gegna
stjómarformannsstöðu hjá Sam-
vinnutryggingum, Samvinnu-
bankanum og fjárfestingafyrir-
tækinu Lind. Einnig er Erlendur
í stjóm Iðnþróunarfélagsins og
ráðgjafastjóm Alþjóðasamvinnu- varpað frá sér þessari miklu
bankans. „Það er gott að geta ábyrgð, sem þessu starfí fylgir;
maður hefur vart getað um frjálst
höfuð strokið þennan tíma.“
Þegar litið væri til baka, sagði
Erlendur að Sambandið hefði á
þessum tíma vaxið til mikilla
murgunuiaciio/ umuia
Erlendur Einarsson og forstjórastóll Sambandsins, sem hann hefur nú yfirgefið eftir 32 ára setu.
muna, eins og raunar væri með
allt atvinnulíf á íslandi, en hins
vegar væri vöxturinn líklega
einna mestur hjá sjávarafurða-
deild. Fyrsta árið hans var
heildarsalan 8.000 tonn af freð-
físki, en hins vegar væri salan
fyrstu sjö mánuði þessa árs orðin
34.000 tonn og væri það 17%
aukning í magni frá sama tíma
í fyrra og 46% aukning í krónum.
Undanfarin ár hafa verið erfíð
hjá SÍS að sögn Erlends, 1984
hafi verið afar erfítt, ástandið
skárra 1985 og þokkalegt það
sem af Væri þessu ári; rúmar 100
milljónir í rekstrarafgang.
Erlendur kvaðst vera bjart-
sýnn á framtíðina, enda benti
margt til þess, að hagstæð þróun
væri að eiga sér stað í efnahags-
málum. „Samvinnuformið mun
áfram spjara sig sem rekstrar-
form, en hins vegar þarf það að
aðlaga sig breyttum aðstæðum
markaðarins og takast á við ný
verkefni. Olnbogarými á íslensk-
um markaði er mjög takmarkað
og ekki pláss fyrir óheftan mark-
aðsbúskap.
Þetta hefur verið ákaflega
spennandi og erfítt verkefni og
treysti ég tilvonandi forstjóra
mjög vel til þess að leysa það vel
af hendi,“ sagði Erlendur Einars-
son fráfarandi forstjóri hlutfalls-
lega stærsta samvinnufyrirtækis
f heiminum að lokum.