Morgunblaðið - 30.08.1986, Blaðsíða 45
MORGUNBLAÐIÐ, LAUGARDAGUR 30. ÁGÚST 1986
45
Mjólkurbikarinn-bikarkeppni KSÍ
Morgunblaðið/Julíus
• Úrslitaleikurinn f Mjólkurbikarnum — bikarkeppni KSÍ milli Fram og ÍA hefst á Laugardalsvelli á morg-
un klukkan 14.
Sóknarleikur
á báða bóga
- segir Asgeir Elíasson
„Skagamenn eru með mjög
leikreynt lið, stráka sem hafa leik-
ið marga landsleiki og Evrópuleiki
auk deildar- og bikarleikja hér
heima, en engu að síður þurfa
þeir að eiga toppleik til að vinna
okkur á morgun, því við erum
ekki siður með leikreynda menn,
sem hafa staðið sig mjög vel í
sumar,“ sagði Ásgeir Elfasson,
þjálfari Fram, í samtali við Morg-
unblaðið.
Ásgeir tók við Framliðinu í fyrra
og lék þá jafnframt með liðinu.
Framarar urðu bikarmeistarar und-
ir hans stjórn, en Ásgeir varð
einnig bikarmeistari með Fram árið
1973. „Ég hef sagt, að ég vil frek-
ar vinna deildina en bikarinn og
ef valið stæði um annan hvorn titil-
inn, kysi ég deildarbikarinn. Sem
betur fer er ekki um neitt val að
ræða, við erum í bikarúrslitum og
auðvitað stefnum við að sigri á
morgun.
Leikir í bikarkeppni spilast allt
öðruvísi en í deildinni. Tökum jafn-
teflisleik okkar gegn FFI á dögun-
um sem dæmi. Þar vorum við með
knöttinn 80 til 90% af leiknum,
sóttum og sóttum, en höfðum ekki
erindi sem erfiði. FH-ingar máttu
ekki við því að tapa leiknum vegna
fallhættu og við urðum að vinna
til að halda forystu í deildinni.
• Ásgeir Elíasson
Leikurinn á morgun verður ger-
ólíkur. Þar mætast tvö sóknarlið,
sem bæði hafa það markmið að
skora fleiri mörk en andstæðing-
arnir. Þetta verður sóknarleikur á
báða bóga og því má reikna með
opnum leik. Leikmenn beggja liða
hafa skorað mörg mörk í sumar
eftir skyndisóknir og á morgun
verður það spurningin hverjir nýta
færin.
Undirbúningur okkar fyrir leikinn
er að mestu leyti eins og fyrir aðra
leiki, nema hvað við eyðum degin-
um í dag saman, hittumst aftur
snemma í fyrramálið, borðum
saman og förum síðan í úrslitaleik-
inn, leikum okkar leik og erum
staðráðnir í að sigra," sagði Ás-
geir Elíasson.
Bikarmeistarar
1960—1985
1960 KR-Fram 2—0 Fram—ÍA?
1961 KR—ÍA 4-3 Að meðaltali gerir sigurliðið
1962 KR-Fram 3-0 2,4 mörk í úrslitaleiknum, en fær
1963 KR-ÍA 4—1 á sig 0,81 mark!
1964 KR-ÍA 4—0 Sigrar í bikarkeppninni hafa
1965 Valur-ÍA 5-3 fallið sem hér segir:
1966 KR—Valur 1—0 KR 7 sinnum
1967 KR—Víkingur 3-0 Fram 5 sinnum
1968 ÍBV-KRb 2—1 ÍA 4sinnum
1969 ÍBA-ÍA 1 —1 og3—2 Valur 4sinnum
1970 Fram—ÍBV 2—1 ÍBV 3 sinnum
1971 Víkingur—UBK 1—0 ÍBA 1 sinni
1972 l'BV-FH 2—0 ÍBK 1 sinni
1973 Fram-ÍBK 2—1 Víkingur 1 sinni
1974 Valur—ÍA 4—1 Til úrslita hafa þessi lið hins
1975 ÍBK-ÍA 1—0 vegar leikið:
1976 Valur-ÍA 3-0 ÍA 12sinnum
1977 Valur-Fram 2—1 Fram 10sinnum
1978 ÍA-Valur 1-0 KR 8 sinnum
1979 Fram—Valur 1-0 Valur 7 sinnum
1980 Fram-ÍBV 2-1 ÍBV 6 sinnum
1981 ÍBV—Fram 3—2 ÍBK 4sinnum
1982 ÍA-I'BK 2-1 Víkingur 2 sinnum
1983 ÍA-ÍBV 2-1 ÍBA 1 sinni
1984 ÍA—Fram 2—1 FH 1 sinni
1985 Fram—ÍBK 3-1 KRb 1 sinni
1986 27. úrslitaleikurinn: UBK 1 sinni
• % • ^
V.#'
Fallhlífarstökk
Á bikarúrslitaleiknum munu
nokkrir reyndir fallhlífarstökkv-
arar sýna listir sínar. Munu 2
til 3 íslenskir stökkvarar koma
svífandi inn á leikvöllinn kl.
13.45, ásamt kunnum banda-
rískum stökkvara, Larry Bagley.
Er hann raunar kunnur fyrir að
stökkva með farþega, en óvfst
hvort af því getur orðið að
þessu sinni.
Allir eru stökkvararnir reyndir,
með mörg hundruð stökk að
baki, og eru félagar í Fallhlífar-
sambandi íslands.
Úrslitin fara
eftir dagsforminu
- segir Jim Barron, þjálfari ÍA
„Við leikum aldrei upp á jafn-
tefli, heldur förum í hvern leik
með því hugarfari að vinna. Lang-
besti leikur okkar í sumar var í
undanúrslitum Mjólkurbikar-
keppninnar, þegar við unnum Val
3:1, og ef við náum að sýna slfkan
leik gegn Fram á morgun í sjáifum
úrslitaleiknum, þá þarf ekki að
spyrja að leikslokum," sagði Jim
Barron, þjálfari ÍA, f samtali við
Morgunblaðið.
Jim Barron tók við Skagaliöinu
í vor og hefur fetað í fótspor fyrir-
rennara sinna. ÍA er enn einu sinni
í úrslitum bikarkeppninnar, en
þetta er í 13. skipti, sem Skaginn
leikur til úrslita. Framarar leika
Jim Barron
Forsala
gengur vel
FORSALAN á bikarúrslita-
leikinn hefur gengið vel, en
hún heldur áfram fram að
leik. Miðasalan á Laugardals-
vellinum verður opin f dag frá
klukkan 10 til 16 og í fyrra-
málið frá klukkan 10. Fólk er
hvatt til að kaupa miða á for-
sölunni til að forðast biðraðir
skömmu fyrir leik og eiga á
hættu að missa af fyrstu
mínútum úrslitaleiksins.
Bein lýsing á rás eitt
- Bylgjan lýsir ekki að þessu sinni
Á MORGUN verður úrslitaleikur-
inn f Mjólkurbikarkeppninni,
bikarkeppni KSÍ, og eigast þar
við lið Fram og íþróttabandalags
Akraness. Rfkisútvarpið mun lýsa
frá leiknum og það verða þeir
Samúel Örn Erlingsson og Ingólf-
ur Hannesson sem annast þá
lýsingu og verður lýst frá 14—16
á rás 1.
Við höfðum samband við Einar
Sigurðsson útvarpsstjóra hinnar
nýju útvarpsstöðvar, Bylgjunnar,
og spurðum hann hvort þeir hygð-
ust lýsa beint frá leiknum. Einar
kvað svo ekki vera að þessu sinni
því þeir gætu það ekki vegna
tæknilegra örðugleika enn sem
komið væri, en það stæði allt sam-
an til bóta og þeir hjá Bylgjunni
hefðu fullan hug á að vera með
íþróttafréttir og lýsingar í fram-
tíðinni.
Maður leiksins
ÞRIGGJA manna dómnefnd
velur mann úrslitaleiksins og
hlýtur sá að launum ferð fyrir
tvo til Amsterdam í boði Arn-
arflugs.
Þetta er í fyrsta skipti, sem
maður úrslitaleiksins í bikar-
keppninni hérlendis er valinn,
en víða erlendis hefur þessi
háttur verið viðhaföur og þykir
mikill heiður að vera valinn.
Leikmenn beggja liða fá
verðlaunapeninga frá KSÍ til
eignar og liðið sem sigrar fær
að varðveita nýja bikarinn í eitt
ár.
sinn 11. bikarúrslitaieik á morgun,
en þó þessi lið hafi oftast allra
verið í úrslitum, þá hafa þau aðeins
einu sinni áður mæst í bikarúrslita-
leik. „Nú er keppt um nýjan og
glæsilegan bikar og þess vegna
er það skemmtileg tilviljun að ÍA
og Fram, helstu bikarúrslitalið
landsins, skuli leika í fyrsta skipti
um þennan fagra grip.
Leikir Fram og IA í 1. deildinni
í sumar hafa verið mjög jafnir og
skemmtilegir. Við gerðum marka-
laust jafntefli á Skaganum í fyrsta
leik mótsins, en Fram vann okkur
í Laugardalnum. Sá leikur gat farið
hvernig sem var, en þeir náðu yfir-
höndinni síðasta hálftímann. <
Úrslitin á morgun fara eftir
dagsforminu. Liðin eru að mínu
mati mjög jöfn, þegar þau ná að
sýna sitt besta, en því verður ekki
neitað, að Fram hefur almennt átt
bestu leikina í sumar. Þetta er
sóknarlið og nafnarnir í Fram, Guð-
mundur Torfason og Guðmundur
Steinsson, hafa sýnt í sumar, að
þeir eru hættulegustu framherj-
arnir í 1. deild. En Pétur Pétursson
og Valgeir Barðason hafa einnig
staðið sig vel hjá okkur, þannig að
eins og alltaf, verður þetta keppni
um hverjir skora fleiri mörk.
Við högum undirbúningi fyrir
leikinn á morgun eins og fyrir hvern
annan leik. Eg breyti hvorki liðinu
né leikaðferð og vona að sjálf-
sögðu, að allir i mínu liði geri sitt
besta," sagði Jim Barron.