Morgunblaðið - 09.12.1986, Side 29

MORGUNBLAÐIÐ, ÞRIÐJUDAGUR 9. DESEMBER 1986
29
FORLAGIÐ
FRAKKASHG 6A, F>ÓSTHÓLF 786
121 RBTKJAVIK.SÍMI: 91-25188
NAFNNÚMER 2367-2189
Ævi Þuríðar Pálsdóttur er
ævintýri líkust. Hún er
komin af einni merkustu
tónlistarfjölskyldu á íslandi
og hefur lagt meira af
mörkum en flestir aðrir til
eflingar tónlistarmenningu
þjóðarinnar. Hún er einn af
brautiyðjendum á íslensku
óperusviði og hefur átt
ómældan þátt í að frumflytja
og kynna löndum sínum
sönglist innlendra og
erlendra meistara.
Frásögn Þuríðar er fjörleg
og hreinskilin. Minnisstæðar
eru þær myndir sem hún
dregur upp af foreldrum
sínum, Kristínu Norðmann
og Páli ísólfssyni, að
ógleymdu öllu því litríka
fólki sem hefur orðið henni
samferða á lífsleiðinni.
Saga Þuríðar er ekki aðeins
tengd tónlist. Hún hefur um
árabil starfað ötullega að
félagsmálum. Hún er vinsæll
fyrirlesari og hefur á síðustu
árum orðið fyrst manna til
að ræða hispurslaust og af
þekkingu um breytingaskeið
kvenna. Um það fjallar hún í
sérstökum bókarauka.
Forlagið gefur einnig út
hljómplötu með söng
Þuríðar Pálsdóttur
Verð bókarinnar
kr. 1.988.00