Morgunblaðið - 24.03.1987, Blaðsíða 16

Morgunblaðið - 24.03.1987, Blaðsíða 16
16 MORGUNBLAÐIÐ, ÞRIÐJUDAGUR 24. MARZ 1987 Járn og stál Myndlist Bragi Asgeirsson í vestri gangi Kjarvalsstaða getur að líta nokkra skúlptúra úr ryðfríu stáli og járni eftir hina ungu og efnilegu listakonu Hansínu Jensdóttur. Að meginstofni til eru þetta víravirkisskúlptúrar, en einnig eru á staðnum tvær myndir úr ryðfríu stáli, ásamt því að tveimur verk- um hefur verið bætt við, sem ekki eru á skrá, og var annað þeirra á hinni stóru „abstraktsýningu" í húsinu fyrir skömmu. Hér er um mjög vönduð og ein- læg vinnubrögð að ræða hjá listakonunni og fram kemur mikil hugkvæmni í samsetningu víra- virkisskúlptúra. En sá galli er á gjöf Njarðar, að myndirnar njóta sín alls ekki á þessum stað né umhverfi, svo sem þær eru settar upp, því að hið steinhellulagða gólf gleypir þær bókstaflega með húð og hári, ef svo má að orði komast. Hér eru nefnilega á ferðinni langtum betri og sterkari verk en fram kemur í fljótu bragði, og hefðu þau trúlega notið sín margfalt betur í Nýlistasafninu eða Nor- ræna húsinu, sem búa yfir meiri sveigjanleika en Kjarvalsstaðir í núverandi formi, að ekki sé talað um lýsingarmöguleika. Einhvern veginn grunar mig, að á listakonuna hafi runnið tvær grímur er hún sá upphaflegu út- komuna og því bætt áðurnefndum tveim verkum við til að hressa upp á heildina. Þau njóta sín líka ólíkt betur, en gera það um leið enn meira áberandi hve hin njóta sín illa. Undantekningar eru þó myndirnar úr ryðfría stálinu, sem eru vel gerðar og bera svip af menntun hennar sem gull- og silf- ursmiðs, sem hún fullnumaði sig í áður en hún lagði út í myndlist- arnám. Væntanlega lærir Hansína af reynslunni og býður næst upp á sýningu í umhverfi Hansína Jensdóttir og uppsetningu, sem hæfir mynd- unum og dregur sérkenni þeirra fram í stað þess að vinna gegn þeim. AIDA Tónlist Doríana Chiarini Myndiist Bragi Ásgeirsson Einu sinni eða tvisvar hef ég vísast ritað um uppákomur í því fræga galleríi, er nefnist „Gangur- inn" eða réttara sagt „The Corrid- or" á fínu máli. Þar hanga að staðaldri uppi myndverk eftir vini og samherja hins unga myndlistarmanns, Helga Þorgils Friðjónssonar, inn- lenda sem útlenda. Svo frægt er galleríið, að svissneski myndlistarmaðurinn Helmut Federle hefur gert mál- verk í nýflatarlist, er hann tileink- ar því, og hefur það ratað í virt útlend listtímarit í lit og á gljá- pappír. Eins og nafnið ber með sér, er galleríið í fordyri íbúðar listamannsins á Rekagranda 8, og þangað geta áhugasamir lagt leið sína, ef vill. Eiginlega var það meiningin að láta útlend tímarit að mestu eða alfarið um að geta sýninga á staðnum, enda virðist það einna helst rekið í því skyni að komast í þau. En á dögunum beið mín fallegt gult boðskort í afgreiðslu ritstjórnar blaðsins með tilmælum um að skoða myndlistarsýningu ítalskrar listakonu með hið tæl- andi nafn Doriana Chiarini. Væntingarnar voru því miklar og ég eins og faraldur á staðinn, en þegar þangað kom, gat að líta fjórar myndir af fímm á gólfinu, — en þar höfðu þær hafnað vegna lélegra festinga á veggina. Upp- lýsingar um Iístakonuna voru og engar á staðnum, og þótti mér þetta hálf klént, sem einhverjum aðdáendum þessa sýningarforms þykir sjálfsagt nokkuð frakkt af listrýninum. Sjálfar myndirnar voru nosturs- lega unnar grafíkmyndir, að mér sýndist í senn fíngerðar og kven- legar og hef ég einungis allgott af viðkynningunni af þeim að segja. En einhvernveginn get ég trútt um talað. Ég er of gamaldags til að kunna að meta þetta sýningar- form, sem er spánnýtt og frum- legt, þ.e. að hengja upp myndir á vegg með því að klístra leir aftan á þær og kalla svo á fulltrúa fjöl- miðla til að þvælast um þær á gólfinu. En að sjálfsögðu þakka ég fyr- ir mig með virktum. Jón Ásgeirsson Óperan Aida hefur nú um skeið gengið fyrir fullu húsi og er sýningin enn jafn heillandi og undirritaður man hana frá frumsýningunni. Breytingar hafa síðan þá orðið í mannahaldi og einnig, að nú er texti óperunnar sýndur með Ijósvarpa. Trúlega eru fáir trúaðir á slíka ný- breytni en þar sem oft er mjög mikið um endurtekningar á texta og sú aðferð viðhöfð, að sleppa þeim, veld- ur textamyndin litlum truflunum en vekur hins vegar athygli á einstaka mikilvægum orðum í söngtextanum. Það er sem sagt vel til fundið að texta óperur á þennan máta. Þær breytingar sem orðið hafa í manna- haldi, er fyrst að telja, að Anna Júlíana Sveinsdóttir syngur Amneris og gerir það mjög vel, bæði hvað leik og söng snertir, t.d. í atriðinu þegar Amneris fær Aidu til að opin- bera ást sína á Radames, í túlkun hennar á angist Amneris er Radames vill ekki þýðast hana og síðast, er hún formælir prestunum fyrir grimmd þeirra. Eiður Á. Gunnarsson er önnur breytingin á söngliðinu í óperunni, hann syngur hlutverk konungsins. Þetta er lítið hlutverk og gefur ekki mikið til átaka í söng. Eiður er reynd- ur söngvari og hefur sungið við óperuna í Aachen í mörg ár og mun hafa í hyggju að flytjast heim mjög fljótlega. Eiður söng sitt litla hlut- verk ágæta vel, en sú helgimynd, sem konungurinn á að vera, gefur lítið annað svigrúm í túlkun en upphafinn virðuleika. Eins og fyrr sagði var óperan sú sama og á frumsýningunni því Ólöf Kolbrún Harðardóttir og Garðar sungu frábærlega vel, t.d. lokaatrið- ið, sem var tindrandi fagurt. Kristinn var og stórbrotinn, Viðar í mikilli framför, Katrín góð og kórinn einn- ig. Dansararnir voru góðir en dans- inn sem á að vera táknrænn fyrir helgun og sigurmögnun sverðs þess er Radames á að bera gegn óvinun- um, var að þessu sinni dansaður mjðg fallega af Ingibjörgu A. Jóns- dóttur. Nokkrir hafa og komið við sögu í stjórn hljómsveitar og nú stóð Páll P. Pálsson og stýrði sýningunni af öryggi og festu. Hvað undirritaður man til samanburðar, þá er ekki frítt við að hraðinn sé ívið minni á ein- staka atriðum. Hljómsveitin var ekki eins góð og á frumsýningunni, eink- um þar sem tónmálið er næstum einraddað og sérlega viðkvæmt. Þó skal geta þess sem vel var gert og það voru nokkrar strófur á óbó, sem á köflum hljómuðu fallega. Opera er margslungið listform og hefur enn staðið af sér allar umbreyt- ingar og virðist verða því öflugri miðill sem fjölmiðlunin eflist. Það telja fróðir menn vera mest vegna þess að í leikhusinu hafa tengslin á milli áheyrenda og flytjenda eflst til jafns við fírrð þá sem menn finna gjarnan til í niðursoðinni og einhliða mötun fjölmiðlanna. Það munar því að persónur leikhússins eru af holdi og blóði og lifa augnablikið með áheyrendum. Hrönn Haf liðadóttir Tónlist Jón Ásgeirsson Hrönn Hafliðadóttir og Þóra Fríða Sæmundsdóttir héldu tónleika í Gamla bíó sl. Iaugardag og fluttu söngverk eftir Gluck, Brahms, Schu- bert, Wagner, Strauss, Poncielli og Tchaikovsky. Tónleikarnir hófust á aríu Orfeusar. Þrátt fyrir að Vínarbúar tækju þessari óperu illa í fyrstu, hefur þetta verk öðlast þá sérstöðu að vera nær eina óperan í gamla „bel canto"-stílnum, sem enn er flutt. Arían Che faro senza Euridice e_r meðal fallegustu atriða verksins. Á eftir aríu Orfeusar voru þrjú lög eftir Brahms, Die Mainacht, O kuhler Wald og snilldarverkið Lieb- estreau. Rödd Hrannar á sérlega vel við Ijóðalögin eftir Brahms en þó er eins og öndunartæknin sé henni ein- hver hemill, þegar hún syngur veikt. Rödd hefur hún mikla, sérlega fall- ega og trúlega einstæða ekta „contr- alt" og feikna mikið tónsvið. Öndunarhemill sá sem hér er átt við, veldur því að víða vantar jafnvægi í styrk raddarinnar, sérstaklega í veik- um söng og bar nokkuð á því að stakir tónar og heilar laghendingar væru eins og án „stuðnings". Þegar svo er brotist yfir þessar hömlur verður tónunin oftlega all sterk mið- að við heildarsvip lagsins. Þarna er eitthvað sem má bæta og þá er Hrönn Hafliðadóttir feikna góð söngkona. I Schubert-lögunum var röddin í betra jafnvægi, sérstaklega í Der Wander- er. I Wesendonk-lögunum eftir Wagner var söngur Hrannar góður og sömuleiðis túlkun Ijóðanna en lög- in eftir Strauss voru með sama merki brennd og þau sem hún söng eftir Brahms og Schubert. Tvö síðustu verkefnin á efnis- skránni voru tvær aríur, sú fyrri úr La Gioconda, eftir Poncielli og kveðjuaría Jóhönnu af Örk, eftir Tchaikovsky. Þarna var Hrönn í réttu hlutverki, þar sem stór rödd hennar fékk að njóta sín og hefði verið fróð- legt að heyra rödd hennar borna upp af hljómsveit í aríu Tchaikovskys. Djúpsviðið í rödd Hrannar er feikna fallegt en ef til vill of sterkt fyrir viðkvæman söng og sama má segja um hásviðið, sem býr yfir ótrúlegum krafti. Það er mikil freisting að ætla svo, að Hrönn hafi blátt áfram ekki fundið sitt svið, sem án efa má finna í einhverjum óperunum, eins og sann- aðist í Trúbadorunum. Þrátt fyrir að Hrönn hafí ekki að fullu getað ham- ið sína miklu rödd, voru tónleikarnir í heild góðir og til þessa naut hún ágætrar aðstoðar Þóru Fríðu Sæ- mundsdóttur. Bandalag jafnaðarmanna: Framboð í tveimur kjördæmum LANDSFUNDUR Bandalags jafnaðarmanna var haldinn um helgina. Akveðið var að bjóða fram lista til alþingis í tveimur kjördæmum, Reykjavik og Reykjanesi. Samþykkt var stjórnmálaályktun og stefnuskrá fyrir bandalagið og kosið var í 12 rnanna landsnefnd. I stjórnmálaályktuninni er lögð áhersla á, að skilið verði á milli löggjafarvalds og framkvæmda- valds og forsætisráðherra verði kjörinn beinni kosningu. Skilið verði á milli dómsvalds og framkvæmda- valds. Efnt verði til þjófundar um nýja stjórnarskrá. Valdið verði fært heim í hérað með stofnun fylkja. Allir kjósendur í landinu hafí jafnan atkvæðisrétt. Vinnustaðafélögum verði leyfð að taka að sér réttindi og skyldur stéttafélaga. Allir sé jafnir fyrir lögum og eigi rétt á ókeypis lögfræðiaðstoð. Æðstu embættismenn ríkisins séu skipaðir eða kosniri.il fjðgurra ára í senn. Ábyrgð þingmanna gagn- vart kjósendum verði skilgreind í stjórnarskrá. Þingmenn skulu sitja þing út kjörtímabilið fyrir þann flokk sem þeir eru kosnir eða víkja af þingi og ber þá að kalla til vara- menn. • Yfirnefhd verðlagsráðs sjávarút- vegsins verði lögð niður og fiskverð verði gefið frjálst. Ríkisbankar verði seldir almenningshlutafélögum og gjaldeyrisverslun gefín frjáls. Verð- myndunarkerfí og uppbygging íslensks landbúnaðar verði breytt í þágu neytenda og bænda. Tengsl menntastofnana og atvinnulífs verði efld og atvinnuvegirnir fái fimm fulltrúa í háskólaráði. Höfuðstóll lána byggðasjóðs ríkisins verði lækkaður sem nemur mismun á hækkun launa og lán- skjaravísitölu. Lánasjóður íslenskra námsmanna verði gert kleyft að veita lán til fullrar framfærslu námsmanna, sem séu að fullu end- urgreidd en án vaxta. Framlög ríkisins til menningarmála verði stóraukin og frelsi fjölmiðla eflt, m.a. með því að leggja niður pólitískt kjörið útvarpsráð. Öldruðu fóiki, ellilífeyrisþegum og öryrkjum, verði gert kleyft að halda sjálfstæði sínu og mannlegri reisn, og nýta starfsorku sína. Greiðsiur frá Tryggingastofnun ríkisins til aldraðra og öryrkja verði í formi launa sem tryggi að viðkom- andi geti lifað mannsæmandi lífi og ekki verði litið á þessar greiðslur sem ölmusu. Þær verði óháðar at- vinnutekjum upp að meðaltekjum í landinu og verði óháðar greiðslum lífeyrissjóða. Skóladagur verði samfelldur og aðstaða og kjör kennará bætt. Framlög og stuðningur ríkisins við samtök áhugafólks og sérfræðinga er starfa að forvörnum, fræðslu og meðferð vímuefnaneytenda og að- standenda þeirra verði stóraukin. Málefni fólks með geðræna sjúk- dóma verði sérstaklega tekin til endurskoðunar og framlög ríkisins til þeirra aukin. Stutt við málstað friðahreyfinga og kröfuna um kjarnorkuvopnalaus svæði svo og alhliða afvopnun. Við óbreyttar aðstæður styður Banda- lag jafnaðarmanna aðild íslands að Nato en telur að tími sé kominn til að endurskoða varnarsamninginn við Bandaríkin. Fylgt verði mark- miðum blandaðs hagkerfis um aukinn hagvöxt og bætt lífskjör landsmanna, þar sem sífellt er leit- ast við að sætta hagrænar og félagslegar aðgerðir. í landsnefnd Bandalags jafnaðar- manna voni kjörin: Alfreð Guð- mundsson, Anna Kristjánsdóttir, Georg Georgsson, Guðmundur Jóhsson, Gunnar Þór Jónsson, Helgi Schiöth, Jónína ívarsdóttir, Ólafur Ólafsson, Þorgils Axelsson, Þor- steinn Hákonarson, Þorsteinn Már Jónsson og Örn S. Jónsson. Ríkismatið stofhar vinnumiðlun RIKISMAT sjávarafurða hefur nú komið á fót vinnumiðlun fyrir þá starfsmenn, sem sagt var upp um áramót, á fúnmta tug manna. Uppsagnirnar koma til vegna þess, að ferskfiskmat er ekki lengur í hönduni Ríkísmatsms. - Að sögn Sigurðar Gunnarssonar,- starfsmanns Ríkismatsins, hefur nokkur hluti fískmatsmanna fengið fasta vinnu hjá öðrum, nokkur fjöldi hefur enga vinnu fengið og ein- hverjir hafa verið í lausamennsku. Sigurður sagði, að illa hefði gengið að koma þessum mönnum fyrir inn- an ríkisgeirans og því væri aðkall- andi aðútvega þeim vinnu. Mest aðkallandi væri pað 'á Akúreyri, Akranesi, í Reykjavík, á Snæfells- nesi og í Vestmannaeyjum. Þetta væru menn með mikla starfsreynslu og vanir því að vinan sjálfstætt. Vinnumiðlun stofnunarinanr hefði því verið sett á laggirnar í sam- vinnu starfsmannafélagsins og stjórnenda stofnunarinanr. og von- uðust menn til að geta leyst úr þessum vandkyæðum á farsælan hátt, þar sem alltaf yæri sárt að þurfa að segja starfsfólki upp, kannski eftir áralanga þjónustu.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.