Morgunblaðið - 03.04.1987, Side 2

2
MORGUNBLAÐIÐ, FÖSTUDAGUR 3. APRÍL 1987
Iceland Seafood í Bandaríkjunum:
Marz söluhæsti mán-
uður frá upphafi
Alls selt fyrir 767,8 milljónir króna
FISKSALA dótturfyrirtækja Sölumiðstöðvar hraðfrystihúsanna og
Sambandsins í Bandaríkjunum og Bretlandi i marzmánuði gekk
mjög vel og varð i öllum tilfellum meiri en i sama mánuði í fyrra.
Heildarsala frá áramótum er hins vegar minni að magni til en á
sama tíma í fyrra, en meiri í verðmætum. Sala Iceland Seafood í
Bandaríkjunum varð meiri í marz siðastliðnum en í nokkrum öðrum
mánuði í sögu fyrirtækisins í verðmætum talið. Þá var selt fyrir
767,8 milljónir króna, sem er 51% meira en í marz i fyrra. Salan í
þessum löndum fyrsta ársfjórðunginn nam alls um 4,8 milljörðum
króna.
Sala Iceland Seafood í Banda-
ríkjunum í marz síðastliðnum nam
5.521 lest að verðmæti 767,8 millj-
ónir króna. Það er meira en í
nokkrum mánuði áður, en í marz í
fyrra nam salan 4.229 lestum að
verðmæti 508,2 milljónir króna.
Fyrstu þrjá mánuði ársins voru seld-
ar 12.717 lestir að verðmæti 1,7
milljarður króna, en á sama tíma í
fyrra höfðu verið seldar 13.902 lest-
ir að verðmæti 1,6 milljarður króna.
Aukning í verðmætum talið er 2,2%
en magn dróst saman um 8,5%.
Sala skrifstofu Iceland Seafood
í Bretlandi, en markaðssvæði henn-
ar er Vestur-Evrópa, var í marz 156
milljónir króna en i fyrra 150 millj-
ónir. Fyrsta ársfjórðunginn voru
seldar 4.233 lestir að verðmæti 402
milljónir, en á sama tíma í fyrra
höfðu selzt 4.936 lestir að verð-
mæti 438 milljónir. Þar er því um
að ræða samdrátt, bæði í magni
og verðmætum. Sala í Bretlandi og
Þýzkalandi dróst saman, en stóð
nokkuð í stað í öðrum löndum.
Coldwater Seafood í Banda-
ríkjunum seldi alls 14.424 lestir að
verðmæti 2,3 milljarðar króna
fyrstu þijá mánuði ársins. Miðað
við sama tíma í fyrra dróst magn
saman um 14,5% en verðmæti var
hið sama. Salan í marz varð 5.670
lestir að verðmæti 900 milljónir
króna. í magni talið er aukning 3%
og 20% í verðmætum. Sala flaka
og unninnar vöru var nánast sama
í magni, 2.586 lestir, sem þýðir 22%
aukningu í unninni vöru en 7% sam-
drátt í sölu flaka. Pétur Másson,
starfsmaður Coldwater, sagði í
samtali við Morgunblaðið að orsak-
ir minni sölu væru fyrst og fremst
skortur á flski að heiman, meðal
annars vegna verkfalls sjómanna í
janúar. Öll flök væru því skömmtuð
og ekki næðist að framleiða upp í
allar pantanir á unninni vöru.
Eysteinn Helgason, forstjóri Ice-
land Seafood í Bandaríkjunum,
sagði í samtali við Morgunblaðið,
að mikla aukningu á sölu í mars
mætti meðal annars rekja til þess,
að fastan væri nú seinna á árinu en
í fyrra. Aldrei hefði verið framleitt
jafnmikið og selt í einum mánuði
og nú. Birgðir af blokk til vinnslu
í verksmiðju fyrirtækisins hefðu
verið nægar og því hægt að anna
eftirspurn, en mögulegt hefði verið
að selja mun meira af flökum, hefðu
þau fengizt að heiman.
Hjúkrunarkonur hjá rík-
inu samþykktu naumlega
Hjúkrunarkonur á Landakoti og hjá Reykjavíkurborg felldu samninginn
Hjúkrunarfræðingar í Hjúkr-
unarfélagi íslands sem starfa hjá
ríkinu samþykktu naumlega í
atkvæðagreiðslu nýgerðan
kjarasamning við ríkisvaldið, en
Aðalskipu-
iag Reykjavík-
ur samþykkt
AÐALSKIPULAG fyrir,
Reykjavíkurborg til ársins 2004
var samþykkt eftir síðari um-
ræðu á fundi borgarstjórnar í
gærkvöldi. Aðalskipulag var
síðast samþykkt í borgarstjórn
árið 1962.
Borgarfulltrúar voru almennt
sammála um meginatriði skipu-
lagsins þó áhersluatriði væru
mismunandi. Þó var talsverður
ágreiningur um þróun umferðar-
mála. Aðalskipulagið var sam-
þykkt með atkvæðum Sjálfstæðis-
flokks og Framsóknarflokks en
fulltrúar Alþýðubandalags, Al-
þýðuflokks og Kvennalista sátu
hjá.
hjúkrunarfræðingar sem starfa
hjá Reykjavíkurborg og á Landa-
kotsspítala felldu samninginn.
Hefur Hjúkrunarfélagið óskað
eftir að viðræður verði teknar
upp á nýjan leik við Reykjavíkur-
borg og Landakotsspítala, þar
sem samningurinn var felldur.
Hjúkrunarfræðingar í Hjúkrun-
arfélagi íslands, sem starfa hjá
Akureyrarbæ, semja sérstaklega
og hafa samningar ennþá ekki
tekist þar.
Úrslit atkvæðagreiðslunnar urðu
þau að hjúkrunarfræðingar sem
starfa hjá Reykjavíkurborg felldu
samninginn með 150 atkvæðum
gegn 125. Á kjörskrá voru 310,
atkvæði greiddu 277, sem er
89,35% þátttaka. Á Landakoti var
samningurinn felldur með miklum
meirihluta atkvæða, 104 atkvæðum
gegn 29. Á kjörskrá voru 142 og
atkvæði greiddu 133. Hjúkrunar-
fræðingar sem starfa á ríkisstofn-
unum samþykktu samninginn með
267 atkvæðum gegn 243! Á kjör-
skrá voru 625, en atkvæði greiddu
518. Þá samþykktu hjúkrunarfræð-
ingar á sjúkrahúsum landsbyggðar-
innar og sjálfseignarstofnunum
öðrum en Landakoti samninginn
með 184 atkvæðum gegn 98. 361
var á kjörskrá, en atkvæði greiddu
289.
Pálína Sigurjónsdóttir, formaður
Hjúkrunarfélags íslands, sagði í
samtali við Morgunblaðið að niður-
stöður atkvæðagreiðslunnar sýndu
að það væri erfitt að vera fyrstur
til að semja og ef til vill væri ein
af ástæðunum fyrir því að samning-
urinn fékk ekki meira fylgi sá tími,
sem hann er gerður á. Það hefði
verið vitað fyrirfram að skiptar
skoðanir væru um samninginn, en
stjórn og samninganefnd félagsins
hefði talið tilboð viðseinjenda með
þeim hætti að ekki væri stætt á
öðru en að leggja það undir dóm
félagsmanna, enda hefði félagið náð
fram ýmsum kröfum sem það hefði
barist fyrir í mörg ár, þó menn
væru aídrei fullkomlega ánægðir
þegar staðið væri upp frá samn-
ingaborðinu. „Við viljum ná samn-
ingum án átaka og það er ekki um
annað að ræða en setjast niður aft-
ur og reyna að gera betur," sagði
Pálína að lokum.
Morgunblaðið/Bjami
Brynjólfur Halldórsson tekur á móti veðurkortinu.
Veðrið á hádegi í dag:
Veður til að stíma á
Halann og Víkurálinn
- segir BrynjólfurHalldórsson,
skipstjóri á f ry stitogar anum Frera
„Á FÖSTUDAG verður norð-
austanátt á landinu öllu, 6 til 7
vindstig og kuldaskil út af
Austfjörðum. Hæð verður yfir
Grænlandi og gott veður á
Halanum og í Víkurálnum, það
er því veður til að stíma þang-
að. I Norðursjónum verða 7 til
8 vindstig að norðvestan og
skipin, sem eru að sigla með
aflann til Bretlands og Þýzka-
lands, fá því bullandi lens,“
sagði Bryiyólfur Halldórsson,
skipstjóri á Frera RE, í samtali
við Morgunblaðið i gær.
Brynjólfur er hvorki veðurfræð-
ingur né sérstakur veðurspámað-
ur. Hann hefur einfaldlega
móttökutæki fyrir veðurkort og
veðurspár um borð í skipi sínu,
en slík tæki eru algeng í stærri
skipum flotans. Hann sagðist fá
veðurkort og veðurspár frá tveim-
ur fýrirtækjum og fylgjast með
veðrinu þannig þó hann hlustaði
alltaf á veðrið líka. „Það er betra
að hafa íslenzku veðurfregnirnar
líka, en með þessum tækjum er
hægt að komast af án þeirra,“
sagði hann.
Brynjólfur sagði að kortin væru
unnin með aðstoð gervitungla og
gæfu upplýsingar með táknum
um vindhraða og úrkomu, en einn-
ig væru kortin með lægðum og
hæðum og þrýstilínur í þeim segðu
þá til um vindhraða. Morgun-
blaðsmenn hittu hann um borð í
Frera rétt fyrir klukkan 16.30 í
gær. í brúnni gekk hann að fyrir-
ferðarlitlu tæki upp á vegg og
studdi á takka. Eftir augnablik
var veðurútlitið fyrir föstudaginn
komið á blað; sáraeinfalt. Skip-
veijar á stærri skipunum eru því
ekki algjörlega háðir þjónustu
Veðurstofunnar þó þeir meti hana
mikils og þeir geta ennfremur
miðlað upplýsingunum til annarra
sé þess þörf.

\rí> XX CGRRVI C3APR12/ T+24
u í/ x \K
Svona verður veðrið á hádegi í dag.
„Yar svo vanmáttugnr þarna“
— segir Kristján Rafn Sigurðsson, sem bjargaðist er Reynir EA fórst, en tengdafaðir hans fórst með bátnum
Akureyri.
„ÉG athugaði strax með Svavar
eftir að bátnum hvolfdi en fann
ekkert lífsmark með honum.
Ég var inni í stýrishúsinu í ein-
hvern tíma, en eftir að ég náði
að opna dyrnar greip ég i hett-
una á úlpunni — ætlaði að toga
hann með mér út — en hann
var alveg fastur. Hann hefur
festst í einhverju. Ég veit ekki
hveiju. Það er sárast að hafa
ekki náð honum, en maður var
svo vanmáttugur þarna.“ Þetta
sagði Kristján Rafn Sigurðsson
í samtali við blaðamann Morg-
unblaðsins, en Kristján bjarg-
aðist er Reyni EA hvolfdi á
þriðjudaginn fyrir utan höfnina
á Litla-Ársskógssandi. Svavar
Guðmundsson, tengdafaðir
hans fórst með bátnum.
Kristján er 21 árs. Þeir tengda-
feðgar voru saman á Reyni þegar
trillan lenti í árekstri við ms.
Mánafoss á dögunum. Þá var eig-
inkona Svavars einnig með.
Reynir EA var 6 tonn.
Kristján sagði við Morgunblað-
ið: „Þetta tók voðalega snöggt af.
Við vorum að fara suður á Hauga-
nes í fylgd Naustavíkur og
Særúnar. Við fórum fyrst frá
bryggju og biðum við bryggjuend-
ann. Við ætluðum að vera á milli
bátanna. Naustavíkin kom út, og
þá ventum við og ætluðum að
sigla í hlé við þá. Veðrið var alveg
bijálað — vindhraðinn mjög mik-
ill. Það hallaði á stjómborða hjá
okkur og eftir að báturinn fór að
halla reyndi Svavar að keyra hann
upp. Setti á fullt og sneri. Við
voram að komast hlémegin við
Naustavíkina en vindurinn var svo
mikill að ekki varð við neitt ráðið.
Þetta gat ekki farið öðravísi."
Svavar og Kristján voru báðir
í stýrishúsinu þegar óhappið varð.
„Við vorum með alla glugga opna,
annars hefðum við ekkert séð út,
og stýrishúsið var ekki nema 4-5
sekúndur að fyllast af sjó, en ég
náði samt að anda að mér áður
en stýrishúsið fylltist." Kristján
sagði að mjög dimmt hefði verið
þama niðri og hann orðinn lopp-
inn, „en samt tókst mér að opna
dymar“.
Kristján segist hafa verið mjög
rólegur þama niðri. „Ég er viss
um að það var einhver með mér
þama niðri, einhver sem hjálpaði
mér. Ég var fullkomlega rólegur.
Ég er mjög gjam á að fá innilok-
unarkennd, ég geng til dæmis
frekar upp stiga en að fara í lyftu.
En þama beið ég rólegur — ég
áttaði mig ekki á því fyrr en eftir
á að ég hefði gert það.“ Kristján
sagði ennfremur að hræðslan
hefði ekki farið að gera vart við
sig fyrr en hann var kominn um
borð í Særúnu, en þangað var
honum bjargað í Markúsameti
eins og greint var frá í blaðinu í
gær.
Kristján vildi koma á framfæri
innilegu þakklæti til skipverja á
Særúnunni fyrir björgunarstarfið.
„Aðstæður voru erfiðar og þessir
menn eiga allt það besta skilið.“
Kristján er verkstjóri í rækju-
vinnslunni á staðnum en sagðist
hafa tekið sér frí til að róa með
Svavari. „Ég hef enga ákvörðun
tekið - verð að hugsa mín mál,“
sagði Kristján er hann var spurð-
ur hvort hann ætlaði aftur á
sjóinn. „Ég held þó að ég verði
að ná þessari reynslu úr mér —
ég verði því að fara aftur og þá
á stærri bát. Ég held ég stigi
ekki upp í þessa litlu báta á næst-
unni,“ sagði Kristján Rafn.