Morgunblaðið - 04.04.1987, Blaðsíða 28

28
MORGUNBLAÐIÐ, LAUGARDAGUR 4. APRIL 1987
Thérese, Þrír karlar og
ein karfa o g fleiri góðar
Spennandi frönsk kvikmyndavika með nýlegum og
g’lænýjum myndum hefst í Regnboganum á morgun
Claude Chabrol (til vinstri) við tökur á sakamálamyndinni Kjúkling-
ur í ediki.
Kvikmyndir
Amaidur Indriðason
Kannski Frakkar séu að bæta
fyrir heldur kléna kvikmyndaviku í
fyrra því þessi, sem hefst í Regn-
boganum í dag og stendur til nk.
föstudags, er mjög athyglisverð og
spennandi. Myndirnar " nvjar,
sú elsta frá 1984 og n'..
frá 198' ,.,r 'Rp o't ,(0»-
ættu að gel'a fólki einirv.-ija myul
af því sem franskir kvikmyndagerð-
armenn hafa verið að fást við
undanfarið. Franska vikan, sem
haldin er í samvinnu Alliance
Francaise, Unifrance Film Inter-
national og franska sendiráðsins,
er líka góð upphitun fyrir kvik-
myndahátíð Listahátíðar, sem
haldin verður í Reykjavík næsta
haust og veitir henni jafnvel góða
samkeppni. Og ekki má gleyma því
að vönduð kvikmyndavika eins og
þessi gefur fólki tækifæri til að sjá
myndir sem annars kæmu aldrei
hingað og veitir um leið kærkomna
hvíld frá amerískum myndum sem
ráða markaðinum hér á landi.
Það eru ansi fjölbreytileg við-
fangsefni sem franskir kvikmynda-
gerðarmenn eru að fást við sé tekið
mið af þeim níu myndum sem sýnd-
ar verða í Regnboganum. Tvær
þeirra vekja sérstaka athygli við
fyrstu sýn, en það eru grínmyndin
Þrír karlar og ein karfa (Trois
hommes et un couffin) eftir kven-
leikstjórann Coline Serreau um
piparsveina þrjá sem lenda óvart í
því að ala upp ungbarn og Thérese
eftir Alain Cavalier um stúlku sem
gengur í klaustur. Báðar hafa unn-
ið til verðlauna og hlotið einróma
lof gagnrýnenda, bæði í Evrópu og
Bandaríkjunum, og báðar hefðu
sjálfsagt aldrei borist hingað nema
í gegnum kvikmyndahátíðir.
Þá verður á dagskrá hátíðarinnar
myndin Kjúklingur í ediki (Poulet
au vinaigre) eftir Claude Chabrol,
um mæðgin sem standa í vegi fyrir
fasteignabraski, Augljós þrá
(Fiagrant Désir) eftir Claude Far-
aldo, um morðmál í kastala einum
í Bordeau-héraðinu, Dauðinn kemur
aðeins tvisvar (On ne meurt que
deux fois) eftir Jaeques Deray, sem
er klassísk lögreglumynd, Logn og
heiðríkja — fárviðri eftir hádegi
(Beau temps mais orageux en fin
de journée) eftir Gérard Frot-
Coutaz, um kynslóðamissætti í
fjölskyldu, Rauður koss (Rouge
Baiser) eftir Véra Belmont um ást-
ir ungs fólks, sem verður aðskilið
þegar Indókína-stríðið brýst út, Sjó-
ræningjakonan (La Pirate) eftir
Jacques Doillon, um lespískt ástar-
samband og að lokum Síðu frakk-
amir (Les longs Manteaux),
spennumynd sem gerist í Bólivíu.
En lítum nánar á hveija mynd
og styðjumst að nokkru við sýning-
arskrá. Með aðalhlutverkin í „Þrír
karlar“ fara Roland Giraud, Michel
Boujenah og André Dussolier. Þeir
leika menn sem deila saman íbúð í
París og njóta alls þess munaðar
sem piparsveinalífið veitir út í ystu
æsar. Það tekur allt saman breyt-
ingum þegar þeir, dag einn, finna
körfu fyrir framan dyrnar hjá sér
og í henni ungbarn. Skyndilega eru
þeir orðnir fósturfeður og málið
tekur að flækjast er þeim berst
önnur sending er gefur myndinni
blæ lögreglusögu. Hið áhyggju-
lausa piparsveinalíf er ekki lengur
eins áhyggjulaust og áður. Þetta
er önnur mynd Coline Serreau í
fullri lengd og hlaut hún þrenn
Sesar-verðlaun á síðasta ári, m.a.
sem besta franska myndin 1985.
En líkt og oft vill verða gekk
ekki sérlega vel að finna aðila til
að ijármagna hana. Engin hafði trú
á hugmynd Serreau. Henni tókst
að semja við leikara sína og tækni-
fólk um að þeim yrði ekki borgað
fyrr en myndinni yrði lokið og að-
eins ef af henni yrði gróði. Það lið
þurfti ekki að hafa áhyggjur því
„Þrír karlmenn“ var söluhæsta
myndin í Frakklandi 1985-1986.
Thérese eftir Cavalier hlaut sex
Sesar-verðlaun við síðustu afhend-
ingu fyrir skemmstu og hún hlaut
Dómnefndarverðlaunin á Cannes-
hátíðinni sl. vor. Myndin segir frá
lífi ungrar, guðhræddrar stúlku,
sem gengur í klaustur til að gerast
brúður Krists og sýnir okkur ham-
ingju hennar í ást sinni á Guði. Hún
er seinna tekin í helgra manna tölu
sem heilög Thérese frá Lisieux, en
það er stórt nafn í franskri trúar-
bragðasögu. Myndin er gerð eftir
sannsögulegum atburðum, sem áttu
sér stað í lok síðustu aldar, þegar
Théresa Martin varð ástfangin af
Jesú Kristi. Hún ákvað að ganga í
klaustur, gegn vilja fjölskyldu
sinnar, til að lifa fyrir ástina og
ekkert nema ástina og með gífur-
legri einbeitni náði hún svo langt í
ætlunum sínum að hún dó úr ást.
Kirkjan var staðráðin í að halda á
lofti þessu einstæða tilfelli og fékk
hana til skrifa bók um ástríðu sína.
En líf hennar var í rauninni ekkert
merkilegt heldur snérist þvert á
móti um smámuni hversdagsins.
Jqfnvel dauði hennar var átakalít-
ill, en hún dó úr berklum 24 ára.
Fyrir henni var dauðinn aðeins eitt
þrep í viðbót til að nálgast ástina
sína.
Hugmyndin að verkinu er 15 ára
gömul. Þegar hún kveiknaði bauð
Cavalier leikkonunni Isabelle Adj-
ani titilhlutverkið, óþekktri leikkonu
þá, en handritið var ekki fullunnið.
Það var svo ekki fyrr en fyrir fjór-
um árum að Cavalier steypti sér út
í gerð myndarinnar eftir að klaust-
urreglan frá Lisieux gaf út bók um
líf Thérese.
Með aðalhlutverkin í myndinni
fara Catherine Mouchet, sem leikur
Thérese, Aurore Prieto og Sylvie
Havault, en þetta er fyrsta mynd
Alain Cavalier frá því hann gerði
Undarlegt ferðalag (Un Étrange
Voyage), sem sýnd var á frönsku
kvikmyndavikunni hér árið 1982.
Jacques Deray er annar kunningi
af franskri hátíð, en mynd hans
Löggusaga (FIic Story) með Alan
Delon og Jean-Louis Trintignant í
aðalhlutverkum, var sýnd hér í
fyrra. Þar var á ferðinni létt og
skemmtileg löggumynd um elting-
arleik súperlöggu við súperbófa.
Dauðinn kemur aðeins tvisvar, sem
Deray gerði tíu árum seinna, er um
rannsóknarlögreglustjórann Stani-
land, sem er svolítið eins og Delon
í Löggusögu, sjálfstæður og fylgir
lítt reglum. Honum þykir best að
vinna einn og er fenginn til að
rannsaka morð á Charly Berliner.
Það lítur í fyrstu út eins og venju-
legt morðmál sem yfirmaður
Staniland vill koma frá hið fyrsta.
En Staniland er ekki á sömu skoðun
og grunur hans styrkist þegar hann
finnur segulbandsspólur á heimili
hins myrta, sem benda til ástríðu-
fulls ástarsambands við hina
dularfullu Barböru. Með aðalhlut-
verkin fara Michel Serrault, Charl-
otte Rampling, Xavier Deluc og
Elisabeth Depardieu, eiginkona
Gérards.
Önnur lögreglusaga er Augljós
þrá eftir Faraldo með bandaríska
leikaranum Sam Waterston í aðal-
hlutverki og landa hans Lauren
Hutton í öðru hlutverki. Waterston,
sem stóð sig svo vel í Blóðvöllum
(The Killing Fields), leikur hér
leynilögreglumann sem fenginn er
til að rannsaka morð á húsfreyjunni
í kastala einum í Bordeau-héraði.
Og eins og í hinum klassísku hver-
gerði-það-myndum höfðu allir
nánustu ættingjar hennar meiri eða
minni ástæðu til að koma henni
fyrir kattarnef. Waterston kemst
smám saman innundir hjá fjölskyld-
unni og kemur þá margt í ljós;
framhjáhald, peningavandamál,
lygavefir og stöðug hræðsla við fjöl-
skylduföðurinn. Aðrir sem fara með
hlutverk í myndinni eru Mariso
Berenson, B. P. Donadieu og Anne
Roussel, en auk þess að leikstýra
skrifar Faraldo sjálfur handritið.
Claude Chabrol er reyndasti leik-
stjórinn á hátíðinni og hann skrifar
yfirleitt handritin að myndum
sínum sjálfur eða með öðrum.
Kjúklingur íedikier 37. mynd þessa
sjóaða leikstjóra og segir frá þrem-
ur fyrirmönnum í litlum bæ úti á
landi sem virðast ætla sér að græða
á umfangsmikilli fasteignasölu. En
hætta er á að áætlun þeirra nái
ekki fram að ganga vegna þess að
mæðgin nokkur neita að selja húsið
sitt og hvorki loforð né hótanir
megna að fá þau ofan af þijósku
sinni. Með aðalhlutverkin fara Jean
Poiret, Stéphane Audran (eiginkona
Chabrol, sem leikið hefur í mörgum
hans myndum), Michel Bouquet,
Jean Topart og Lucas Belvaux.
Það má vera að einhveijum þyki
Chabrol velja kyndugt nafn á mynd-
ina sína en Gérard Frot-Coutaz slær
honum þó við með heitinu á sinni
mynd, Logn og heiðríkja - fárviðri
eftir hádegi. Það kemur í ljós að
nafn myndarinnar er jafnframt ein
fyrsta setning hennar og vísar til
veðurspárinnar þennan daginn og
gefur til kynna að það eigi eftir að
síga á ógæfuhliðina fyrir persónum
myndarinnar þegar á líður. Ungur
popptónlistarmaður í París kemur
Úr myndinni Thérese eftir Alain Cavalier.
Frönsk kvikmyndavika 1987
Semaine du cinéma frangais 1987
4-4-87-10-4-87
REGNBOGINN, ALLIANCE FRANCAISE og UNIFRANCE Film International í samvinnu við Franska sendiráðið
Samedi 4 Laugard. 4. 15 h — kl. 15 17 h — kl. 17 19 h — kl. 19 21 h —kl.21 23 h — kl. 23
Premiere „Trois hommes et un couffin44 „Rouge baiser4* (Rauður koss) 1985 — V. Belmont „Les longs manteux" (Slðu frakkamir) 1985 — G. Béhat „Thérése" 1986 — A. Cavalier „Rouge baiser" (Rauður koss) 1985 —V. Belmont
Dimanche 5 Sunnudagf 5. „Roujfe baiser*4 (Rauður koss) 1985 — Belmont „Les longs manteux** (Sfðu frakkamir) 1985-G. Béhat „Trois hommes et un couffin“ (Þrír karlar og ein karfa) 1985 — C. Serrau „On ne meurt que deux fois“ (Dauðinn kemur aðeins tvisvar) 1985 — J. Deray „Lca longs manteux” (Sfðu frakkamir) 1985 —G. Béhat
Lundi 6 Mánud. 6. „Rouge baiser" (Rauður koss) 1985 —V. Belmont Trois hommes et un couffin“ (Þrír karlar og ein karfa) 1986 —C. Serreau „Thérése" 1986 —A. Cavalier „TVois hommes un couffin“ (Þrír karlar og ein karfa) 1985 — C. Serreau „On ne meurt que doux fois" (Dauðinn kemur aðeins tvisvar) 1985 — J. Deray
Mardi 7 Þriðjud. 7. „La pirate** (Sjórœningjakonan) 1984 — J. Doillon „Poulet au vinaigre** (Kjúklingur í ediki) 1985-C. Chabrol „La pirate“ (Sjóræningjakonan) 1984 — J. Doillon „Trois hommes et un couffin** (Þrí r karlar og ein karfa) 1985 —C. Serreau „Poulet au vinaigre“ (Kjúklingur f ediki) 1985-C. Chabrol
Mercredi 8 Miðvikud. 8. „Beau temps mais orageux en fin de journée*4 (Logn og heiðríkja) 1986 „Flagrant désir“ (Augljós þrá) 1986 —C. Faraldo „Poulet au vinaigre4* (Kjúklingur f ediki) 1985 —C. Chabrol „Flagrant désir“ (Augljós þrá) 1986 — C. Faraldo „Beau temps mais orageux en fin de joumée“ (Logn og heiðrikja) 1986
Jeudi9 Pimmtud. 9. „Poulet au vinaigre** (Kjúklingur i ediki) 1985 -C. Chabrol „La pirate" (Sjórœningjakonan) 1984 — C. Doillon „Thérése“ 1986 — A. Cavalier „Poulet au vinaigre" (Kjúklingur f ediki) 1985 — C. Chabrol „La pirate“ (Sjóræningjakonan) 1984 — J. Doillon
Vendredi 10 Föstud. 10. „Flagrant désir“ (Aug(jós þrá) 1986 —C. Faraldo „Beau temps mais orageux en fin de joumée'* (Logn og heiðrikja) „Flagrant désir“ (Augljós þrá) 1986 —C. Faraldo „Thérése" 1986 — A. Cavalier „Beau temps mais orageux en fin de journée** (Logn og heiðríkja)