Morgunblaðið - 04.04.1987, Blaðsíða 55
MORGUNBLAÐIÐ, LAUGARDAGUR 4. APRIL 1987
55
amma tilbúið heitt kakó og heitar
kleinur, eða eitthvert annað góð-
gæti með því.
Hún sagði mér oft brot og brot
úr lífi sínu, sem hefur verið erfítt.
Hún sagði mér frá því, að þegar
hún giftist afa þá gengu þau á ís
af Barðaströndinni og til Flateyjar,
til að fá prestinn til að gefa sig
saman í hjónaband.
Bjuggu þau lengst af í Hergilsey
og voru síðustu ábúendur þar. Síðan
fluttust þau til Flateyjar á Breiða-
firði. Frá því ég man eftir voru þau
þar aðeins yfir sumarið. Fengu þá
barnabörnin að koma og vera hjá
þeim, meðan þau dvöldu þar. Þau
voru yndisleg sumrin sem ég átti
þar með þeim og mjög lærdómsrík
um lífið og tilveruna.
Sumarið ’82 var ég þeim síðast
samtíða í Flatey, og var þá dóttir
mín á öðru árinu. Eftir matinn,
meðan ég þvoði upp, settist amma
niður með kaffibolla og mola í hönd.
Tiplaði þá lítil dama á öðru ári til
langömmu sinnar, og þáði hjá henni
mola og smákaffisopa. Eftir það
vissi sú stutta hvar var von á ein-
hvetju góðgæti. Eitt er mér mjög
kært sem amma sagði við mig fyr-
ir u.þ.b. 8 árum: „Mundu það,
Hanna mín, að okkur afa þínum
finnst eins vænt um þig og þú
værir dóttir okkar.“ '
En nú er hún horfin sjónum okk-
ar, yfir móðuna miklu og til betra
lífs. Ég veit að afi hefur beðið með
opinn faðminn á móti ástvinu sinni,
er hún hvarf okkur.
Ég kveð ömmu með þakklæti í
huga, en sorg í hjarta.
Megi góður guð geyma ömmu
og afa að eilífu.
Blessuð sé minning þeirra.
Jóhanna Ósk Kristjánsdóttir
Missterkir riðlar
í Islandsmótinu
Frá undankeppni íslandsmótsins í fyrra. Morgunblaðið/Amór
__________Brids_____________
GuðmundurSv. Hermannsson
UNDANKEPPNI íslandsmóts-
ins í sveitakeppni hófst á
föstudagskvöldið á Hótel Loft-
leiðum og eins og venjulega
keppa þar 24 sveitir, víðsvegar
að af landinu, um 8 sæti í úrsli-
takeppninni sem haldin verður
á sama stað 23.-26. apríl.
Sveitunum er skipt í fjóra riðla
og tvær sveitir komast upp úr
hveijum riðli. Sveitirnar eru
dregnar í riðla eftir einskonar
meistarastigakvótakerfi. Meist-
arastig fjögurra stigahæstu
manna í hverri sveit eru lögð sam-
an og þannig eru myndaðir íjórir
sveitaflokkar. Úr flokki stiga-
hæstu sveitanna eru síðan dregn-
ar tvær sveitir í hvern riðil, síðan
tvær í hvem riðil úr næsta flokki
og svo framvegis.
Þótt þetta eigi að tryggja að
riðlarnir íjórir séu nokkuð jafnir
að styrkleika vilja þeir samt verða
miserfiðir, að minnsta kosti á
pappímum. Þannig er með riðlana
núna en þeir em þannig skipaðir:
A-riðilI: Páll Valdemarsson
Reykjavík, Samvinnuferðir/Land-
sýn Reykjavík, Ásgrímur Sigur-
björnsson Norðurland vestra,
Halldór Tryggvason Norðurland
vestra, Gunnar Berg Norðurland
eystra, Polaris Reykjavík.
B-riðilhSigurður Steingrímsson
Reykjavík, B.M. Vallá Reykjavík,
Ragnar Jónsson Reykjavík, Sigfús
Þórðarson Suðurland, Atlantik
Reykjavík, Jón Hjaltason
Reykjavík.
C-riðill:S.S. Byggir Norðurland
eystra, Ólafur Lámsson
Reykjavík, Guðni Ásmundsson
Reykjanes, Sigtryggur Sigurðs-
son Reykjavík, Jón Hauksson
Suðurland, Jón Skeggi Ragnars-
son Austurland.
D-riðilI:Aðalsteinn Jörgensen
Reykjavík, Pálmi Kristmannsson
Austurland, Ingi Steinar Gunn-
laugsson Vesturland, Delta
Reykjavík, Sigurður Sigurjónsson
Reykjavík, Sigmundur Stefánsson
Reykjavík.
Þegar riðlarnir eru athugaðir
sést strax að A-riðillinn er mjög
sterkur og í honum em fjórar
sveitir sem eiga heima í úrslitun-
um. Flestir veðja sjálfsagt á
ferðaskrifstofusveitirnar tvær í
úrslitin en bræðurnir frá Siglu-
firði hafa áður komið á óvart og
sent ömggar sveitir í „skamm-
arkrókinn". Þá getur sveit Páls
unnið hvaða sveit sem er.
Úrslit í B-riðli gætu einnig orð-
ið mjög tvísýn, þótt flestir reikni
sjálfsagt með því að Jón Hjaltason
og Atlantik skipi tvö efstu sætin.
Sveitir Sigfúsar og B.M. Vallá
gætu þó vel sett strik í reikning-
inn. í sveit B.M. Vallá, sem áður
var sveit Sigfúsar Árnasonar,
spila gamalreyndir kappar auk
Reykjavíkurmeistaranna í
tvímenning, og Sigfús Þórðarson
hefur með sér einvala lið af Suð-
urlandi.
í C-riðli beijast bestu spilararn-
ir af yngri kynslóðinni. I sveitum
Ólafs og Jóns spilar sitthvort pa-
rið úr sveitinni sem vann Islands-
móti yngri spilara á dögunum og
sveit Guðna er skipuð spilumm
sem vom í öðm sæti á því móti
og höfðu áður unnið Reykjanes-
mótið í sveitakeppni. Það kæmi
ekki á óvart þótt sveitir Sigtryggs
og Ólafs kæmust áfram í riðlinum.
Það er þó óþarfi að afskrifa Norð-
lendingana, og Jón og Guðni gætu
báðir lent í úrslitunum með smá-
heppni.
Fyrirfram virðist að minnst
spenna muni verða í D-riðli og
sveitir Aðalsteins og Delta ættu
að vera ömggar í úrslitin. Samt
em þær ekki að kljást við auðveld-
ar sveitir og ef önnur hvor sveitin
gefur eitthvað eftir gæti hver
hinna sem er hreppt annað úrslita-
sætið.
Kostir KASKO
Obundinn reikningur sem býður
bestu ávöxtun bankans.
Hafðu KASKÓ að leiðarljósi.
VKRZUJNBRBBNKINN
-vúmuk með péx [
AUK hf. 43.97