Morgunblaðið - 03.06.1987, Blaðsíða 31

MORGUNBLAÐIÐ, MIÐVIKUDAGUR 3. JÚNÍ 1987
31
Kossar í Berlín
Leiðtogar kommúnistaríkja eru þekktir fyrir að heilsast og kveðj-
ast mjög innilega og fyrir skömmu var mikið um faðmlög í
Austur-Berlín er leiðtogar Varsjárbandalagsríkjanna hittust þar
á fundi. Á þessum myndum er Mikhail Gorbachev að heilsa gest-
gjafanum, Erich Honecker, leiðtoga kommúnistaflokksins í
Austur-Þýskalandi.
Fer Honecker til
V -Þýzkalands?
Haag.Reuter
ERICH Honecker, flokksleiðtogi
Austur-Þýzkalands sagði í viðtali
við hollenzka blaðamenn í gær,
þriðjudag, að vel kæmi til mála,
að hann færi til Vestur-Þýzka-
lands á árinu.
Viðtalið fór fram í Austur-Berlín
nokkru áður en Honecker átti síðan
að halda í þriggja daga heimsókn
til Hollands. I blaðinu Algemeen
Dagblad var haft eftir Honecker,
að hann ræddi öðru hverju í síma
við Helmut Kohl, kanzlara Vestur-
Þýzkalands. Sömuleiðis væru
viðræður í gangi fyrir milligöngu
stjórnarerindreka í Bonn og Aust-
ur-Berlín. Honecker sagði, að
væntanlega myndi það ráða úrslit-
um um, hvort hann færi eða ekki,
hvernig afvopnunarviðræðum
Bandaríkjamanna og Sovétmanna
miðaði.
Fijieyjar:
Herinn mun vinna
við sykuruppskeruna
Lautoka, Suva, Fgieyjum. Reuter.
BRESKA sendiráðið i Suva, höf-
uðborg Fijieyja, sendi í gær frá
sér harðorð mótmæli til stjórn-
valda eftir að skotið var á bifreið
eins starfsmanns þess og maður-
inn barinn af hermanni. Spenna
ríkir á eyjunum og hafa stuðn-
ingsmenn Bavadra, hins brott-
rekna forsætisráðherra, hvatt til
verkfalla og óhlýðni við yfirvöld.
Penaia Ganilau, landstjóri á Fiji-
eyjum, er nú situr í forsvari
bráðabirgðastjómar á eyjunum
hvatti menn í gær til að gæta still-
ingar og lýsti ánægju sinn með þá
ákvörðun verkalýðsfélaga í Ástralíu
að aflétta vöruflutningabanni til
Fijieyja. Sagðist hann vonast til að
verkalýðsfélög á Nýja Sjálandi af-
léttu einnig banni því er þau hafa
sett á, svo samband ríkjanna
þriggja gæti færst í eðlilegt horf.
Ganilau sagði bann af þessu tagi
aðeins stappa stálinu í öfgamenn
er ekki vildu að ástand færðist í
friðsamlegt horf. Ganilau ræðir um
þessar mundir við ýmsa áhrifamenn
á Fijieyjum um leiðir til sátta. Á
mánudag ræddi hann við Bavadra
og ráðamenn af indverskum ættum
og létu þeir í ljósi áhyggjur vegna
ástandsins í landinu. Fundir þesssir
fóru fram í Lautoka, miðstöð sykur-
ræktar á eyjunum, en sykur er
aðalútflutningsvara eyjaskeggja.
Fólk af indverskum ættum vinnur
aðallega við sykuruppskeruna og
hefur það neitað að vinna að und-
anförnu í mótmælaskyni við valda-
töku hersins.
Talsmaður hersins sagði í Suva
á mánudag að menn af indverskum
ættum breiddu út sögusagnir í því
skyni að espa fólk til óláta. Hann
sagði að ef ekki yrði farið að vinna
við sykuruppskeruna þá myndi her-
inn taka þau störf að sér. Talsmað-
urinn sagði að komið hefði til átaka
milli frumbyggja og manna af ind-
verskum ættum einkum á afskekkt-
um eyjum.
Ganilau landstjóri hefur þvertek-
ið fyrir að tekið verði á móti
sendinefnd frá Suður-Kyrrahafsrí-
kjum er Bob Hawke, forsætisráð-
herra Ástralíu, átti að vera í forsvari
fyrir. Nefndin átti að hafa það hlut-
verk að kanna ástand mála á
Fijieyjum. Ganilau sagði slíkt ekki
tímabært og bætti því við, að Fijibú-
ar myndu sjálfir leysa sín vandamál.
Forsetakosningar
á Indlandi í iúlí
NÝia Delhi. Reuter. V
Nýja Delhi, Reuter.
ÞRETTÁNDA júlí fer fram for-
setakjör meðal kjörmanna á
Indlandi. Þeir eru samtals 4,695
talsins. Dagsetningin var til-
kynnt á mánudag. Forsetinn
verður sá niundi í röðinni, frá
því Indland varð sjálfstætt ríki.
Tilnefningar skulu hafa borizt
fyrir 24.júní.
Ekki er alveg útilokað að fráfar-
andi forseti Zail Singh, muni óska
eftir að bjóða sig fram á ný. Eftir
þann alvarlega ágreining, sem hef-
ur verið milli Gandhi, forsætisráð-
herra og Singh, er óhugsandi að
Gandhi hvetji til að menn sínir kjósi
hann. Gandhi hefur sagt, að hann
væri hlynntur því að næsti forseti
kæmi úr suðurhluta landsins. R.
Venkatarman, varaforseti, er ætt-
aður frá Tamil Nadu, syðst á
Indlandi. Hann hefur ekki enn látið
uppskátt um, hvort hann gefur kost
á sér.
Kosningar í Bretlandi:
Wilson lét blekkjast
ÞEGAR Margaret Thatcher skoðar úrslit nýlegra sveitarsljóma-
kosningar og niðurstöður skoðanakannanna, ætti hún að hafa i
huga reynslu Harolds Wilson frá því fyrir 17 ámm.
Rétt fyrir sveitarstjórnarkosn-
ingamar 7. maí 1970, birti
Gallup-stofnunin skoðanakönnun
sem sýndi að Verkamannaflokk-
urinn hafði 7,5% forystu. Það
hafði áður gerst fyrir kosningar
árið 1966 og þá fékk flokkurinn
98 þingmanna meirihluta. Ef Wil-
son boðaði til kosninga í júní, eins
og hann hafði hugsað sér, gat
hann samkvæmt því átt von á
svipaðri niðurstöðu. Allir ráðlögðu
honum þó að bíða eftir úrslitum
sveitarstjórnarkosninganna.
The Economist fjallaði um um
kosningaúrslitin viku síðar. Blaðið
hafði skoðað sérstaklega þau kjör-
dæmi þar sem meirihluti Verka-
mannaflokksins var naumur og í
ljósi þess spáði blaðið flokknum
nokkru minna fylgi í þingkosning-
unum sjálfum. Lítil fylgisaukning
íhaldsflokksins gat orðið til þess
að meirihluti Verkamannaflokks-
ins minnkaði úr 98 þingmönnum
í 50 þingmenn. Fyrirsögn greinar
The Econmist var: “Sigrar Wilson
með 50 manna meirihluta?"
Wilson las þessa grein og fór
sigurviss til Buekingham hallar
og boðaði til kosninga 18. júní.
Viku fyrir kosningar var forysta
Verkamannaflokksins 12% sam-
kvæmt einni skoðanakönnunni.
Á kjördag var kosningaþátttak-
an hins vegar 4% minni en hún
var árið 1966 vegna þess að marg-
ir stuðningsmenn Verkamanna-
flokksins voru öruggir með sig
og hirtu ekki um að kjósa. Niður-
stöður kosninganna urðu þær að
íhaldsflokkurinn sigraði með
naumum meirihluta. Hann fékk
3.3% fleiri atkvæði og 31 þing-
manni fleira en Verkamanna-
flokkurinn. Þannig byijaði
stjórnartíð Edwards Heath.
Hcimild: The Economist.
10% staðgreiðsluafsláttur
Dúndur rýmingarsala!
hælaháir skór
dömumokkasínur
herraspariskór
kínaskór og espadrillur
úrval af barnastrigaskóm
nokia stígvél í sveitina
20-30% verðlækkun
á nýjum og gömlum vörum
jm nú 500
4495 nú 000
-»er nú 1300
Frá 195
Frá 310
SÍÐUMÚLA 23, SÍMI 84131
...sporið í rétta ótt!
◄