Morgunblaðið - 03.06.1987, Blaðsíða 45
MORGUNBLAÐIÐ, MIÐVIKUDAGUR 3. JÚNÍ 1987
45
Afmæliskveðja:
Leifur Eiríks-
son kennari
í dag er frændi minn, Leifur
Einksson, kennari, áttræður.
I tilefni af því langar mig til að
skrifa nokkrar línur á blað, enda
þótt vera megi að það sé honum
lítt að skapi. Veit ég þó að hann
mun færa mér það til betri vegar
svo sem önnur verk hingað til.
Leifur Eiríksson er fæddur á
Harðbak á Melrakkasléttu í Norð-
ur-Þingeyjarsýslu, 3. júní 1907,
sonur hjónanna Eiríks Stefánssonar
vitavarðar og bónda á Rifí og konu
hans, Ingibjargar Jóhannsdóttur.
Þau hjón voru síðustu ábúendur á
Rifi, sem er ein af þeim harðbýlu
jörðum sem nú þykir lítt búandi á
en framfleytti áður stórum fjöl-
skyldum með ágætum.
Um Rif á Sléttu og ábúendur þar
hefur Brynjólfur Sigurðsson á
Kópaskeri skrifað fróðlegan sagna-
þátt sem okkur yngri Sléttungum
er þörf á að lesa (Bóndi er bústólpi
VI).
Fyrir nokkrum vikum heimsótti
ég Leif og gaf hann mér að skiln-
aði þennan sagnaþátt ásamt öðrum
fróðleik um Rif og ættir sínar og
að hluta til okkar beggja.
Þar er m.a. ættartala Leifs í
móðurætt allt til Ingólfs Amarsonar
okkar fyrsta landnámsmanns og
ættartala í foðurætt (Skinnalóns-
ætt) til Hálfdáns hvítabeins Upp-
lendingakonungs. Ættir hans eru
því stórar og sterkar. Einnig fylgdi
með vísa eftir Leif um Rifstanga á
Sléttu sem ég læt hér fylgja:
Klettar sterkir standa
stormi og brimi móti.
Undan aldrei láta,
árásir þótt hljóti.
Eiga sína sögu,
samt þeir flestu leyna.
Nyrzt við íslands odda
Ægir lemur steina.
Leifur fór í Gagnfræðaskóla Ak-
ureyrar og útskrifaðist þaðan 1927.
Kennaraprófi lauk hann frá Kenn-
araskóla Islands 1944 en hafði áður
kennt bæði við bamaskólann í
Núpasveit og unglingaskólann á
Raufarhöfn í 10 vetur.
13. nóvember 1932 kvæntist
Leifur föðursystur minni, Lúðvíku
Lund, dóttur hjónanna Maríusar
Jóhanns Lund bónda og póstaf-
greiðslumanns á Raufarhöfn og
konu hans, Rannveigar Grímsdóttur
Laxdal. Lúðvíka eða Lúlla eins og
hún var ávallt kölluð, lést fyrir ald-
ur fram 15. ágúst 1977.
Þau Leifur og Lúlla hófu sinn
búskap á Raufarhöfn og byggðu
sér þar hús sem bar heitið Harðang-
ur. Þar bjuggu þau til ársins 1958
er þau fluttu í Faxatún 14 í
Garðabæ.
Á Raufarhöfn tók Leifur virkan
þátt í öllu félagsmálastarfi og var
einn af þeim athafnamönnum sem
mótuðu Raufarhöfn á uppgangs-
árum þess staðar. M.a-. var hann
oddviti hreppsins í 8 ár eða frá
1950 til 1958. Þá var hann í stjóm
hraðfrystihússins Frosta hf. frá
stofnun. Hann var einn af stofnend-
um Sparisjóðs Raufarhafnar og sat
í stjóm hans frá 1940 eða frá upp-
hafí og þar af sem formaður frá
1950. Formaður skólanefndar
1936—1943 og sýslunefndarmaður
Presthólahrepps og Raufarhafnar-
hrepps í mörg ár.
I þessum trúnaðarstörfum reyndi
mikið á framsýni og framtakssemi
Leifs og á hann þakkir skildar fyr-
ir sinn þátt í uppbyggingu Raufar-
hafnar.
Leifur hefur ætíð haft mikinn
áhuga fyrir málefnum ungs fólks.
Hann var um tíma formaður UMF
Austra á Raufarhöfn og stofnaði
unglingaskóla þar. Leifur gekkst
fyrir byggingu sundlaugar á Rauf-
arhöfn með skátadrengjum og
kenndi þar sund í 14 ár. Sundlaug-
in var upphituð með gufu frá
Síldarverksmiðjunni enda laugin á
lóð verksmiðjunnar.
Ein fyrsta minning mín af Leifí
er einmitt frá þeim tíma. Ég man
eftir honum þar sem hann stóð á
laugarbakkanum, með heljarinnar
bambusstöng og sagði krökkunum
til.
Það var annars ekki ætlun mín
að rekja æviferil Leifs enda ofverk
mitt á allan máta. Miklu fremur
vildi ég minnast á nokkur önnur
atriði og þakka Leifí fyrir skemmti-
legar samverustundir á lífsleiðinni
sem að sjálfsögðu hafa verið of fáar.
Allt frá fyrstu tíð hefur Leifur
verið okkur Miðtúnsbræðrum mikill
frændi. Á Raufarhöfn tók hann á
móti okkur sem slíkur og sömu
sögu er að segja héðan að sunnan.
Það er annar svo eins og allir
vita að nú á dögum gefst of lítill
tími til að heimsækja ættingjana
og langt er á milli þeirra stunda
sem ég hitti Leif. Samt sem áður
eru þær stundir ánægjulegar og
ætíð fylgja heitstrengingar af minni
hálfu um að gera betur.
Leifur er ávallt hress á slíkum
fundum og reynir jafnan kraftana
hjá manni. Fyrst voru það glímutök-
in en nú er það handtakið sem hann
prófar. Handtak Leifs er fast og
eins gott að vera viðbúinn ef ekki
á að kveinka sér undan því. Þá
segir Leifur manni gjaman sögur
af Sléttunni og fólkinu þar fyrr á
tímum. Ég man að eitt sinn er ég
gisti hjá þeim Lúllu og Leifí í Garða-
bænum spjallaði Leifur við mig
fram eftir nóttu. Lúlla var löngu
sofnuð en hann langt frá því að
vera syfjulegur. Þannig gekk fram
undir morgun, þá bauð hann gestin-
um góða nótt. Varla var ég sofnaður
þegar Lúlla frænka mín kom, að
mér fannst fyrir allar aldir, og bauð
góðan dag og nýbakaðar kökur, og
spjall um Sléttuna hófst að nýju.
Leifur er ágætlega hagmæltur
og oft leitar hann fanga til þeirra
hluta norður á Sléttu.
Fyrir nokkmm árum barst hon-
um í hendur sæsorfínn steinn
norðan af Rifstanga. Um þann stein
orti Leifur:
Upprunanum aldrei gleymi
er sem hlýir geislar streymi
köldu, gráu gijóti frá.
Oft um vor í unaðs heimi
undradýrð þar mesta sá.
Eitt sinn sagði Leifur mér að
hann færi aldrei að sofa fyrr en
hann hefði heyrt veðurfregnimar
kl. 1.00 til þess að vita hvemig
veður væri fyrir norðan. Já, Sléttan
er Leifí kær og frændur hans þar.
Eftir að þau Lúlla og Leifur fluttu
í Garðabæinn hélt Leifur áfram
kennslu en hafði síðar umsjón með
bókasafni skólans. Þau ár annaðist
Lúlla kaffið fyrir kennarana ásamt
að vera virk í mörgum félagssam-
tökum.
Andlát Lúllu var mjög þungt
áfallt fyrir Leif enda var hún hans
stoð og stytta gegnum árin. Hún
var ekki síður gestrisin en hann og
hvarvetna hrókur alls fagnaðar.
Böm þeirra Leifs og Lúllu eru
4, Eysteinn, Rannveig, Ingibjörg
og Erlingur.
Nú býr Leifur í Fannborg 1 í
Kópavogi.
Honum ásamt fjölskyldu hans
færi ég mínar bestu kveðjur í til-
efni dagsins og vona að ég megi
enn um langa hríð fínna sterkt
handtak frænda míns.
Að lokum vil ég birta eina vísuna
enn eftir afmælisbarnið sem hann
orti fyrir nokkrum mánuðum:
Aukið göfgar ættir við,
örvið frændræknina.
Allra heilla ég þeim bið,
sem efla mannkostina.
Lifðu heill, kæri frændi.
Níels Árni Lund
Landsbankahlaupið í
Keflavík og Njarðvík
Keflavfk.
UNGA kynsióðin í Keflavík og
Njarðvík kepptu sameiginlega
í Landsbankahlaupinu. Hlaupið
hófst á íþróttavellinum í
Njarðvík og því lauk við Myllu-
bakkaskóla í Keflavík og var
ágæt þátttaka.
Keppendur hlupu rúman kíló-
metra og var keppt í tveim
aldursflokkum stúlkna og
drengja. Adolf Sveinsson sigraði
í eldri drengjaflokki, Hermann
Helgason varð annar og Eysteinn
Skarphéðinsson varð þriðji. í eldri
flokki stúlkna sigraði Jóna
Ágústsdóttir, Sesselja Ómarsdótt-
ir varð önnur og Sunneva Sigurð-
ardóttir varð þriðja. í yngri flokki
drengja sigraði Hákon Ó. Hákon-
arson, Þórólfur Þórisson varð
annar og Páll Kristinsson varð
þriðji. í yngri stúlknaflokki sigraði
Berglind Sigurþórsdóttir, Eva
Lára Hauksdóttir varð önnur og
í þriðja sæti varð María Skúladótt-
ir.
- BB
Morgunblaðifl/Bjöm Blöndal
Keppendur í Landsbankahlaupinu í Keflavík og Njarðvík fyrir fram-
an Myllubakkaskóla í Keflavik að loknu hlaupi.
Þessir ungu piltar sem eru allir frá Álftanesi söfnuðu 1340 krónum
og færðu Reykjavíkurdeild Rauða kross íslands peningana að gjöf.
Þeir heita, talið frá vinstri: Davíð Klemensson Hvammi, Snæbjörn
TryKgfvi Ólafsson Yindási, Hafþór Kristjánsson og Guðmundur Arin-
björn Kristjánsson Miðskógum 14.
Treystirðu annarri filmu
fyrir dýrmœtu
minningunum þínum?
Ferskar dögum
saman -enda i
loftskiptum__
umbúöum.
Mjólkursamsalan
HÁÞRÝSTI-
VÖKVAKERFI
SérhæfÓ þjónusta.
AÓstoÓum vió val
og uppsetningu
hvers konar
háþrýstibúnaóar.
Vökvamótorar
K ______ A
= HEÐINN =
VÉLAVERZLUN-SIMI. 24260
LAGER-SÉRPANTANIR-ÞJÓNUSTA
V^terkurog
k/ hagkvæmur
auglýsingamiðill!