Morgunblaðið - 28.07.1987, Blaðsíða 24

Morgunblaðið - 28.07.1987, Blaðsíða 24
24 MORGUNBLAÐIÐ, ÞRIÐJUDAGUR 28. JÚLÍ 1987 Filippseyjar: Þingræði endurreist eftir fímmtán ára hlé Manilu, Reuter. STJÓRN með forsetatílskipun- um lauk á Filippseyjum í gœr þegar Corazon Aquino, forseti eyjanna, settí þing landsins, hið fyrsta þjóðkjörna í 15 ár. Með setningunni hefur frú Aquino uppfyllt loforð sitt um endur- reisn lýðræðis á eyjaklasanum, en því hét hún fyrir 17 mánuð- um, þegar hún Jcomst tíl valda í blóðsúthellingalausri byltíngu. „Lýðræðisöflin hafa nú endur- heimt þennan helgidóm frelsisins," sagði Jovito Salonga, forseti öld- ungadeildarinnar, í tilfinningarikri ræðu sinni í þinghúsinu, sem Marcos, fyrrverandi forseti, lét loka með lási og slá þegar hann lýsti yfir gildistöku herlaga árið 1972. Marcos aflétti lögunum árið 1981 og vann forsetakosningar sama ár. Arið 1984 setti hann þingið á ný, en völd þess voru takmörkuð við vilja Marcosar þar sem dagskrá þingfunda var háð samþykki hans. Salonga og Ramon Mitra, sem báðir voru pólitískir fangar i valda- tíð Marcosar, voru kjörnir forsetar þingdeildanna tveggja — öldunga- deildar og fulltrúadeildar — en stjórnskipun á Filippseyjum var upphaflega sniðin eftir hinni banda- rísku. „Við erum staðráðnir í því að byggja [réttlátt þjóðfélag] á rústum hinnar spilltu harðstiórnar," sagði Salonga öldungadeildinni og var góður rómur gerður að máli hans. Stjórnarflokkur Aquino, Þjóðar- aflið, er með drjúgan meirihluta í báðum deildum, en allir þingmenn stjórnarandstöðunnar utan einn kusu að sverja ekki embættiseið. Óttast var að stuðningsmenn Marcosar kynnu að vera með róstur við þingsetninguna, en svo fór þó ekki, en vinstrisinnar mótmæltu þeirra í stað. Til mótvægis komu um 200 fylgismenn frú Aquino sam- an fyrir utan þinghúsið og fögnuðu ákaft. Nokkur tvísýna er annars í inn- anlandsmálum Filippseyja. Annars vegar vegna sjálfstæðisbaráttu múslima og hins vegar vegna skæruhernaðar kommúnista. Aquino hefur gefist upp á að reyna að friðmælast við kommúnista og stofnaði nýverið svokallaðar al- þýðuhersveitir til þess að berjast gegn þeim. Ennfremur hafa sátta- tilraunir við múslimi runnið út í sandinn í bili, þar sem leiðtogar þeirra vildu ekki sætta sig við boð Aquino um takmarkaða sjálfstjórn. Reuter Forsetar þingdeildanna, Jovito Salonga og Ramon Mitra, stóðu ásamt öðrum þingmöhnum upp til þess að hylla frú Corazon Aquino við þinsetninguna í gær. Tveir fyrrum varnarmálaráðherrar Frakklands: Vilja niflteindasprengjur í V-Þýskalandi Vestur-BerUn, Reuter. TVEIR fyrrum varnarmálaráð- berrar Frakklands sögðu í gær, að Frakkar ættu að koma fyrir nifteindasprengjum í Vestur- Þýskalandi og styrkja þannig varnir beggja þjóðanna gegn Sovétríkjunum. Charles Hernu, varnarmálaráð- herra í ríkisstjórn Sósíalistaflokks- ins og Francois Mitterrands, sagði i viðtali við Vestur-Berlínarblaðið Tageszeitung, að öryggi þjóðanna yrði best tryggt með því, að Frakk- ar settu hluta af eldflaugum sínum upp í Vestur-Þýskalandi. Frakkar eiga 44 Pluton-eldflaug- ar, sem draga 120 km, en eru nú að endurnýja eldflaugavarnirnar með Hades-flaugunum, sem eru miklu fullkomnari og geta hitt skot- mörk í allt að 350 km fjarlægð. Þær geta borið nifteindasprengjur. Sagði Hernu, að eitt mikilvæg- asta verkefni næsta forseta í Frakklandi væri að semja við Vest- ur-Þjóðverja um þessi vopn. „Ég tel það nauðsynlegt, að Hades-flaug- unum, búnum nifteindasprengjum, verði komið fyrir á vestur-þýsku landi," sagði Hernu og Pierre Mes- smer, fyrrum varnarmálaráðherra og frammámaður í flokki Jacques Chirac, forsætisráðherra, hefur tek- ið undir þau orð. Eyðingarmáttur nifteinda- sprengna felst ekki i sprengikraftin- um, heldur í geisluninni, sem drepur allt, sem lffsanda dregur, en lætur byggingar og búnað ósnert. Frakkar og Vestur-Þjóðverjar hafa mikinn hug á að auka hernað- arlegt samstarf sín í milli og er nú verið að koma á fót sameiginlegri herdeild. Andlát Malcolms Baldrige: Helsti höfiindur viðskipta- stefiiu Bandaríkjanna allur Frá J6ni Ásgeiri Sigurðssyni, fréttaritara Morgunblaðsins i Bandarugunum Sviplegt fráfall Malcolms Baldrige viðskiptaráðherra setur ríkisstíórn Ronalds Reagan í tals- verðan vanda. Baldríge var helstí talsmaður skeleggari afstöðu ríkisstíórnarinnar tíl ósann- gjarnra viðskiptahátta þjóða, sem taldar eru tíl bandamanna Bandaríkjamanna og hann vildi ráða niðurlögum gífurlegs við- skiptahalla Bandaríkjanna með auknum útflutningi, meðal ann- ars tíl Kína og Sovétríkjanna. Um þessar mundir takast Banda- ríkjaþing og forsetaembættíð á um mikilvægt frumvarp tíl við- skiptalaga, og torveldar fráfall Baldrige að Reagan nái að afla sjónarmiðum stjórnar sinnar fylgis. Malcolm Baldrige lést af slys- fórum síðastliðinn laugardag, þegar reiðhestur hans féll aftur fyrir sig og varð Baldridge undir honum. Hjarta hans hætti að slá um hríð, en það tókst að lífga hann við. Nokkru síðar lést Baldrige á skurð- borðinu á sjúkrahúsi i Norður- Kaliforníu, vegna mikilla blæðinga í kviðarholinu öllu. Viðhorf Malcolms Baldrige áttu vinsældum að fagna á Bandaríkja- þingi, en ríkisstjórnin reynir um þessar mundir að fá felld ýmis haftaákvæði úr frumvarpi til við- skiptalaga, sem báðar deildir þingsins hafa nýlega afgreitt fyrir sfna hönd. Dauði ráðherrans gerir ríkisstjórninni erfiðara fyrir að ná fram þeim lagabreytingum sem hún óskar eftir. Baldrige þótti raunsær talsmaður viðskiptafrelsis og helsti hvatamað- ur harðandi afstöðu rikisstjórnar * ¦ AP Baldridge féll af baki þegar hesturinn hrasaði og varð síðan undir honum. Hann lést síðar af inn- vortís meiðslum á sjúkrahúsi í Kaliforníu. Reagans í viðskiptum við Japan og önnur erlend ríki. Kunnugir segja að hann hafi breytt viðskiptaráðu- neytinu úr annarsflokks opinberri skrifstofu í áhrifamikla og ábyrga stjórnarstofnun. Baldrige var einn áhrifamesti viðskiptaráðherra Bandaríkjanna frá því að Herbert Hoover gegndi þvf embætti, en Hoover fór reyndar úr því ráðu- neyti í forsetastól árið 1928. Þeim sem hafa boðið sig fram til forseta- embættis hefur orðið tíðrætt um viðskiptamálin að undanförnu. Stuðningsmaður GeorgeBush Malcolm Baldrige var forstjóri Scovill fyrirtækisins í Connecticut- fylki áður en hann tók við ráð- herraembætti. Hann stjórnaði kosningaskrifstofu George Bush varaforseta í Connecticut fyrir kosningarnar árið 1980. Getgátur voru uppi um að Bush mundi gera Baldrige að fjármálaráðherra ef hann næði forsetakjöri árið 1988. „Mac Baldrige var einstakur sóma- maður og ráðvandur embættismað- ur," sagði Bush varaforseti eftir að fregnaðist af slysinu. "Hann var mikill heiðursmaður og fastur fyrir í öllum málum." Ronald Reagan þekkti Baldrige lítið árið 1980 og valdi hann til að gegna ráðherraembætti vegna með- mæla George Bush. En með forset- anum og viðskiptaráðherra tókst fljótlega vinskapur, ekki síst vegna sameiginlegs áhuga á hesta- mennsku. Þegar Reagan lét hringja í Baldrige árið 1980 og ætlaði að bjóða honum ráðherrastól, svaraði Midge kona Malcolms í símann og sagði að hann kæmist ekki í símann þar sem hann væri upptekinn. Þeg- ar spurt var við hvað hann væri upptekinn, var svarið það að hann væri í útreiðartúr. Reagan skellti sér á lær þegar hann frétti af þessu svari og sagði: „Þetta er maður að mínu skapi." Þeir fóru síðar saman í reiðtúra. Malcolm Baldrige fæddist í Oma- ha i Nebraskafylki árið 1922 og var því 64 ára þegar hann lést. Hann útskrifaðist í ensku frá Yale-háskól- anum í New Haven eftir síðari heimsstyrjöldina og skrifaði lokarit- gerð um breska miðaldaskáldið Geoffrey Chaucer. Hann starfaði sem járniðnaðarmaður hjá verk- smiðju í Cleveland og varð þar forstjóri 13 árum síðar. Árið 1962 var hann ráðinn sem forstjóri Sco- vill verksmiðjanna, sem seldu ýmsar framleiðsluvörur fyrir um milljarð dollara, er Baldrige tók við ráð- herraembætti í ríkisstjórn Reagans. Baldrige var reyndur hestamaður og fær kúreki, hann tók oft þátt í kúrekamótum á yngri árum og hélt þeim hætti á ráðherratima sínum. Sanngírni í viðskíptum Baldrige var helsti talsmaður harðnandi afstöðu Bandaríkjanna til ríkja sem urðu uppvís að ósann- gjörnum viðskiptaháttum, eins og þegar deila spannst milli Japans og Bandaríkjanna útaf örtölvusðlu. Japanir viku frá samkomulagi um verðlag á örtölvum, með þeim af- leiðingum að Bandaríkin settu innflutningsgjöld á valdar japan- skar vörutegundir. Þegar Baldrige færði það fyrst í mál við forsetann að taka þyrfti af meiri hörku á slíku framferði bandalagsþjóða, efaðist Reagan um skynsemi þess, þar eð aðrir ráð- herrar lögðust gegn slíkri „við- skiptahafta"-stefhu. En margir bandarískir framleiðendur höfðu komið að máli við Baldrige og kvartað yfir ósanngirni eriendra aðila. Þrálátur viðskiptahalli -ttr
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.