Morgunblaðið - 28.07.1987, Blaðsíða 26

Morgunblaðið - 28.07.1987, Blaðsíða 26
26 MORGUNBLAÐIÐ, ÞRIÐJUDAGUR 28. JÚLÍ 1987 Bretland: Útgáfu London Daily News hætt St. AndrewB. Frá Guðmundi Heiðari FrímannsByni, fréttaritára Morgunblaðsins. DAGBLAÐID London Daily News, sem var í eigu blaðakóngsins Robert Maxwell og- hóf göngu sína 24. febrúar síðastliðinn, lagði upp laupana á föstudaginn var. Talið er, að Maxwell hafi tapað á milli 40 og 50 milljónum punda (2,5-3 milljörðum ísl. kr.) á ævintýrinu. Robert Maxwell sagði, að þetta nýja blað, það eina sem hann hefur átt frumkvæðið að, hefði ekki selst nógu vel, þar sem það hefði ekki náð 100.000 eintökum í sölu. Lág- markið eftir hálft ár átti að verða 200.000 eintök á dag. Fyrirsjáan- legt hefði verið, að það næði aldrei að rétta úr kútnum, og þess vegna hefði hann ákveðið að hætta útgáf- unni. Allri ritstjórninni var tiikynnt að koma á fund með Maxwell rúmlega tólf á föstudag, og áttu allir von á, að eigandinn ætlaði að stappa stálinu í sina menn. En Maxwell tilkynnti þeim þess í stað, að frá og með þeim degi yrði útgáfunni hætt. Upphaflega ætlaði Maxwell að gera London Daily News að síðdeg- isblaði í Lundúnaborg til að keppa við Evening Standard. En síðar ákvað hann, að þetta yrði blað, sem kæmi bæði út á morgnana og síðdegis. Sú ákvörðun kom mörgum á óvart, því að þau blöð, sem þann- ig eru rekin í Bandaríkjunum, hvíla ekki á fjárhagslega sterkum grunni. Viðbótar-morgunútgáfa jók undir- búningskostnaðinn við blaðið um 60%. Sama dag og London Daily News kom út í fyrsta sinn, endur- vakti Rothermere lávarður, eigandi Evening Standard, gamalt blað sitt, London Evening News. Það var selt á 15 penee, en London Daily News á 20 pence. Maxwell lækkaði blað sitt í 10 pence og sagði, að blaðsölumenn þyrftu ekki að skila neinu fé til blaðsins. Mikil átök fylgdu í kjölfar þessa á síðdegis- blaðamarkaði Lundúnaborgar. Þeim átökum lauk svo með fullum ósigri Roberts Maxwells síðastliðinn föstudag. Margar ástæður eru taldar liggja til þessa ósigurs Maxwells. Markað- ur fyrir síðdegisblöð í Lundúnum er staðnaður, og það er erfitt að fara inn á markað, sem ekki er í vexti. London Daily News réðst inn á markað, sem gamalgróið blað hafði, í stað þess að finna eigin markað. Maxwell ætlaði að hefja útgáfuna í nóvember, en blaðið kom ekki út fyrr en í febrúar, og gaf það keppinautum hans meira ráð- rúm til að láta sér detta i hug mótleik. Til að bæta gráu ofan á svart ákvað Maxwell að fara í stríð við London Evening News, sem ruglaði einungis blaðakaupendur og hafði þau áhrif, að þeir héldu sig áfram við sitt gamla blað. íbúar í Seoul óðu vatnið f kné eftir gifurlegar rigningar, 22 sm úrkomu á einni nóttu. Vitað er, að 80 manns hafa farist og 12 er enn saknað. Suður-Kórea: Tugir manna far- ast í miklum flóðum Seoul, Reuter. ÓTTAST er, að 90-100 manns hafi látið lffið í miklum flóðum og aurskriðum, sem urðu í gser í Seoul, höfuðborg Suður-Kóreu. 20.000 manns flýðu heimili sín enda eru lægstu borgarhlutarnir í Seoul og næsta nágrenni undir vatni. Flóðin hafa valdið skemmdum eða eyðilagt rúmlega 4000 hús í Seoul og aurskriðurnar hafa slitið Tvö stórslys í Brasilíu Rio de Janeiro, Reuter. AÐ MINNSTA kosti fímmtíu og tveir létust og tuttugu slösuðust er tvær hópferðabifreiðar rákust saman á hraðbraut í Suðaustur- Brasilíu í fyrrinótt. Þetta er annað stórslysið, sem verður á þjóðvegum Brasilíu á tveimur dögum. Slysið átti sér stað skammt frá Belo Horizonte, höfuðborg fylgisins Minas Gerais. Önnur bifreiðin fór yfir á rangan vegarhelming og skall á hinni á miklum hraða. Aðkoman var hrikaleg að sögn sjónarvotta, og einn þeirra sagði: „ Vegurinn leit út eins og vígvöllur, lík manna, kvenna og barna voru dreifð út um allt. Þetta var hræðilegt." Á aðfaranótt laugardags létust 28 manns, þar af 16 börn, er of- hlaðin fólksflutningabifreið hrapaði um 90 metra niður í árgil náiægt bænum Barra do Sao Fransisco. 64 slösuðust. sundur síma- og rafmagnsstrengi og marga vegi út úr borginni. Han- fljótið, sem rennur í gegnum borgina, fiæddi yfir bakka sína enda var rigningin á aðeins einni nóttu hvorki meiri né minni en 22 sm. Björgunarmenn hafa fundið lík 80 manna og 12 er enn saknað. Chun Doo Hwan, forseti Suður- Kóreu, fór um flóðasvæðin í gær og skoraði hann á embættis- og lögreglumenn að gera allt, sem í þeirra valdi stæði, til að hjálpa þeim, sem eiga um sárt að binda. Skipaði hann einnig varaliði hersins að taka þátt í björgunar- og endurreisnar- starfinu. Þetta er í þriðja sinn á einum mánuði, að mikil flóð verða í Suður-Kóreu. Fellibylurinn Thelma olli dauða 335 manna fyrir hálfum mánuði og í síðustu viku fórust 158 í flóðum um mitt landið. Taiwan: Erfrelsið kvíðvænlegt? Jóhanna Kristjónsdóttir skrifar frá höhiðborginni Taipei. „VAR íslensk kona að spyrja um lýðræði hér?" Svo hölluðu þeir Chin og Lin sér aftur á bak og skríktu svo hamslaust að ég hélt helst að froskalappirnar, sem voru réttur númer ca. sex, myndu standa í þeim. __, „Þeir eru sniðugir hér," sagði Lin og brosti enn. „Þeir afnema herlög eftir 38 ár. Þá halda allir í útlöndum að Taiwan sé að verða lýðræðisríki. En þeir setja örygg- islög í staðinn og þau eru ósköp svipuð ef út í það er farið. Hvað sem nú líður staðhæfing- um þeirra félaga má merkja breytingar. Þessa daga, sem ég hef verið hér á Taiwan, hafa ver- ið boðaðar ótrúlega margar . Innan skamms geta Taiwanar til dæmis fengið að nota kreditkort og það sem meira er, þeir mega kaupa sér báta — að ýmsum skil- yrðum uppfylltum þó. Hingað til hefur það verið óhugsandi; hvað nú ef þeir notuðu bátinn til að sigja til Rauða Kína? í morgun var leiðari í China Post þar sem vegnir voru kostir þess og gallar að Taiwanar færu utan til náms. Niðurstaðan var sú að kostirnir væru fleiri, þó að ekki yrði horft fram hjá þeirri staðreynd að einstaka menn létu kannski fallerast og færu að halda að annars staðar væri betra en hér og færu að halda að annars staðar væri betra en hér. En sem sagt — að uppfylltum vissum skil- yrðum mætti taka þetta til athugunar. Þetta sætir meiri tíðindum en í fljótu bragði mætti ætla því að nær algert bann við því að fara úr landi hefur gilt í 38 ár. Að undanskildum æðstu embættis- mönnum, vel vernduðum íþrótta- mönnum og stöku öðrum. Fyrstu áhrifin er komið er til Taiwan — þessarar fallegu eyjar rétt undan ströndum Kína — eru einfaldlega þau að maður fellur í stafi. Hér er lifað og látið eins og Taiwan sé hið eina sanna Kína, uppi á meginlandinu hafi fáeinir úrgir kommúnistar hrifsað land- skika og ráðskast með hann eins og ekkert sé sjálfsagðara. Á meg- inlandinu er fólkið kúgað og ofsótt og það býr við kröpp kjör og of- beldi í hvívetna. Á meðan blómstr- ar „Lyðveldið Kína", hið eina og sanna sem hetjan Chiang Kai Chek sálugi fór með hingað undan byssukjöftum kommúnista. Að- eins tímabundið, eins og Taipei er höfuðborg „kínverska lýðveld- isins tfmabundið, er líka bara tímaspursmál, hvenær þjóðernis- Götumynd frá Taipei sinnar og föðurlandsvinir á meginlandinu hrista af sér ok kommúnista og sameinast hinum frelsisunnandi bræðrum á Taiw- an. Þessi tilfinning ákveðins óraun- veruleika varir þó ekki lengi. Hér búa 20 milljónir sem á þessum 38 árum hafa byggt upp háþróað framleiðsluþjóðfélag. Og ekki er náttúruauðlindunum fyrir að fara — hér er engin olía eða neitt það sem getur breytt lífinu í lúxus með fáeinum handasveifium. Þetta fólk hefur byggt þjóðfélag með þvi að strita í sveita síns andlitis í 38 ár, og gerir enn. Sú fádæma iðju- og vinnusemi sem að baki liggur er verð allrar virð- ingar og umhugsunar. Þess vegna er heldur ekki hægt að áfgreiða Taiwan sem eitthvert skondið platríki sem hefur það að helstu hugsjón að berjast gegn kommún- istum. í upphafi, það er árið 1949, var kannski ekki hugað að ýkja mörgu öðru. Nú eftir 38 ára til- veru byggist lífið ekki lengur á hugsjónum gegn meginlandi Kína heldur á því að reyna að horfast í augu við veruleika sem Chiang Kai Chek hefði ugglaust kallað landráð en felst einfaldlega í því að þetta þjóðfélag er að færast í annan jarðveg og hefur sannað rétt sinn sem slíkt. Með nýrri kynslóð og kynslóðum sem sætta sig ekki við heilaþvott eldri kyn- slóðarinnar. Taiwanar eru glaðsinna og brosmildir. Samt veit ég ekki svo glöggt hversu glaðir þeir eru í alvöru. I upplýsingabókum er miklu plássi eytt til að lýsa taum- lausri hamingju þeirra. Þeir brosa, þeir lyfta á sér munnvikjunum og skríkja. En ég er ekki viss um augun. Svo finnur maður líka kvíðann þrátt fyrir fágað yfirborð. Kvíða, sem m.a. sprettur af því sem er að gerast í Hong Kong og Macau, kínverskum landsvæðum undir yfirráðum Breta og Portúgala, sem eiga að renna undir hið „skelfilega meginland" fyrir lok aldarinnar. Hér hefði enginn trúað því fyrir fáeinum árum að þetta gæti gerst. Og hvar stendur „kínverska lýðveldið" þá? Smátt og smátt hafa fyrrverandi vina- þjóðir með Bandaríkin í broddi fylkingar látið ginnast af tali vondra kommúnista. Þannig að Taiwan er ekki lengur fulltrúi Kína og hefur aðeins stjórnmála- samband við fáeinar þjóðir í Afríku. Allt þetta er reynt að skýra í opinberum plöggum, sem elskulegir starfsmenn utanríkis- ráðuneytisins hafa fært mér í tonnatali. En einhvern veginn fær maður samt undrafljótt á tilfinn- inguna að þeir trúi ekki sjálfir þessum hástemmdu skýringum. Og að þeir séu hræddir og viti ekki lengur hvað snýr upp og hvað snýr niður. Það sem var hvítt árið 1949 og svart árið 1949 er kannski öðru vísi á litinn núna þegar öil kurl koma til grafar. Getur verið að málin hafi flækst? Eða tíminn hafí liðið og breytt þessari mynd? Hlutföllin hafa greinilega raskast en þá er spurn- ingin hvaða litir eru komnir í staðinn. „Nei", sögðu þeir Schiu og Lin og skríktu glaðlega, sem við höfð- um lokið tíunda réttinum og skáluðum í kínversku hrísgrjónavíni. „Synir Chiangs Ching Kuo munu alls ekki taka við. Hann gat tekið við af föður sínum Chang Kai Chek af því að hann var svo klár maður. Chiang Ching Kuo á þrjá syni. og þeir eru svo vitlausir að það dytti eng- um í hug að láta þá taka við." Svo hölluðu þeir sér aftur í stól- unum, teygðu munnvikin upp að eyrum og sögðu glaðlega: „Þú ferð vonandi ekki að birta nöfnin okkar í islenska blaðinu, þá mætti halda að við værum ekki hamingj- usamir."
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.