Morgunblaðið - 07.10.1987, Síða 26

26
MORGUNBLAÐIÐ, MIÐVIKUDAGUR 7. OKTÓBER 1987
* *
Heimsókn forseta Islands til Italíu
Morgunblaðið/Emilía Björg Bjömsdóttir
Vig-dís Finnbogadóttir tekur við bronsstyttu af tákni Rómar úr hendi borgarstjórans.
Frá vinstri Andreotti utanríkisráðherra Ítalíu, Goria forsætisráðherra, Vigdís Finn-
bogadóttir forseti íslands, túlkur og Steingrímur Hermannsson utanríkisráðherra á
fundi í Villa Madama.
HALLIR OKKAR
ERUBÆKUR
- sagði Vigdís Finnbogadóttir forseti ís-
lands í ræðu í boði borgarstjóra Rómar
Róm, frá Kristinu Gunnarsdóttur blaðaman
Á ÖÐRUM degi opinberrar heim-
sóknar forseta íslands Vigdísar
Finnbogadóttur til Ítalíu lagði
forsetinn blómsveig á gröf
óþekkta hermannsins við minnis-
merki um Viktor Emmanuel
fyrsta konung ítala. Að því loknu
tók borgarstjóri Rómar á móti
forsetanum og fylgdarliði, en að
fundi þeirra loknum var haldið
til San Michele hallar og fylgst
með hvernig viðgerð á gömlum
listaverkum fer fram. Síðdegis
heimsótti forseti íslands Selenia
hátækniverksmiðjumar.
Steingrímur Hermannsson ut-
anríkisráðherra átti fund með
Andre'Æti utanríkisráðherra Ítalíu
um I .ádegisbilið í gær og komu
Vigdís Finnbogadóttir og Goria for-
i Morgunblaðsins
sætisráðherra Ítalíu síðar til
fundarins.
í móttöku Nicola Signorello borg-
arstjóra Rómar í Campidodlio lýsti
hann ánægju með komu forseta
íslands til Rómar og minntist írskra
munka sem sögur segja að fundið
hafi ísland, ysta land Evrópu í
vestri. Hann vék síðan að efnahags-
málum þjóðanna sem hann taldi
eiga sér nokkra hliðstæðu á síðustu
árum.
í lok ræðu sinnar minnti hann á
að nafn Reykjavíkur tengdist æ
oftar friði í hugum lýðræðisþjóða
eftir leiðtogafundinn sem þar var
haldinn. Hann færði síðan forseta
íslands tákn Rómar að gjöf, brons-
styttu af úlfynjunni ásamt tvíburun-
um Romulus og Remus, sem sagan
segir að Róm reki uppruna sinn til.
Vigdís Finnbogadóttir sagði í ræðu
sinni að hjá sumum þjóðum væri
saga þjóðarinnar saga borgarinnar
og ætti það við um Róm. Róm-
verjum bæri að þakka að norrænar
þjóðir þekktu forfeður sína. Hún
sagði að tengsl við fortíðina og ít-
ali hefðu verið endumýjuð og að
ítalskir vísindamenn hefðu enn á
ný hafist handa við rannsókn á ís-
lendingasögunum, en ákveðið hefur
verið að efna til ráðstefnu á Ítalíu
að ári um íslensk fræði. Vigdís
færði síðan borgarstjóra Rómar
ljósprentaða útgáfu af æHelga-
staðabók að gjöf með þeim orðum
að „hallir okkar eru bækur".
í gærkvöldi hélt forseti íslands
forseta Ítalíu veislu á Grand Hotel
f Róm, en hinni opinberri heimsókn
lauk í morgun þegar forsetinn hélt
ásamt fylgdarliði til Sikileyjar í
boði ítalska forsetans.
Vigdís Finnbogadóttir ásamt Giovanni Goria er þau koma til fundar
í Villa Madama í gær.
Forsetinn lagði blómsveig á gröf óþekkta hermannsins.
mmn
Söngur er hollasta tóm-
stundaiðja mannsins
- segir Ingólfur
Guðbrandsson,
sem er að hefja
15. starfsár Kór-
skóla Pólýf ón-
kórsins
„Til að mynda réttan og hljóm-
fagran tón þarf ákveðna sam-
stillingu sálar og líkama. Söngur
er fyrst og fremst tjáning og nái
söngurinn fullkomnun, hefur sú
tjáning mikið listrænt gildi, jafn-
framt þvi sem hún bætir ástand
Iíkama og sálar. Þess vegna tel
ég að söngurinn sé hollasta tóm-
stundaiðja mannsins,“ sagði
Ingólfur Guðbrandsson, stjóm-
andi Pólýfónkórsins, en í næstu
viku hefst 15. starfsár Kórskól-
ans, sem Ingólfur hefur veitt
forstöðu frá upphafi. Af því til-
efni ræddi Morgunblaðið við
Ingólf um starfsemi skólans og
sönginn sem tjáningarform og
tómstundaiðju.
„Ég sannfærist meir og meir um
hollustu þess að iðka söng eftir
réttri fyrirmynd. Það hefur í för
með sér vissa andlega einbeitingu
samfara djúpri öndun, sem er án
efa meginundirstaða góðrar heilsu,"
sagði Ingólfur er hann var spurður
nánar út í þessa kenningu um
tengslin milli söngs og andlegs og
líkamlegs heilbrigðis. „Rétt, djúp
öndun örvar alla innri líffærastarf-
semi. Sál og líkami verður eitt í
söngnum. Góður söngur vekur vel-
líðan og öll góð tónlist er eins og
andlegt smyrsl fyrir þann sem iðkar
hana og nýtur. Engin tilfínning
jafnast á við þá gleði sem góður
söngur veitir.
Mér finnst reynsla mín öll benda
til þess, að með flestu fólki blundi
rík löngun til að syngja. Lands-
þekktur maður sagði eitt sinn í
viðtali: „Ef ég ætti mér eina ósk,
myndi ég óska þess að geta sung-
ið.“ — Allt of margir byrgja með
sér þessa löngun og bæla söng-
hvötina, nema þá helst undir
áhrifum áfengis, sem yfirleitt leiðir
ekki til farsæls árangurs. í þessum
orðum mínum felst hins vegar
hvatning til fólks að reyna.
Eins og kunnugt er eigum við
íslendingar heimsmet á öllum svið-
um miðað við höfðatölu. Það er
ótrúlegt hvað leynist hér mikið af
listrænum hæfileikum og ég er
sannfærður um að fjöldi fólks geng-
ur í gegn um lífið án þess að gera
sér grein fyrir að ef til vill er það
gætt frábærri söngrödd, sem aldrei
kemur fram í dagsljósið vegna þess
að tækifæri eða uppörvun vantaði.
Ég tel að í starfi mínu með Pólýfón-
kómum og Kórskóla hans hafí ég
fundið allmargar slíkar raddir."
Gott tóneyra eina inn-
tökuskilyrðið
Ingólfur var spurður hvaða hlut-
verki Kórskólinn gegndi í starfí
Pólýfónkóreins og hvort einhver
sérstök skilyrði væru sett fyrir inn-
göngu ( skólann:
„Kórskólinn hefur nú verið starf-
ræktur á annan áratug og frá
upphafí hefur hann verið eins konar
stökkpallur fyrir fjölda fólks til að
Morgunblaðið/RAX
Ingólfur Guðbrandsson, stjómandi Pólýfónkórsins og Kórskólans.