Morgunblaðið - 31.12.1987, Síða 9
MORGUNBLAÐIÐ, FIMMTUDAGUR 31. DESEMBER 1987
9
HUGVEKJA
Að kveðja
og heilsa
eftir séra HALLDÓR GUNNARSSON
■■ Gamlársdagur
Lk. 2; 25.-39.
Áramót hafa alltaf verið upp-
gjörsstund. Árið 1987 kveður
og nýtt ár 1988 heilsar. Á þess-
um tímamótum lítum við til hins
liðna árs og reynum gjarnan
að gera okkur grein fyrir því
hvað fór miður, hvað heppnað-
ist og hvort einhveijir stórvið-
burðir hafi orðið.
Forystumenn stjórnmála um
allan heim gera úttekt á árinu
og vissulega er þar margt sem
skoða ber, þótt handtak Reag-
ans og Gorbatsjovs og undir-
skrift þeirra í jólamánuðinum
beri líklega hæst. Við hvað er
þá miðað? Þannig spyr ég vegna
þess að ég held að viðmiðunin
sé alltaf sú sama: ÉG. Hvernig
snertir það mig? Hagnast ég
eða tapa ég? Og í örlítið víðara
samhengi: Hvernig kemur það
við hagsmunahópinn sem ég er
í, hvort sem það er stéttarfélag,
hagsmunafélag eða stjórnmála-
flokkur? Ég held að landið
okkar hafi gleymst og sú gamla
ungmannafélagshugsjón sem
sagði: „íslandi allt“.
Hvaða áramótaboðskap
myndi landið okkar flytja okkur
ef það hefði hugsun, augu, eyru
og mál? Hvernig myndi það
kveðja og heilsa um áramót?
Áramót landsins væru í öðrum
tíma, þar sem líklega þúsund
ár hjá okkur væru eins og einn
dagur hjá því. Frá landinu séð
breytist næstum ekki neitt:
Hafið umhverfis landið slær
takt bárunnar ár eftir ár og
fiskurinn veiðist með sama
hætti og hann hefur gert í 1000
ár. Fjöllin, jöklarnir og lands-
lagið í heild breytist ekki og
mennirnir sem þetta land
byggja virðast vera eins inn-
rættir í 1000 ár. Fæðast og
deyja eins. Hafa sömu langanir,
sama eðli, beijast við sömu
freistingar, hafa sama metnað
og hegða sér í alla staði eins.
Það eru aðeins verkfærin og
vopnin, húsin og aðbúnaðurinn
semm breytast.
„Fyrir þér er einn dagur sem þúsund ár
og þúsund ár dagur, ei meir.“
Þannig hljóðar eitt stef þjóð-
söngsins okkar, sem við heyrum
með mestri lotningu um hver
áramót. Táknar sá sálmur ekki
handtak okkar við Drottinn
Guð? í sálminum er tíminn upp-
hafið og uppgjörsstundin lifuð
þegar við mætum Guði sem
skapara okkar og frelsara. Þeir
kirkjufeður sem völdu hátíðar-
dögum kirkjunnar ritningar-
greinar hafa verið þessarar
sömu skoðunar. I guðspjalli
þessa dags segir frá tveimur
öldungum sem hittu Jesú í
helgidóminum, þegar hann var
færður þangað af foreldrum
sínum nýfæddur til helgunar
og blessunar. Tveir öldungar
og nýfætt barn mætast. Það
er fortíðin og framtíðin, gamla
árið og nýja og uppgjörsstund
vonar og fyrirheits lifuð með
þessum orðum Símeonar: Nú
lætur þú herra þjón þinn í friði
fara, eins og þú hefur heitið
mér, því að augu mín hafa séð
hjálpræði þitt, sem þú hefur
fyrirbúið í augsýn allra lýða,
ljós til opinberunar heiðingjum
og til vegsemdar lýð þínum
ísrael.“
Við áramót væri stórkostlegt
að geta kvatt gamla árið og
heilsað nýju ári í helgidómi sál-
ar okkar frammi fyrir Jesú: þá
myndum við geta byijað upp á
nýtt, búið að reynslu liðinna ára
og mætt nýju ári af meiri þroska
og meira hyggjuviti. Átt sann-
ari löngun til að leggja góðum
málum lið, leggja sig fram, gefa
af sér sjálfum og jafnvel vera
tilbúin að fórna. Reyna að hlúa
betur að kærleikanum til þeirra
sem maður elskar og vera sátt-
fúsari við þá sem maður er
ekki alveg sáttur við. Vera
ákveðinn í að takast betur á við
það sem úrskeiðis hefur farið
og vera staðráðinn í að sigrast
á þeim veikleikum sem maður
veit stærsta í eigin fari.
Ef við gætum lifað þessa
uppgjörsstund við okkur sjálf
og Drottinn okkar og frelsara,
þá myndi allt breytast og við
gætum sagt: Nú lætur þú herra
þjón þinn í > friði fara. Hann
mætir þá nýjum degi handan
þess tíma, sem telur daga okkar
og ár. Sá dagur er dagur Drott-
ins Jesú Krists í lífi okkar, hans
sem er handan við tíma og rúm,
hans sem þekkir okkur öll með
nafni, persónu okkar, hugsun
okkar og fylgist með því sem
við gerum og látum ógert.
„0, guð vors lands, ó, lands vors Guð,
vér lifum sem blaktandi, blaktandi strá,
vér deyjum, ef þú ert ei Ijós það og líf,
sem að lyftir oss duftinu frá.
0, vertu hvem morgun vort ljúfasta líf,
vor leiðtogi’ í daganna þraut,
og á kvöldin vor himneska hvíld og vor
hlíf,
og vor hertogi' á þjóðlífsins braut.
Islands þúsund ár,
verði gróandi þjóðlif með þverrandi tár,
sem þroskast á'Guðsríkis braut."
FYRSTA FL0KKS
BANKAÁBYRGÐIR
Áhættufé - Fasteignaviðskipti
- Fjármögnun viðskipta -
Bankaábyrgðir og aðstoð við
ábyrgðir vegna hvers kyns
framkvæmdaáætlana.
Engin umboðslaun fyrr en fé
erfengið.
Miðlarar eru verndaðir.
UMBOÐSMANN
þarf til að skapa tengsl fyrir
okkur til að framkvæma fjár-
mögnun.
VENTURE CAPITAL
CONSULTANTS
Investment Bankers
16311 Ventura Blvd., Suite
999, Encino, California
91436, U.S.A.
Telex: 651355 Vencap LSA
Faxnr.:(818) 905-1698
Sími: (818) 789-0422
UÖ6S0Ð^^SS^
Helgarferðir Flugleiða og samstarfsflugfélaga ásamt 17 samstarfshótelum heQastá ný í
ársbyrjun 1988. Við byrjum með JANÚARTILBOÐI sem stendur í rúman mánuð.
JAIMÚARTILBOÐIÐ ER ÓTRÚLEGT!
Þar er ferðin (flug, gisting ásamt góðum morgunverði) á
hlægilegu verði.
Til Reykjavíkur eru helgarferðir frá 20 stöðum á landinu og
þar geta helgarferðargestir valið milli sjö frábærra hótela.
Frá Reykjavík eru helgarferðirnar til ísaQarðar, Akureyrar,
Húsavíkur, Egilsstaða, HornaQarðar og Vestmannaeyja
þar sem gist er á úrvals hótelum og gistiheimilum. Allar
upplýsingar hjá söluskrifstofum Flugleiða, ferðaskrifstofum
og umboðsmönnum.
Láttu ekki JANÚARTILBOÐIÐ fljúga frá þér!
FLUGLEIÐIR