Morgunblaðið - 31.12.1987, Blaðsíða 42
42
MORGUNBLAÐIÐ, FIMMTUDAGUR 31. DESEMBER 1987
Um áramót
1987
Nú blasa enn við áramót á Fróni,
og ekki nokkur furða þótt ég góni
á allar þessar sveiflur frá því einhverntíma í haust,
með allt að þriðja hjónabandi, vita stefnulaust.
Það er víst — og mest í móði núna
það er víst — að losa sig við frúna
það er víst.
Um alla hluti alls staðar menn þinga
og áætlanir sem að flestar springa.
Enginn gerir ekkert sem er okkur beint í hag
og enginn gerir ekkert fyrir ekki neitt í dag.
Það er víst — við þekkjum margan trúðinn
það er víst — og vill hafa fyrir snúðinn
það er víst.
Þótt mörgu hér í mannheimi við bölvum,
allt mannlegt—það er reiknað út í tölvum.
Um framvinduna í lífs og sálar takti er tilvalið
að tölvan stýri ástinni — og geymi Iauslætið.
Það er víst — það fæst ekki goldið
það er víst — ef tölvuvætt er holdið
það er víst.
Hafbeitin er helsta trompið núna
með hæpna trú á sauðina og kúna.
Sláturhús sem fyrir nokkru byggð voru sem best
bissnesslaus og verða svo að engu fyrir rest.
Það er víst — menn búmarkinu blóta
það er víst — byggt á tómum kvóta
það er víst.
í húsbyggingum flestir fárast löngum
og frumvarpið var dregið út með töngum.
Flestar manna vonir þarna fara í jólakött
og fjöldinn allur selur jafnvel „loforð út í hött“.
Það er víst — að þetta fer í kekki
að er víst — og þá mæti ég ekki
það er víst.
Utgerð landsins eykst nú bara stórum
þótt útkoman sé tveir á móti fjórum.
Bankakerfið vaxtafullt og verðbólga eftir því
vextir stefna í gjaldþrot, sem er fjármagnað á ný.
Það er víst — allt í ati og pressu
það er víst — að enginn sér við þessu
það er víst.
Áð lögreglunni lífsspursmálin streyma
hún lítur eftir drykkju fólksins heima.
Með alla vímuþega eru fangahús of fá
í framtíð verða hótelin öll tekin undir þá.
Það er víst — ölsins elfur teitar
það er víst — síns upphafs síðan leita
það er víst.
Erlend lán senn upp á toppinn fara
og alltaf keppist þjóðin við að spara.
Bankarnir þeir spara eins og barnið jafnvel sér
á blússi líka í sparnaði hvert ráðuneyti er.
Það er víst — blessuð lánsfjárlögin
það er víst — leggja að þessu drögin.
Það er víst.
Á jólaglöggi glöggir fara á standinn
og glöggið fylgir tískunni út í sandinn.
Þó glöggið varpi oft og tíðum glöggskyggni á braut
er glöggið nú hjá félögunum eins og jólaskraut.
Það er víst — þörf á fleiri löggum
það er víst — í þessum jólaglöggum
. það er víst.
í landsstjórninni lítið batnar kórinn.
Læknar yfir hundrað prísa bjórinn.
Að koma honum í gagnið þeir komnir eru á span
þá komast allir sjúkdómar á mikið hærra plan.
Það er víst — og það mér skilst á lækni
það er víst — að þá hefst drykkjutækni
það er víst.
Menn gera út á grundvöll feiki valtan
á gámafisk í staðinn fyrir saltan.
í nálægð fískikvótans er nánast fáum rótt
hve níu komma níu tonna bátum fjölgar ótt.
Það er víst — að þetta er meira braskið
það er víst — og svo fer allt í vaskið
það er víst.
Hjá útvarpinu er uppgötvað að vonum
alltof lítið málæði í konum,
hógværðin sé of mikil, sem engu tali nær
og áskorun á fréttamenn að hvetja og prófa þær.
Það er víst — og þangað konur streyma
það er víst — og tala minna heima
það er víst.
Um vandamál ég þetta og þetta heyri. —
Þingmenn hafa aldrei verið fíeiri.
Káðherrunum fjölgar, þeir eru orðnir sko
eins margir og jólasveinar — vantar bara tvo.
Það er víst — þar er margt á grúfu
það er víst — vantar skegg og húfu
já, það er víst.
Skammdegis-
þankar
Nú blómstrar allt í þjóðlífinu — frelsið kemst á flug
það flóir út af verðbólgunni. Hún er almáttug.
Þingmennimir arka þennan vanalega veg:
Hvað fæ ég? Já, hvað fæ ég?
í kapphlaupi við lífsgæðin er hlaupið afar hratt
það heimta allir af ríkinu — en borga ekki skatt.
Fyrirtækin hrópa á stjórnvöld, ósköp ámátleg:
Hvað fæ ég? Já, hvað fæ ég?
í opinbera geiranum er hugsjón ekki há,
menn hræðast beina strikið — en fara svo á ská.
Öreiganna forysta er öll á sama veg:
Hvað fæ ég? Já, hvað fæ ég?
í kosningum skal bjarga þeim sem lægstu launin fá
og láta síðan Þjóðhagsstofnun reikna út fyrir þá.
Síðan verður útkoman afar eðlileg:
Hvað fæ ég? Já, hvað fæ ég?
Um innflutning á kartöflum er keppnin geysi hörð
við kaupum þær í tonnavís — en okkar fara í jörð.
Hjá hótelum og kaupmönnum eru viðbrögð vanaleg:
Hvað fæ ég? Já, hvað fæ ég?
Erlendis við fáum þar næst bökuð okkar brauð,
og bakaríin geta þvínæst staðið tóm og auð.
Þróunin í viðskiptum er ósköp ámátleg:
Hvað fæ ég? Já, hvað fæ ég?
Frelsið, blessað frelsið, þó að fáir njóti þess,
frelsið á með þjóðinni að tróna í hæstum sess,
jafnvel þó að dyggðin hlaupi veraldarinnar veg:
Hvað fæ ég? Já, hvað fæ ég?
Hvað er
framundan?
(Lag: Stóð ég úti í tunglsljósi)
Kátt er nú í tilverunni, komið ár á ný
og kannski enginn tilbúinn í dag að fagna því?
Spurningar í hrönnum sækja huga vorum að:
Hvað erum við langt komin að éta út á það?
A göngu vorri framundan. Er gatan nógu breið?
Er gatan handa manninum sem er á réttri leið?
Er þá ekki rétt að taka matarskattinn með?
og minnka þannig línumar? Eða éta eins og féð?
Hver verður svo tilgangur með eyðslunni í ár?
Eigum við að fella niður tölvu- og þjóðhagsspár?
í öllum bægsla- og hamagangi. Eru goðin reið?
og á nú fólkið samleið á hinni réttu leið?
Skatta- vísa- júró, einnig krítarkort má sjá
kort þessi í viðskiftunum sækja stöðugt á.
UrmuII fer af pappírum í alla þessa hít. —
Almenningur ringlaður og notar mest af krít. . .
Mun stórbændakjöt niðurgreitt og ryðja öðru út?
Ætli stjórn á vinnufriði lendi í einum hnút?
Á svínunum að fjölga? Og fuglum, „ganske pent“?
Hvað fer þá oní jörðina? Og verður hinu brennt?
Ætlar þú á mörkum árs að hefja upp þín heit?
Haga jafnvel öðruvísi þinni gæfuleit?
Muntu láta tækifærin þjóta framhjá þér?
Eða þumbast við og segja bara: Alveg sama er mér?
Mun frjálshyggjunnar ennþá beturlifna og vaxa lind?
Er landsbyggðanna jafnvægi hreint komið út í vind?
Er friður innan landsstjórnar? Er friði máske eytt?
Fær hann Palli allt, þegar ég fæ ekki neitt?
Árni Helgason
byrjendanámskeið
FJölbreytt, gagnlegt og skemmtilegt byrj-
endanámskeið í notkun einkatölva.
Nýárskveðja!
Ættingjum minum og vinum, nær og fjær, fyrrum samstarfs-
mönnum, svo og starfsfólki Landakotsspítala, Heilsuhælis
NLFÍ, Rauða kross-heimilisins og DAS Hrafnistu í Reykjavík,
sendi ég innilegar nýárskveðjur og þakka vinsemd alla og
liðna tíð.
Hilmar Norðfjörð,
loftskeytamaður,
Hrafnistu DAS Laugarási.
flö PIOMEER
ÚTVÖRP
Leiðbeinandi:
Dagskrá:
• Grundvallaratriði við notkun PC-
tölva.
# Stýrikerfið MS-DOS.
0 Ritvinnslukerfiö WordPerfect.
e Töflureiknirinn Multipian.
e Umræður og fyrirspurnir.
Logi Ragnarsson,
tölvufræðingur.
Tími: 5., 7., 12. og 14. janúar 1988 kl. 20-23
Innritun í símum 687590 og 686790
VR og BSRB styðja sina félaga til þátttöku í námskeiöinu.
ir-.v.v.v.v.-i
Tölvufræðslan
Borgartúni 28.