Morgunblaðið - 11.03.1988, Blaðsíða 21

MORGUNBLAÐIÐ, FÖSTUDAGUR 11. MARZ 1988
21
Stúdentaráð út úr
fílabeinstuminum
eftir Arnar Jónsson
Hvers vegna hafa stúdentar
lítinn áhuga á störfum Stúdenta-
ráðs?
Er það ekki bara vegna þess að
þú getur ekki haft áhuga á því sem
þú veist ekki að er til? Til þess að
stúdentaráð sinni hlutverki sínu,
sem er að aðstoða deildarfélögin í
félagslífi og vera virkt tæki í hreinni
hagsmunabaráttu, þarf að veita því
nauðsynlegt aðhald. Þetta aðhald á
að vera stúdenta sjálfra og því þarf
stúdentaráð að hoppa út úr fíla-
beinstuminum og sýna sig meðal
okkar stúdenta. En hvernig skal
þetta framkvæmt? Jú, með því að
sýna niðurstöður mála og afdrif til-
lagna í Stúdentafréttum þar sem
sagt skal satt og rétt frá en ekki
með útúrsnúningi þess afls sem er
í meirihluta. Birta fundardagskrá
ráðsins fyrir fundi á göngum skól-
ans þannig að við getum séð hvað
er á döfinni og vakið athygli ráðs-
ins á nýjum flötum á málum ýmist
beint eða í gegnum formenn deild-
arfélaganna.
í hvað fer innritunar-
gjaldið þitt?
Af innritunargjaldi stúdenta
renna 43% til Stúdentaráðs og á
síðasta ári velti það 6 milljónum.
Vissir þú það? Sex milljóna velta
og við vitum ekki í hvað þær fóru,
því er það krafa okkar að fjár-
hagsáætlun ráðsins verði birt í
Stúdentafréttum.
Formannafundir ráðsins hafa
einkennst af einhliða upplýsinga-
flæði frá stjóminni og mönnum
tæpast gefist leyfi til meltingar á
málum og því síður fengið umræður
um sín hjartans mál. Því er það
sjálfsagt að einn fulltrúi deildarfé-
lags geti setið stúdentaráðsfundi
ef þurfa þykir með bæði málfrelsi
og tillögurétt. Það er nauðsynlegt
að slíkt ákvæði sé skýlaust í lögun-
um en ekki veikt orðaður möguleiki
eins og nú er, því það tryggir að
meirihlutinn geti ekki þaggað niður
óþægilegar umræður. Eins og áður
sagði er annað meginhlutverk Stúd-
entaráðs að styrlqa og efla fé-
lagslíf innan HÍ og í því skyni starfa
tveir sjóðir, þ.e. félagsmálasjóður
og stúdentaskiptasjóður. í tíð fyrr-
verandi meirihluta var ákveðið að
færa fé úr þeim sjóði sem minni
eftirspum var eftir fé úr, þ.e. stúd-
entaskiptasjóði, í félagsmálasjóð.
Af þessu leiddi aukið fé til deildarfé-
laganna sem þá gátu greitt niður
sína starfsemi stúdentum til hags-
bóta. Þetta var náttúrlega eiturupp-
lagt til þess að rækja lögbundið
hlutverk Stúdentaráðs, en allt er í
heiminum hverfult. Svo bar við á
haustmánuðum að ágætir en mis-
vitrir menn skertu lágmarkstekjur
sjóðanna til þess að setja hluta í
byggingu hjónagarða. Gott fyrir
hjónagarða en vont fyrir deildarfé-
lögin. En verst var að á þeim fundi
er þetta var ákveðið hafnaði meiri-
hlutinn öllum málamiðlunartillög-
um fulltrúa þriggja deildarfélaga
og það án umræðu. Svona „ég ræð"
ákvarðanir em ekki til þess fallnar
að auka og bæta samskipti deildar-
félaga og Stúdentaráðs. Því má
segja að meirihlutinn sé firrtur frá
hinum almenna stúdent.
Aukin umræða = aukið
aðhald
Því er niðurstaða þessa að aukin
umræða um málefni SHÍ á meðal
stúdenta ætti að veita því aðhald
og stuðla að vandaðri vinnubrögð-
um en jafnframt verður að krefjast
þess að upplýsingum um starf þess
sé dreift á áhrifaríkari hátt en nú
er. Þessi aukna umræða um Stúd-
entaráð ætti um leið að skila sér í
aukinni kosningaþátttöku en sú litla
kosningaþátttaka sem hefur við-
gengist skrifast ekki síst á reikning
veru Stúdentaráðs í sínum fílabeins-
tumi. En hvemig á að bæta innra
starf Stúdentaráðs? Ekki dugar
aðhald stúdenta eitt sér heldur
verða að koma til róttækar skipu-
lagsbreytingar á starfsháttum.
Fundarsköp em tæki til þess að
hafa fullkomna stjórn á afgreiðslu
mála. Leiðinlegur fundarstjóri án
fundarskapa er jafnt og leiðinlegur
fundur og leiðinlegur fundur er
jafnt og slæm athygli fundarmanna
sem skilar sér í slælegri fram-
kvæmd mála. Nefndarskipanin er
hangandi á horriminni þar sem ein
mikilvægasta nefndin, hagsmuna-
nefnd, er ofhlaðin störfum sem hlýt-
ur að þýða slæleg afgreiðsla mála.
Þeir sem hafa tekið þátt í nefndar-
störfum vita að þar gefst tóm til
að ígmnda og velta upp nýjum flöt-

Arnar Jónsson
„Til þess að stúdenta-
ráð sinni hlutverki sínu,
sem er að aðstoða deild-
arfélögin í félagslífi og
vera virkt tæki í hreinni
hagsmunabaráttu, þarf
að veita því nauðsyn-
legt aðhald. Þetta að-
hald á að vera stúdenta
sjálfra og því þarf stúd-
entaráð að hoppa út úr
fílabeinsturninum og
sýna sig meðal okkar
stúdenta.“
um á málum. Nefndarstarf er því
sá vettvangur sem skilar ferskustu
hugmyndunum og markvissustu
niðurstöðunum. Reglulegir nefnd-
arfundir skila vandaðri forvinnu og
í mörgum tilfellum ætti Stúdenta-
ráð að geta afgreitt fundargerðir
nefnda með litlum en þó nauðsyn-
legum umræðum.
En erum við eitthvað betur
sett með slíkt kerfi?
Auðvitað emm við það, við þurf-
um ekki að líta á margar sveita-
stjómir til þess að taka eftir slíku
kerfi sem ráðandi aðferð og miðað
við flölda umbjóðenda er Stúdenta-
ráð sambærilegt við miðlungsstórt
sveitarfélag.
Hvað varðar Félagsstofnun stúd-
enta ber að taka fram að 57% af
innritunargjaldinu renna þangað og
stúdentar eiga sinn fulltrúa í stjóm
hennar. Vaka hefur lagt áherslu á
það að rekstrareiningar skuli
standa undir sér. í sjálfú sér sjálf-
sagt skilyrði. Hver rekur heimili
sitt með halla? Það er því hags-
stefna hinnar hagsýnu húsmóður.
Þetta hafa menn svo tekið sem
dærni um stórhættulegan „kapít-
alískan" hugsunarhátt sem stefni
að því að gera Félagsstofnun að
fjárhagslegu stórveldi sem okri á
stúdentum. Einhveijir tala um það
að Félagsstofnun skuli reka á fé-
lagslegum gmndvelli, en þeir hinir
sömu hafa lítið fyrir því að skýra
út hvað það er. Er það kannski
hallarekstur? Við verðum að'gera
okkur ljóst að við lifum í ákveðnum
félagslegum vemleika en ekki
kenningarlegum óraunvemleika.
Útgáfudeild Félagsstofnunar var
stofnuð sl. haust og hana ber að
efla enda mögulegur vísir að Há-
skólabókaforlagi sem í framtíðinni
leysti okkur undan sífelldum ljósrit-
uðum bráðabirgðaútgáfum.
Nú er mál að linni og hvet ég
alla stúdenta til þess að fylgjast
grannt með framvindu mála og
umfram allt kynna sér innihald
sekkjanna svo þeir kaupi engan
kött.
Höfundur er efsti maðurá lista
Vöku til Stúdentaréðs HÍ.
IAZ/.
KAUPIÐ ÓOÝRAR OG GÓÐAR PLÖTUR í
HAGKAUP
Skeifunni - Kringlunni - Akureyri
ÓDÝRT í HAGKAUP!
MARSTILBOÐ - JOHNNY HATES JAZZ
Lang-, lang-, langvinsælasta platan á ís-
landi í dag á tilboðsverði út marsmánuð
kr. 549.-
Nú er ekkert því til fyrirstöðu að þú grípir með þér
uppáhalds tónlistina þína um leið og þú gerir helgarinn-
kaupin í Hagkaup. Þar er aukið og bætt úrval af plötum
á Hagkaupsverði
Hér eru nokkur dæml: Hagkaups-
verð:
1 JOHNNY HATES JAZZ -Turn Backthe Clock kr. 549.-
kr. 629.-
kr. 629.-
kr. 629.-
kr. 629,-
kr. 629.-
kr. 629,-
kr. 629,-
kr. 629.-
kr. 629.-
kr. 629.-
kr. 629.-
kr. 629,-
kr. 629.-
kr. 629.-
kr. 629.-
kr. 629.-
kr. 629.-
kr. 629.-
kr. 629,-
2 T’PAU - Bridge of Spies
3 DAVID LEE ROTH - Skyskraper
4 INXS - Kick
5 GEORGE MICHAEL - Faith
6 LUNDÚNASINFÓNÍAN - Classic Rock
7 TERENCE TRENT D’ARBY - Introducing
8 COCK ROBIN - After here ...
9 STRANGLERS - All Live
10 AC/DC - Heatseeker
11 LEONARD COHEN - l’m your man
12 ROBERT PLANT - Now and Zen
13 ÚR MYND - Betty Blue
14 FOREIGNER - Inside Information
15 ÚR MYND - Dirty Dancing
16 ÚR MYND - La Bamba
17 TOTO - The Seventh One
18 BELINDA CARLISLE - Heaven on Earth
19 MICHAEL JACKSON - Bad
20 HOOTERS - One Way Home