Morgunblaðið - 20.03.1988, Blaðsíða 28

28
MORGUNBLAÐIÐ, SUNNUDAGUR 20. MARZ 1988
SÖNGVAKEPPNI SJÓNVARPSINS 1988:
Brugðið
áleik
í þriðja sinn
HIN árlega Söngvakeppni sjónvarpsins hefur nú unnið sér fastan
sess í hugum landsmanna enda er þetta í þriöja sinn sem við
bregðum á leik og veljum lag til þáttöku í Söngvakeppni evróp-
skra sjónvarpsstöðva, Eurovision-keppninni svokölluðu. Fram til
þessa höfum við íslendingar ekki átt mikilli velgengni að fagna í
þessari keppni og mátt sætta okkur við 16. sætið í bæði skiptin
sem við höfum tekið þátt í henni. Sagt er að æfingin skapi meist-
arann og sjálfsagt hafa menn lært eitthvað af þessari reynslu
þótt hér skuli engu um það spáð, hvort möguleikar okkar á sigri
nú séu raunhæfari en áður. Hitt er þó Ijóst, að mörg laganna sem
nú keppa til úrslita í forkeppninni hér heima, bera sterkari keim
af Eurovisionstælnum en oftast áður. Keppnin verður í beinni
útsendingu sjónvarpsins annað kvöld, mánudaginn 21. mars og
er viðbúið að fáir verði þá á ferli á götum úti, þótt ekki séu allir
á einumáli um gildi keppninnar eða gæði laganna, frekar en fyrri
daginn.
Magnús Kjartansson, höfundur Sólarsömbu, ásamt dóttur slnni Margrétl Gauju.
Eurovisionkeppnin
hefur löngum
verið umdeilt fyr-
irbrigði, ekki bara
á íslandi heldur
einnig í öðrum
löndum. En þótt
skoðanir manna
séu skiptar um tónlistarlegt gildi
keppninnar virðast menn þó al-
mennt sammála um að sjálfsagt
sé að vera með. Þeir höfundar,
sem á annað borð kjósa að taka
þátt í þessari keppni, virðast líka
margir komnir á þá skoðun að viss-
ara sé að sníða framlög sín að
þessum umdeilda Eurovisionstíl.
Fyrir bragðið eru verk þeirra nú
harla ólík fyrri verkum og raunar
eru flest þáttökulögin að þessu
sinni ólík þeim dægurlögum, sem
mestrar hylli njóta hér á landi und-
ir venjulegum kringumstæðum. En
burtsóð frá því, hvort keppnin sem
slík sé íslenskri dægurtónlist til
framdráttar eða ekki, er þetta
eflaust skynsamleg stefna. Við ís-
lendingar breytum ekki tónlistars-
mekk Evrópubúa á einni nóttu og
það er til lítils að vera að taka þátt
í svona keppni, ef menn eru stað-
ráðnir í því fyrirfram að eiga ekki
möguleika á að vinna.
Guömundur Árnason, höfundur lagsins
Mánaskin.
Gunnar Þórðarson, höfundur lagsins f tangó.
Valgeir Skagfjörð, höfundur lagsins Dag eft-
ir dag.
Dómnefndir í öllum
kjördæmum
Alls bárust 117 lög í keppnina
að þessu sinni og voru lögin tíu,
sem keppa til úrslita, valin af sérs-
takri dómnefnd, en hana skipuðu:
Egill Eðvarðsson og Ingimar Eyd-
al, sem skipaðir voru af Sjónvarp-
inu, Eyþór Gunnarsson sem skip-
aður var af Fólagi tónskálda og
textahöfunda, Árni Scheving frá
Félagi íslenskra hljómlistarmanna
og Kári Waage frá Félagi hljóm-
plötuútgefrenda. Varamaður var
Björn Emilsson, en hann annaðist
framkvæmd og upptökustjórn úr-
slitalaganna tíu.
Dómnefndir í öllum kjördæmum
landsins, sem skipaðar eru ellefu
mönnum, velja síðan sigurlagið í
beinni útsendingu sjónvarpsins á
mánudagskvöldið. Nefndirnar sitja
í Borgarnesi, (safirði, Sauðárkróki,
Akureyri, Egiisstöðum, Hvolsvelli,
Hafnarfirði og í Reykjavík. Nefnd-
armenn eru valdir samkvæmt
ábendingum frá fréttariturum
Sjónvarpsins á hverjum stað í sam-
ráði við viðkomandi yfirvöld. Miðað
er við sem jafnasta skiptingu á
milli kynja og staða. Fimm nefndar-
manna skulu vera á aldrinum 16
til 25 ára og sex á aldrinum 25 til
60 ára. Þá er einnig sett það skil-
yrði að enginn nefndarmanna sé
atvinnumaður í tónlist.
Lögin, höfundar og
flytjendur
Lögin tíu hafa nú öll verið flutt
opinberlega í sjónvarpi og útvarpi
og landsmenn hafa því haft tæki-
færi til að mynda sór skoðun og
velta fyrir sér líklegum úrslitum.
Hér verður ekki farið út í þá sálma
né ’lagður dómur á lögin heldur
farið nokkrum orðum um höfunda
og flytjendur, mönnum til nánari
glöggvunar.
Eitt vor er eftir Kristin Svavars-
son við texta Halldórs Gunnars-
sonar. Kristinn hefur um árabil
starfaö við tónlist og blásið í saxó-
fón með ýmsum þekktum hljóm-
sveitum, svo sem Pónik, Brimkló
og Mezzoforte, og á undanförnum
árum hefur hann leikið með hljóm-
sveit Magnúsar Kjartanssonar.
Hann hefur nokkuð fengist við
tónsmíðar og átti meðal annars
þjóðhátíðarlag Vestmanneyinga
síðastliðið sumar. Textahöfundur-
inn Halldór Gunnarsson hefur
einnig komið við sögu í tónlistarlífi
landsmanna, en hann var m.a. liðs-
maður söngflokksins Þokkabótar
hér í eina tíð. Flytjandinn Pálmi
Gunnarsson er heldur enginn ný-
græðingur á þessu sviði enda hef-
ur hann verið í hópi vinsælustu
söngvara þjóðarinnar um árabil.
Pálmi hefur mikla reynslu af þát-
töku í Eurovision og þekkir báöar
hliðar þess máls. Hann sigraði í
fyrstu undankeppninni hér heima,
en hafði ekki erindi sem erfiði í
sjálfri úrslitakeppninni í Bergen
vorið 1986 svo sem menn sjálfsagt
muna.
í fyrrasumar er eftir Grétar Örv-
arsson við texta Ingólfs Steinsson-
ar. Grétar hóf tónlistarferil sinn um
fermingu austur á Hornafirði og
hefur á síðustu árum haslað sér
völl meðal þekktustu dægurtón-
listarmanna landsins. Hann hefur
á undanförnum árum leikið með
eigin hljómsveit, lengst af á Hótel
Sögu. Grétar syngur sjálfur lag sitt,
ásamt Gígju Sigurðardóttur, sem
kom fyrst fram á sjónarsviöið í lát-
únsbarkakeppni Stuðmanna
síðastliðið sumar, þar sem hún
hreppti annaö sætið. Textahöf-
undurinn Ingólfur Steinsson hefur
áður komið við sögu í íslensku
tónlistarlífi en hann var, eins og
Halldór Gunnarsson, liðsmaður
Þokkabótar á sínum tíma.
Eyjólfur Kristjánsson og Ingi
Gunnar Jóhannsson eru höfundar
og flytjendur lagsins Ástarævin-
týri (Á vetrarbraut), en textann
geröi félagi þeirra úr Vísnavinum,
Aðalsteinn Ásberg Sigurðsson.
Eyjólfur hefur komið við sögu í öll-
um þremur undankeppnunum hér
heima. Hann var höfundur lagsins
„Ég lifi í draumi" úr fyrstu keppn-
inni, söng lag Gunnars Þórðarson-
ar „Norðurljós" ( keppninni í fyrra
og kemur nú fram sem bæði flytj-
andi og höfundur. Eyjólfur hefur
verið talsvert áberandi í íslensku
dægurtónlistarlífi að undanförnu
og er ef til vill þekktastur fyrir veru
sína í hljómsveitinni Bítlavinafélag-
ið og þáttöku í rokksýningunni
„Allt vitlaust". Félagi hans Ingi
Gunnar hefur starfað með Vísna-
vinum, var m.a. um skeið í söng-
flokknum „Hálft í hvoru" og hefur
auk þess komið fram einn síns liðs
við ýmis tækifæri. Textahöfundur-
inn Aðalsteinn Ásberg er einnig
vel kunnur á sínu sviði og hefur
samið fjölda þekktra texta á und-
anförnum árum.
Magnús Kjartansson, höfundur
Sólarsömbu hefur lengi verið í
hópi þekktustu tónlistarmanna
landsins. Hann stundaði tónlist-
arnám frá unga aldri og þótti
snemma efnilegur trompetleikari,
áður en hann sneri sér að hljóm-
borðinu. Sem unglingur lék hann
með vinsælum popphljómsveitum
á Suðurnesjum, s.s. Óðmönnum
og Júdas. Hann varð seinna liðs-
maður „súpergrúppunnar" Trú-
brots og síðar á ferlinum lék hann
með hljómsveitinni Brimkló, svo
nokkuð sé nefnt. Hann rekur nú
eigin hljómsveit á Hótel Sögu.
Magnús hefur lengi fengist við
tónsmíðar og samið lög sem vin-