Morgunblaðið - 06.05.1988, Blaðsíða 51

51
MORGUNBLAÐIÐ, FÖSTUDAGUR 6. MAÍ 1988
EyþórA. Thorar-
ensen lyfjafræð-
ingur Akureyri
Fæddur 9. apríl 1902
Dáin 28. aprfl 1988
Mann setur hljóðan um stund er
dánarfegnin berst í erli dagsins, en
síðan taka minningamar að
streyma fram ein af annarri uns
þær fylla heilan sjóð.
Þannig var það er ég frétti um
lát afa míns á Akureyri sem lést á
Fjórðungssjúkrahúsinu á Akureyri
28. apríl sl.
Eyþór Aðalteinn Thorarensen hét
hann og bjó mestan hluta ævi sinnar
á Brekkunni, að Oddagötu 9 á
Akureyri, eða þar til árið 1980 að
hann flutti að Dvalarheimilinu Hlíð
í lítið raðhús. Hann ólst upp í Inn-
bænum inni í Fjöru hjá foreldrum
sínum fram á fiillorðinsár. í apríl
1922 hóf hann nám og starf í lyfja-
fræði í Akureyrar apóteki og lauk
exam pharm prófi í þeim fræðum
á vegum Landlæknisembættisins
20. ágúst 1929. Upp frá því starf-
aði hann sem lyfjafræðingur í Akur-
eyrar apóteki allan sinn starfsferil.
Ég var smástrákur er ég átti því
láni að fagna að dvelja að sumri
til hjá afa á Akureyri og varð það
aðeins eitt af mörgum eftirminni-
legum sumrum. enda þótt afi hafl
verið fóstri moður minnar og því
fósturafí minn var hann okkur
systkinunum sem besti afi. Hann
tók móður mína, Kristínu, að sér
er hún var nokkurra ára, en þá
hélt hann heimili með móður sinni,
Ingileif, sem móðir mín tók strax
miklu ástfóstri við og átti hún þar
góða bemsku.
Afi kvæntist heitkonu sinni, Ottu
Lovísu Þorsteinsdóttur, 24. júli
1933 og áttu þau tvær dætur bama,
Hjördísi Jónínu, f. 1. okt. 1934 og
Ottu Lovísu f. 17. júlí 1938, d. 16.
maí 1945. Afí varð að sjá á eftir
eiginkonu sinni, Ottu Lovísu, yflr
móðuna miklu 29. júlí 1938, og
hélt þá heimili með móður sinni
Ingileif. Að henni látinni varð ráðs-
kona hjá honum frænka hans,
Hanna Jónsdóttir, mikil sæmdar-
kona, sem var okkur krökkunum
ómetanleg ekki síður en afa.
Fjölmennt var ætíð á heimili afa
og var þar engum í kot vísað enda
nóg handa öllum. Þar mættust kyn-
slóðimar og fór vel á með þeim.
Afi hafði alla tíð nóg að bíta og
brenna fyrir sig og sína, en þó minn-
ist móðir mín, Kristín, oft á það er
afi tók víxil til einhvers sem nú er
löngu gleymt. Hann minntist þess
oft með þeim orðum: „Já, það var
um árið sem ég tók víxilinn." Menn
nú á dögum ættu sennilega erfitt
með að nota síkt sem viðmiðun á
tímum greiðslukorta og verðtrygg-
ingar. Siðavandur var hann og ekki
komust við krakkamir upp með ljót-
an munnsöfnuð enda vöndumst við
fljótt af slíku, því enginn vildi 'valda
honum afa vonbrigðum. Trúaður
var hann og kirkjurækinn mjög
enda þótt hann flíkaði ekki trú
sinni. Taldi hann að hver ætti að
hafa sína trú fyrir sig.
Hin síðari ár urðu ferðimar til
Akureyrar ekki eins tíðar en þó var
alltaf jafngaman að hitta afa, enda
þótt hann byggi ekki lengur í stóra
húsinu sínu að Oddagötu 9. Sagði
hann þá oft frá gamalli tíð og er
stangveiði barst í tal rifjaði hann
upp minningar frá bemskudögun-
um er hann ásamt félögum sínum
var með dorg niðri á bryggju til
þess að veiða í soðið. Þá veiddust
þeir nú stóm fiskamir. Er hann
minntist þessara daga brá fyrir
glettni í svip hans. Einnig rifjaði
hann upp ýmsar sagnir er við ókum
inn í Fjörð og vom það hans ær
og kýr að rekja þær sögur sem
höfðu gerst í Eyjafírði. Hann var
óþreytandi að fræða gesti sína um
sögu heimabyggðarinnar sem hann
unni svo mjög.
Ekki er hægt að segja að afi hai
sest í helgan stein um leið og hann
mátti. Um sjötugt var hann þó
hættur að komast um fótgangandi
vegna kölkunar í mjöðmum en með
hjálp skurðlækna á Landspítalanum
og endurhæfingar á Reykjalundi
tókst honum með þrautseigju að
komast á fætur að nýju. Hann hóf
þá aftur um hríð störf á þeim vinnu-
stað þar sem hann hafði varið allri
starfsævinni. Hann hafði bundist
vinnustað sínum óijúfandi böndum
strax á unga aldri og segir það
margt um starfsandann í apótekinu
að hann kaus að veija þar tíma
sínum eftir að eftirlaunaaldri var
náð. Hann lauk sínu dagsverki í
sátt.
Megi góður Guð varðveita minn-
inguna um góðan mann.
Guðbjörn Björgólfsson
Minning:
Margrét Þórarins-
dóttirfrá ísafirði
Fædd 25. júnf 1916
Dáin 29. apríl 1988
Hvort sem hann hremmir æsku-
manninn fyrirvaralaust, eða lokar
blíðlega þreyttri brá, er hann alltaf
jafn kaldur og ógnþrunginn dauð-
inn, þegar hann kallar burt ástvin-
ina. Þótt Margrét tengdamóðir mín
hafi áður beðið við dauðans dyr og
nú síðustu mánuðina verið sjúk og
máttfarin, var kallið samt óvænt
og við sem eftir stöndum óviðbúin
að viðurkenna að svona þyrfti að
fara. Líklega var það skaphöfti
Margrétar sem þama réði mestu.
Hún lét aldrei uppi að hún þjáðist.
Hvað sem gekk á var hún sá styrki
stofn, sem aldrei leitaði ásjár ann-
arra. Æðruleysi og innri styrkur
fleytti henni í gegnum lífið og án
hjálparbeiðni kvaddi hún það á
sjúkrahúsinu á ísafirði, á föstudag-
inn í síðustu viku. Margrét var
fædd í Þemuvík í Ögursveit 25.
júní 1916 dóttir hjónanna Þórarins
Guðmundssonar útvegsbónda og
Sigrúnar Sigurðardóttur. Hún flutt-
ist ung út í Ögumes með foreldnim
sínum en þaðan lá leiðin inn í Ög-
urvíkina aftur. Þar dó faðir hennar
sumarið 1934, en um haustið hélt
hun til ísafjarðar og gekk þar um
veturinn í Húsmæðraskólann Ósk.
Hún kynntist um veturinn Gísla
Einarssyni verslunarmanni hjá
Kaupfélagi ísfirðinga og gengu þau
í hjónaband í desember 1935. Gísli
og Margrét bjuggu fyrstu árin í
Smiðjugötu 9, en 1947 fluttu þau
í norðurendann á Aðalstræti 32, þar
sem þau bjuggu þar til Gísli lést
langt um aldur fram 1967.
Rósa, yngsta systir Margrétar,
fluttist til þeirra skömmu eftir að
þau hófu búskap þá 10 ára og
dvaldist hjá þeim til fullorðins ára.
Gekk Margrét henni 1 móður stað
og hefur alla tíð verið einstaklega
náið samband á milli þeirra systr-
anna. Ifyrsta bamið, Jósefína Guð-
rún, fæddist 1940, sfðan kom Jona
Gréta 1944 og að lokum Þórarinn
Þorbergur 1947. Margrét bjó böm-
um sínum gott heimili og ól þau
upp í góðum siðum í menningar
umhverfi. Þau voru öll sett í Tónlist-
arskólann til Ragnars H. Ragnar
og náðu bæði Jósefína og Þórarinn
umtalsverðum árangri í píanóleik.
Gísli var lengst af með bændavið-
skiptin fyrir kaupfélagið. Hann
rækti það starf af mikilli alúð sem
meðal annars jók mjög gestagang
á heimilinu. Þar naut Margrét sín
afar vel. Hún var metnaðarfull hús-
móðir og eldaði góðan mat og þótti
gaman að gera vel við gesti. Á fyrri
hluta hjónabands þeirra Gísla var
henni beinlínis meinað að vinna
utan heimilis. Þar sem Gfsli var í
fastri vellaunaðri vinnu gat kona
hans ekki leyft sér að taka vinnu
frá konum sem meiri þörf höfðu
fyrir atvinnuna.
Á þessu varð svo skyndileg breyt-
ing í kring um 1950 þegar rækju-
vinnsla hófs að marki á ísafirði.
Þá varð til nóg að vinna fyrir allar
konur sem vildu gefa sig í að skel-
fletta rækjuna í höndum. Margrét
varð strax í upphafi meðal örfárra
yfírburða pillara og hélt þeirri stöðu
sinni þar til vélamar tóku við.
Þama gafst kærkomið tækifæri
til að bæta heimilið og voru fyrstu
hlutimir sem keyptir voru pfanó
með elstu dótturinni og lítil Hoover
þvottavél.
Margrét varð alvarlega veik 1963
og varð þá að taka úr henni annað
nýrað. Hun náði þó ótrúlega góðri
heilsu aftur, en þegar Gísli dó 1967
ákvað hún að flytjast suður og í
Reykjavík bjó hún síðan til æviloka.
Þar kynntist hún Guðjóni Guð-
bjartssyni frá Patreksfirði og
þjuggu þau saman frá árinu 1971.
Guðjón var henni góður og skóp
henni öruggt skjól Háaleitisbraut
26, þar sem þau bjuggu allan
tímann.
Nú þegar leiðir skiljast er margs
að minnast. Margrét var mér góð
tengdamamma og drengjunum
mínum ástrík amma. Þó sérstaklega
Gauta Ágústi, elsta syninum, sem
dvelur nú með ömmu og afa við
lítinn gæsapoll þar sem gulir hnoðr-
ar tísta í vorsólinni.
En þakklátastur er ég henni þó
fyrir að gefa mér litlu stúlkuna sína
og leggja með því grundvöllinn að
allri minni hamingju. Guð geymir
Margréti — við geymum minning-
una bjarta og fagra.
Úlfar Ágústsson
t
Innilegar þakkir til allra þeirra, sem styrktu okkur með nærveru
sinni og samúð við andiát og útför eiginkonu minnar og móður
okkar,
STEINUNNAR BRAGADÓTTUR,
Blóhvammi.
Jón Frímann og börnin.
t
Þökkum innilega auðsýnda samúð og hlýhug við fráfall foreldra
okkar, tengdadóttur og sonar,
RÓSU HARÐARDÓTTUR
OG
TRYGGVA ARNAR HARÐARSONAR,
Suðurgötu 29,
Keflavfk.
Avijaja og Ásrún Tryggvadætur,
Ásrún Ingadóttir og Hörður Tryggvason.
t
Innilegar þakkir til allra sem sýndu okkur samúð og vinarhug við
andlát og jarðarför eiginkonu minnar, móður okkar, tengdamóður
og ömmu,
SIGRÚNAR JÓNSDÓTTUR
frá Patreksfirðl,
Hjallavegi 10,
Reykjavfk.
Garöar Jóhannsson,
Hjörvar Garðarsson,
Jón Sverrir Garðarsson,
Reynir Garðarsson,
Jóhann Baldvin Garðarsson,
Guðjón Steinar Garðarsson,
Vignir Ingi Garðarsson,
og barnabörn.
Ágústa Rósa Þórisdóttir,
Erna Sveinbjarnardóttir,
Helga Eygló Guðlaugsdóttir,
Guðfinna Óskarsdóttir,
Emelfa Ástvaldsdóttir,
Guðlaug Þorsteinsdóttir,
t Innilegt þakklæti til allra þeirra sem veittu okkur stuðning í veikind- um og við fráfall mannsins míns, ÞORVARÐAR KRISTJÁNSSONAR,
Sellandi. Gæfan fylgi ykkur. F.h. aðstandenda, Auður Garðarsdóttir.

t Við þökkum af alhug öllum þeim er sýndu okkur samúð og vinar- hug og veittu okkur margþætta aðstoð við andlát og útför manns- ins míns, föður okkar og fósturföður, JENS GUÐBRANDSSONAR Helgubraut 31, Kópavogi. Guð blessi ykkur öll. Ásta Ólafsdóttir, Brynjólfur Bjarki Jensson, Ingibjörg Jensdóttir, Ólafur Brynjólfsson, Guðný Gunnarsdóttir, Danfriður Brynjólfsdóttir, Guðmundur Ármannsson.

t
Þökkum innilega samúð og vinarhug við andlát og útför eigin-
manns míns, föður, tengdaföður, afa og langafa,
JÓHANNESAR G. BRYNJÓLFSSONAR
bakarameistara,
Holtsgötu 14, Hafnarfirði.
Sérstakar þakkir til lækna og hjúkrunarfólks á deild 2B Landspíta-
lanum.
Jenný Gfsladóttir,
Brynjólfur Jóhannesson, Þórunn Þráinsdóttir,
Emelfa Jóhannesdóttir, Kjartan Jónsson,
Sveinn Jóhannesson, Hlfn Gunnarsdóttir,
barnabörn og barnabarnabörn.
Lokað
Skrifstofa okkar og verslun verða lokuð eftir hádegi
föstudaginn 6. maí vegna jarðarfarar GÍSLA BJARNA-
SONAR fyrrverandi verslunarstjóra.
Vélasalan hf.
Birting afmælis- og
minningargreina
Morgunblaðið tekur afmælis- og minningargreinar til birting-
ar endurgjaldslaust. Tekið er við greinum á ritstjórn blaðsins á
2. hæð í Aðalstræti 6, Reykjavík og á skrifstofu blaðsins í Hafn-
arstræti 85, Akureyri.
Athygli skal á því vakin, að greinar verða að berast ineð góðum
fyrirvara. Þannig verður grein, sem birtast á í miðvikudagsblaði að
berast síðdegis á mánudegi og hliðstætt er með greinar aðra daga.
Við birtingu afmælisgreina gildir sú regla, að aðeins eru birtar
greinar um fólk sem er 70 ára eða eldra. Hins vegar eru birtar af-
mælisfréttir með mynd < dagbók um fólk sem er 50 ára eða eldra.
Mikil áhersla er á það lögð að handrit séu vel frá gengin, vélrituð
og með góðu línubili.