Morgunblaðið - 18.05.1988, Qupperneq 41

YDDA F15.1/SÍA
A K
MORGUNBLAÐIÐ, MIÐVIKUDAGUR 18. MAÍ 1988
í Gojjamhéraði í Eþíópíu deyr fjöldi barna og
fullorðinna á hverju ári úr sjúkdómum sem sóttmengað
neysluvatn veldur.
Því þótt þar sé nú víðast hvar nægilegt vatn, fyrir
menn og búpening - og sums staðar jafnvel fyrir litlar
áveitur, þarf meira til.
Uppspretturnar eru flestar alls óvarðar, búpeningur
gengur í vatnsbólin og í rigningum mengar jarðvegurinn
vatnið.
Ef neysluvatnið á að vera skaðlaust er nauðsynlegt
að vernda vatnsbólin.
Einfaldar úrbætur
Tiltölulega auðvelt og ódýrt er að byggja yfir
uppspretturnar þannig að neysluvatnið haldist hreint og
ómengað. Kostnaður við verndun hvers vatnsbóls er
aðeins um 75.000 krónur. Hvert vatnsból nýtist a.m.k.
íbiium eins þorps sem oftast eru á bilinu 1500-3000
manns. Oft eru þó fleiri en eitt þorp um vatnsbólið.
í ár verjum við öllu söfnunarfé Hjálparsjóðsins til
varanlegrar lausnar á þessum vanda íbúanna í Gojjam.
í fyrsta áfanganum ætlum við að tryggja a.m.k. hálfri
milljón manna aðgang að hreinu neysluvatni.
Þessa dagana sendum við öllum heimilum
landsins gíróseðla með von um stuðning. Og til að
enn fleiri geti lagt sitt af mörkum mun Fimleikasam-
band íslands selja fyrir okkur drykkjarvatn í dósum.
Allt andvirði dósanna rennur í söfnunina.
Hjálpumst öll að, gefum eftir efnum og ástæð-
um. Þá náum við takmarkinu auðveldlega - eins og
að drekka vatn.
Hreint
vatn er varanleg h'"
HREINT VATN HANDA EÞÍÓPÍU
HJÁLPARSJÓÐUR RAUÐA KROSS ÍSLANDS